رواية من نوع آخر الفصل الأول 1 بقلم مريم محمد

رواية من نوع آخر الفصل الأول 1 بقلم مريم محمد

رواية من نوع آخر البارت الأول

رواية من نوع آخر الجزء الأول

رواية من نوع آخر الحلقة الأولى

تدخل فتاة من باب واحدة من أكبر الشركات فى مصر ملامحها بسيطة و مريحة يقف جميع من فى هذه الشركة احتراما لها
دخلت مكتبها و دخلت وراءها السكرتيرة الخاصة بها ” هالة ”
= بشمهندسة فيروز حضرتك عندك اجتماع النهاردة الساعة 4 و مقابلة مع المدير التنفيذي لشركة الأحمد
هزيت راسى و قولت ^ تمام يا هالة تقدرى تتفضلى
خرجت هالة و رجعت بالكرسي لورا بفكر فى حياتى و اللى انا فيه دلوقتى
قطع تفكيرى خبط على الباب
^ أدخل
= صباح الخير يا بشمهندسة فيروز
^ اتفضل يأستاذ يونس
= احنا لاحظنا ان فى تراجع كبير جدًا فى سعر الاسهم و دى حاجة مش مبشرة بأن احنا نغامر و نشترى
“رجعت لوضعيتى تانى و قولت ”
^ اشتري الاسهم يأستاذ ” يونس”
= يافندم دى هتبقى خسارة لينا
^ بص يأستاذ يونس الاسهم دى مش هتفضل بنفس سعرها لآخر اليوم بلاش لآخر اليوم خليها لبكرة الاسهم هتغلى جدًا كمان عندك ساعتين عيد فيهم حساباتك و تقدر تجينى
= تمام يبشمهندسة
____________________________

انا فيروز العامر أصغر سيدة أعمال فى مصر زى ما بيقولوا حقيقى المجال ده انا كنت بهواه
بعد ما بابا الله يرحمه اتوفى حسيت انى انا المسئولة عن كل حاجة من بعده خصوصا ان انا البنت الوحيدة ليه دخلت المجال وحسيت انى مغصوبة عليه الضغوطات بتقدر تغير الواحد من بنى آدم مليان شغف إلى بنى آدم منطفى
‘ قطع حبل افكارى ده صوت تليفونى ببص لقيتها صحبتى الوحيدة
اكتر واحدة مقربة ليا “نور ”
= فيروز يفيروز يفيروز
بعدت التليفون عن ودنى وانا بقول :
^ اي يبنتى كل الدوشة اللى عملاها دى
= طيب يستى انا غلطانة انى بطمن عليكى
^ وه !! انت زعلت يفوزى
= يستى وانتى تصدقى انى بزعل اصلا
^ مانا استغربت فى نفسى
= بقولك طالعين انا والشلة النهاردة و هنتقابل فى ٠٠٠٠ وطبعا انتى جاية جاية
^ انتى عارفة انى مش بلاقى نفسى معاهم ينور
= يستى بقا و هما كانوا عملولك اى ما هما خلاص اعتذروا خلي قلبك ابيض بقا
^ لا روحى انتى انا مش هقدر اروح

= تمام براحتك
قفلت معاها وانا مش عارفة هى ليه مصممة تجمعنى معاهم تانى وهى عارفة انهم كانو سبب فى أذيتى نفسيًا
دخلت هالة *
^ بشمهندسة فيروز الاجتماع هيبدأ
‘ تمام روحى انتى يا هالة و انا جاية وراكى
دخلت الاجتماع كعادتى لقيته شخص كبير مش صغير
عدا الاجتماع على خير الحمدلله بس محستش انى مقتنعة بالشركة اللى قدامى
^ ها يبشمهندسة فيروز قولتى أيه ؟
= سيبونى ادرس الموضوع و أدلى برأيى بعد ما افكر
^ تمام براحتك
خرجنا من الاجتماع لقيت الاستاذ يونس بيستأذن انه يدخل
^ ينفع ادخل ؟
= اه طبعا اتفضل .
^ مقتنعتيش بأداء الشركة صح ؟

= عرفت منين ؟
^ كل الموظفين محدش فيهم كان مقتنع بالخطوة اللى هناخدها
= يعنى هما مش مقتنعين ؟
^ لا
= طب ومحدش فيهم جه يقولى ليه
رفع كتفه بمعنى ” مش عارف ”
_ طيب ياريت تبلغهم انى عايزة اجتمع بيهم فى أقرب وقت و يستحسن لو يكون بكرة
^ تمام ماشى
” خدت شنطتى و طلعت من الشركة وانا بفكر ليه مروحش معاهم فى الاخير قررت انى اروح معاهم وخلاص واهو بالمرة نور هتتفاجئ لما تعرف انى جيت ”
وصلت المكان اللى هى قالتلى عليه ولقيتهم بيقولوا
_ هى فيروز مش هتيجى ولا اى
^ قالت مش جاية

ردت بنت ^ هى ليه متكبرة و شايفة نفسها كده
نور : مش عارفة ده الواحد مستحملها بالعافية اصلا
_ مانتى طول النهار جنبها
نور ^ اكتر وقت ببقى مخنوقة فيه شخصية سئيلة
” اتصدمت صدمة عمرى مش عارفة اقول اى ؟ هو المفروض فى المواقف اللى زى دى اقول اى ؟ او أعمل اى ”
قربت من الترابيزة اللى هما قاعدين عليها و قولت
^ لا و على اى انا هريحك منى
نور : ٠٠٠٠٠٠٠٠٠

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على (رواية من نوع آخر)