رواية التضحية الفصل الثاني عشر 12 بقلم آية حسن

رواية التضحية الفصل الثاني عشر 12 بقلم آية حسن

رواية التضحية البارت الثاني عشر

رواية التضحية الجزء الثاني عشر

رواية التضحية الحلقة الثانية عشر

محمد: ت ياريت معتبرتني جزي خوها وبس، الموضوع مهم ولازم نحكيلك اللي صار 😔
وحكي محمد اللي صار بينه وبين روبين وكيف قعدت تتكلم علي شهد كلام ماينقالش 💔
ربيع: مافيش دخان منغير نار، مدامها هكي قالت معناها الكلام حق، شن مصلحتها تبلي عليها؟ الاحسن انك تفوتها وخيي انت مش للمشاكل والكلام هلبا راه، فوتها ننصحك
محمد: كيف بنفوتها وهي معتبرتني اقرب الناس ليها والله ماهي لقطة بكل وكيف الطريقة باه بتفوتها بيها؟
ربيع: النكد يمللها صدقني خيرلك، زي ماحصلتها تو تحصل غيرها عادي ما ادورش
محمد سمع كلام ولد عمه لكن مش هاينة عليه شهد، بدي ينكد عليها ولو تتاخر لحظة ماتكلماش يقلب الدنيا، شهد في البداية قعدت صابرة لعل وعسى يتغير لكن مافيش حل 💔
وتمت الصيانة في حوش شهد وتوا لازم يرجعو لحوشهم، في الاول ماتبيش لكن بعدين رضت بالامر الواقع وخلاص ايام معدودة وترجع لحوشهم🦋
استمر الوضع اسبوع عراك مع محمد ليل نهار لدرجة الملل
وف يوم كانت تكلم في محمد صوت طبعا منكد عليها وهي مستفزة، جت بنت عمتها تبيها تطلع معاها بتشري حاجات🦋
شهد: تمام به نكلم امي ونلبس ونطلعو هي🖇❤
محمد من التليفون: لا حسيب لا رقيب تحسابي روحك، مافيش طلوع مش لازمك خليك في الحوش😒

شهد: خاطبني ولا قاري عليا فاتحة واني مانندريش؟ كلمة لا قولها لروحك مش ليا اني هنيلي روحك محمد سلام 🔥🔥
طلعت مع بنات عمتها وغيرت جوها ونست محمد ونكده
اذن المغرب وشهد مزال هايمة، محمد يغلي، مرام اخته حست بيه زعلان بالرغم من ان شهد كانت تكلم فيها وجوها مليح 🦋
مرام: حميدا خيرك؟ لاباس عندك صداع ولا شنو؟
محمد: باهي جيتي بنحكيلك شن صاير معاي 🥺
وحكالها محمد كيف هو متقطع علي معاملته لشهد لكن مضطر مايبيهاش تكرهه لما يسيبها يبيها هي تسيب😔
مرام: المفروض ماقلتش لربيع، طول جيتني انو وحكيتلي راهو فهمت منها من تكون روبين وبلا العار اللي مدايره، اصحى علي روحك انت محمد الطيب ماتمشيش بكلام حد
محمد قلبه وجعه من كلام مرام، واتضايق هلبااا لدرجة غطى روحه بالبطانية وخداه النوم للحظات وناض جوه اخيي😞⛓️
روحت شهد كانت فرحانة بالطلوع مع بنت عمتها طول تغير الجو من لما خشت للحوش
امل: بري اطلعي جيبي شن ناقصك غدوة الصبح مروحين 🦋
شهد من شدة الصدمة قعدت تضحك زي المجنونة 🥴🥴
شهد: توا الساعة 9في الليل تجي تقوليلي مروحين غدوة، شني صغيرة اني تقوليلي توا تقول عليا ماشية لزردة وجاية وين عايشين انتو يا بشر؟😡

امل: بلا طولت لسان وهيا ديري اللي قلت عليه ليل ماتعطليش😡😡
شهد عطتها بضهرها ومشت، طلعت وسكرت الباب وقعدت تبكي في الشارع ماتبيش تروح ، 😭🥺💔
كلمت محمد تبي تشكيله ويطبطب عليها، صوتها متغير جي رد عليها بكل برود
محمد: شن تبيني نديرلك، كملي نكدك وبعدين نهدرزو، 😒
سكرت شهد الخط طول معش زادت معاه ولا كلمة نهائي
شهد فقلبها: كمية الوقاحة اللي فيك ي محمد ماشفتها عند حد، لكن توا تشوف شهد التانية اللي عمرك ما ح تتمنى تشوفها غر تمشي هالليله علي خير وسااهل ساهل😏
شرت شن تبي ودموعها علي خدها لما خطمت من قدام محل عبدو وهو مسكر زادت ادمرت 😔
ودعت المحل من بعيد بعيونها وخشت للشارع ومنها للحوش وتت حوايجها منغير كلام وبعدها طول رقدت 💔
تاني يوم الصبح …🔥
امل: شهد نوضي هيا طلعي حاجاتك بوك يستنى برا بسرعة وقت راهو
شهد: معناها حق ماكنتش نحلم، اهو نايضة هي 😔
ناضت شهد خشت للحمام (حاشاكم) غسلت وجهها وقالت في قلبها: خلاص، عمر جديد بنكتب وحتى محمد بنمسحه🥀
مع العشية وفي مصراته تحديدا…🔥

محمد: امي، عندي بنت نكلم فيها نبي نعطي فيها كلمة، ولا اي شي المهم حاجة رسمية 😁
خديجة: باهي ياولدي من وين، شن اسم العيلة ويصير خير بعون الله ☺️
محمد: من طرابلس، اصلها غريانية
خديجة: من طرابلس؟ من توا لا ماتحلمش تاخدلك وحدة من غادي ، خيرها بنت عمك ماتشكي من شي 🥀
محمد: علاش خيرهم بنات طرابلس؟ البنت كويسة 🥺
خديجة: منحلات بنات طرابلس مش زينا حني شوف مرام لين كملت التانوي بش خدت تليفون ومزال بوك شاد عليها بش تكون متربية والحمد لله جاها نصيبها من الباب طول💍
محمد: تمام ي امي اهم شي رضاك، اني طالع سلام 😞
مرام سمعت كل شي وقعدت ساكتة لين شافها محمد
محمد: هي حاسبتني خوها وامي ماتبيهاش مافيش، امل من حبي ليها، بنطلق سراحها خلاص ساد حب من طرف واحد ورضي امي اهم شي في حياتي 😞💔
مرام ساكتة ماعندها ماتقول مش راضية وخلاص😞💔
شهد ماعندهاش علم بشي مصممة انها تلغي صداقتها بيه لانها مالقاته في ضيقها، وهو الحق كان عنده عذره 😔
الزوز مش فاهمين بعض فكان الاحسن ان يفوتو بعض 💔
جي الليل وكانو يهدرزو عادي وفي وسط الكلام

محمد: شهد، معش نبيك تتعلقي بيا لان اني مرات مش ح نكمل معاك وقت طويل، ياريت تفهميني🥺
شهد كانت حاسبة حسابها ومتوقعة الكلام هدا من تصرفاته معاها الفترة اللي فااتت😒
شهد: به تمام، غدوة الصبح نبيك بنقولك كلمتين بس، اني تعبانة توا نبي نرقد …سلامات 🥀
محمد بقلب مكسور سكر الخط وقال في قلبه: نحبك وربي😞
ثاني يوم …الساعة 9 AM ……🔥
شهد مش راقدة ولا دقيقة تستنى في الصبح، محمد مش راقد كويس برضو ويستنى فيها تكلمه بفارغ الصبر 😔
شهد: صباح الخير، كيف حالك اليوم؟ 🦋
محمد: يسعد صباحك 🥀نستنى فيك من بكري 🥀
شهد: اهاا به، محمد هما كلمتين مانبيش نعطل عليك، انت مخلوق نكدت عليا هلبا واني متحملة وساكتة لكن توا خلاص طفح الكيل، لما تضايق تلقى في شهد لكن لما اني اضايقت مالقيتكش، لا بالعكس جيت ضدي تماما 😓اني صداقتك معش تلزمني مدامك انت اناني هكي
محمد يسمع وساكت مش قادر يرد ولا يقول علاش دار هكي 😔😓
محمد: عندك حق في كلامك اني اسف كنت ندير هكي مانبيش نكسرك زيادة، شهد اني كنت رايدك بالحلال، اني مش موضوعي علاقة وحب، كلمت امي لكن رفضاتك لانك مش من عندنا ومش زي تربيتنا لانك من طرابلس 😔😔
شهد: خلاص محمد، اني اصلا مافتحتش معاك موضوع حب ولما قلتلي اني قلتلك لا، انهي كل شي حتى صداقة لا هدا

احسن حل ليا وليك 💔
محمد: اني اللي عندي قلته، انتي وراحتك بتسيبي، بتقعدي انتي حرة وهدا قرارك، المهم اني وضحتلك، نشوفك بخير …سلاام💔
شهد تتكلم: نكذب لو قلت محمد مش واجعني، كنت نعتبر فيه اعز شخص عندي، صح مانعتبرش فيه حبيب لكن كان صديق وزي الخو، بعد موقفه وكيف كلم امه ورفضت جبدت روحي وبعدت علي الشر، الصح اني ندير هكي🦋
بعد يومين …🔥
مرام: شهودة كيف حالك توقعتك ماترديش عليا، كويس انك رديتي، مستاحشاتك وعندي حاجتين، سؤال وخبر ليك 🥀
شهد: مرام، هي كلمة وحدة، كل يد تمسح علي وجهها، انتي ماليكش علاقة باللي صار، هادي كانت رغبته، اسالي قبل وبعدين شن هو الخبر لان السؤال حسيته اهم😁
مرام: شهودة ماتزعليش لكن من تكون روبين؟ راهو هي السبب في اللي صار بينك انتي ومحمد من نكد ومشاكل وهي سبب انفصالكم لانها قالت عليك كلام ماينسمعش🔇
شهد: روبين؟؟ شن مزال تبي مني؟ هادي ياحنا(وحكت شهد لمرام قصتهامع روبين من البداية ليوم جنازة عبدو) 💔
مرام: محقرها! معناها كله كدب اللي صار …امم به، نبي نقولك ان محمد مش رغبته يسيبك، امي هي اللي فرضت عليه هكي ويا انتي يا هي💔

شهد: رغبته ولا لا معش يهمني السبب، ولو امك فعندها الحق مرات ماتبيش لولدها وحدة برانية. عموما هو حكالي واني تفهمت محمد وماجيتش ضده، وربي يهنيه 💕
مر اسبوع وشهد مكسدة لاطلوع لا شي، شادتها قروبات ع الفيس لين طاحت في قروب مليح كله طاقة وجوه خيااالي فعلا يضيع الوقت بالضحك وحوه حلو 🤤🦋
شهد تحب الاقتباسات والكلام المعبر، حبت تنشر محتواها داخل القروب،
كان في تعليق يقول: احلى دعم تاخديه مني شهودي 💕
التعليق كان من شاب، الوحيد اللي لفت انتباهها، ياودي شكلها لنعجبت بيه مع ان الايميل كان وهمي بلا صور ولا شي لكن انجذبت ليه بسرعة وبدت تحاول تلفتله انتباهه
قررت بعد يومين اديرله رسالة من مجهول. تبي تشوفه مرتبط ولا لا
لما شاف الرسالة من مجهول كتب: سلمها مجهولتي ربي ما يغيبك قمتي القدر، ياريتك تقولي انتي منو لان كلامك حلو
زعما من يكون الشاب هدا؟ ولازم نكونو شادين الشخصيات المجهولة من قبل لان عنده موقف في الحلقات الاولى 🦋