رواية زوجتي الصغيرة الفصل السادس 6 بقلم هنودة النايلي
رواية زوجتي الصغيرة الفصل السادس 6 بقلم هنودة النايلي
رواية زوجتي الصغيرة البارت السادس
رواية زوجتي الصغيرة الجزء السادس
رواية زوجتي الصغيرة الحلقة السادسة
بعد 11شهر
خلاص معاش متحملا انا نعيش معا مصعب بشكل هذا لان كان عنده محل ملابس وتوكة ت استعلامات في مستشفى يبات في خدمة ويروح صبح ويقعد راقد لي تاني يوم والتاني يوم ينوض جوه متكهرب يبداء يدور في سبلا يدير بيها اي مشكلة ويمشي معا صحابه في استراحة بوه ويبات وهكذا طبعا عمله يومين بي يوم ه
ولم سلفتي سكنت معاي صح تونست بيها في دوشة في جنبي لاكن والله مرات نبداء نسمع سلفي وسلفتي كيف يهدرزو نبداء نبكي مش اني حاسدتها لا والله لا لاكن علاش مش زي خوه كان سلفي لايسهرةولايبات برا وكان شد صلاته وراجلي عكسه
قتلا اني معاش قادرة متحملا اكتر من هكي قالي بري لي ماليك
وتيت حوايجي وارفعني
خشيت لي امي خيرك شني فيه قتلها معاش متحملا معاش قدرت وقدت نحكي لي بابا على كل شيء وقالي بابا اني مرة هذي بنكلمه مش زي كل مرة يجيبك امتى مايبي ويروح بيك امتى مايبي
قتلا بابا باهي وطبعا في داخلي خوف
بعد اسبوع اتصل بيا وقالي اني جايك بنروح بيك قتلا تمام وصل قدام الباب طلع بابا وقالا تفضل طبعا مصعب باستغراب لان اول مرة خش وضيفناهم قهوة وتيت حوايجي كلهم ونزلتهم لوطة ونسمع نقاش وصوت يعلى مصعب وبابا وطبعا تعرفو مصعب واعر وحتى ماليه مستحيل يناقشوه طبعا بابا قال انت تطلع تبات معا صحابك وبنتي بروحها يعني شني هيا حاجة المهمة يلي تبات على خاطرها
رد مصعب وقالا خدمة
بابا تعصب وقالا بي عياط اما خدمة في ليل
رد مصعب بي 😡عياط وقالا اني هكي واوني بنت…………. وبيناتنا………….
قالا بنتك عندك وبيناتنا محاكم وطلع
طبعا اني خلاص شدتني عبرة ونركب في حواجي وفي داخلي مكسورة واجعتني نفسي هلبة لان تحملت هلبة حاجات وساكتة حارمني اني نواصل اقاربي يلي هما خواتي يعني مش طامعا في حد بعيد ويقولي لا تعبت صراخة وونشبح في ولدي وخفت يتربى من غير أب ركبت
مرام قتلي وخيتي مادوريشي تو يجيك يروح بيك تعرفيه يحبك
وقلتلها بنرقد لاكن قلبي 💔💔💔خشيت الدر وقعدت نبكي
وفاتو ايام مافيش اتصال من مصعب
والحق مالية ماقصروش معاي بكل يطلعو فيا امتى مانبي وخوتي يلي يلعب في ولدي ويلي يجيبلا في حوايج ويلي العاب ربي يحفظهم جديات لان يبو ينسوني بي اي طريقة
اول مرة نقعد في حوش ماليا 20 يوم في ليل وصلني …(مسج) من تونس وكتبلي فيه يابنت الناس اني نحبك ومانقدرش نعيش من غيرك واني قاعد شاريك والله والله كان ماتهمنيش مانقولولك كلام هذا اني بنروح من تونس غذوة ونلقاك في حوش
وطبعا بابا سمع قال مستحيل نروح بيك هوا يلي جابك هو يلي يروح بيك
بعتت مسج لي مصعب قتلا كلام بابا
مصعب : تمام براحتكم
طبعا اني على اعصابي ورغم يلي داره فيا حسيت روحي نحبه بعد نص ساعة بعتلي مسج كتبلي فيه خلاص اني نجيك نروح بيك لاكن مايطلعليش بوك
وامشيت لي بابا فرحنا وخايفة انا بابا مايعجباش الكلام
بابا يشبح فيا كيف فرحنا قالي بابا باهي وحسيته مش راضي
واني من فرحة ابعتت مسج وقتلا تمام واني كيف بنرقد وصلني مسج
يتبع….
- لقراءة الفصل التالي : اضغط هنا
- لقراءة الرواية كاملة اضغط على : (رواية زوجتي الصغيرة)