رواية الوعد الفصل الثالث 3 بقلم سلمى ابراهيم

رواية الوعد الفصل الثالث 3 بقلم سلمى ابراهيم

رواية الوعد البارت الثالث

رواية الوعد الجزء الثالث

رواية الوعد الحلقة الثالثة

عمر بسخريه..هو بجد جايه تقدمي هنا في الشركه لوظيفة الHR…..
مليكا باحباط شديد وخوف لانها محتاجه الشغل دا فعلا..خلاص..انا كنت عارفه..عن اذنك
عمر بزعيق..مهو العيب مش عليكي..العيب عالحما”ره اللي دخلتك ليا لحد هنا وهي عارفه انك مرفوضه…..
مليكا..هو نت بتتكلم كدا لي……
عمر رمي ورقها عالارض ادامها ومعاه كل احلامها..اتفضلي برا…حضرتك مرفوضه……..
بصت للورق كدا بدموع وخوف من المستقبل وانها هتعمل اي بعد كدا.. وطت جابت الورق …وبصتلو بدموع حاولت تخفيها
مليكا..متشكرة جدا……واخدت ورقها وخرجت من الشركه خالص ومقدرتش تمسك دموعها..جس هو بتانيب ضمير شويه..بس عدي الموضوع
راحت مليكا عند خالتها مروه…….فتحتلها شغف…
شغف..مليكا حبيبتي..طمنيني……
مليكا..روحي يا شيخه منك لله انتي اللي دعيتي عليا……..
شغف بضحكه..اي حصل بس….
مليكا..فعلا ربنا رزقني بارخم خلق الله……..
شغف..يووه…يعني متقبلتيش…….يلا مش مهم…..
مليكا..مش مهم ازاي بس….واختي شروق اللي ادك في ٣ ثانوي وكمان امي ونا كمان ومصاريف كليتي وعمي منو لله واكل ورثنا……
شغف طبطبت عليها بحب..معلش يا حبيبتي…يلا تعالي باتي معانا انهارده……
مليكا..منا هبات عندكو انهارده…فين المحشي اللي امك عاملاه……..

روح عمر البيت ودخل علي اوضته وكان بيفكر في مليكا بطريقه مش طبيعيه والنظره اللي بصتهالو…..قعد شويه خلص شويه ورق وسرح شويه في ذكرياته…في عليا البنت اللي كان بيحبها من صغره….وأهلها كانو اصلهم صعايده ولما عرفو انها بتكلمو قت”لوها..من ساعتها وهو رافض فكرة الارتباط خالص وسنو وصل 30 سنه وهو كدا مش عاوز يرتبط وقافل علي قلبو خالص……جه زياد خبط عليه…..
عمر..ادخل……
زياد..اي يا عمر..من ساعة ما جيت كدا ولا كلمتني ولا حاجه ونت عارف ان بكرا عندي يوم مهم
عمر..تعالي يا عم ارغي…..
زياد..يعم متوتر..بكرا انا هوصل لحلمي والعب في الاهلي أو هفضل مكاني كدا…..
عمر..انشف ياض شويه..انشاءالله هتبقي زي الفل….متقلقش……
زياد..هتكون معايا بكرا صح…..
عمر.. اكيد يا حبيبي……واتنهد……
زياد..مالك انت كمان……
عمر..مفيش…….بص كان في بنت كدا بتعمل عندي انترفيو..ونا اتعاملت معاها بطريقه زفت بصراحه..بعدها كدا حسيت ضميري وجعني

زياد بصلو بخبث..اي يعم..مانت طول عمرك بتهزقهم كلهم…….
عمر..محترم نفسك ياض….يلا قوم نام اجري……..
زياد..خلاص…..طب انت عاوز اي منها يعني……
عمر..مش عارف..نفسي اشوفها تاني ……يلا ياض قوم بقي
زياد..كدا كدا هقوم عشان انام بدري…….تصبح علي خير
عمر..ونت من اهلو يا حبيبي…..وبعدها نامو وعدي اليوم…
صحي زياد الصبح جهز نفسو واتصل علي شغف لأنها بالنسبه ليه أقرب حد ليه وبيتعاملو انهم اصحاب جدا..بس من ورا الكل….عمر ومليكا بس اللي عارفين
زياد..صباح الخير……
شغف بتوطي صوتها..صباح النور…عامل اي……
زياد بينهج.. اهو..بجري شويه قبل ما اروح التمرين…انا مستنيكي……
شغف..مش عارفه بصراحه….اخويا رخم كدا معايا
زياد..خلاص..بلاش تعرضي نفسك للخطر خالص..لو عرفتي تعالي……
شغف..حاضر…سلام….
زياد بابتسامه حب..سلام……وقفل وكمل جري……….
بعدها بكام ساعه راح زياد التمرين بيستعد للماتش المهم في حياته
صحي احمد الصبح ورايح يودي اخته الدرس….

احمد..يلا …عارفه لو روحتي هنا ولا هنا بعد الدرس…..
شغف..لا متقلقش….انا هدخل بقا…باي…ودخلت…استنت لحد ما هو مشي وخرجت وراه وراحت للاستاد عشان تشوف زياد……
راحت شغف وشافته..زيااد…..زيااد….
زياد..شغف..دنا قولت انك مش جايه…..
شغف..عيب عليك يبني..انا عمري افوتلك ماتش…….
زياد..حبيبة قلبي انتي والله…هففف انا قلقان شويه بصراحه…..
شغف..من اي بس..اجمد كدا خليك زي متبقاش زي الناس الخرعه……
زياد بضحكه..خرعه….جبتيها منين الكلمه دي……
شغف..م الشارع هيكون منين يعني…….
زياد..بس انتي جيتي ازاي…واخوكي…….
شغف..بصراحه زوغت من الدرس……
زياد..مينفعش يا شغف..امتحاناتك قربت……عملتي كل دا وعرضتي نفسك للخطر عشان اي
شغف بصتلو في عينه..عشانك……..فضلو باصين في عيون بعض شويه…
شغف فاقت..احم…ممكن اكلم بنت خالتي تيجي تتفرج اهي تفك شويه من اللي الزفت عملو فيها…..
زياد..زفت….زفت مين

شغف..كانت رايحه امبارح تعمل انترفيو في شركه واللي عملو معاها طلع بااارد وكلمها بطريقه بايخه خالص
زياد ربط ما بين اخوه وهي وضحك كدا..اممم
شغف..بتضحك علي اي..ضحكني ونبي…..
زياد..لا شويه وهتعرفي.. كلميها تيجي…….
شغف..انا كدا كدا قولتلها وزمانها جايه…….اي دا عمر اخوك جه اهو…….
عمر..اي عاملين اي……
زياد..الحمدلله….اي لسه جاي من الشغل…….
عمر..اه…..
زياد..اومال فين قريبتك دي يا شغف……..
شغف..اهي بترن….الو يبنتي…..اه هو ادخلي بقا…..هتلاقيتي فوشك….باي ……
زياد..وصلت خلاص؟
شغف..اه هي اللي هناك دي…….
بص وراه زياد وعمر واستغرب عمر من الصدفه الغريبه دي و……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية الوعد)