رواية الوجه الأخر للحلال الفصل التاسع 9 بقلم ميفو السلطان

رواية الوجه الأخر للحلال الفصل التاسع 9 بقلم ميفو السلطان

رواية الوجه الأخر للحلال البارت التاسع

رواية الوجه الأخر للحلال الجزء التاسع

رواية الوجه الأخر للحلال الحلقة التاسعة

ما ان سمع ايوب كلام امه حتي اشتعل وهب ليهتف بعنف… بتجولي ايه ياما مالها عنيها..
لتهتف.. مالك يا واد اجعد اتسخمط اما اخد الواد يشفها دانا جلبي بيدج. هم يا حزين لتمشي.
ليصر*خ ايوب ويهب ويقف امامها… استني انت واخداه فين.
لتهتف… يا واد البت اللي بتدرس لمحمد جمر يا واد يا دراج. والا ايه عليها شعر يا واد يخبل لحد ضهرها وحرير ولون العسل بص شديت الطرحه شعرها انهال يا واد بيهفهف خطف جلبي اني هنهبل هم يا طين انت.
ليصر*خ ايوب… ماتسكتي يامه بلا شعرها بلا طين عيب اكده حد يجول علي حرمه اكده لراجل كان قلبه يحترق… يا مري شعرها.. ايوه شعرها يهبل اروح فين اخدها واطفش(لا اتلحلح الفانزات بيقولولك اتلحلح 😂😂😂) ليهتف… وانت يا سي طين هم روح شوفلك شغلانه بلا مسخره.
لتهتف الام.. يمين بالله ماهيحصل البت دي ماهسيبها. (ماتسكتي بقه يا حجه هينجلط 😂😂)
ليقف ويشد دراج ويدفعه للخارج.. روح روح الله يسهلك.
لتقف امه وتشد دراج… بطل يا طين والله لاجفشهاله دي ماتتسابش .
كان دراج يقف بين امه وايوب وكل منهم يشده ليستعجب دراج من عنف ايوب..
ليهتف ايوب بطلي بقه وانت غور من اهنه.
لتمسك في دراج وتكلبش فيه.. ماتسيب الواد يا طين انت جك خابط البت هاخدهاله والله لاعمل ليله يتحاكي بيها. دي بتنور يا واد يا دراج تعالي بس والله لاعمل اني بسورج اوريك شعرها.
ليشتعل ايوب ويخبط دراج علي كتفه بعنف.. جولت غور. ليتنهد دراج مستعجبا وينصرف.
لتهتف الام غاضبه… انت يا واد جبله ماعندكش دم بتجطع رزج اخوك.

 

 

ليهتف…. ما تسكتي بقه حد حالك عليا تجهريني. اما مالكيش صالح بالبت دي هاه بجولك اهه ماهياش عرض هو فاهمه..واياك تيجي جنب شعرها.
لتهتف باستغراب.. انت تعرفها
ليهتف… ايوه وشويه وهروح اجعد معاها.
لتبتسم السيده.. والنبي صوح هتجعد معاها الجمر دي..
ليبتسم.. ايوه هاخد درس.
لتنظر اليه باندهاش.
نعم يا نضري.. انت عبيط يا واد انسخطت درس ايه.
ليهتف.. درس دين ياما اني متفج معاها.
لترفع حاجبيها.. دين.. حوش حوش يا واد من ميته يابن بطني.
ليهتف.. ايه يما انا كافر اياك.. ربنا بيهدي.
لترفع حاجبيها… ولاااا مش مرتحالك (ولا احنا والله يا حجه 😁😁) دين ايه يابو دين يا بتاع الاثار انت اهبل.
ليهتف.. وماله بتاع الطين كفر يعني.
لتمصمص شفتيها… ولااااا انت بتجطع علي اخوك الغلبان عشان طيب وبتاع ربنا اهي البت دي بتاعه ربنا يبقي نحط ده علي ده نجيب بتوع ربنا علي بعض وافرح عايزه عيال جمر.
ليهتف.. ماتسكتي بقه بلا نحط بلا نجطرن.انت يامه بتعملي فيا ليه اكده ماتروحي تعجني والا تخبزي دا حزن ايه ده.

 

 

لتهتف… يا واد هموت واجفشها لاخوك انت مالك انت جاحد ومالكش في النسوان الحنينه البت دي تنفع اخوك ياخدها. بص اني هجوزهاله علي طول مش هنخطب اه لتطفش وحد يلهفها.
ليصرخ ايوب.. لهفه جطر اللي يجرب اتبسطي. وايه ماليش في النسوان امال ليا في ايه دا حزن مغلي.(حزن بروحين 😂😂) .. يلا ياما بلا نجوز بلا نجطرن وبعدي بقه واجفلي عالطين ده واياك فاهمه اياك تخلي دراج يجرب منها والله ماهسكتله فاهمه لينصرف مسرعا.
لتقف ساهمه… هو فيه ايه هو انهبل درس ايه اللي هياخده الشايب ده.. لتتنهد مش مرتحالك يا ايوب اما نشوف اخرتها.
*******
كانت عطر منهمكه مع محمد ولم تلاحظ ذلك الذي دجهل وظل يراقبها كانت جميله رائعه لتنتهي هيا.
ويقوم محمد ليهتف… انت جيت يا عمي. لتستدير وتبتسم له ليدخل ويهتف… طب روح انت جولهم يجيبو عصير..
لتهتف…. لاه ماعايزاش خليه جاعد.
ليهتف…. روح يا محمد ليذهب محمد.
لتخجل هيا لتهتف.. مشيته ليه مش جولنا هيجعد معانا..
ليهتف…. انت خايفه مني والله انجهر بعد دا كله.
لتهتف.. لاه مش خوف بس مايصحش نجعد لحالنا اكده..
لينظر حوله فين ده اللي لحالنا دا الباب والشباك مفتح اد اكده والدنيا باينه فيه شباكين مفتحين وباب جد الحيطه يبقي لحالنا اني برضك هعمل العيبه يا عطر..
لتخجل… لاه والله ماجصدي.. ليهتف طب اجعدي نتكلم.
لتهتف.. لاه نتكلم ايه بس.. اجعد نبتدي نتكلم في ايه عايز تعرف ايه عن دينك
ليهتف اي حاجه.. اللي تجوليه..
لتهتف.. طب نكلم في الحلال بتاع ربنا.
ليندفع… ايوه عايزه حلال ربنا ده اخده كله وانبسط بيه.
لتطرق من نظراته وتهتف… طيب.

 

 

لتخرج كراستها وتبدا في الكلام كانت لا تجرؤ ان تنظر اليه من هول نظراته وهو لا يسمع شيئا من الاساس وسارح فيها كان يتمني ان يلمسها ليتنهد ويحلم بها وعلي وجهه ابتسامه بلهاء ومشاعره تطحن بداخله وهو لم يعد قادرا ان يبعد عنها دقيقه واحده.هو اني لو صحيت علي الجمر ده هعرف اعيش هيا حلوه جوي وطيبه وتاخد العجل كان ساهما هائما وهيا تتكلم ..
في تلك الاثناء تسللت امه الي مكان الدرس لتراقبهم لتجد عطر تتكلم وتشرح له ولكن ما سعدها نظرات ايوب لها وسرحانه فيها لتسعد.. الواد هيمان يا فرحي اول مره اشوف ايوب اكده يا جلبي. حجه الجمر دي تبقي بتاعته بيبصلها ازاي دا هياكلها بعينه يا رب نولهاله شكلهم حلو جوي ياخدها ويجيب عيال جمر اكده البت جمر طب ايه اخطبها والا اعمل ايه عاد لا ويمين الله ماهتخرج برات يدي.. لتنصعق عندما سمعت زينه تهتف بتعملي ايه يا مرت عمي..
لتهتف السيده وتدفعها بعيدا.. اكتمي يا زفته اكتمي تعالي بعيد
لتهتف زينه بعيد ايه فيه ايه(فيه حربوءه بديلين يا ساتر 😠) لتندفع لتجد ايوب ساهما في عطر لتصرخ فيه ايه اهنه..(يامه يابه انا خوفت 😂😂).
لتنكمش عطر خوفا ليلعنها ايوب علي فقدان تلك اللحظه الحالمه.
وتقف امه غاضبه تريد ان تقتل زينه لتهمس منك لله عزراجيل طب عليهم.
لتدخل فيه ايه مين دي وجاعدين لحالكو ليه.. لتهتف… مش دي البت اللي بتدرس لمحمد جاعده ليه اكده فيه ايه.
ليهب ليوب ونظر اليها غاضبا خاصتا عندما راي انكماش عطر ليهتف… مالك انت نجعد ونهبب.
لتهتف… ايه المسخره دي يا سي ايوب هيا حصلت تجيب نسوان تجعد معاهم في البيت..
لتشهق عطر وتندفع للخارج.
ليلعنها ايوب ويهتف غاضبا.. تصدجي انك حربايه و عجربه اعوذ بالله جضا انحدف علينا منك لله ليندفع ويذهب خلف عطر.

 

 

لتقف امه غاضبه لتهتف زينه… فيه ايه يا مرت عمي
لتهتف….. فيه مرار وحزن اسود فيه بومه انحدفت علي ولدي اعوذ بالله وسعي بلا حزن اسود ايه حرابه وشر اوعي من خلجتي بلا هم ناجع ..
لتقف زينه تغلي… هو فيه ايه بالضبط.(بربع جنيه احساس يا رب 😂😂😂)
جري ايوب وراء عطر ليشدها.
لتهتف…. بعد الله يخليك بلاش فضايح.
ليهتف.. بطلي انت حجك عليا دي بت سو.
لتهتف.. انا يتجال عليا اكده بس اني غلطانه هيا عندها حج ماهينفعش يابن الناس ماهتتكررش تاني.
ليهتف… طب اني ذنبي ايه مالك غضبانه اكده
لتهتف… سمعتي يابن الناس بعد
ليهتف.. داني أشيلك بعيوني سمعه ايه بس.
لتتنهد…. طب وسع بقه همشي الله يرضي عنك مش ناجصه..
ليهتف.. طب يلا لينادي الغفر ويمشي معها ليصلا الي البيت ليحاول ان يكلمها ولكنها رفضت.لتدخل ليعود وهو يلعن ابنه عمته. (واحنا والله كلنا 😎😎)
دخلت.. لتجد عمتها عالارض مغمي عليها لتصرخ و َتقترب منها وتحاول ان تحركها احست ان قلبها سيقف لم تعلم ماذا تفعل لتتذكر ايوب َانه اكيد لم يبتعد لترفع السماعه علي الفور.
وما ان رد عليها وسمع لهفتها ليهتف…. مالك بيكي ايه.
لتهتف… والنبي يا ايوب عمتي واجعه وجلبي هيجف بالله عليك انجدني.
ليهتف… دجيجه َاكَون جارك ليذهب مسرعا اليها ليجدها تنتحب ليقترب من عمتها ويحملها ويخرج بها ليصل بها الي عربته وياخذها عالمشفي وعطر تشعر بالقهر والوجع.
ليخرج الطبيب ليهتف دي ازمه جلبيه وحالتها خطر احنا حاطينها في العنايه وربنا يستر دي روشته عايزه تتجاب وتدوها للممرضه ماشي ادعولها.
كان ايوب قد اخذ الروشته وذهب مسرعا ليحضرها واعادها ليعطيها للممرضه لتاخذها وترحل ليذهب ليجلس بجوار عطر التي تنتحب اراد ان يضمها اليه ليهتف… بطلي عياط جلبك انهري
لتنظر اليه بقهر… انا ماليش حد يا ايوب ماليش حد
ليتنهد…. اني جارك اهه وهيا هتجوم بالسلامه بطلي عاد
لتمسح دموعها لتهمس…. ممكن بس تجولي جبت الروشته بكام
لينظر اليها…. يا مري.. عايزه تشتميني عاد
لتهتف.. لااشتم ايه كتر خيرك انك نجدتني بس تدفع ليه بس.

 

 

ليهتف.. عشان راجل في المكان والا مش شيفاني راجل.
لتهتف.. لاه انت سيد الناس بس اني ما بحبش حد يدفعلي حاجه.
ليهتف وينظر اليها بحب… اني ايوب مش حد وجفلي عالجصه دي فاهمه هتشتميني عاد واني جاعد جارك
لتتنهد وتصمت وبدات تدعو لعمتها.
ليهتف…. بطلي عياط الله يرضي عنيكي
لتنظر اليه.. مش جادره خايفه لتهملني اجعد لحالي من غير حبيب هيا دنيتي ماليش الا هيا
ليهتف هتبجي زينه وليكي ابوكي.
لتطرق حزينه.. الله يبعده ويهديه
ليهتف… ايه يبعده مش سندك ده.
لتتنهد.. سندي ابوي عمره ما كان سندي انا صلا ماليش سند اني لحالي في الدنيا بحارب لوحدي لا ليا حد ولا عايزه حد من اساسه.
ليهتف.. بس ماحدش بيجعد في الدنيا لحاله يا عطر.
لتهتف.. اهه جدر ربنا نبقين لحالنا اشكي لمين غير ربنا.
ليهتف مندفعا.. ليا يا عطر اني جارك اهه افتحي جلبك ليا ما هسبكيش وهجف جارك.
لتبتسم.. كتر خيرك ماعارفه اجولك ايه عاد ربنا يجعدلك خيرك ويبعد عنك ولاد الحرام
ليقترب منها ويهمس بحنان احلي دعوه في الدنيا والله.
لتخجل منه وتحني راسها ليبتسم علي خجلها. ليسهم في جمالها.
علم وحيد ومحمود اصدقاء ايوب ان ايوب في المشفي ليذهبا اليه ليجدا ايوب ساهما في عطر.
ليهتف وحيد….. واد يا محمود الطور وجع والا ايه
ليضحك محمود.. باينه.. لا وماشي عامل فيه سبع الرجال مابينهز طب ويمين الله لازفه بصاجات تعالي نرازي فيه.

 

 

ليدخلا عليهم ليقترب محمود بخبث.. الله مش تجول يا ايوب انك اهنه.
ليقطب ليوب ويقف ويعطي ضهره لعطر.. هاه ماكتش اعرف انكو نبطشيه.
ليهتف وحيد.. ايه ده عطر انت هنا يا عطر. ليشتعل ايوب من نظراته.
لتقوم عطر بخجل.. ازيك يا داكتور.
ليهتف.. بخير وفي نعمه واي نعمه.
ليقترب محمود.. ازيك يا عطر
لتهتف بخير يا داكتور وايوب مشتعل.
ليهتف محمود…. يعني ينفع مش تجولي نخدمك بعنينا.
لتبتسم بخجل وتهتف… والله هيا بس جت فجاه وعمتي تعبت.
ليقترب وحيد.. بكره تخف ونبل الشربات.
هنا لم يعد ايوب يحتمل ليمسكه بعيدا لم نفسك بقه انت واجف تشجط والوليه عيانه منك لله
ليسمع محمود من خلفه.. انت مشبوكه يا عطر.
ليستدير ايوب..(انجدو الواد 😂 😂 😂) الله يخرب بيوتكو اني هحلج علي جوز حوش ليقترب ويهتف.. لاه مش مشبوكه وماهتتشبكش شبكك عزراجيل.
ليهتف محمود… مالك يا ايوب والع اكده. انت مزعلاه في حاجه يا عطر.
لتندفع.. لا والله ماعملت حاجه.
ليهتف وحيد… هو اكده مالوش امان اصل طول عمره بيخوف الحريم مابيسترش معاهم.
ليضحك محمود.. لعبي جوي.(جااااز الواد جاب جاااز 😂😂😂😂)
لتحني عطر راسها.ليحس ايوب بغليان داخله ليهتف غاضبا.. عطر روحي هاتي ميه.. لتستجيب له ليقترب من محمود ليهتف.. اكني لعبي وبخوف الحريم يا جوز غربان يا خلفه عزراجيل ليرزع محمود بوكسا.

 

 

ليبتعد وحيد…. فيه ايه يا طور انت بنهزر.
ليصرخ ايوب…. تلمو نفسكو دلوك من جدامي الا هطيح فيكو ضرب.
ليهتف وحيد.. ايه يا واد غيران ماتجول يا حزين انك طبيت ووجعت.
ليهتف ايوب…. وجع عليك عزرائيل غور عبوشكلك.
ليهتف محمود…. منك لله عيني يا واطي… ولما وجعتش مالك محروج اكده.
ليهتف.. اولع والا اطين مالكو ايه حوش مابتصدجو بت حلوه تتلمو.
ليهتف وحيد.. حلوه بعجل.. دا نار والعه تاخد العجل بعيونها البنفسحي دي يا تري شعرها لونه ايه اكيد دهب يا فرحته االي هتبقي في يده يشبع ويعيش.
ليهجم عليه ايوب…. والله لاطلع روحك منك لله ليمسكه من طوقه.
لتقترب عطر بخوف لتنظر اليهم كان ايوب مشتعلا والغضب ياكله ووحيد مبتسما ومحمود ايضا لتقترب وتهتف…. فيه ايه.
ليتسمر ايوب كان قلبه يحرقه احس انه ان لم يضرب وحيد سيموت قهرا.. ليهتف… هاه هاه.. مفيش ولكنه لم يتحرك
لتهتف.. طب ماسكه ليه اكده.
ليبتلع ريقه ليهتف وحيد.. معلهش اصله عصبي جوي ربنا يكون في عون اللي هياخدها هيصبحها بعلجه ويمسيها بعلجه.
ليصرخ ايوب… عطر هاتيلي ميه جولت روحي.
لتهتف باستغراب.. ما الميه اهيه.

 

 

ليصرخ…. لاه وحشه مابحبهاش هاتي تاني.
لتهتف…. وحشه ايه اني لسه جيباها.
ليهتف… جولت روحي هاتي طين تاني لتذهب خائفه ليستدير ايوب ليهتف وحيد…. لا اعجل اني بهزر والله لو ضربت لاطين عيشتك.
ليرزعه ايوب علي وجهه ليهتف.. عشان تهزر كويس ليرزعه واحدا اخر عشان تبقي تتظارف بروح اهلك.
ليسقط وحيد.. ليهتف.. منك لله وشي عبوشكلك عيل واجع اه عيني.
ليظل ايوب مشتعلا.. خد الواد ده عشان هطيح فيكو دلوك والله اني علي اخري.
لتقترب عطر وتعطي الميه لايوب وتلتفت… مالك يا دكتور واجع ليه وايه وشك ده
ليهتف وحيد مبتسما.. مالي.ليتنهد. . كفايه سؤالك والله خفيت.. ليغمز لمحمود.. دا السؤال سحر يا واد.
ليقترب ايوب.. لاه بقه اني جبت اخري..
ليسرع محمود…. طب جوم اما نمشي عشان فيه حنش هيصرعنا دلوك ليشد صديقه.
ليهتف وحيد بالسلامه يا عطر ابقي افتكرينا.(دانت واد كياد 😁😁) لتبتسم له ليقف ايوب مكتوما ويفرك في يده.
لتقترب…. مالك

 

 

ليصرخ…. ايه بتتبسميله ليه عجبك وعايزه تفتكريه ليكي عندهم ايه.
لتحمر خجلا لتهتف دامعه.. اني يا ايوب تجولي اكده.. اني ماستاهلش منك اكده كت عملت ايه عشان تجولي اكده. ماليش حاجه يابن الناس لا عندهم ولا عند حد وحجك عليا ماتخافش علي اصحابك مني وشكرا علي وجفتك جمبي لتندفع الي الخارج.
ليشتعل ويشتم اصحابه ليندفع ويشدها ليهتف…. استني بطلي بتجولي ايه كان لساني انجطع جبل ماجول اكده والله ماجصد حاجه عفشه اني اسف
كانت دموعها تنزل ليهتف… يا مري.. دموعك دي لاه بالله اني اسف والله ماجصد سامحيني..اخش اهرسهم دلوك. طب ان شالله انحرج يا شيخه
لتتنهد وتهمس… بعد الشر بطل.
ليهتف…. والله معلش والله اسف هما اللي سو وبيحبو يتظارفو اني خفت عليكي منهم والله ماتحملش حد يبصلك بصه وحشه والا يبص اي بصه.
لتتنهد وتمسخ دموعها لتهتف… بصولي فين ده.
ليهتف حانقا.. دا بصو شبعو بص منهم لله.. ليتنهد حجك عليا طيب اني اسف والله اسف
لتتنهد انت بتتخلج بسورعه ليه اكده غضبك سابج مش حلو ده علي راي اصحابك لو مرتك نرفزتك هتضربها
ليشتعل.. والله ماهيحصل والله ابدا اني برضك امد يدي مابجاش راجل والله ولا اتسمي راجل.داني طيب والله وحنين وما بمدش يدي خالص وهعملها الحلو كلو وهسمعلها علي طول… (وبشرب اللبن وبنام بدري 😀😀) داني اللي هاخدها هحطها بعيني محبه والله محبه اشيلها بعيوني. امد يدي عليها ازاي وهيا جمر اكده وحنينه وطيبه تاخد العجل دي يتمد صباع عليها ما اوعي ولا اكون. دا تنام في حضني ست الناس
لتتنهد وتهمس وتطرق…. ربنا يخليهالك لتشيح بوجهها
ليهمس يا رب..

 

 

لتهمس بحزن… ابقي اعزمنا بقه ماتنسناش.
ليبتسم حانيا .. اه هعزمك ايوه.. كان ساهما ليجدها تشيح بوجهها ومشاعر الحزن تبدو عليها ليهمس اعزمك اعزمك علي ايه ليدرك كلامه لينتفض.. لاه لاه ماهعزمكيش.(😂😂😂ربنا يشفي)
لتدمع عينها… ليه يعني ماشرفكش جدام مرتك
لينفعل… بتجولي ايه انت دانت جعدتك بالدنيا
لتهمس بحزن امال ماهتعزمنيش ليه عروستك هتزعل.. طب خلاص ربنا يهنيك بيها.
لينظر بحب ويسهم.. اه يا رب يهنيني بيها.. ليهتف مندفعا….. لاه ما يهنينيش بيها(يا عيني الواد لسع 😂😂) لتنظر اليه ببلاهه.. اجصد اجصد.مفيش حد يا عطر اتهني بمين اني ..
لتهمس ازاي مش بتجول حنينه وطيبه.
ليهتف اه بس لسه لسه يعني مافيش في حياتي حد.
لتنهد براحه.. ربنا يهنيك ويبعتلك بت الحلال
ليهتف.. ايوه اتهني عايز اتهني..ويبعدو عنك بقه منهم لله حرجولي جلبي.
لتهتف…. ليه طيب عملو ايه دول شكلهم طيب.
ليهتف.. طب اسكتي بقه عشان هخش اهرسهم دلوك.
لتتنهد ليهتف…. طب ايه عاد مش هتروحي يلا بينا ما يصوحش تجعدي اهنه وبكره ناجي نطمن عليها.

 

 

 

 

 

 

لتتنهد وتستجيب له وتخرج ليهتف اركبي لترتبك ليهتف… ايه فيه ايه
لتقول.. لاه يعني ما يصحش اركب معاك لحالي اكده
ليهتف… طب هتعاودي الكفر ازاي احنا وخري يلا بالله عليكي ما هكلكيش يلا جولي يا رب.
لتتنهد وتركب بجواره خجوله تفرك في يدها وهو مستمتع بوجودها ليقود العربه ويقف فجاه.
لتهتف… وجفت ليه
ليقول هجيب حاجه بس ونزل من العربه وعاد ومعه لفه صغيره ليضع علي قدميها ويهتف يلا بسم الله ناكل عيش وملح.
لتبهت وتهتف… ايه ده ليه اكده.
ليقول.. واحده بتشتغل من الصبح ما داجتش لجَمه في اي بيت ورجعت وما كلتش حاجه وبجينا وخري اسيبك اياك
لتتنهد… ليه تكلف نفسك يا ابن الناس طب بكام دي.
ليهتف.. يعني اعمل فيكي ايه انت بتحبي تهزأيني ليه كل شويه.
لتهتف… اني…. ماعاش اللي يهزأك يابن الناس.
ليهتف… مش شيفاني راجل طيب.
لتهتف…. لا والله دانت سيد الرجاله بس اني مابحبش اكده.
ليهتف طب عديها المره دي وبعد كده هخليكي تعزميني.
لتهتف…. َهترضي تخليني اوكلك عاد ما ساعتها هتجول راجل واكده.
ليبتسم.. لاه انت في رجبتك ليا عزومه ماشي هجبلها منك لتبتسم ليهتف… لاه جولي اني مداينك في عزومه عايزها.
لتضحك ليبتسم علي ضحكتها الجميله كانت جميله ملاك ليبتسم كانت عيونها فتنه تشع نورا ليهتف… ماسمعتش برضك

 

 

لتهتف… خلاص عليا دين وكل في رجبتي ليك تمام اكده.
لينشرح قلبه ويهتف خلاص ارتاحت اكده وبدا يفتح الاكل وياكل معها ليهتف يلا ناكل بقه من سكات اكده انت صعبه جوي ما بتفوتيش حاجه.
لتهتف….. خوف من ربنا يابن الناس الواحده لازم تراعي الحلال في دنيتها وما ان نطقت تلك الكلمه لتصرخ مره واحده وتمسك راسهاصرخت عطر فجاه.
ليهتف…. ايوب فيه ايه مالك.
لتغمض عينها فالصداع يزداد لتغمض عينها ليقترب ملهوفا ليجدها تمسك يده بقوه ليستعجب من فعلتها لتبدا هيا في الارتخاء وتلين اصابعها وتدخل في دوامتها ليجدها تتلمس يده بحنان وهيا مغمضه عينيها ليضع يده الاخري عليها كانت مغمضه كانها في دنيا اخري وسادت حاله عجيبه من المشاعر. كان يتاملها ويدها تداعب يده وهو ممسكا بها وقلبه ينبض بقوه لم ينطق ولم يتكلم لتظل هيا فتره مغمضه لتميل براسها عليه لينخلع قلبه لياخذها في احضانه لم يسال ولم ينطق ويده تمسد عليها ويهمس عطر عطر كانت تائهه في دنيا اخري لتفتح عينها مره اخري لتعود الي نفسها لتجد يدها في يد ايوب تداعبها وهيا في احضانه لتشد يدها مذعوره لتهتف ايه فيه ايه.
ليهتف بقلق.. مفيش فجاه صرختي وعندك وجع ونمتي ارتخيتي كده دي تاالت مره يا عطر. هو فيه ايه.

 

 

لتتنهد بغلب.. ماعرفش مالي بيجيلي صداع كل شويه.
ليهتف بقلق… طب ماتكشفي با بت الناس هتهملي حالك اكده ماهستحملش اكده.
لتبتسم.. ان شاء الله لما عمتي بس تروج هروح اكشف اشوف فيه ليه.
ليهتف… طب ناكل بقه والا ايه.
لتهتف….. معلهش روحني اني تعبانه.
ليهتف….. طب ايه جولك تاجي تباتي مع امي بدل جعدتك لوحدك دي.
لتبتسم.. كتر خيرك والله تسلم يلا بس روحني.
ليهتف…. طب هروحك واجيب غفير يجعدلك بره ما هتحملش تجعدي لحالك.
لتبتسم له.. لاه بالله عليك ماتتعب حالك ايه هيجرا يعني يلا بس.
ليهتف… طب اجيب مرت اخوي او امي تجعد معاكي.
لتبتسم بحنان.. لاه تسلم والله هما يومين وعمتي تعود بالسلامه.
ليتركها وينصرف لتجلس هيا وحيده حزينه.
********
ليعود ايوب الي البيت.. ليجد يحي اخيه يشده جانبا ليهتف.. تعالا عايزك
ليهتف ايوب.. مالك يا زفت بتشدني وتلفت اكده
ليهتف.. اني خلاص نويت اتجوز وبدور.(يلا ماهي كت ناقصاك يا يحي 😂😂😂😂)
ليتنهد ايوب.. طب اعملك ايه اني اجي اخطبلك.
ليهتف يحي.. ايوه البت اللي كت معاك
ليشتعل ايوب.. بت بت مين دي يا طين انت. (الحقو الجلطه داخله بصجات 😂😂)
ليهتف البت اللي بتدرس لمحمد عايز اتجوزها. ليشتعل ايوب… لاه بقه هو فيه ايه انتو اتحالتو عليا هلاجيها منين ولا منين انتو حاوش ليهجم علي اخيه ويشده و…..

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)