رواية قوة الحب الفصل الأول 1 بقلم تقى حسام

رواية قوة الحب الفصل الأول 1 بقلم تقى حسام

رواية قوة الحب البارت الأول

رواية قوة الحب الجزء الأول

رواية قوة الحب الحلقة الأولى

صباح يوم القاهرة بتفتح عنيها وبتبص على الشمس وبدأت تمارين التنفس وهي بتحاول تهدي اعصابها وتبدأ يومها
على الفطار اهلها. صباح الخير
نرمين. صباح النور سلام
باباها. هتنزلي من غيري فطار يا حبيبتي
نرمين. بحزم ايوه ماليش نفس ومتأخره على الشغل سلام
مامتها. ربنا يعينك ويوفقك يا حبيبتي
مشيت نرمين بسرعه عشان تلحق شغلها اللي في كارفور في مدينة نصر ركبت الاتوبيس وهي قاعده افتكرت جزء من اللي حصل لها
فلاش باك.. نرمين انا معجب بيكي وعايز اتعرف عليكي
بس انا يا محمود ماليش في الجو دا عايز تتقدم اتفضل مش عايز يبقى عن إذنك
يا نرمين اديني فرصه اعرفك الأول انتي عايشه في زمن غير زمنك أتقدملك ازاي واحنا منعرفش بعض؟

الأصول والدين مبيتغيروش عبر الزمن وانا قولتلك اللي عندي بقالنا شهر على نفس الموال وانا اسفه بعد كده هضطر مردش عليك لما توقفني وهقول لأهلي سلام
محمود. في سره قديم اووي جو الشرف دا انا مافيش واحدة تتقل عليا هجيبك لغايه عندي ويا أنا يا إنتي ياسكره
عوده. نزلت نرمين من الأتوبيس وراحت الشغل صباح الخير يا جماعه
صباح النور يا نرمين بدأت نرمين في الشغل هي بتشتغل في كارفور ودايما بتحاول تبقى بعيده عن الناس وزمايلها ولواحدها. خلصت شغل الساعه ٤ وقالت من جواها انا هدلع نفسي النهارده منا قبضت دخلت الحمام وضبظت الطرحه الاوف وايت بتاعتها والميكب الخفيف اللي حطاه وكانت لابسه المنى دريس الزيتي اللي بيحزام من على الوسط وزراير من فوق و بنطلون اسود وبوط اسود كان لايق عليها مع طولها ومتناسق مع جسمها الكيرفي وفي نفس الوقت كان محترم واخدت شنطتها وكلمت باباها الو
باباها ايوه يا حبيبتي.

نرمين. بابا انا هتأخر النهارده شويه زي ما قولتلكو هتغدي برا وهاروح دريم بارك تمام انا خلصت شغل
باباها. تمام يا روحي خلي بالك من نفسك
نرمين. إن شاء الله
على الجانب الاخر
عاصم محمد وهو يبقى رجل أعمال في أواخر الثلاثينات من عمره محترم وجاد جدددا في عمله وسيم ورياضي كان متزوج من بنت عمه فريده البيك وتم الطلاق من ٣ سنين
عاصم. ايوه يا ياسين انا خلصت اجتماع ورايح علي البنك هحط الفلوس والعقد بتاع الارض وبعد كده هعدي عليك نتغدى سوي ياسين تمام هستناك
ياسين صديق عاصم من الطفوله وأخوه من الرضاعه
نرمين. في المطعم بتقول من جواها يااا اخيرا هجرب السوشي الأول مره واهتفسح واعوض نفسي عن اللي شوفتو فعلا مش شرط السعادة تبقى متعلقه بحد مش لازم اخرج مع ناس ابسط حقوقي اني اسعد نفسي بنفسي
اتفضلي يا هانم الاكل بألف هنا
نرمين بصوت واطي. ايه حلاوه المولد اللي حططها قدامي دي أنهى واحد فيهم سوشي؟
*أفندم!

لا ولا حاجه ميرسي أكلت وهي بتقنع نفسها انه طعمه روعه ويستحق المبلغ اللي ادفع فيه وخلصت أكل وقالت تتمشى شويه وبعدين تروح دريم بارك بس الاول تتعرف على الشوارع الفخمه دي
مجهول أيوه احنا وراه اهو ومافيش معاه حراسه وانا جاهز بسلاح
عاصم وهو في الطريق فجأه عربيه وقفت أقدامه ونزل شخصين مجهولين له
عاصم بسلاح وضرب بالنار الأول والتاني سبق عاصم وضربه رصاصه في صدره
نرمين ماشيه بتاكل شبسي وفاكره ان الأصوات دي ألعاب ناريه لغايه ماشافت واحد ماسك سلاح وواقف امام عاصم وقاله انا مش عايزك تموت انا عايز اعذبك واعيشك عاجز طول عمرك
فجأه خبطته نرمين على دماغه بطوبه كبيره افقدته الوعي وبصت حواليها لاقت ٣ اشخاص واقعين وسايلين في دمهم
نرمين. يالهوووووووووواااااااي كان يوم مأندل يوم ما خرجت عاصم شاور ليها قالها بصوت خفض اتصلي بالشرطه واطلبيلي الإسعاف بسرررعه ارجوكي
نرمين. من بدلته ومنظره عرفت انه راجل مهم وإنها محاوله اغتيال اتصلت بسرعه بالاسعاف الأول و بالشرطه وهي بتعيط
ألو الحقوني.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)