رواية المنبوذة الفصل السابع 7 بقلم جيجي

رواية المنبوذة الفصل السابع 7 بقلم جيجي

رواية المنبوذة الجزء السابع

رواية المنبوذة البارت السابع

رواية المنبوذة الحلقة السابعة

زياد:ادخلى يا ماهيتاب واقفه ليه…يا داهيه لتكونى مكسوفه..انا ابن عمك قبل ما اكون جوزك..
ماهيتاب:احمم مش مكسوفه..هاه هنعمل ايه…
زياد:!!!!هنعمل ايه فى ايه مش فاهم…..
ماهيتاب:صحصح معايا ….فى جوازنا…
زياد:احنا هنعقد مع بعض فتره شهرين ولا تلاته.. وبعدين نطلق ويا دار ما دخلك شر…
ماهيتاب:طيب هنعيش ازاى مع بعض..
زياد:عااادى ..اعتبرينى مش موجود اعملى اللِ عاوزاه.. …بس قدام الناس انتى مراتى…ومش هقولك انك لازم تحترمى انى جوزك وتسمعى كلامى المفروض انك عارفه دا لغايه لما تخلص فتره جوازنا وانتى حرة بعدها….
ماهيتاب:تمام وانت كمان ماتنساش انى مراتك قدام الناس ولازم تحافظ على كرامتى وانت فاهمنى مش كدا…دلوقتى بقاااا فين اوضى علشان هموووت وانااام
زياد:اول اوضه على اليمين….مش هتتعشى…
ماهيتاب:اتعشاااا ايه انت نسيت احنا اتعشينا فى الفرح…تصبح على خير
زياد دخل اوضته وهو حزين كان نفسه مريم تكون عروسته واليوم دا يكون اجمل يوم فى حياتهم…بس للقدر رأى تانى
ياترى الدنيا مخبيه ليه ايييه تانى
اما ماهيتاب …كان نفسها اليوم دا يبقى حقيقى …وان زياد يكون جوزها بصحيح مش تمثيل على ورق قدام الناس فهو فتى احلامها وحبيبها …وتذكرت اسوء كوابيسها يوم اغتصابها…هل ياترى لو كانت تركت الحفله فى وقت مبكر…ما كان تم اغتصابها…ولكن مهلا لولا حادثه اغتصابى ما كنتُ زوجت زياد الآن…

مريم:ازاى يا مامااا يحصل لاختى كل دا ومحدش يقولى للدرجادى انا نكره بالنسبالكم ولا انتوا كنتوا قاصدين تخبوا عليا…
سوسن:اولا وطى صوتك خالك ومراته وابنه برا…انتى نسيتى انهم هيقعدوا عندنا لغايه لما يسافروا تانى…ثم تعالى هنا ما انتى عملتى عمليه تجميل من غير ما تأخدى رأينا ولا حتى تبلغينا…
مريم:اولا انتى بتقارنى ايييه بايييه…اختى اغتصبت انتى فاهمه هى اتعرضت لايه ونفسيتها عامله ازاى …اما بقى موضوع عمليتى فادا جه لوحده انا ما كنتش مخططه ليه…كنت مع خالى وعائلته فى حفله وشافنى دكتور تجميل وعرض عليا العمليه وخالى وافق بس دا كل اللِ حصل
سوسن:موضوع اختك دا تنسيه وتقفليه من حياتنا هى خلاص اتجوزت وبقت فى عصمه راجل ….موضوع الاغتصاب دا اكنه لم يكن انتى فاهمه وحسك عينك خالك ولا ابنه يعرف بالموضوع دا
استنى استنى دا انا نسيييت ممكن اعرف ازاى اتخطبتى لكريم بدون علمى انا وابوكى ايييه مالناش قيمه خلاص ولا رأى…
مريم:بابا يعرف خالو اتصل بيه وهو وافق لما عرف انى موافقه وانا ما اعرفش انك متعرفيش …
سوسن:حتى ابوكى…خبى عليا مااااشى يا منصور
منصور:منورين مصر والله. مالك يا كريم انت مكسوف ولا ايه دا حتى عييب على عضلاتك ههههههههه
كريم:ههههه حتى انت يا عمى هتتريق على عضلاتى…مش كفايه عليا مريم…
مريم:مييين بيجيب فى سيرتى….
منصور :تعالى احضرينا يا مريومه ابن خالك شكله مكسوف…
مريم: مكسوف!!!! ولااااا يا كركر انت مكسوف ياااااتى
كريم:ما تتلمى يا مريم بدل ما اسكك على قفاكى…
مريم:ايوه كدا ارجع لاصلك قال مكسوف قااال دا البجاحه اسمها كريم…
كريم:عجبك كدا يا عمتى….اقوم دلوقتى اعلقلك بنتك فى المروحه..
سوسن:ههههههه يوووه جاتك ايييه يا كريم والنبى دمك شربات مكرر…
منصور:بقوول ايه يا جماعه الناس هنا ماتعرفش ان مريم اتخطبت فلازم نعمل حفله صغيرة كدا اشهار للخطوبه علشان ما حدش يتكلم لما يلاقوا الاولاد خارجين ولا داخلين سوا ولا انتوا مش معايا …
مرتضى:عندك حق والله يا جوز اختى …

عمر:بس ايييه الحلاوة دى يا مريومه انا لولا عمك كنت اتجوزتك ههههه
مريم:ما تكسفنيش يا عمووو….
عمر:تعالى يابت فى حضنى انتى وحشانى اوى هان عليكى تغيبى عنى كل الفتره دى يا آسيه
مريم:ايييه دا اوعى يا كريم ..عاوزه احضن عمى…
كريم:على جثتى…معلش يا اونكل انا معنديش حرييم تتحضن حتى لو كنت عمها…
عمر: دا انا محرم ليها يا عبيط…انا اخو ابوهااا
منصور:هههههههه خلاص يا عمر شكل كريم غيور اكتر من اللازم بس مش غريبه شخصيتك دى وانت متربي فى المانيا …
كريم: انا عربى ومسلم …وبابا مربينى على الدين والعادات والتقاليد…
مريم:تتصور يا بابا انا ساعات بحس انه من شبرا….هههههه
سوسن:اتفضلوا يا جماعه اوضتكم جاهزه انتوا اكيد تعبانين من السفر
مرتضى:عندك حق انا هنام على نفسي تصبحوا على خير يا جماعه يلااا يا لندا يا حبيبتى..
سوسن:اوضتك يا كريم جنب اوضه مريم اتفضل يا حبيبى استريح ونام جوا..
كريم :مش هتنامى يا مريم ولا اييه …
مريم:دا انا هموووت وانام تصبحوا على خير
عمر:استأذن انا بقاااا واطلع فوق .. والله ما عارف هنام ازاى واحدى من غير زياد
منصور:ودا تيجى انا هطلع انام معاك النهارده..
“صباح يوم جديد على ابطالنا”
سوسن:امسكى معايا الفطاير..اوعى تكونى نسيتى حاجه من فطار العرايس…
مريم:لا مانستش بس اييه دا كله دى وليمه…ثم احنا هنروحلهم دلوقتى مش لسه الوقت بدرى تلاقيهم لسه نايمين
سوسن:احنا الضهر هيناموا لحد امتى…نادى كريم يشيل معانا لحسن ايدى وجعتنى…
مريم:كريييييم كريييم
كريم:فى ايه على الصبح …بتنادى عليا من اخر الشارع دا انا فى الاوضه اللِ جانبك عاوزه ايه
مريم:اولا صباح الخير ثانيا تعالى شيل معانا الاكل دا بتاع العرايس هننزله تحت للعرسان
كريم:ااه انا نسيت ان العرسان ساكنين فى الشقه اللِ تحتينا…اوك هاخد شور على السريع وهاجى معاكم علشان اباركلهم ثوانى مش هتأخر..
مريم:مش المفروض انادى بابا وعمى يروحوا معانا
سوسن:مش دلوقت احنا كلنا هنروحلهم تانى باليل علشان نجبلهم العشا ونقطهم ونباركلهم…
كريم:شوفتوا خلصت بسرعه.. يلااا بينا هاتى اشيل عنكم…
ترن ترن ترن
زياد:ميييبن جاى على الصبح كدا…اوووف…مييين

سوسن:افتح يا زياااد يا بنى….
زياد:يا نهار اسود!!!!!!ثوانى يا طنط
يا مهيتاااب ماهيتاااب قومى اصحى اهلنا جم يباركلنا اخلصى انا هقوم افتحلهم وانتى ابقى حصلينى..
كريم:ايييه يا عريس كل دا علشان تفتح الباب انا ايديا وجعتنى خد منى ياخى….
زياد:ايييه دا كله انتوا هتأكلوا قبيله..
سوسن:لولولييييي الف مبروك يا بنى صباحيه مباركه يا حبيبى
زياد:الله يبارك فيكى
سوسن:اومال العروسه فين لسه نايمه..
ماهيتاب:لا انا صاحيه يا ماما وحشتينى والله…
مريم:الف مبروك يا حبيبتى ربنا يهنيكى…
ماهيتاب:الله يبارك فيكى يا مريم..
زياد عينه على مريم وبيتحسر انها مش مراته كان نفسه تكون جوه حضنه… بس كريم لاحظ دا وقام بسرعه حاوط بدراعه مريم وقالها عقبالنا يا حبيبتى لما نحصلهم ونتجوز…
مريم بكسوف: يارب يا حبيبى
زياد كان نفسه يولع فى كريم ويسحب مريم من ايديها ويقولها انتى بتاعتى انا وبس مفيش راجل غيرى هيملكك…
ماهيتاب:ثوانى يا جماعه اجبلكم عصير فريش تحفه
سوسن:هاجى معاكى اساعدك
فى المطبخ……
سوسن:هاه طمنينى حصل بينكم ايه امبارح…
ماهيتاب:ولا حاجه كل واحد نام فى اوضته…
سوسن:نننعم يا خيبتك…اتلحلحى قربى منه لازم تحببيه فيكى انا عاوزه الجوازه دى تدووم ليكى اوعى تخليه يسيبك او يطلقك انتى فاهمه…
ماهيتاب:يعنى اعمل ايييه بس…مش كفايه انه رضى بواحده زيي …معيوبه..

سوسن:ماتقوليش على نفسك كدا انتى دلوقتى مرات زياد يعنى ليكى حقوق عليه.. الجواز مش لعبه…
زياد: ازيك يا مريم ما عرفتش اتكلم معاكى كويس فى الفرح….انتى وحشتينى اوى
مريم:احمممم اكيد انت كمان وحشتنى
كريم:اممممم ما اجبلكم شجره واتنين لمون حد قالكم انى بقرون
مريم:فى اييه يا كريم …زياد ابن عمى ومتربين سوا
كريم:اسكتى انتى…بقولك ايه يا زياد خليك فى مراتك احسن ابعد عن مريم انت فاهمنى طبعا ولا اييييه
زياد:انت بتهددنى فى بيتى انا اتكلم مع مريم زى ما انا عاوز انا ابن عمها …
كريم:وانا فى حكم جوزها…وبقولك الكلام معاها بحدود….
سوسن:فى ايه يا ولاد صوتكم عالى ليييه هو انتوا اتحسدتوا ولا ايه…
كريم: ولا حاجه يا عمتى يلااا بينا نسيب العرسان لوحدهم يلاااا يا مريم…..الف مبروك تانى مره سلااام
اااه نسيت اقولك احنا عاملين حفله صغيره بمناسبه خطوبتى على مريومه بعد يومين….ياريت تحضروا انا عارف انكم فى الهانى مووون بس معلش بقاااا تتعوض ولا ايييه سلاااام يا عريس…
مريم:ممكن اعرف انت ازاى تكلمنى بالشكل دا قدام زياد …وليييه بتتكلم معاه بالشكل دا هو مقالش حاجه غلط دا جوز اختى….
كريم:تعاليييي معايااااا

مريم:استنى بس بتسحبنى على فييين…..السطوح…انت لحقت تتعرف على بيتناااا
كريم:اولا بلاااش استهبال …انتى مش شايفه هو كان بياكلك بعنيه ازاى …الراجل كان بيسبلك عينه وبيقولك وحشتينى المطلوب منى ايييه اسكت وارفع قرون.. لااا وكملت حضرتك يا هانم تردى وتقوليه وانت كمان وحشتنى …يا فرحت امممممك بيكى….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)