رواية يوم خطوبته الفصل الرابع 4 بقلم سلمى أشرف
رواية يوم خطوبته الفصل الرابع 4 بقلم سلمى أشرف
رواية يوم خطوبته البارت الرابع
رواية يوم خطوبته الجزء الرابع
رواية يوم خطوبته الحلقة الرابعة
مرام : سارة الصور دي ممكن تكون حقيقة بجد ! 🌚
سارة بهدوء : أنا لازم أشوف محمد حالا
مرام : طب اهدي بس وفكري الاول
سارة : مين اللي ف الصور دي ؟
مرام : هيكون مين غيرها اكيد ليلي وخافية صورها عشان متنشريش الصور
سارة : وعشان كده لازم اقابل محمد .🚶🏼♀️
.
محمد وصل بيت سارة ..
محمد : خير ي سارة في أي خضتيني ؟
سارة ورته الصور : انت اللي ف الصور دي ؟
سارة لاحظت أن محمد باصص للصور باستغراب ومش فاهم حاجة ولا بان عليه توتر ولا اي قلق ..
محمد : لا طبعا دي متفبركه
سارة : ..
محمد : سارة والله ده مش انا ومعرفش مين دي اصلا
سارة : مين اللي هيكون ليها مصلحة ف كده غيرها ؟
محمد : ليلي !
سارة : اها
محمد : سارة أنا يفرقلي حاجة وحده انتي مصدقة أن الصور دي حقيقة أو اني ممكن اعمل حاجة زي كده ؟
سارة بتوتر : لا أنا واثقة فيك بس كنت محتاجة اسمع رأيك الاول وأشوف رد فعلك واتاكد انت هتكون صريح معايا والا لا يعني أنا حتي لو شاكه ف حاجة كان لازم اتكلم معاك .
محمد بضحك : بتتكلمي جد ؟
سارة باستغراب : ده وقت ضحك 🙂 بتضحك علي اي ؟
محمد مسك ايدها
سارة بغيظ : لسه مكتبناش الكتاب اوعي كده
محمد بضحك : سارة انتي قمر اوي بجد ♥️
سارة بكسوف : مقولتليش بتضحك لي اخلص يسطا 🙂
محمد : يسطا ! 🙂 ماشي ي ستي بصي أنا مبسوط انك قدرتي تتحكمي ف شكك توقعت انك هتتخانقي وتزعقي وكده يعني رد فعلك فاجئني بصراحة ودي حاجة كويسة اوي أما مبسوط منك ♥️
سارة بابتسامه : أنا كنت خدت قرار اني مخدش رد فعل علي طول من اي حاجة اشوفها أو اسمعها عشان اقلل حتة الشك اللي عندي دي وديما بقرا كتب تنمية بشرية عشان اقدر أبطل شك ف اللي حواليا وفي نفس الوقت اتعامل صح من غير ما ادي كل ثقتي واتأذي منهم ♥️
محمد : بجد أنا فخور بيكي وملاحظ أن من وقت ما رجعنا واحنا قدرنا نصلح العك اللي كان بينا
سارة بلهفة : قوم قوم انت ناسي أن كتب الكتاب كمان يومين ولسه مخلصناش تجهيز ونسينا السيشن
محمد بضحك : مجنونة ما انتي اللي نستيني قومي اجهزي عشان اخدك هروح البس وارجعلك
سارة وهي بتجري علي اوضتها : متنساش تجبلي اكل
محمد بغيظ : هتجوز فيل بياكل ويشرب وينام 🙂
سارة بضحك : طب يلا انجز .
.
مرام : انتي اللي عملتي كده صح ؟
ليلي ببرود : جاية لي ؟
مرام : انتي لي بتعملي كده ؟ سارة اذتك ف اي والا محمد عشان تروحي تخربي حياتهم ؟
ليلي : سارة خدت محمد مني
مرام : انتي اللي خطفتيه منها ي ليلي لما ادخلتي بينهم
ليلي بغيظ : وكان بيحبها وهو معايا مش خيانه دي ؟ مادام قرر يرتبط بيا وجه خطبني ليه يفضل يفكر فيها هي ؟ ليه محبنيش ؟؟؟؟؟
مرام : عشان انتي عارفة من الاول أن محمد مش ليكي وعارفة انه محبكيش وحب سارة وبرضو وافقتي ترتبطي بيه يعني برضو الغلط عليكي حتي لو محمد غلط متنسيش أن انتي السبب من الاول ..
ليلي : ..
مرام : ليلي انتي انسانه كويسة وتتحبي بلاش تخلي الوحش اللي جواكي يغطي علي الحلو اللي فيكي انسي محمد وفكري ف حياتك وربنا اكيد هيبعتلك حد يعوضك وتنسي كل اللي حصل ده
ليلي : انتي عايزة مني اي دلوقتي ؟
مرام : تسيبي محمد وسارة ف حالهم ومتحاوليش تدخلي بينهم وخليكي انسانه سوية وحبي الخير لغيرك
ليلي بهدوء : ماشي ي مرام أنا هبعد عنهم بس علي فكرة أنا مش وحشة كده زي ما انتي متخيلة أنا عارفة اني غلطانه بس محمد بردو غلط لما أنا قربت وهو كمان قرب مني لحد ما اتخطبنا يعني الموضوع مكنش من ناحيتي بس حتي لو مجرد اعجاب أنا اتعلقت بيه وكان عندي استعداد اعمل اي حاجة علشانه أنا اسفة علي كل اللغبطة اللي حصلت بسببي وصدقيني مش هحاول اعمل اي حاجة تاني وهبعد 🖤
مرام بإبتسامه وهي بتحاول تخفف عن ليلي عشان عارفة أن كل اللي عملته بدافع حبها لمحمد : عارفة عشان ليلي اللي كنا نعرفها زمان لسه جواكي لسه فيكي حلو كتير تقدري تحافظي عليه ♥️
ليلي وهي بتمسح دموعها : طب يلا بقي عشان تلحقي كتب كتاب محمد وسارة وابقي باركيلها بالنيابه عني وخليها تسامحني ♥️🖤
مرام بابتسامه : ماشي لو احتجتي حاجة كلميني سلام .
.
سارة : وانتي بقي صدقتي الكلام اللي هي قالته؟
مرام : خلاص بقي ي سارة يعني هي هتكدب لي واهي ي ستي مش هتعمل مشاكل تاني ده جزاتي اني قولت ننهي الحوار ده !
سارة براحة : يلا ربنا يسعدها بعيد عننا أنا مسمحاها
مرام : طب يلا عشان نجهز ♥️
.
يوم كتب الكتاب وسارة ف اوضتها متوترة وهي باصة لنفسها ف المرايا وبتتأكد أن لبسها ومكياجها مظبوط
مرام بفرحه : المأذون وصل ي سارة يلا
سارة بتوتر : لا أنا مش عايزة اطلع دلوقتي
مرام بضحك : طلعتي جبانه مينفعش نتأخر عليهم يلا
سارة : طب استني الميكب والفستان حلوين ؟
مرام : والله قمر ومحمد هينبهر بيكي ♥️
سارة : ماشي يلا تعالي اطلعي معايا
مرام : لا استني أنا جيبالك حاجة
سارة : حاجة اي ؟
مرام فتحت شنطتها وطلعت منه تاج فيه فصوص فضي وسمبل وهادي 👑❤️
ووقفت مرام قدامها ولبستها التاج ❤️
مرام : ده التاج اللي كان نفسك فيه وانا جبتهولك ودخت علي ما لاقيته ❤️
سارة بانبهار : مش معقول لقيتيه فين ده حلو اوي بجد كان نفسي فيه
حضنتها سارة بفرحه وهي مبسوطة ❤️
مرام بضحك : يعني ده وقت أسأله يلا العريس خلل بره
سارة بضحك : يلا بس بجد فرحتيني ❤️
المأذون ..
“. بارك الله لكما وبارك عليكما وجمع بينكما في خير ” 💍❤️
البنات زغرطوو والكل بيهني ويبارك ومحمد اتنهد براحه وقام حضن سارة ولف بيها بفرحه وهو مبسوط أن حلمه اتحقق وبقت مراته رسمي🌿❤️
محمد : بحبك ❤️
سارة بفرحه : مبسوطة أن صاحب عمري اخيرا بقي جوزي أنا بحبك ي محمد 🙊❤️
محمد بأس أيدها وراسها وحضن ❤️ وبدأت اغنية ” يارب بارك لمتنا ” تعلي ف المكان وسط فرحه كل اللي موجودين❤️
#تمت
- لقراءة باقي حلقات الرواية اضغط على (رواية يوم خطوبته)