رواية لقاء مصلحة الفصل الثالث عشر 13 بقلم نوران جمال

رواية لقاء مصلحة الفصل الثالث عشر 13 بقلم نوران جمال

رواية لقاء مصلحة البارت الثالث عشر

رواية لقاء مصلحة الجزء الثالث عشر

رواية لقاء مصلحة الحلقة الثالثة عشر

_كان الجميع جالس علي طاولة الاجتماعات
وهناك رجل يترأس الطاولة يشرح للجميع تفاصيل تلك الصفقة وانها من اكبر الصفقات التي ستنقل الشركة التي ستربحها الي مكانة اخري في سوق الاقتصاد ..
ليكون الجميع يفكرون بتركيز كيف يمكنهم الحصول علي تلك الصفقة فالان سيحاول كل رجال الاعمال بالفوز .
الرجل بإبتسامة : ودلوقتي ايه رأي حضراتكم ومين عايز تكون الصفقة من نصيبه وايه اللي يخليه يربح الصفقة دوناً عن البقية ..
احد رجال الاعمال بهدوء : الصفقة جيدة جدا وانا استحقها بسبب ان شركتي بتنافس الشركات في السوق…
رجل اخر : بل اظن ان انا اللي استحقها ان شركتي بتنافس شركات دوليه مش محلية فقط..
امرأة اعمال : الصفقة مش سهله في ادارتها ومش اي حد يقدر يقوم بإداراتها وانا فريق العمل كله جيد عندي فأنا اكثر واحده استحق الصفقة كمان مبلغ شرائها بالنسبالي مش صعب ..
الرجل صاحب العرض : سعر الصفقة اختلف بسبب اقبال الكثير عليه وهيكون الضعف ..
ليصمت الجميع يعيدون النظر في الامر..
ليان بهدوء وجدية : انا اتحمل سعر الصفقة ..
فنظر جاسر لها بصدمة فنظرت هي له بإبتسامة فعلم هو ان خلف تلك الابتسامة شئ مريب..
ليفكر جاسر جيدا فتلك الصفقة بالفعل لن تتكرر
جاسر بهدوء : وانا هتحمل سعر الصفقة ..
ماجد صبري بعناد ومكر : وانا اقدر ادفع الضعف واتحمل سعرها ..وبعد مناقشات كثيرة ربح ماجد صبري تلك الصفقة بعدما سحبت ليان كل اوراقها وافسحت له المجال ..
ليهتز هاتف جاسر معلنا وصول رسالة
لينظر جاسر فيجد رسالة من ليان تقول “انسحب من العرض ضروري ثق فيا ومش هتخسر ” لينظر لها جاسر ثم يفكر كثيرا ..
الرجل صاحب العرض : جاسر باشا هترفع السعر وتنافس ولا خلاص كده ..
جاسر بجدية : خلاص كده ..
الرجل : ربح ماجد صبري الصفقة ..ليصفق الكثير له ويخرجون ليكون في الغرفة جاسر وليان وماجد صبري فقط
ماجد بسخرية : انا مافيش حد يقدر يخسرني وديه مجرد بداية ..ليضحك بمكر ويخرج من الغرفة
لينظر جاسر بغضب الي ليان فهي السبب فهو كان يستطيع ان يربح الصفقة لولاها ..
ليان بجدية وهدوء : قبل كل حاجه تعالي نخرج من هنا في كافيه قريب حلو جدا نقعد فيه..
جاسر بغيظ : يا بارده…

_لتقف ليان وتأخذ الجاكيت الخاص بها وتخرج ليخرج هو خلفها وهو يكرر بصوت منخفض : يا بارده يا بارده بتكلم مع جليد انا واقف مع ثلج يا بارده ..
لتقف ليان فجأه
ليان بغيظ : كفايه بقي واعقل كده يالا ادخل الكافيه ..
ليجلسا هما الاثنان
جاسر بغيظ : انتي عندك كام سنه ..
ليان بإستغراب: سبعة وعشرين ليه ..
جاسر بضيق : وانا تسعه وعشرين يبقي تحترميني ..
ليان بضيق : جاسر عايز ايه..
جاسر وهو يتمالك اعصابه بصعوبة: انتي سيبتيه يكسب الصفقة انتي عارفه الصفقة ديه هتعمل ايه هتنقله لمكانه تانيه خالص انتي عايزه ترفعي شركته ولا توقعيها ..
ليان بهدوء وجدية : اولا كلامك نصه صح والنص التاني غلط ثانيا سيبني اتكلم وانت هتفهم ثالثا اشرب القهوة اللي قدامك عشان اعصابك..
جاسر بهدوء : احكي يا شهرزاد ..
ليان بهدوء : هو كده هيضعف نفسه بنفسه لأنه هيدفع مبلغ كبير عشان الصفقة ده غير الرشوة اللي كان دافعها للمندوب من الاول لو تاخد بالك ان صاحب العرض كان كل شويه عينه علي ماجد مستنيه وده يدل ان هو كده هيدفع اكتر من نص ارباح شركته وهيقعد فترة كبيرة عقبال ما شركته ترجع افضل بسبب الصفقة وفي الفترة ديه مطلوب مننا نخلص مهمتنا بمعني انا اديتله حاجه يتسلي فيها بعيد عننا عشان عينه تبعد عنا وكده نقدر نخطط براحتنا ونعمل مشاريع شركاتنا بعيد عنه لأن اي خطوة تانيه هيعملها الفترة ديه شراء او بيع هيؤدي الي افلاس شركته فهو كده اصبح مُقيدةواحنا اصبحنا حُرين ..
لينظر لها جاسر دون ان يرف له جفن
ليان بإستغراب: مالك..
جاسر وهو يشرب القهوة : مصدوم بس عادي ده المتوقع منك..ثم بإبتسامه: بس انتي كده خسرتي الصفقة بمزاجك …
ليان بتفكير :اخسر حاجه قليله واكسب حاجه كبيرة بالنسبالي افضل ..
جاسر بإبتسامة : مكارة يا ليان..
ليان بإبتسامة : عارفه ..
جاسر بضحك : يالا قومي نروح..
ليان بهدوء : لا انا هروح الشركة ..
جاسر بهدوء : تعالي بس نشوفهم وصلوا لإيه ..
ثم بهمس : ميرال هتسامحك متقلقيش ..
لتنظر له بإستغراب
جاسر بضحك : انا فاهمك شويه بردو ههه..
لتضحك هي الاخري بيأس ويدخل كل واحد منهما سيارته وخلفهما سيارات الحرس عائدين الي الفيلا..

_ في الفيلا
ميرال بإستغراب : انت ازاي كده..
ادهم بضحك : انا كده بعمل فطار بس اومال لو شوفتيني علي الغداء بقي …
ميرال بإبتسامة: لا وعلي ايه نشوفك فطار وغداء وعشاء..
ليترك ادهم ما في يده ويسند يديه علي الرخامه التي تفصل بينه وبينها
ادهم بإستغراب : تعرفي انك غريبة..
ميرال بضحك : بتقول كده كتير علي فكره ..
ادهم بهدوء : لا بجد يعني انتي طيبة ولا شريرة يا ميرال وبعدين ضحكتك حلوه اهيه ليه دايما بقي مكشره كده ..
ميرال بهدوء وتفكير : يمكن عشان مضطره ..
ادهم بتساؤل : ليه..
لتدخل هي له وتمسك خياره وتظل تقطعها بالسكينه بينما هو استدار ليتابعها
ميرال بهدوء : عشان انا جدية ساعة الجد لازم ابقي جد مينفعش نكون في حاجه مهمة واقعد اضحك كمان عشان احقق هدفي من غير تشويش ..
ادهم بتساؤل واستغراب : بس انتي كده مش هتبقي مبسوطه في حياتك..
ميرال بتنهيده : انبساطي بتحقيق اهدافي ..
ادهم بإستغراب : للدرجة ديه ..
لتومئ هي له
ادهم بإبتسامة : واللي يغير طريقتك ديه ..
لتنظر له بإستغراب
ادهم بإبتسامة : يعني انا غيرت شويه فيكي وفاضل شويه بمعني انك بتضحكي وانتي بتكلميني وده نص الطريق ..
لتنظر له ميرال بسخرية واستغراب
ادهم بإبتسامة مرحة : بتضحكي وانتي بتكلميني انا بس يا لوزة..
ميرال بإستغراب: لوزة بقولك ايه اطلع بره يالا ..
ليخرج ادهم وهو يضحك لتضحك هي الاخري ليدخل مرة اخري الي المطبخ
ادهم بمرح : ضحكتي تاني اهو ..
لتهز رأسها بيأس ليسمعا صوت سيف من الخارج
سيف بنداء وضيق : طب احنا مستنيين الفطار علي فكرة ..
لينظرا الي بعضهما ثم يضحكا مرة اخري ليأخذا الاطباق الي الخارج ..

_ بينما في الخارج
كانت يارا تمسك اللاب توب الذي اعطته ميرال لها
وتركز علي كتابة امر ما ليجلس فجأه ياسين بجانبها لتخرج هي بسرعه من التطبيق وتنظر له بفزع
يارا بفزع : في حد يعمل كده انت حمار يا مستر ياسين..
ياسين بسخرية : وعلي ايه مستر يا يارا ..ثم بتساؤل : كنتي بتعملي ايه واتخضيتي كده ليه..
يارا بضيق : لا بص يا مستر ياسين ديه خصوصياتي ..
ياسين بضحك : خصوصياتك اممم ..
يارا بإستغراب: حضرتك بتتريق..
ياسين بهدوء وهو يعطيها العديد من الملفات : خدي بقي دول اشتغلي عليهم مع خصوصياتك ..وقبل ان تتكلم يارا
ياسين بجدية : لإلا خصم اسبوع..
يارا بضيق : يووه بقي..
ياسين بإستفهام : بتقولي حاجه يا يارا..
يارا بإبتسامة وضيق : ابدا بدعيلك يا ياسين..
لينظر لها
يارا بجدية : اقصد مستر ياسين ..
ياسين بجدية وحدة : تمام تعالي افطري الاول عشان تركزي بعد كده شوفي شغلك ..
لتومئ له بغيظ وتذهب الي طاولة الطعام بينما هو استدار ليبتسم بمرح
ياسين بمرح : جيتي في ملعبي يا يارا ..
دارين بسخرية : انت بتكلم نفسك..
ياسين بفزع : في حد ييجي كده..
دارين بضحك : تعالي تعالي عشان الفطار هههه..
ليسيرا وهما يضحكان الي طاولة الطعام .
وعندما جلس الجميع
كانت النظرات مختلفة بين كل ثنائي

_فكانت يارا تريد قتل ياسين بينما ياسين يبتسم بمكر وهو يعلم بأنه استطاع ان يضايقها ..

_ميرال وادهم كانا ينظران الي بعضهما نظرة غير مفهومة
فميرال لا تريد منه ان يفهمها او ان يعرف كيف تكون من الداخل لا تريد ان تنكشف شخصيتها له بينما هو في داخله يشعر بالفرح بسبب انها تتصرف معه بطريقة مختلفة عن الاخرين حتي ولو قليلا ..

_اما سيف ودارين فكانت نظراتهما مختلفة دارين تشعر بالغيظ منه فمجرد رؤيته يجعلها تشعر بالاستفزاز والضيق اما هو ينظر لها وقلبه ينبض بعنف ..

ليدخل فجأه جاسر وليان
سيف بتساؤل : عملتوا ايه..
ليان وجاسر بإبتسامة : خسرنا الصفقة ..

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (لقاء مصلحة)