رواية لو تعرفين وش يعني قهر الرجآل ما ابتسم ثغرك لـغيري رجل الفصل الخامس 5 بقلم النور
رواية لو تعرفين وش يعني قهر الرجآل ما ابتسم ثغرك لـغيري رجل الفصل الخامس 5 بقلم النور
رواية لو تعرفين وش يعني قهر الرجآل ما ابتسم ثغرك لـغيري رجل البارت الخامس
رواية لو تعرفين وش يعني قهر الرجآل ما ابتسم ثغرك لـغيري رجل الجزء الخامس
رواية لو تعرفين وش يعني قهر الرجآل ما ابتسم ثغرك لـغيري رجل الحلقة الخامسة
دخلت البيت وانا اشوف سارة جالسة في الصالة تكلم وباين عليها متحمسة قربت من عندها شدتني سوالفها والصوت اللي معاها كانت معطيتني ظهرها و تبرد اظافيرها و حاطة جوالها سبيكر و تسولف
وهي تقول : نور انتي شكلك منتي بصاحية
نور بضحكة : الا صاحية
:الا اكيد منتي بصاحية
نور لازالت تضحك : ليه وش شايفه علي
:اجل فيه عروس ماتبي تفرح وتتقضى لنفسهاا ولزواجها
نور بصدق وهو تضحكك : ايه انا وبعدين لمن اتقضى ما احد يستاهل
سارة : وش اللي مايستاهل
نور : فيه غيرة
سارة :عاد تراه اخوي
نور وهي تمزح : بدينا بشغل الحماة
سارة : اسمعيني بلا كلام فاضي
نور: اقول طيري انتي وياه
سارة : طيريني انا بس ..لا تطيرينه هو
نور : اللي يسمعك يقول اخوك وش عاد
سارة : آآه تسبين اخوي قدام
نور : هههههههههههه اشغلتينا اخوي واخوي
سارة : انسي تتزوجين غيره ف قضي و وسعي خاطرك لانك هذا هو زواجك الوحيد لا تضيقين خلقك فيه
نور : وش يدريك انه بيصير زوجيي الوحيد
سارة : تستهبلين لا ترفعين ضغطي
نور بحالمية : يمكن ربي يكتب و اتزوج واحد طول بعرض و وسامه واخلاقة حلو ويحبني و اموت فيه و اعيش انا و ياه ب سعادة زي طيور الحب ..
سارة : وجع كل هذي ف اخوي بس انتي ركزي وتعرفين
نور : ايه امحق
سارة : جربتي
نور : موب لازم اجرب عارفه
سارة : جربي و شوفي
نور بكذب تبي ترفع ضغط سارة : موب لازم اجرب انا عايشة مع واحد في بالي ..شخصية انا سويتها ..اعيش معاه طول الوقت
سارة ب استفزاز : وش اسمه طيب
نور : ماحطيت له للحين
سارة : هيه خلاص انطمي تراه اخوي …ما ارضى تعيشين مع واحد غيره
نور باستهبال : حبيبتي هذا واحد في خيالي انا سويته ماله دخل بالواقع اذا تعبت رحت افكر فيه واعيش معه
سارة : لا انجنيتي رسمي ..انقلعي يالله اذا راح من بالك هذا الوصخ اللي بالك كلميني
نور : هههههههههه تعالي تعالي امزح عليك
لفت وراها : حركـ…………. وهي تشوف سيف عضت شفايفها وهي تشوف شكله
كان واقف ورا ساره يسمع كلامهم و عيونه حمراء من كلامها و و عروق وجهه ويدينه وضحت من العصبية ..او يمكن غيرة ..عليها ..نور …وجهه مبين عليه العصبية القوية لف وهو يتجهه لغرفته
سارة بقهر : يا كلبة سيف شكله سمع كل كلامنا والله وجهه وجهه واحد معصب
نور اللي انبسطت : امانه
سارة : فرحانه يعني
نور : لا عادي
سارة : سكري يا نذله تورطت مع سيف
سكرت وهي فرحانه انها قهرته شوي ..احسن خله يحس على دممه يمكن يفهم
اتجهه لغرفته وخطواته واسعه دليل على عصبيته سكر باب غرفته وهو يطلع جواله و يتصل عليها
سكرت في وجهه …
رجع دق ثاني مره …
ردت : نعم ..وش تبغى فيني متصل
قال وهو يتصنع الهدوء : حركات المراهقين اللي تسوينها ما تمشي علي ..انتبهي لنفسك مني ..ترا انا موب سيف اللي على خبرك ..
نور تسوي نفسها ماتفهم : ليه وش صاير
قال وصوته يرتفع : انتي تعرفين وش صاير
نور بصدق : ما اعرف والله
قال : لا تحلفين
نور تقهره : اييه ..لايكون عشان كلامي مع سارة عن مواصفات حبيبي الخيالي
صدمته جراءتها كيف تجرأت تقول في وجهه هالكلام : والله العظيم ورب العزة والجلال يا نور ..ان استمريتي على الحركات ..اني لاسوي لك شي ..صدق يعلمك من هو سيف الجديد
نور وهي تحاول تستفزة : ههههههه صدق مجنون ..اسمعني للاسف انت واقعي الخايس ..يعني استغفرالله انا راضيه بواقع خايس بس بعد بخيال خايس سورري نو ويي
سيف بهدوء : لا تحسبينني سطحي لهدرجة اغار من خيال
نور : تغار ..أساسا ابدا ما اشيل هم انك تغار انت لك حياتك واقعك ..و خيالك ..وانا لي واقعي وخيالي ..ما احد له دخل في احد
سيف بتهديد :ا انا لي واقعك ولي خيالك ولي قلبك ولي كلك وان فكرتي مجرد تفكير في يوم من الايام تعطين احد جزء منك بدون اذني .. وقتها لا تسألينني ليش تسوي كذا
نور بكذب تقهره فيه : انت للحين تحسبني نور اللي من اربع سنين كانت حليوه وتطيعك في كل شي ..ولا تحسب ان قلبي من يوم رحت انت خالي ..لا للأسف بقولها في وجهك قلبي ماكان خالي
قهرته ..يمكن خلت دمة يغلي في شريانه ..او يمكن خلته من غيرته ناره تحرقه قال بقهر واضح : تدرين وش يدل هالشي يدل على انك حقيرة ..متزوجة وقلبك ماهوب خالي ..اقل شي ينقال فيك حقيرة …كلها كم يوم يا نور
سكرفي وجهها و يدينه ترجف من عصبيته ..كلامها كبير ..وقوي …خلها تتحمل نتايج كلامها ..تعرف ان موب كل شي يمشي على كيفها ..طلع حبته واكل وحده يسيطر على الرجفة اللي تملكته مع العصبيه جلس وهو يفتح ياقة ثوبه استرخ وهو يفكر فيها ويدينه على راسه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
سكر مني كنت اناظر الجوال بصدمة من كلامه ..حقيرة …يقول لي حقيرة .. انا حقيرة ..عورتني كلمتة …كان الكلام يدور في بالي .. شلون اقول له كذا ..شلون ابين نفسي كذا قدامة …ما ابغى ارجع له ..ما ابغى اربط مصيري فيه ..ماراح ارجع له ..بس ناصر
سرحت بكلام سيف وتذكرت كلامه عن ناصر ، كيف اعرف انه صادق ولا يكذب علي ، يستغلني ، شلون اعرف الصدق من الكذب ، راسي بينفجر من التفكير في موضوع ناصر ، شلون اضعف في لحظه و اوافق على تهديد ما ادري صحته من كذبه ، فركت يديني بقوة بقهر ب ذل ، وش مسوي ناصر ، وش اللي خلا سيف يهددني فيه
وقفت وانا اتجهه للدرج مستحيل اتنازل عن حقي اني اعرف الحقيقة رقيت بسرعه وقفت عند باب غرفة ناصر فتحت الباب كان جالس على سريرة بالجوال
وقفت قدامه وانا احاول اتمالك نفسي قلت بهدوء : انت مسوي شي خايف منه
رفع راسه وهو يقول : بسم الله متى دخلتي هنا ؟
نور عدت سؤالي وانا متشتته : جاوبني انت مسوي شي خايف منه ؟
وقف وهو يقول : وش فيك نور وش هالكلام اللي تقولينه مافيه شي من هالكلام
قلت ودموعي بدت تتجمع في عيوني وصوتي بدا يتقطع : ليه .. طيب ليه سيف يهددني فيك
ناظر في عيوني بصدمة وكأنه ارتبك : وش قاللك ؟
نور لو اتكلم بكلمة وحده انهرت: :
عيونه تناظرني بصدمه : نور … انا ماكنت ابي اصير الشـ… وش قالك سيف
جلست على السرير وحطيت يديني على وجهي : هددني فيك .. كسرني فيك … وش مسوي انت … وش دخلني انا .. ما ابغاه .. وش دخلني
قرب مني وبصوت متأثر وكأنه حاس بالذنب على شي ما اعرفه انا : نور ، يا عمر اخوك انتي ، ماتبينه خلاص منتي متزوجته لو وش ماصار
حط يدينه على راسه وهو يقول ب تأثر : سامحيني ..
لفيت عليه وانا اقول : اسامحك على وش ، وش مسوي انت
ناصر لف عليها وهو يقول ب انفعال : والله ما اخليه ، وصل انه يهددك فيني ، والله العظيم ما اتركه
طلع ناصر وانا اناظر بصدمه ، اكيد كلام سيف صدق ، انفعال ناصر مرعب
نزلت دموعي من جديد وانا متأكده ان ناصر وراه اشياء مخيفة ، اشياء مرعبه
————
طلعت من البيت وانا ثاير من داخلي ..كل شي فيني ثاير منها ..دخلت الشركة وخطواتي سريعة بألهي عمري في أي شي عشان ما اهد كل شي
جلس على مكتبه وهو يتابع اخر التطورات في الشركة
رفعت عيني على صوت الباب اللي ينفتح بقوة وناصر خلفة
دخل علي و وجهه احمر قال بصراخ : تهدد نور فيني … تهددها بتفضحني …. انت ما تستحي على وجهك
وقفت وتوجهت له وانا اقول ببرود : داخل علي ثاير اهجد
دفني بكل قوته ناصر وهو يقول : لا تمسكني مع يديني اللي تعورني
مسكته مع ياقته و ثبته على الجدار وانا اقول : تحمل نتايج اغلاطك ..ولا ترفع صوتك في مكتبي
ناصر ناظر فيني ب ارتباك وكأنه تغير من حاله اللي هو عليه : اللي راح راح
رفعت حاجبي وانا مثبته على الجدار قلت : طيشك اللي حولك ماهم ملزومين يشيلونه ، بس انا شلته عنك وانت ماتدري
ناصر بخوف : وش اللي تدري عنه
سيف بصوت عالي : شلت عنك قضية المخدرات ، شلت عندك قضية موت مها ، شلت عنك قضية المتاجرة في الهروين قال بصراخ هذا يكفيك ولا ازيدك
ناظر فيني بصدمة وهو يقول : كيـ ..ف تدري
ضحكت بقهر وانا اقول : شلون طلعت من الموضوع انت ، شلون رجعت ل ديرتك شلون بقيت وسط عايلتك ، لازم يكون فيه احد يشيل عنك ، لازم يصير في احد ينظف وراك ، انتبه لنفسك اللي فات ما مات صدقني ، واقدر ارجع افتح كل شي للعلن بس انا مانيب نذل يا ناصر ، لو ان مالك مكان عندي ما شلت عنك اشياء كسرت ظهري و قلبت حياتي
ناظر فيني وعيونه مليانه دموع : والله ما ذبحتها ، والله العظيم ما ذبحتها
ناظر في الفراغ اللي قدامه وهو يقول : كل شي بيبان مع الايام ويوضح رجع نظره على ناصر وهو يقرب منه ويقول : لا تفكر انك تبعد نور عني ، ولا اقسم بالله لا ابعد الكل عنك تفهم ولا لا
———————
دخلت البيت وانا ضايع خل الطيش يفيدك يا ناصر ، خل الاهمال يفيدك ، خل المخدرات تفيدك يا ناصر ، خل الدنيا تفيدك
كنت ادور عليها رقيت لحد غرفتها وشكلي متبهذل و عيوني مليانه دموع
فتحت الباب لقيتها جالسه على سريرها و حاطه راسهاا بين رجولها
ناظرت فيني بخوف وهي تقول : ناصر وش فيك
قربت منها جلست عندها وانا اقول : سامحيني ، ماكنت ابيه يهددك فيني يا نور ، سامحيني نزلت راسي على رجولها وانا اقول : والله انا احاول اتغير ، والله العظيم ، سامحيني تكفين ، سامحيني
حطيت يدي على راسه بعد ماتأكدت ان كلام سيف حقيقي ماكنت حابة اسأله ولا استفسر وش صاير ..بس اللي تأكدت منه من شكل ناصر ان فيه شي كبير ورا شكل ناصر ، ماكنت ابي اقول شي ، ولا اعلق على اي شي
ــــــــــــــــــــــــــــــــــــــــــــــــــ ـــــــــــــــــــــ
قمت من النوم وانا اشوف الساعه اربع ونص الفجر صليت وراجعت اخر اختبار لي في الثانوية وانا ادعي ان ربي ييسر لي
روعتني فتحت باب غرفتي كانت فايزة لفت عليها وانا اناظرها بخوف وهي واقف وتقول : وش تسوين تذاكرين
سماء : بسم الله الرحمن الرحيم ..روعتيني
فايزة : بسم الله عليك
سماء وكأنها فهمت فايزة ليش جايه وقفت وهي تقول : فايزة ..وش بتسوين
فايزة وهي تطلع المفتاح : اخر اختبار لك ..امم لا مافيه اختبار
ناظرت في فايزة بصدمة : فايزة لا تسوين كذا ..الله يخليك ..خليني اروح اختباري ..
فايزة وهي تسكر الباب : انسي تروحين اختبارك ..او توطوطين عند المدرسة اخر شي قالته فايزة وسكرت الباب علطول صدمتني حركتها ..متعوده انها تسوي فيني كذا ..لكن ماكنت اتوقعها بالنذاله والنجاسة جلست عند الباب و انا ما اقدر اصيح حسيت خلصت دموعي ..جلست حاطه يدي على خد و انا اناظر الساعه كانت سبع
اخذت نفس عميق وانا ابتسم على حظي ..الحمدلله الحمدلله
تحت
رفعت السماعه وهي تقول : هلا والله حنان
حنان : هلا فايزة …اليوم بنروح للتحاليل نحلل ..هاه مستعده ..سما
فايزة : اييه اييه ..مستعده حتى اني ما خليتها تروح اختبارها عشان التحليل
حنان بصدمة : ليه يا فايزة خليها تروح
فايزة بعدم اهتمام : موب لازم هماها بتعرس
وقفت حنان وهي تقول بكذب : الموعد عقب نص ساعه ..
فايزة : دقيقه ..دقيقة ماعندنا احد يوديها
ابتسمت حنان هذا اللي تبي توصل له قالت : خلاص انا بمرها اخذها
فايزة : يالله اجل انتظركم
سكرت من فايزة وفي عيونها الدمعه دخل عليها وليد وهو يقول : متى موعد التحليل
حنان تمسح دمعتها : 10 ونص
ولد عقد حاجبه : وش فيك
حنان : فايزة مرت عم خطيبتك ..منعتها من انها تروح اختبارها الاخير ..في الثانوية ..هذي ثلاث مدري رابع مره تسويها فيها
وليد ناظر فيها : طيب انتي وش دخلك تبكين
حنان : رحمتها ..
وليد بعدم اهتمام : طيب انا بطلع الآن وبعدها برجع الساعه عشر
حنان وقفته : وليد لا تطلع تعال ودني
وليد : وين
حنان : خلنا نروح وانا اقول لك
وليد يناظر ساعته : يالله احتريك في السيارة
ركبت السيارة وانا فيني حرقة على سماء … دموعي تنزل ماني قادرة اوقف
وليد : وين بنروح
حنان : بيت خطيبتك
وليد لف عليها ب استغراب : ليه
حنان : بوديها اختبارها
وليد ناظر حنان : وش عليك منها خليها هي واهلها بكيفهم
حنان لفت عليه : وليد هذي بتصير مرتك ..لا تصير قاسي
وليد :………
لف عليها : وين بيتهم
حنان عطته الجوال يقرى العنوان
وقف عند بيتهم وهو يشوف من برا ماعليه ..مرتب ..وشكله حلو
نزلت حنان ودخلت عنده جلست انتظرها وانا مستغرب حركات حنان .. مع هالبنت خطيبتي حتى اسمها ما اعرفه
في الدور العلوي
جالسة على السرير وانا متبلده حتى بكا ما بكيت نفس كل مره فايزة تحرمني من اخر اختبار لي
تبلدت كلينا ..ما عاد تحملت انسدحت على سريري وقررت اضرب بالعالم كلهم ف الجدار ولا احد يهمني
فتحت فايزة الباب وهي تقول : يالله ..موعد التحاليل انزلي اخلصي لا تتأخرين على المره
وقفت واخذت عباتي وانا في حالة تبلد ..موب لازم اكتئب نفس كل مره كافيني اكتئاب اخذت نفس ونزلت وانا اشوف حنان جالسه قربت وسلمت عليها
رجعت على ورا وانا اقول لفايزة : روحي معي
فايزة : موب لازم معك حنان
حنان قربت من عندي وهي تقول : انا موجوده حبيبتي ..يالله نطلع قبل نتأخر
طلعت وانا موب مستوعبه شي
ركبت السيارة وعيوني على الارض قالت حنان : وين مدرستك
ماكنت اسمع شي متبلده تماما
حنان : ســماء …سماء ..سماء
ماشفتها ولا رفعت عيني فيها ..ما ادري ليه ..اعتبرتها ماهي موجوده بس شدني اسمها..اسمها سماء …حلو اسمها شدني اسمها ومن كثر ماشدني رفعت عيني ف المراية وانا اناظرها تناظر قدامة بضياع وحنان تناديها
ردت وهي تقول : اسفه
حنان : ولا يهمك ..مدرستك وين
رفعت عيني وكأني تعلقت في قليل من الامل وانا اقول : ليه ..وش بين فيها
حنان تناظر ساعتها : اختبارك باقي عليه ساعه ..لازم تختبرين
ناظرت فيها بصدمة من الفرح وانا اقول : مشكورة ..مشكورة ..صدق مشكوره
بعدها استوعبت وقلت : انتي ليش راكبه قدام رفعت عيني للي راكب قدام كان يناظرني من وقت وانا ماني حاسه سمعت حنان وهي تقول
: هذا بحسبة ولدي
هزيت راسي وناظرت الارض وانا اقول لها لطريق المدرسة
وقف عند المدرسة نزلت بسرعه حتى من دون ما اشكرهم اول اسألهم بينتظروني يروحون
كانت عيون حنان تتابعه لحد ما دخلت المدرسة
حنان براحة : الحمدلله
وليد : كم عمرها
لفت عليه : واحد وعشرين بعد خمس شهور بتدخل اثنين وعشرين
وليد هز راسه : فارق عمر بيني وبينها
حنان : 13 سنه
سكت وانا اناظر فرراغ افكر في حياتي مع طفله كيف بتصير ..اخذت نفس وانا اقول لحنان : نروح ولا ننتظرها
حنان : دقايق بنزل اطلعها امداها تخلص الحين .
وليد : مايطلعونها لين ينتهي الزمن
حنان ببتسامه : ما عليك عندي واسطات
نزلت حنان وكلها كم دقيقة رجعت ومعاها سماء اللي كان الفرح باين من عيونها
دخلت السيارة وانا مني مستوعبه اللي حولي قلت بفرح واضحة انتظرتها من سنين كثيرة : يسس خلصت الثانوي
حنان تبتسم : مبروك حبيبتي
استوعبت على روحي استحيت حسيت بحياء كيف ما استوعبت ان فيه رجال غريب رجعت على ورا وانا اسمع حنان تقول
: النتايج تطلع الساعه 11 اليوم وحنا راجعين مرينا اخذناها
هزيت راسي وانا مستغربه من معاملة حنان لي ..بالامانه حبيتها حسيتها انسانه طيبة ..و ارتحت لها ..بس اللي معاها ما ارتحت له ابدا شكله موب طايقني ..بعد متزوجه ابوه شلون تبينه يناظر في وجهك …ضحكت وانا اتخيل شكل هالعمارة يناديني عمتي ..ههههههههههههه شكله بيصير نكته بس شكلي بخليه يناديني سماء ..صراحة بأستحقر عمري ..اخليه يناديني عمتي ..هههههههههه ضحكت على افكاري وعلى الروقان اللي احس فيه ..عاد للأسف انا اذا روقت شوي افسق ..يعني اصير مجنونه ..ماحسيت الا وحنا موقفين عن المستشفى
دخلت انا وحنان و ولد زوجي ما دخل من محل ثاني
جلست على كراسي الانتظار وانا اقول لحنان : حنان هذا ولد خطيبي الكبير صح
انصدمت حنان من سؤالها بس قالت وهي تمشي الموضوع خوفا من ان فايزة تدري و تفركش كل الموضوع : ايه هذا هو
سماء : ههههههههه تخيلت شكله يناديني يمه او عمتي
حنان تخيلت شكل وليد و ضحكت : ههههههههههه
سماء لفت على حنان صوتها انقلب للجد : مشكورة حنان ..انا لولا الله ثم لولاك كان مدري وش بيصير فيني ..
حنان : ولا يهمك يا عمري من اليوم و طالع بتلقينني في وجهك دايم ..في كل مكان
ناظرت فيها بعمق : كأني شايفتك من قبل
حنان بلعثمه : لا ..ابدا وين شفتيني ..
ابتسمت وانا اقول بشوية تأثر : يمكن ربطت صورتك بوحده ثانيه .. بس ماشاءلله حنان شكلك تمام اصغر من انك تكونين جده
حنان ب استغراب : جده وش
سما : انتي موب زوجة ابو خطيبي
حنان : ايه ..
سما ب استغراب : يعتبر حفيدك اللي قبل شوي
حنان ابتسمت : ايه توني فهمت عليك , يا طويلة العمر انا تزوجت بدري ..بدري مره .. لو اقولك يمكن تنصدمين …وقتها زوجي كان جايب ولده الاول و زوجته توفت وكان ولدة الكبير عندة ولد ..
سما ابتسمت : قبل كانوا يزوجون وهم صغار ..امي الله يرحمها متزوجه وعمرها 14 سنة
حنان بهدوء :…….موعدنا جا ……..
دخلت وانا اناظر المحل لفيت على حنان وقلت بخجل : حنان …امم ..ممكن تحطين يدك على عيني …امم صراحة ما احب الابر ..يمكن يصير فيني شي منها
قربت حنان و كأنها فرصه لها لتقترب منها : ان شاءلله ان شاءلله
رفت كم عبايتها وهي تكلم النيرس : بليز شوي شوي علي ..ما احب الابر ..خليني اغمض عيوني بعدين عطيني الابرة
حنان وهي تغمض عيونها : يالله مافي شي دقايق وحنا خالصين
سماء : آآه ..آآآه
النيسر ب استغراب : ما ددخلتش الابرة
سماء لفت : آآ..أسفه ..
خلصت ودخلت احتري حنان و خطيبتي سمعتها وهي تتكلم عن الابره ابتسمت بسخرية ..بيزوجونني بزر ..تخاف من الابر ..نزلت عيوني على الارض وانا افكر كيف بتصير ام ل سالم
غمضت عيونها وهي عالق في بالها كلام كل ما تعرضت لموقف يؤلم صوت ماتدري من صوته معلق في باطن مخها يقول لها : كل ماتذكرتي موقف يعورك ..يوجعك ..تذكريني ..تذكري صوتي ..احساسي لك ..لا تنسين صوتي ..خليه دايم في بالك ..ولا تنسين في يوم انك في قلبي قبل عقلي كان احساس غريب خصوصا ان حنان ضامتها ما ادري ليش احساسي هالمره غير عن كل مره
وخرت حنان يدها وانا اقول : خلصت
حنان : من اليوم ..بس انك سرحانه
وقفت وانا انزل يدي واشوف الساعه كانت 12
ناظرت حنان وهي تقول لي : يالله خلينا نطلع ونشوف نتايجك بالمره
طلعت مع حنان وانا الاحساس لازال متعلق فيني ..مستحيل انساه لو وش ماصار فيني
حنان لفت علي : انزلي تحت انا بشوف موعد النتايج متى تطلع واجي ..تعرفين البوابه ..
هزيت راسي نزلت مع الدرج وانا افكر ب الاحساس اللي اعتقني وقتها
…………: من هنا ..تعالي من هنا
رفعت راسي وانا اناظر ولد زوجي …هههههههه يا حليله
قربت منه وانا اناظره والله فجأه حسيت ب احساس الامومه اتجاهه ضحكت على نفسي و عليه وانا اشوفه كيف يناظرني مستغرب من حركاتي
قال: انتي ..انتي …تعالي من هنا ..لا تحوسين في المستشفى تعالي
لفيت وانا اناظره ولد قليل الادب قلت له وانا متجرأه عليه ..حسيت اني أمه احساس غبي مره : عيب تكلمني كذا وانا بصير في مكان امك ..
ناظرت فيها ورفعت عيوني صدمتني بكلامها الغبي وش اللي امك
شفتها تناظرني وترفع عيونها و حواجبها من تحت النقاب بطريقة كأنها صيغة امر
سما ناظرت فيه وانا احاول احط لي مكان شوي وهيبة رفعت عيوني وفيه وحواجبي وانا اقول له : لازم تحترمني ..انا بصير في مكان امك ..صدق اني صغيرة ..بس حتى ولو انا بصير مرت ابوك يعني امك ..يعني مايصير تقول لي انتي ..قل لي يا عمتي او يا سما ..ماعندك مشكله لو تقول يمه عادي ..شف ادري ان الوضع صعب عليك يعني انت كبير و ابوك متزوج وحده صغيره يعني يمكن انت يكون عندك بنت كبري ..اعرف انه وضع قاسي شوي ..بس عادي ..حاول تتأقلم معه
ناظرت بقوة وعيوني شوي وتطلع من كلامها وش فيها ذي ..وش سالفة مرت ابوك …عمتي وش فيها من لاعب عليها جيت بتكلم بس ناظرت في حنان اللي توها نازله ومتجهه لنا وهي تسأل
حنان : وش فيكم
سما ب ابتسامه وهي تضحك : ولا شي كنت اقول ل ولد زوجي كيف يتعامل معي
ضحكت حنان بشكل غريب صمت صوت ضحكها وهي تقول : ايه …لا تخافين انا بعلمه كيف يحترمك
سما و كأني اكلم طفل ماهو رجال طول بعرض : لا شكله محترم وبيحترم زوجة ابوه اللي هي في مقام امه ..
رجعت حنان تضحك بشكل شبه هستيري و ولدي اللي هو ولد زوجي جالس على الكرسي شكله معصب او مطنقر شكله من كلامي بس لازم افهمه كيف يحترمني , و احط لي هيبة من البداية
شفت حنان وهي متجهه له وتقول له كلام بصوت واطي
قرب مني وهو يقول : يالله يا مرت ابوي خلينا نروح مدرستك نشوف النتايج
ما ادري كيف جتني الجرأه قدامهم وقلت : يالله يا ولدي مشينا
طلعنا وحنان كل شوي تضحك و انا مستغربة الصراحة منها و من ولدي
وقفنا عند المدرسة ونزلت حنان تجيب نتايجي بعد ما رفضت انزل ..
جلست اتمتم وادعي ان ربي ييسر لي اموري ككلها و اجيب اللي ابغى سمعت صوت ولدي وهو يقول : لا تخافين مرت ابوي ان شاءلله بتجيبين شي يفرح
قلتها بدون استيعاب: الله يسمع منك يا ولدي قل امين
اتوقع قلتها وانا في اللاوعي اكيد ..لان مستحيل وحده عاقلة عقلها في راسها بتقول لواحد وش كبره ولدي ..بس مشكلة الانسان انه اذا دخل الكلام في راسه واقتنع فيه خلاص مستحيل يطلع من راسه
فجأة ضحكت بصوت عالي ما ادري هل هو معقول غباء البنت كيف اصير ولد زوجها ما ادري شلون ضحكت حبيتا اني استغفلتها
ناظرت فيني وهي تقول : شكلك مستهين في مرت ابوك تراني لولا الخايسة اللي اسمها فايزة كان انا متخرجة من الجامعه بس يالله الحمدلله
ناظرت فيها بالمرايه كانت لامه يدينها وتدعي بصدق فجأه قلت وانا صادق بدعوتي : الله يوفقك
جت حنان وركبت السيارة وهي تقول : كم تتوقعين
قلت بسرعه : لا تقولين لا تقولين موب لازم
لفيت راسي وهذي اول مره اسويها في حياتي مع بنت حتى شهد ماقد سويت معاها هالحركات و استمراري بالاستهبال : مرت ابوي ..أقصد يمه ..تبينني اشوف كم جبتي
ناظرتني : اخاف انها موب زينه
ناظرني : لا تخافين يمه وجهي بيصير خير عليك
حنان عطتني النتيجه
ناظرت فيها وانا اضحك : والله يمه طلعتي دافوره
سما بخوف : قل ماشاءلله لا تنظلني وراي دراسة جامعه ..كم ..بس لحظة اصبر لين اقول لك قل
اخذت نفس وانا اقول : كم
قال : ماشاءلله تبارك الله 100
قلت بفرح : كذاب
قال : والله اني صادق
قلت وانا من الفرح موب مستوعبه : وجهك خير يا ولدي وجهك خير
اخذت الشهادة منها وانا اظمها و ابوسها بشكل يضحك ناظرت فيها وكأني اكلمها صدق ماحسيت : ما بغيتي تجينني و تنطبعين ..الحمدلله جيتي ..والله فايزة بتموت اذاا شافتك بس ماراح اقول لها عنك
وليد انبسطت بالاستهبال معها وكملت : يمه من تكلمين
سما ناظرت فيه واستوعبت اللي سوته قالت بخجل : لا تحسب اني مجنونه بس ما بغت تجي ..ألحمدلله
سكت وانا اناظرها بشفقه ..ما ادري ليه ..فجأة تحول الاستهبال ل شفقه حسيت انها مسكينه
وقفت عند باب بيتها قالت : مشكورة حنان الله يعطيك العافية تعبتك معي ..وانت مشكور
وليد لف عليها : انا
هزيت راسي
وليد : قولي مشكور يا ولدي تعودت عليها بدري والله
ابتسمت وانا اقول : مشكور يا وليدي
وليد : العفو
نزلت من السيارة وانا مبسوطه مبسوطة اول مره ادخل هالبيت وانا مبسوطة بشكل كبير
خبيت ملفي تحت عبايتي ودخلت البيت لقيت فايزة بوجهي تقول : تأخرتي
قلت بتلعثم : زحمة
فايزة : آآه …شفتي زوجك
سماء بصدق : لا ماششفته
فايزة : طيب ادخلي سوي لنا الغدا تأخرتي اليوم
دخلت البيت وانا اشوف في تقول : يمه معها واحد في السيارة مززز منهو
لفت علي فايزة وهي تقول : من اللي معك
قلت بحزن تملكني وحسرة : ولد زوجي
ضي : امانه ..اذا تزوجتي زوجك زوجيني اياه عاد
هزيت راسي وتوجهت للمطبخ وانا اتذكره يا حليله والله شكله حليو
ــــــــــــــــــــــــــــــــــــــــــــــــــ ــــــ
الساعة 4 العصر
جالس في بيت ام محمد في المجلس الخارجي وهو يتوعد في نور دخلت عليه ام محمد سلمت وجلست
ناظرت فيها وانا اقول : شلونك يا عمتي
ام محمد : بخير الحمدلله ..انت شلونك ان شاءلله انك بخير
سيف : الحمدلله بخير ..صراحة يا عمتي انا جيت اليوم ابغى اعجل بالعرس ..لاني جتني سفرة برا الرياض و باخذ معي نور
ام محمد ناظرت فيه : طيب خل العرس عقب ما ترجع
سيف ناظر فيها : بطول هناك شوي ..انتي تعرفين اشغالي كلها هناك ..ما يمديني
ام محمد : يعني وش يا سيف بنتي بتطول علي
سيف : ماهيب مطولة ان شاءلله كلها شهرين و نرجع
ام محمد : ما اقوى على فراق بنتي يا سيف
سيف بجدية : هي مرتي يا عمتي في النهاية ..يعني رجلها على رجلي .. انا عارف احساسك وحاس فيك لكن لك مني ما اطول ..واحاول اخلص اشغالي وارجع
ام محمد بهدوء : براحتك يا ولدي . بس اسال نور بالاول
سيف بجمود : ..ما يحتاج بتسافر معي ..ان شاءلله
ام محمد :بناديها وتفاهم معها
وقفت ام محمد تنادي بنتها
دخلت نور وهي تناظر محمد كانت لابسه عباية و نقاب
جلست جمب امها وهي تقول : وش فيه
قال بصوت عالي : السلام لله
رفع عينها وهي تقول : السلام
قال وهو يناظرها بسخرية من وضعها : وعليكم السلام
نور : وش فيه
لفت ام محمد عليها وهي تقول : سيف جاي يبي يعجل بالعرس ..بيسافر له شهرين و يبغى العرس قبل سفره
ناظرت فيه : خلاص العرس عقب رجعتك ..ولا تخاف ماترجع
كانت تنغز عليه
ناظر فيها وهو يقول بشكل مخيف : ما اخاف الا من الله ..عرسنا ان شاءلله قبل سفرتي و سفرتي بعد اسبوعين يعني العرس بعد اسبوعين ..واللي تبين سويت لكك ..ناظر فيها وهو يقول ..تبين عرس كبير سويت لك تبين عرس صغير سويت لك تبين الجنة في الدنيا جبت لك ناظر فيها وركز عيونها عليها بمعنى وافقي ولا ناصر بيروح
ناظرت فيه وهي تقول : ما ابغى عرس .. يكفي اللي راح اخذت نفس وهي تقول ..خله عائلي .. ولا لاتسوي شي .لفت على امها وهي تقول ..موافقه
ابتسم وهو يناظرها : حلو الخميس موب هذا اللي عقبه
ناظرت فيه بقرف
و وقفت وهي تقول :انا بطلع
ناظر فيها من فوقها لتحتها بتفح وهو يقول : فمان الله
كشيت من نظرته سرحت ..ما ادري ليه حسيتا ني رخيصه فجأه ..سيف يحسس الواحد اذا بغا ب أي احساس ف الدنيا ممكن يخليك طايرة في السما وممكن يخليك صاقعه في اخر ارض
لفيت ب اطلع شفت المجلس فاضي امي طلعت مافيه الا انا وهو
وقف وهو يناظرني ويقرب مني : اختليت فيك
ناظرت فيه وبحركة جريئة مني فكيت نقابي ..ابي ابين له اني ماني خايفه منه
شفت نظرته لي ..نظرت سيف الاولية ..هذي هي ما ادري ليش دق قلبي من نظرته هذي ..حسيت ان فعلا سيف الاول
قرب مني وهو يقول : المكياج هذاك اليوم ظالمك ..بدون مكياج انتي اجمل
ناظرت فيه : ما طلبت رايك
قرب مني و ناظر فيني بكل قوة وقال : الحين اقدر اسوي أي شي يخطر على بالك ..
ناظرته و كاأن الخوف تملكني فجأه قلت : ما تقدر ..شفت في عيونك نظرت سيف الاول
ناظرني وهو يقول : وكذا
ابتسمت وانا في عالم ثاني: للحين موجوده
بعد شوي وهو يناظرني ما ادري ليش حسيت كأني جالسه مع سيف القديم ..سيفي اللي كل نظراته حنونه
رجع على ورا جلس وهو يرد على جواله اللي يدق
سيف : نعم …..خلاص نتكلم بعدين ..هدى تفهمين انتي ولا لا …خلاص
سكر جواله ودخله في جيبه وهو يناظرني و كأنه عرف وش ابغى اسال سكت وهو يناظرني
ناظرت فيه و بدون وعي مني : منى هدى
وقف وهو يناظرني وقف قدامي وناظرني نظره عجزت افهمها طلع وتركني مصدومه من نظرته الغريبة لي
بعدها استوعبت وش سويت
كيف سألته عن هدى كيف عطيته امل في انه ممكن يهرني ..او حتى اغار عليه انقهرت من نفسي قهر ..كيف صرت ضعيفه لهدرجة
ضربت فمي لحد ماصب دم من القهر ..غمضت عيوني واحس بحراره من القهر
حسيت بشي على فمي تحت عيوني كان منديل و سيف واقف قدامي
قال : ما يحتاج تضربين نفسك ..كم مره اقول لك خلي انتقامك عكسي ..ببدال لا تعذبين عمرك انتقديها و صلحي اخطائك اللي فيك
طلع من المجلس
وانا اناظره لحد ماطلع بكيت ما ادري ليه ..وقفت وانا ما ابي اتذكر خلاص
ــــــــــــــــــــــــــــــــــــــــــــ
في شقه في الرياض
كان جالس على الكنبه و يدخن ..رفع جواله وهو يقول : اهلا اهلا ..بست الشام كلهم
قمر : اهلين فيك حبيبي ..تأخرت اليوم ..ليش هيك …كنت مشتاقه ل إلك
زياد : سامحيني حبي ..كان عندي مشاغل
قمر بزعل : ما بيرضيني
قال لها : وش يرضيك
قمر: ما بعرف انت بتعرف اكتر مني شو بيرضيني
قال بخبث: عرفت خلاصص … كلها يوم واكون عندك يا قمري
ــــــــــــــــــــــــــــــــــــــــــــــــــ ـــــــــــــ
في غرفة سارة ..توني خلصت من الاستخارة الرابعة في موضوع ابراهيم .. ماكنت حاسة بشي ..بس احس انه احسن لي بكثير من زياد ..ناظرت جوالي ..سبحان الله كانت اثير كاتبه لي تبغى رد على موضوع الزواج ..رديت عليها ونزلت لـ امي تحت
جلست عندها لحد ماخلصت قراءة القران قلت لها : يمه ..بقولك شي
ناظرتني ب ابتسامتها المشرقة دايم : سمي يا عمري
سارة : تذكرين سلطان اخو اثير
عدلت جلستها ام سارة وهي تقول : وش فيه
سارة تناظر في امها : فكرت واجد واستخرت الله واجد ..حسيت اني ابغاه وموافقه عليه
ام سيف ابتسمت وهي تقول : الحمدلله زين ..
سارة : ارد للبنت اني موافقه ولا وش اسوي
ام سيف تناظر ساعتها : انتظري لين يجي سيف وافاتحه في الموضوع ..وعقبها اقولك وش تسوين
سارة هزيت راسي وحطيته على رجل امي وانا افكر في زياد ..صدق اني احبه ..اعترف انا احبه ..بس حياتي كذا موب ماشية معه .. زياد ما يبغى يرتبط مايبغى يحس بالمسؤولية ..يبغاني بس جالسة احترية في بيتنا لحد ما يفضى ويقرر يتزوج ..الشخصية هذي تخوف ..مالها امان .. نزلت دمعة من عيني وانا افكر فيه مسحتها وانا اسمع صوت امي بخوف: وش فيك يا سارة ..ليش تبكي
ابتسمت لها : مافيه شي يمه تثاوبت
ام سيف وهي تقوم : بسم الله عليك .. انا بروح المطبخ بزل القهوة
ــــــــــــــــــــــــــــــــــــــــــــــــــ ـ
في المستشفى
عند الاستقبال
موظف الاستقبال : ما نقدر يا اختي ..معليش الكشفية ب 150 ريال
الحرمة برجا : تكفون والله مامعي ولدي بيموت ..تكفون الله يخليكم والله ولدي بيروح مني
موظف الاستقبال بتجرد من الاحساس : وش اسوي يعني ادفع لك من جيبي ..اطلعي برا انتي و ولدك ولا ناديت الامن عليك
الحرمة وصوتها يرتفع برجا وبكاء : والله العظيم برجع لكم الفلوس والله بس خلوا الدكتور يشوف ولدي ..تكفون والله ولدي بيروح تكفون
موظف الاستقبال وقف وهو يقول : ماتفهمين انتي ..انقلعي برا ولا والله العظيم ل اجرك برا
كان جالس في غرفته مشغول ب مرضاه اللي عنده ..طلع من غرفته بسبب الازعاج
ناظر في الاستقبال وهو يقول : وش السالفة وش هالازعاج
موظف الاستقبال : اسفين دكتور سلطان بس هالمرة اشغلتنا
سلطان تقدم من عندها وهو يشوفها تبكي : وش فيك يا اختي
الحرمة ببكاء : ولدي بيروح مني ..والله ما معي فلوس يا دكتور ..ولدي تكفي
سلطان مافهم عليها : وش فيه يا فقيه
فقية موظف الاستقبال : تبي تدخل ولدها ..وماتبي تدفع فلوس الكشفية
سلطان ناظر فيها : طيب ادفعي وادخلي
الحرمة : والله العظيم ما معي والله العظيم ..دكتور ولدي بيموت ساعدني
سلطان ناظر الطفل وهو يقول : فقية دخله عندي
فقية : ما اقدر دكتور سلطان ما دفعت كشفية
سلطان قرب منه وهو يقول : قلت لك دخله انا بدفع ثمنها ..الولد بيموت
قرب من الطفل واخذه في يدينه للغرفة وهو يقول لمرضاه : اعذورني شوي عندي حالة طارئة
دخلت وراه الحرمة وهي تبكي
بدا يكشف على الطفل وهو يقول : من متى هذي حالته
الحرمة بصوت يرتجف من البكا : من ثلاث ايام
لف عليها بعصبية : ومخليته على هالحالة
الحرمة وصوتها ما يبان من البكا : والله ..ماعندي فلوس
سلطان اخذ نفس ..كسرت خاطرة ..
بدا يشوف شغله وصوت المره بدا يعلى شوي ..شوي
جلست على مكتبي بعد ماخلصت
سلطان : ولدك معاه فلونزة حادة ..وبسبب الاهمال ..زادت عنده الحرارة ..لو ماجبتيه كان ممكن انه يصير فيه شلل الاطفال..ربي ستر هالمره ..انتبهي له
كتب لها مجموعة من الأدوية وهو يقول : اخذيها من الصيدلية …وقولي له خلها على حساب الدكتور سلطان
اخذت المره ولدها وهي تقول : جزاك الله خير ..الله يسعدك دنيا واخره ويخلي لك عيالك يارب ولا يحرمك منهم
ابتسم لها : امين
طلعت الحرمة
رجع راسه على ورا ..ناظر ساعته ..نزل معطفه ..
وطلع من الغرفة متوجه للاستقبال : انا طلع الحين ..امسك هذي كشفية المره اللي قبل شوي
ــ
ــــــــــــــــــــــــــــــــــــــــــــــــــ ـــــــ
جلست على سريري بعد تعب الغسيل حسبي الله عليهم بقر فايزة كل وحده وش كبرها عجزانه ترتب شغلها
اخذت نفس وانا افكر بزواجي مابقى على جيت عمي الا يوم يعني باقي على زواجي يومين ..وقفت وفي اشياء كثيرة ابغى استفسر عنها من فايزة نزلت لها وانا اقول : فايزة ابغى اكلمك
ناظرت فيني : خير ان شاءلله
جلست : انا ما سألتك ابد عن زواجي من هالشايب ..وعن مهري و متى زواجي بالضبط
فايزة بملل : وش تبين تعرفين يعني
سما : كل شي
فايزة : شوفي عشان ماتقولين فايزة قليلة خاتمه ..مهرك 40 الف و عرسك بعد يومين الملكة ..
سما بتشتت : طيــ…
قطع عليهم صوت الجرس
وقفت واتجهت للباب فتحته
دخلت حنان وهي تسلم : شلونك حبيبتي سما ..ان شاءلله بخير
ابتسمت سما وهي تقول : الحمدلله ..شلونك انتي ان شاءلله بخير
حنان : الحمدلله …حبيبتي سما بعدي شوي السواق بيدخل اشياء جايبتها انا لك
رجعت على ورا لحد ما دخل السواق الصناديق كانت عبارة عن خمس صناديق كبار
ناظرت فيها ب استغرا ب : هذا وش
ابتسمت : هذا جهازك جبته لك ..وهذا الصندوق ل فايزة وبناتها
ناظرتها بدهشه من موقفها معي ..ما كنت اعرف وش اقول وقتها ابتسمت وانا ادخلها و اساعدها في شيل الصناديق
دخلت الصناديق وانا اشوف فايزة متجهه لنا : هلا والله ..وش هالقش ..معزلة
حنان بهدوء : لا ..هذا جهاز انا جايبته ل سما ..بمناسبه الزواج
فايزة بوقاحة : اااايه …عاد مالنا شي
حنان : الا لكم عاد كيف انسا اهل العروس ..هذا الصندوق لكم
اخذت فايزة الصندوق قدام حنان بدون حياء او احترام و فتحته كانت منبهره بالاغراض اللي داخله كانت فساتين زواج لها و لبناتها و كمالياتها
وقفت تبغى تفتح اغراض سما وقفت حنان وهي تعارضها : جاك نصيبك خلي نصيب العروس ..و تعالي ابغى اكلمك ب انفراد
وقفت فايزة ولحقتها
دخلت غرفه صغيره منعزلة عن الصاله جلست حنان وهي تمد لفايزة ظرف : هذا لك 50000 الف ريال ..
فايزة شهقت : لي انا …
حنان بكذب : مبلغ بسيط اشكرك فيه ..على تربيتك الحسنه لبنت اخو زوجك
فايزة وهي طايرة من الفرح : صارحة يا حنان مشكورة ..ههههههه انا بحسبة ام العروس بعد لازم لي شرهه ( شرهه = هدية )
حنان هزت راسها وهي تقول : بس يا فايزة ما ابغى احد يلمس اغراض سما او يقرب منهم ..خليها لين تتملك ثم ارسليها معاها
هزت راسها فايزة وبالها مع الفلوس
حنان : متى بيجي ..زوجك
فايزة .: بكره الساعه 8 الصبح
حنان بعجله : زين بكرة عقب صلاة الظهر نملك وعقبها ب يومين ناخذها وش قلتي
فايزة بفرح : حلالكم بعد ..كيفكم
طلعت حنان بعد ما اتفقت مع فايزة على كل شي
في غرفة سما كانت منبهره من فستان زفاف جابته لها حنان …كان فستان منفوش اوفوايت مزين ب لؤلؤ منثور على كل الفستان ب اكمام طويلة …و طرحة نفس قماش الفستان ..انبهرت في جمال الفستان لدرجة اني بكيت ..ما اعرف ليش …كنت مبهورة …نطلت الفستان وانا خايفه على نفسي من الانبهار اللي انا فيه …كيف خفت اني اخربه او تكون يدي فيها غبار يلوثه
فجأة خربت فرحتي فيه لما تذكرت واقع زواجي من الشايب ..انسدحت وانا احاول النوم تاركة كل شي لوقته ..بس ماقدرت فكرت بحياتي معه شلون بعيش شكلني بعيش له ممرضة ..اشيل ف ادوية واحط ف ادوية ..اخذت نفس وانا اقنع نفسي …عيشتك معه اكيد احسن من عيشتك مع فايزة …عيشتك معه احسن من عيشتك هنا
ــــــــــــــــــــــــــــــــــــــــــــــــــ ــــــــــــــــــــــــــــ
ساره بشهقه : شلون يعني
نور بقهر : اسألي اخوك لا تسألينني
سارة : من جده يعني مابقى الا اسبوع على زواجك ..
نور بضيقة صدر : اييه
سارة : توك تعلمينني
نور بحزن : تستهبلين ساره ..خليني مع ضيقة صدري مدري وش بسوي
سارة تعاطفت معاها : اسفه نور ..بس انفعلت ..طيب والعرس الكبير متى
نور لفت عليها وهي تبتسم بسخرية : شكلك مادريتي عن باقي الكلام ..بعد اسبوع العرس العائلي بعدها بيوم سفرنا ..بأطس معه امريكا
سارة بهدوء : انتي فيك شي ..موب متطمنه لوضعك معه ..مهددك بشي هو
لفت عليها ب ارتباك : وش مهددني شكلك متأثره ب الافلام ..لا طبعا
سارة ناظرت فيها برفعه حاجب : طيب ..نشوف الايام تبين كل شي
نور بجديه : وش صار على سلطان …
ساارة بهدوء : انا موافقة عليه
نور : ماشاءلله الله يوفقك
سارة ناظرت فيها : داخل مزاجي صراحة
نور : رشا تدري
سارة : ايه
نور : و زياد
سارة بتكشير : لا تنطقين اسمه قدامي تكفين
نور : طيب ..طيب بس فكي تكشيرتك
سارة لفت على نور وهي تقول بجدية : بحاول اتملك عليه قبل لا تسافرون في حدود هالاسبوع
نور ناظرتها بغرابة : وش تقولين انتي
سارة بصدق : خايفة ..اخاف يطلع الخبر ويدري زياد ويخرب كل شي
نور : يعني وش بتسوين
سارة : قلت لك بخليهم يجون بكرة .. و بقول ل اثير ان اخوي بيسافر ولا هو راجع الا بعد مدة خليهم يخلصون كل شي بدري ..ما ابغى احد يعرف ابغى كل شي يتم بسرعة
نور : طيب ..بس ماتحسين انك بتتسرعين
سارة هزيت راسي بالنفي وانا اقول : لا انا فكرت واقتنعت بكلامي زين
سارة قالت تغير الموضوع: يا بردك يا اختي
نور ب استغراب : ليه
سارة : بعد 6 ايام عرسك
نور : بعد سبع ايام
سارة : الساعه الحين 12 يعني باقي ست ايام
نور : وش تبينني اسوي اقوم ارقص مصري عشان عرسي يا حظي عقب ست ايام
سارة بفشله : لا بس مدري حوسي بعمرك
نور انسدحت : فاضيه والله
سارة : وين الفستان اللي بتلبسينه
نور اشرت بحواجبها لجهة الدولاب
وقفت سارة واتجهت للدولاب
اخذت الفستان وهي تضحك بقوة
نور : وش يضحكك
سارة : هههههههههههههههههههه ولا شي
نور وقفت : تستهبلين وش يضحكك
سارة : الفستان …مقفل مع كل محل …ضعيف اخوي بيضيق صدره ههههههههههه
نور ضحككت بتبلد : هههههههههههههههههههه انا متعمده
سارة تناظر فيها بخبث : دارية …مايطوف عليك هالشي
كان الفستان سكري طويل ب اكمام طويلة وشك بسيط على الاكتاف
دخلت الفستان ورجعت تنسدح
نور : عاد تصدقين …احس بخوف فضيع
سارة : الحمدلله عاادي ..كل البنات مثلك بس بعدين خلاص
نور ناظرت فيها : تستهبلين انا خايفه من شي غير تفكيرك يا الوصخه
سارة بملل : وش
نور : ولا شي ..قومي انقلعي ..والله انتي واخوك انواع البرود
سارة : تطردينني بعد
نور : ايه شوفي الساعه 1 بعد
سارة : وجع لا تفشلينني شوي بيجي سيف وش اسوي يعني انتي مناديتني
نور وقفت وهي تقول : تبين تركش كوفي
سارة : ايه
اتجهت للمطبخ وتفكيرها كله ف البرود اللي استولى عليها
ــــــــــــــــــــــــــــــــــــــــــــــــــ ــ
طلعت سارة من نور ..ركبت مع سيف وهي تقول
سارة : السلام عليكم
سيف : وعليكم السلام
بعد فترة طويلة
سيف بهدوء : قالت لي امي عن اللي خاطبينك
سارة :………….
سيف : انا اعرف العايلة من بعيد ..بس هو ما اعرفه ..سألت عنه اليوم واحد من معارفي ..يمدح فيه ..اذا انتي موافقه ومقتنعه فيه زين ردي عليهم انك موافقه
سارة سكتت :…………….
سيف : تسمعينني
سارة لفت عليه قالت بصوت هادي : انا موافقه عليه
سيف ناظر فيها : الحمدلله ….ماعرفتك واني ساكته
سارة وهي تضحك : وش اقول بعد ..موضوع خطبة المفروض اكون مستحية زين انك سمعت ردي مني
ابتسم على كلام اخته وهو يقول : الحمدلله بنفتك منك واخيرا
سارة وهي تضحك : لا تخاف حبيبي ..لاصقه فيكم لاصقة لو حتى حبسني
سيف ناظر فيها وبصدق : وانتي تتوقعين اني بخليه في حاله لو سوا لك شي …حتى لو لمس شعره من راسك وانتي منتي براضية شوفي وش بسوي فيه …عند اخو ذيب
سارة بصدق : الله يخليك لي ..
اببتسم سيف وهو يقول بحنية : يا قلب اخوك انتي والله
رجعت البيت …انسدحت على سريري كانت الساعة ثلاث الفجر فتحت جوالي وارسلت ل اثير اني موافقه ويقدرون الرجال يجون
سارة ( صباح الخير اثير .. اسفه على التأخير ..الحمدلله استخرت ربي و ارتحت .. تقدرين تخلين الرجال يجون )
اثير بعد كم دقيقة ردت علي ( يا صباح الخير والخبر الحلو ..الحمدلله فرحت كثير ..وان شاءلله اننا محنا متأخرين ..ينفع يجون بعد اسبوع)
سارة ( امم والله مدري وش اقولك اثير ..اخوي الكبير زواجه بعد كم يوم ان شاءلله وبعدها بيسافر امريكا ولا هو راجع الا بعد مدة طويلة )
اثير ( اوووه كويس انك خبرتيني ..ان شاءلله بيجون في اقرب وقت …بس كنت ابغى رقم اخوك الكبير ..الوالد يبغاه )
سارة اررسلت لها الرقم
ورجعت انسدحت وانا افكر اني خلاص بفتح صفحة جديدة في حياتي
ــــــــــــــــــــــــــــــــــــــــــــــــــ ــــــــــــ
اخيرا ردت علي سارة ..الحمدلله انها وافقت ..البنت ماشاءلله عليها كل شي فيها حلو ..وزود على كذا اهلي يعرفون اهلها من بعيد ..الحمدلله
رفعت عيوني على الباب وانا اقول : صباح الخير ..يا عمري توك تجي
جلس وهو ينزل غترته من على راسه وهو يقول : ضغط شغل غير طبيعي الحمدلله اني خلصت اشغالي
اثير : حبيبي الله يعينك يارب ..عندي لك خبر حلو
سلطان ناظر فيها : عسى خير
اثير : اقول لك خبر حلو
سلطان ابتسم وهو يقول : فرحينا طيب
اثير : سارة ردت علي اليوم انها موافقه ..
سلطان ابتسم : الحمدلله زين
اثير : بس تقول ان اخوها زواجه بعد كم يوم وانه بيسافر عقبها لمدة طويلة ..يعني لازم تروحون يا بكرة يابعد بكرة بالمثير
سلطان : يعني بيطول كم
اثير رفعت كتوفها وهي تقول : مدري بس تقول مدة طويلة يعني موب اسبوعين ولا ثالثه يمكن توصل ل الشهر
سلطان وقف وهو يقول : على خير قولي لها اننا بكرة بنروح لهم ب اذن الله
اثير وهي تبتسم : الحمدلله …ان شاءلله اني بقول لها ..وبرسل رقم اخوها على جوالك كلمه الظهر
سلطان ابتسم وهو يقول : ان شاءلله ..انا طالع شوي بيأذن الفجر ..وعقبها برجع انام ان شاءلله
اثير ب ابتسامه : استودعك الله
طلع سلطان وعيون اثير تتابعه
سلطان احن واطيب قلب ممكن اشوفه في حياتي ..امي توفت وانا صغيرة ..يمكن كان عمري وقتها سنتين ..وابوي مشغول بشغله ..رباني هو وكبرني ..و بناء لي شخصية وكيان ..علمني كيف لازم يكون لي بصمة كويسه في حياة الناس اللي اقابلهم ..الله يخليه لي ..ويطول في عمره يارب
ــــــــــــــــــــــــــــــــــــــــــــــــــ ـــــــــــ
كنت جالسة ف الصاله من عقب كلامه لي وحلفه على المصحف حسيت بالامان خصوصا بعد ما خرجنا وتمشينا شوي ..بس كان في شي بخاطري يخليني ابعد عنه ..احساس كل ماله يزيد ويخوف ..أخاف في يوم يتعب مني بعدها وين اروح .. صحيح كنت ابي اترك كل شي واروح للمكان اللي ابيه بعدها فكرت مافي شي ممكن اروح له ويستقبلني بعد حركات ابوي ..تنهدت بهدوء رفعت عيني لقيته جاي وهو يسلم
محمد : السلام عليكم
شوق بصوت هادي : وعليكم السلام
محمد : شلونك اليوم
شوق بهدوء : بخير
عم السكوت و الوضع غريب ..ما اعرف ليش حسيت ب غرابه الامر حسيت ف عيونه كلام وتأكدت بعد ماسمعته نادني بنبرة مختلفه
محمد بهدوء : شوق
شوق لفت عليه : هلا
محمد : زواج اختي نور بعد 5 ايام ف الرياض ..مضطر ارجع الرياض ..اطول شوي فيها
شوق هزيت راسي بسكوت .
محمد : ما اقدر اخليك هنا بلحالك
شوق ناظرته : وين بتوديني
محمد رفع كتوفه : معي للرياض
شوق ناظرت فيه وانا ساكته بعد فتره : شلون ..واهلك ..وش بتقول لهم ..
محمد ناظر فيها : الصدق وش بقول لهم
شوق بجرح عميق: بتقول لهم ان ابوها رماها علي وابتلشت فيها
محمد ناظرها بغرابه قال بصوت عالي شوي : بقول لهم انك زوجتي على سنة الله و رسوله
لجمتني جملته زوجتي على سنة الله ورسوله كش جلدي ..انربط لساني من غرابه الجملة علي ..
محمد : على العموم السفرة بعد ثلاث ايام ..
وقف واتجهه لغرفته ..وانا عيوني مركزة عليه وجملته تنعاد في ذهني
زوجتي …
شوق بصوت خفيف تحاكي فيه نفسها : اااآآ كش جلدي ..استغفر الله
وقفت واتجهت لغرفتي ..افكر في الموضوع
انسدحت وانا احاول اتذكر أي معلم للسعودية راسخ في عقلي ..مافي أي شي ..اخذت نفس وانا اتخيل نفسي فيها ..كيف بتقبل العيشه ..كيف بتعايش و اتكيف مع جوها والاهم ..كيف اتعايش مع اهله ..
نزلت راسي و افكار تجي وافكار تروح ..كيف بيقابلوني اهله ..كيف بيتقبلوني ..كيف ب اعيش معهم
كانت في بالي فكرة عن اهل الزوج احسها ثابته لحد الحين ..كنت دايم افكر ان البنت تطلع من الجنه وتروح للنار بالنسبة لي يعني ..مع اني لو ب اصنف حياتي اتوقع اني ببدي بالنار ..حياتي و عائلتي وبيئتي وكل شي محيط فيني
وقفت وانا مصممه ما اروح الريااض ولا اطبها طلعت من غرفتي و نزلت وقفت عند غرفته بس سمعت حديث يدور بينه وبين احد من عائلته
محمد : ….رشا بنت راشد …والله ….زوجتي وبس ..مايحتاج تعرفين اكثر ..رشا زوجتي على سنة الله ورسوله ..بتجي معي …يمه رشا من اختياري انا ..ليش محسستني اني جالس اكذب عليك .. ماقصدت ..ان شاءلله …ان شاءلله ..تامرين …ان شاءلله ..موب صاير الا اللي انتي باغيته …فمان الله
مافهمت شي بس باين ان الام متضايقه من خبر زواجه
دخلت عليه بسرعه قبل اغير رايي بس منظره صدمني كان منسدح على سريرة ولابس شورت وصدره عاري
محمد ب استغراب : فيه شي
رشا ناظرت فيه وانا موب مستوعبه : لا
محمد : اجل ليش جاية هنا
رشا ببلاهه : لا بس كنت بقولك اني بروح الرياض
ابتسم وهو يقول : الحمدلله طيب …فيه شي ثاني
رشا هزيت راسي وانا ماني مستوعبه
وقفت وانا اناظر ببلاهه او غباء سمعت صوته وهو يقول : وش فيك تناظرين كذا شكل معجبك المنظر
رشا استوعبت : آآآآآآه
لفيت بسرعه وانا احس نفسي كلبه
طلعت من الغرفه وانا اسمع صوت ضحكه
وقفت وانا استوعب وش قلت له : الحين بيقول البنت قليلة ادب ..وخاقه علي …حطيت يديني على دخودي ب حسره
لفيت بسرعه وانا ادخل الغرفه مره ثانيه قلت بسرعه : ترى ما استوعبت قبل شوي وانا اناظرك بدون ملابس ..لأا تحسبني بجحه بس مدري كان راسي يعورني واذا …يعني حركت عيوني تعورني
هز راسه ووجهه يضحك واضح عليه
قال ووجهه كاتم ضحكة : ادري ..أدري انتي موب بجحه
لفيت وطلعت وانا افكر ليه انبلهت ياما ياما شفت شباب ماعليهم تيشيرتات واجسامهم تخب عليه
رقيت غرفتي وانا حاقدة على نفسي ..
ــــــــــــــــــــــــــــــــــــــــــــــــــ ــــــــــــــــــــــــــــ
جالس في مكتبه وعيونه على شاشة اللابتوب وتنتقل من ملف الى ملف
ردن جواله رد وهو يقول : السلام عليكم
سلطان : وعليكم السلام والرحمه سيف الـ..
سيف : وصلت من معي
سلطان : معك سلطان الـ….
رجع على ورا وهو يقول : يالله حيه ..كيف الحال ان شاءلله انك بخير ؟
سلطان : بخير جعل عمرك طويل ..شلونك عسان بخير
سيف : بخير الحمدلله ..آمرني
سلطان : مايامر عليك ظالم ..والله يا سيف انا متصل اخذ منك موعد اقابلك فيه انا والوالد في موضوع شخصي
سيف : يالله تحييه هذي الساعه الطيبة حياك الله انت والوالد في أي وقت انت تبيع
سلطان :الله يحيك ويبقيك تسلم ..سمعت انك بتعرس بعد كم يوم ..مبروك الله يرزقك بالذرية الصاله
سيف : تسلم ما تقصر
سيف : كان تقدر خلنا نتقابل بعد العشا اليوم
سيف وهو يناظر السااعه : على خير ان شاءلله ..برسل لك عنوان البيت وان شاءلله انك تشرفنا فيه
سلطان : تسلم ..
سكر منه وهو يرسل له العنوان .. سكر جواله ورجع فتحته وهو يناظر اسمها
اتصل عليه بعد كم رنه
نور – نايمة : الو
سيف : هلا بزوجتي ..
فزيت من سمعت صوته قلت بسرعه : تبي شي ولا اقفل
سيف بكذب : اشتقت لك
كشرت بوجهي وانا اسمع كلامه احسه كذب كل شي يقوله كذب قلت بصدق : تصدق وصلت لمرحه انني اكرهك كل ماقلت زيه الكلام
سيف : اجل بتكرهيني طول عمرك
نور : مايحتاج تقول ..الكرهه اللي في قلبي لك يكفي دهر كامل
سيف : لهدرجة يعني
نور طار النور ..بسأله السؤال اللي ماخلاني انام من فتره : ليه قدمت الزواج
سيف بصدق : عشان اضمنك
نور ب استغراب : كيف
سيف بقهر : تقولين ان قلبك موب خالي من يوم ماسافرت
نور بغباء : مافهمت
سيف : موب لازم
نور : االشرهه علي انا اللي اكمل كلامي معك
سيف بطولة صبر : كم مرة اقول لك تكلمي زين
نور : والله يحليلك جاي تعلمني الادب
سيف بهدوء غير المعتاد : لا كلمك رجلك تكلمي معه زين
نور بقلة احترام : على اساس عادتك انت زوجي..لو فيك ذرة بس ذرة رجولة كان ماسويت فيني اللي سويته ..على العموم مايهمني ..اللي سويته ..انت ماضي بالنسبه لي حتى لو تزوجتك
سيف قهرته بكلامها قال بلهجه قويه : كيف بكون ماضيك وبعد كم يوم زواجنا
نور : لاني اساسا ما راح ارضى بك واقع ..صحيح زوجي ..لكن انسى تكون واقعي
نزلت الجوال من اذني وانا عارف انها بتسكره
شديت على يدي بقوه وكأن كل كلامها تجمع في قلبي قهرتني بكل ماتعنيه الكلمه …أخذت نفس وانا اصبر نفسي مابفى الا كم يوم ..
ــــــــــــــــــــــــــــــــــــــــــــــــــ ــ
منسدحة على سريري ..ابد ماهو احساس وحده اليوم زواجها او ملكتها ..ما ادري ليه ما احس بهالاحساس مره ..كأني بس بنتقل من بيت لبيت اخر ..زيي زي أي خادمة ..يالله يا شين كسرة نفس البنت ..احس نفسي مكسورة ..طول عمري احلم برجال يسعدني طول عمري ..واخرتها اخذت شايب مدري شلون شكله ..يارب صبرني على مابليتني ..شفت الساعه كانت تشير على 11 ونص الظهر يعني مابقى شي على الملكة
وقفت متجهه للباب بطلع اكمل شغلي بس رنين جوالي رجعني ..كانت حنان رديت عليها بيأس تملكني
قلت بهدوء : هلا حنان
حنان : شلونك عروستنا اليوم
ابتسمت بسخرية : ابد بنزل انظف الحوش
حز ت في خاطري كلمتها قلت اواسيها : هههههههه الحمدلله ارتحت ..ضمنت سناعتك
ابتسمت :……..
حنان ب ارتباك : سما ..انا عند باب بيتكم ..
عقدت حواجبي : ليش
حنان : ابغى اقولك شي ..وجها ل وجهه
وقفت وانا خايفه من لهجتها
نزلت وفتحت الباب كان البيت هادي فايزة وبناتها و عمي نايمين ..ما احد صاحي
دخلت حنان وهي تسلم سألت بعجله : وش فيه حنان
حنان ابتسمت : مافي شي وش فيك مروعه ..
هزيت كتوفي بخوف
دخلتها الملحق وجلست وانا اقول : يالله قولي
حنان ناظرت فيني : بس تسمعيني للاخير
هزيت راسي بهدوء وانا اسمعها
حنان : ما ادري من وين ابتدي ..اساسا الموضوع مدري كيف جاي ..بس انا حبيتك من يوم ماشفتك في المدرسة ..انا المره اللي كانت تجي كل فتره المدرسة
انصدمت من كلامها : انـ….
اشرت لي اسكت وكملت
حنان : كنت اجي اضيع وقت صحيح بس اني مع الوقت انجذبت لك ..وعرفت عن حالتك ..و حالتك مناسبه لي ..و لولد زوجي ..اللي بوصل له واقول لك ..اني كذبت عليك ..الرجال اللي بتتزوجينه موب ابو 50 سنة صحيح هو ولد زوجي بس عمره 33 سنه ..أرمل وعنده ولد ..ماكنت ابي فايزة تعرف لاني كنت دارية انها بترفض تزوجك اياه مثل مارفضت تزوجك من ال محمد ..سامحيني ماكنت اقصد
كلامها كله صدمني ..كان كله صدمات ودهشات بالنسبة لي …ناظرت فيها بعيون ضايعه ..ومن صدمتي كيف جابت هالمعلومات عني وعن فايزة
رفعت عيوني ب استفهام وانا اقول : شلون عرفتي
حنان : موب لازم تعرفين ..اهم شي اني بغيتك قريبه مني
هزيت راسي : ليش سويتي كذا
حنان : عشان مصلحتك والله
وقفت وانا منصدمة : انا موب لعبه ..في يدك ..انتي و فايزة
الكلام اللي قلتيه تعرفين وش يعني …تعرفين كيف كنت عايشه وضع اني بتزوج رجال كبر ابوي ..كيف كنت اتحسر على نفسي ..كيف ادعي على نفسي …ناظرت فيها وانا اقول ..الوضع ماتغير بالنسبه لي ..
لفيت بطلع بس كلام حنان ودموعها صدمتني
لفيت وانا اناظر فيها بصدمة : حنان ..ليش تبكين ..اا…مفروض انا اللي ابكي ..
حنان كنت متأثره بكلامها وطريقة نظراتها حسيتها بريئة صدق ..عورني قلبي عليها وحسيت اني ظلمتها
قربت مني وهي تقول : حنان اسفه والله ..ماقصدت انا ..
حنان : سما ..انا اللي غلطانه ..انتي ليه تتأسفين ..تعلمي تصيرين قوية ..انتي ماغلطتي
سما بعيون تايهه : طيب انتـي ليه تبكين وش يفرق معك
حنان رفعت كتوفها وهي تقول : مدري نزلت كذا
سما بمداعبه : والله يا حنان طلعتي دلوعه
ابتسمت حنان وهي تقول : لا تقولين ل فايزة عشان مايصير شي سئء لا سمح الله
هزيت راسي وجيت ب اودع حنان بس قلت بسرعه وانا خايفه من الاجابه: حنان ..الولد اللي كان ف المستشفى
حنان بضحكة : ايه هو
حطيت يديني على وجهه ووانا ودي اكسر وجههي من الفشله : حراااام عليك …وش بيقول عني الحين بيحسب اني صدق مجنونه
ياربي
حنان : لا تخافين وليد داري بكل شي
سما : اسمه وليد ..
حنان هزت راسها و وقفت وهي تقول : يالله انا بطلع قبل لا تجي فايزة ..وبكره هالوقت ان شاءلله بتجيك وحده تزبطك
انقبض قلبي ..حسيت بخوف طلعت حنان وانا اتابعها بخوف ..مدري ليه خفت يوم عرفتت انه وليد اللي ف المستشفى ..اكثر من خوفي من الشايب
وقفت وانا اشوف عمي جاي اتجهت وسلمت عليه
العم سعد : شلونك يا بنتي عساك بخير
سما ببتسامه : الحمدلله ..انت شلونك ..طولت الغيبه هالمره يا عمي
العم سعد هز راسه : ادري والله يا بنتي ..بس المشاغل واجد
سما : يالله الحمدلله على كل حال
العم سعد : بعد شوي بيجون اهل المعرس ..عشان الملكة
سما : ايه ..عقب الظهر
العم سعد ناظر فيني نظره حنونه وهو يقول : انتي راضيه يا سما
سما ببتسامه : الحمدلله
العم سعد : الله يكتب لك اللي فيه الخيرة ..انا ادري انه موب ابو 50 سنه ..اتصل على و طلب يدك ..وعشاني ماقدرت اجي بديت اسال عنه من عند ناس لهم واسطات ..الرجال طلع مصلي مسمي ..وفوق هذا عنده حلال وراعي خير ونعمه ..وعنده ولد ..والللي اعرفه ان زوجته توفت يوم جابت وليده الوحيد ..ومن عقبها ما اعرس ..
سما دخل فيني شعور غريب ..مدري كيف اوصفه ..كلام عمي عنه ..فتح شي في قلبي كان مسكر ..مدري ليه حسيت ما ابغى اسمع زياده عشان ماتوضح لي حقيقة شعوري
رقيت لغرفتي وانسدحت وانا اتذكر شكله ..حتى مادققت فيه ..
صوت اذان الظهر ..وقفت واتجهت للسجادة صليت ..ودعيت ان ربي يكتب لي الخيرة في كل شي
ــــــــــــــــــــــــــــــــــــــــــــــــــ ــــــــــــــــــــــــــ
رقا الدرج واعصابه متوتره قرب من غرفه عزيزة على قلبه …دخل الغرفه وهو يشوفها ..زي ماهي من قبل خمس سنين ..دخلت الغرفه وقربت من صورة كبييرة وقفت قبالها وانا اناظرها بحزن قلت بصوت مؤثر : زواجي اليوم يا شهد….لا تخافين محد يقدر ياخذ مكانك ..لاتخافين ..ولا تحزنين ..انتي بس اللي في قلبي وغيرك ماله مكان ..سامحيني يا شهد ..سالم حدني والله …ماكنت ابغى اخل بوعدي لك ..بس الظروف
ماهي على الكيف ..اعذريني تكفين ….اليوم اول مره ..احس ان لي احساس عقبك ..اول مره احس اني انسان يحزن ..ويفرح ..من يوم مارحتي ما ضحكت ما حزنت ما ابتسمت ..بس اشتقت لك ..اخذ نفس وهو يقول : الله يرحمك ..ويغفر لك ..ويجمعني فيك
لفيت عن الصورة واول مره احس اني كارهه الحياة ..كاره كل شي ..
طلعت من الغرفه واتجهت للدرج بس سمعت ركضة سالم بتجاهي وهو يقول : بااااباااا
لفيت وانا ايتسم : هلا يا حبيب بابا
سالم بفرح : باقي هذا اصبع بس وتجي ماما
ابتسمت : صح بكره ماما بتجي
سالم يضم ابوه بقوة : حبيبي بابا ..
وقف وهو يعطي سالم للمربيه اتجهه للصاله وهو يشوف ابوه لابس وكاشخ
ابتسم ابو وليد وهو يقول : والله يا وليد ان اليوم فرحتي مدري وش تساوي كني انا اللي بعرس
ابتسمت : جعلها دايمه يا ابوي
دخلت حنان ومعاها البخور : تبخر يا عريس يالله …
اخذت البخور وانا اشكر حنان
تبخرت اانا و ابوي واتجهنا لبيت ابو في
وقفت عن باب بيتهم وانا ودي انحاش ..اترك كل شي واهج نزلت من السيارة ونزلت ابوي على كرسية المتحرك واتجهنا للبيت
ــــــــــــــــــــــــــــــــــــــــــــــــــ ـــــــــــــــ
يمكن مرت ساع هالا ربع وانا ماحسيت بالوقت جالسه على السجاده
انفتح الباب بققوة كانت في : انتي هيييه ..شايبك قصدي معرسك تحت هو واهله قومي انزلي ابوي يقول
خفت وانقبض قلبي من جديد بس طردت احساسي هذا وحولت اكون طبيعيه
نزلت الدرج ووقفت عن باب الفله ..كانوا جالسين بمجلس الرجال الخارجي …شفت الشيخ دخل ..و عمي يستقبله بعدها بربع ساعه ..كان عمي طالع والشيخ معه رجعت على ورا سرعه ..خفت انه يشوفني ويعرف اني كنت برا
جلست على الكنبه و انا اسمع صوت عمي يناديني وقفتواتجهت له : سم
العم سعد : الشيخ برا بيسألك عن موافقتك يا بنتي تعالي معي
رحت ورا عمي وانا خايفه او متوتره بشكل اوضح وقت عن الباب وانا اسمع الشيخ يقول
: يا بنتي ..انتي سماء بنت عناد بن سيف ال…
قلت بهمس : ايه
كمل : هل تقبلين ب وليد بنن سالم بن ناصر ال…. زوج لك على سنة الله ونبيه محمد صلى الله عليه وسلم
ارتبكت كأن لساني انربط وقتها
حسيت بعمي يهزني جاوبت بسرعه : اقبل يا شيخ
اخذت الكتاب و وقت واتجهت للكنب جلست وانا افكر … باللي سويته ..ب الملغامره الجديده في حياتي …كيف غامرت وتزوجته وانا ما اعرف ولا شي عنه ارتجفت كلي ..مدري وش فيني …كأن صابتني نفاضه
شديت على يديني ..احاول اخفف التوتر ..بس مافي فايدة
استرخيت وانا اهدي نفسي لحد ماهديت لفيت راسي للدريشة ..شفتهم يطلعون كأني لممحته على الطاير
وقفت بروح لغرفتي بس صراخ فايزة روعني وهي تقول : وشش تقوووووووووول انت عمرررره 34 تسسستهبل علي يا سعد شللللون تزوجها …بدون ماتسألني
سعد : فايزة هذا نصيب البنت
فايزة بحسد : والله ما تاخذه والله ليطلقها الحين
سعد بصوت عالي : لا بالله انجنيتي كل هذا حسد فيها …خليها ضعييفة ماشافت منك الا كل ظلم وقهر
فايزة وبصوتها يعلى : يطلقها يعني يطلقها
مدري كيف انكمشت على نفسي …خفت …اول مره يجيني هالاحساس حسيت انها زواجه بتجيب لي الهم رقيت بسرعه لغرفتي وصوت فايزة وراي : يا خبيييييثه يا راعية الرجال ….كنت دارية انك خامره على شي …تعااالي
رقيت بسرعه خوفا منها على نفسي سكرت باب غرفتي وانا مرعوبه ..وكأن داخلني شي ..دورت جوالي بسرعه …ابغى اكلم رنا …
صوت الطق اللي على الباب موترني فايزة ناوية علي بشكل يخوف
فايزة بنفاذ صبر : افتحي الباب …افتحيه لا اكسره عليك
سما بخوف : فايزة ..أهدي …تكفين
فايزة : افتحي الباب بسسسسسرعه لا اذبحك
وقفت متجهه للباب ويديني ترجف فتحت الباب وقبل لا ابعد انهالت علي فايزة وبناتها بالضرب
كنت اصرخ من شدة الالم ..ألا ان فايزة ماكانت تسمع وش اقول
فايزة بقهر : تتغافلينني يا كلببببة …تتغافلين يا عـ…… يا وا……يا راعية الرجال ….مثل امك …وسخه وبنت ستين وسخ
ماكنت اتالم من الضرب كثر ما كنت اتالم من كلامها وشتيمتها لي ..
بعد ما ارتاحت من ضربي فايزة هي وبناتها رفعت نفسي بقوه وانا اقول : فايزة …آآ..
فايزة : وين جوالك …وين جوالك خلصي
سما بخوف : ليه ..وش بتسوين
ضي وهي تضربها برجلها : بعد ترااد ويينه
في اخذت جوالي من على سريري ومدته لامها : هذا هو يمه
نطلت الجوال علي فايزة وهي تقول : كلميه الحين
ناظرت فيها : اكلم من
فايزة : الثلاثيني المطلق حقك اخللصي
سما : ماعندي رقمه
فايزة : ضي روحي جيبي رقمه من ابوك اخلللصي
ضي : طيب
رجعت ضي ومعاها الرقم اخذت الجوال فايزة واتصلت على الرقم
فايزة بحسد : قولي له يطلقك …قولي له يطلقك
ناظرت فيها بصدمة : بس ..فاايزة حرام عليك
فايزة ناظرت فيني : قسم بالله العلي العظيم لا اوريك نجوم الليل ان ماكلمتيه
اخذت الجوال بضعف ..ماعاد اقدر اتحمل …اكثر
سمعت صوته يرد : الو
سما :…….
وليد : الوو ..من
كنت اناظر فايزة برجا انها تخليني اسكر الا ان نظراتها كانت قوية : ا..انا سما ….
وليد ب استغراب : وش فيك
سما : ابغااك …
وليد : وش تبغين
سما بصوت يرتجف : ابغاك …تــ…طلقني
وليد بدهشه : ليش ..وش اللي غير رايك بدري على الطلاق
سما : طلقني …بس
نزلت الجوال من اذنني وانا اناظر فايزة اللي طلعت من الغرفة وهي تلعن وتسب فيني سكرت الباب بسرعة وجلست على سريري مقابل المراية كان جسمي كله كدمات زرق …كتفي و رجلي و ظهري و رقبتي …
تألمني الا اني ما اقدر ابكي … انسدحت على سريري ابغى ابكي ..ما اقدر ..ما اقدر ابكي …احس روحي بتطلع ..بس ما اقدر
- لقراءة الفصل التالي:اضغط هنا
- لقراءة باقي حلقات الرواية اضغط على ( لو تعرفين وش يعني قهر الرجآل ما ابتسم ثغرك لـغيري رجل )