رواية العشق المسموم الفصل الأول 1 بقلم رنا أحمد

في أحدا الشقق البسيطه ..
كانت تنام مفتوحه العينان تفكر في ذلك الماضي الذي لما يفارق خيالها ابدا ذلك الماضي الذي مر منذ سنوات عديده ولكن انتقامها لم يخمد ليله واحده لتفيق من شرودها علي طرقات الباب لتفتح ل صديقاتها عطر .
عطر بغيظ /الله يخربيتك انتي ي بت ايه الي رجعك من المستشفي بدري عن ميعادك ده الدكتور حسن هيبهدلك .
شوق بغيظ وحده /يضرب رأسه في الحيطه ي اختي ساعتين بقا ساعتين ب عشرين جنيه ليه واقفين في الوكاله .
عطر بجديه /ي بت انتي مشاء الله عليكي ايدك كممرضه تتلف في حرير قولتلك شوفيلك شغلانه في مستشفي كبيره .
شوق وهي تصب الشاي /ي بت مانتي عارفه الي فيها أني مش معايا معهد ده انا وخداها كده مفيش مستشفي كبيره ترضا تشغلني المهم قوليلي جوز امك عامل معاكي ايه .

عطر بحزن/قطعه وقطع سيرته زي ماهو ي اختي بيرخم عليا في الرايحه والجايه وامي ولا هي هنا نفسي اخلص من الهم ده بقا لحسن تعبت علي الاخر مش عارفه انا وانتي الدنيا قاسيه علينا اوي ليه كده ي بت ي شوق .
شوق وهي تنظر أمامها بشرود /معلش كل حاجه نصيب يلا احنا علشان منتاخرش مش ناقصين طوله لسان يلا ده انا مصدقت اني فطرت حسام بدري ومشيته يلا .
**********************.
في فيلا الدميري ..
في غرفه صقر …
كان يجلس وهو بدون بعض الملفات الهامه فهو ضلع عائله الحديدي وبيده كل شي شخصيه غامضه لابعد الحدود لينهي من عمله ليستمع الي صوت تلك السياره ليسرع الي الأسفل بغضب شديد.
في الاسفل ….
كانت تسير رحمه الي الداخل ليسير إليها صقر وهو يمسكها بغضب .
/انتي كنتي فين ي بت أنتي لحد دلوقتي .
رحمه بارتباك /كنت بذاكر مع ناس صحابي .

صقر وهو يضربها بقسوه /وحياه امك ولا كنتي سهرانه مع الزفت الي اسمه حسام .
رحمه بدموع وصراخ /ايوه ي صقر كنت مع حسام انا مش عارفه انت رفضه ليه حرام عليك احنا بنحب بعض .
صقر بحده/حبك برص ده طمعان فيك ي خايبه حته سواق لا راح ولا جه جاتك داهيه في زوقك الي يقرف اسمعي كلامي ده لاني مش هقوله تاني لو مبعديش عنه هبعتلك رأسه كادو وانتي عارفه صقر اخوكي لما يقول حاجه مبيرجعش فيها يلا غوري علي فوق .
شوكت والدهم بحده/فيه ايه الصوت العالي ده جرا ايه والدتكم مش عارفه ترتاح .
صقر بجديه /احنا اسفين يا بابا عن اذنك انا طالع انام .
في الغرفه المجاوره ….
غرفه ادم أخاهم وزوجته حور …
كانت تجلس حور بحزن شديد ليقترب منها ذلك الزوج الحنون وهو يقبل يدها بابتسامه.
/حبيبه قلبي ليه الحزن ده تعالي في حضني وانا هنسيكي الدنيا بحالها .
حور بعصبيه ودموع /انا عمري مكنت متخيله انك اناني اوي كده ي ادم لدرجه دي انا مش فارقه معاك مش حاسس بيا حرام عليك .

ادم بحزن شديد علي حالهم /حرام عليكي انتي انا بعشقك ومش عايز غيرك ليه بتعملي فينا كده بس .
حور بدموع وانهيار /علشان عايزه اكون ام عايز طفل يقولي ي ماما .
ادم بعصبيه وضيق /طب اعمل عملت اكتر من مره حقن مجهري ومنفعش ربنا مش رايد نرضا بنصيبنا بقا ي حور .
حور بدموع وحزن/طبعا مانت علشان سليم بتبيع وتشتري فيا براحتك علشان العيب مني انا مش كده .
ادم بتعب /ي شيخه حرام عليكي ده انا روحي فيكي بحاول اعمل اي حاجه علشان ارضيكي ليه مش قادره تفهمي انا عايزك انتي مش عايز غيرك افهمي .
حور بدموع ورجاء/ابوس ايدك ي ادم ناجر رحم ابوس ايدك .
ادم بحده وعصبيه /انتي اتجننتي ولا ايه ده حرام انا ليمكن اوافق علي كده ابدا فاهمه ولا لا .
حور بدموع وانهيار /انت مش عايز حل عايز تفضل تذل فيا كده وتححسني دايما بعجزي بس انا مش هسكت وهقول ل عمي .
ادم بحده /اعملي الي يعجبك بس انا مستحيل اعمل كده ابدا مهما حصل .
ليتركها بدموعها ويرحل بحزن شديد علي معشوقته التي كل مايشغلها هم الاطفال وقد ناسته هو تماما .
*****************.

في المستشفي التي تعمل بها شوق .
كانت تسير في ممر المستشفي ليقف أمامها دكتور حسن .
/اهلا ي اختي شرفتي سبتي شغلك امنبارح بدري ليه.
شوق بابتسامه مصتنعه /معلش ي دكتور تعبت شويه .
حسن وهو ينظر إليها بوقاحه /ي بت تعالي انا هتجوزك واعيشك ملكه .
شوق بغيظ شديد /مكنش ينعز ي دكتور حسن مش انا الي تتجوز عرفي عن اذنك .
حسن وهو ينظر إليها بوقاحه/مسيرك هتيجي ي بت تحت ايديا .
عطر وهي تمسك يد شوق بفضول /كان عايز منك ايه الزفت ده .
شوق بغيظ شديد/عايز يتجوزني العره فاكرني زي نسوانه يلا سيبك انا فضلي حاله واحده وهروح عند اخويا حسام في الورشه .
عطر بابتسامه /ماشي ي حبيبتي وانا هروح بقا لحسن انتي عارفه جوز امي .
شوق بابتسامه/ربنا معاكي ي حبيبتي .
************************.
في شركه الدميري …
كان يجلس صقر وهو ينفخ سيجارته بضيق ليسير شهاب صديقه بابتسامه .
/صباح الفل ي كبير .
صقر بضيق /اهلا ي شهاب .
شهاب باستغراب /مالك ي صقر فيك ايه .
صقر بحده /الواد الزفت الي اسمه حسام ده مش ناوي يجيببها وبيلف علي رحمه والهانم مصدقه أنه واقع في حبها واضح أنه مهموش التحزير الي بعتهوله وانا فضلت ساكت لكن واضح اني لازم اعلم عليه وبنفسي كمان كلم الرجاله وخليك انت هنا لحد مارجع.
******************.

من أمام الورشه التي يعمل بيها حسام .
كان يجلس تحت أحدا السيارات ليقوم باصلحها لينصدم من تلك الذين يقوفون يحاوطه بنظرات غضب وتوعد ليقف صقر وهو يضع يديه في جيبوبه بحده وغضب .
/وضبوه مش عايز فيه حته سليمه .
ليضربوه بغضب وقسوه تحت نظرات تلك التي يقف بغرور .
بيشاور لهم صقر ليتوقفوا لينظر إليه بغضب .
/لو مبعدتش عن رحمه تاني قسما بالله هيكون اخر يوم في عمرك .
حسام بتعب شديد/صقر الدميري انا مش خايف منك وهتجوز رحمه غصبن عنك .
صقر بحده وغضب /غصبن عني ايه ي ابن الكلب انت مش عارف انا ممكن اعمل فيك بس برضه لازم اوريك الي عمرك مشوفته .
كان سيصفعه بحده لكن يد قد أمسكت يده لينظر الي صاحبه تلك اليد لينظروه الي بعضهم نظره تحمل الكثير نظره ليس مختلفه نظره قد رواها من قبل لكن بعد مرور تلك السنوات سنتقلب تلك النظرات الي عشق مسموم سيخترق قلبه بلا رحمه … ..