رواية بعد نص الليل الفصل الأول 1 بقلم محمد منصور
رواية بعد نص الليل الفصل الأول 1 بقلم محمد منصور
رواية بعد نص الليل البارت الأول
رواية بعد نص الليل الجزء الأول
رواية بعد نص الليل الحلقة الأولى
بعد نص الليل فتحت باب شقتي ودخلت الشقة وفضلت اندهه عليها باعلي صوت عندي وهي ما بتردش دخلت اوضة النوم بتاعتنا لقيتها متعلقة في حبل من رقبتها ماتت مشنوقة وفي ايدها ورقة مكتوب فيها دخلو عليه واغتصوبني بدل المرة اتنين وتلاته. وقالو ما حدش هايقدر يمنعنا نعمل فيكي كدة. وكل ما هنحب نيجي
ها نيجي. كان لازم اموت علشان احميك منهم. صرخت باعلي صوت عندي وروحت ناحية رف الكتب اللي عندي وسحبت كتاب في قصة. بعد نص الليل. واللي فيها الظلمة تكون مملكة الاعمي اللي زيي واتساوي مع السليم واقدر كمان اقتله مش هارتاح الا لما اجيب حقك منهم وكوني اعمي دة مش هايخليني اضعف منهم. قصتنا قصة اعمي وفي الليل بيكون هو الملك وهما العبيد والملك امر بموتهم والدم في الكتاب هيكون مكان النقط فوق الحروف القصة واللي مكتوب. فيها حق عليكم. تشوفو بعيونكم. زي
ما الموت حق عليكم من النهاردة انا ليكم هكون ملك الموت. وبعد نص الليل ميعادنا ومن ليل لي نهاية في دنيتكم لليل ملهوش نهاية وانتو جوة قبوركم. المتعه اللي خدوها من مراتي غصب ثمنها روحكم تطلع منكم غصب.
** دة اقتباس جديد من قصة فيلم من احلي الافلام اللي شوفتها **
أنا قابيل من سكان التجمع الخامس عندي 35 س. من بعد موت امي وابويا وانا عايش لوحدي في شقة ابويا. رغم اني ضرير لكني كنت عايش وقادر اني اتعامل مع كل حاجة حوالين مني وربنا اداني ميزة ما فتكرش انها عند اي ضرير غيري وهي اني ادخل المكان مرة اقدر احفظ كل المداخل والمخارج بتاعته وعدد دراجات السلالم اللي في. دة لو في سلالم ومفاتيح الكهرباء وكل تفاصيل المكان والميزة دي اكتشفتها فيا من وانا عندي 6 س. وقدرت اكبرها واتمرن علي تميز الروائح وتقليد اي صوت اسمعه ولو لمرة واحدة وعندي وحاسة السمع عندي الحمد لله قوية جدا. واستغليت كل المزايا دي في اني اكون متميز رغم اني ضرير وعمري ما حسيت ولا خليت اللي حوالية يحسة اني ضرير. واستغليت موهبة تقليد الاصوات في اني اعمل ليا قناة علي اليوتيوب واعرض فيها قصص من تاليفي وتكون بصوتي يسمعها كل ضرير زيي. واتحرم من انه يشوف وعايش حياته كلها في ليل طويل. والقناة نجحت واصبحت في فترة قصيرة من اشهر قنوات اليوتيوب. وبقيت غني ومعايا فلوس كتير من ربح اعلانات اليوتيوب. وبدات قصصي يشتريها مني دور للنشر ويعرضوها والحمد لله كانت بتحقق مبيعات كويسة. وكانت بتساعدني في نشر القصص وتسجيلها صوتية ومتابعة راي المعجبين في كل قصة بنزلها بنت خالي اروي اللي كانت في رابعة كلية اداب. لغاية ما جة يوم وجت لي رساله صوتية علي الفيس بتاعي من بنت وكانت بتقول
نفسي ترد علي اي رساله ليا ولو لمرة واحدة. انا مش اشد المعجبين بيك ولو ما ردتش عليه المرة دي انا ممكن اموت نفسي ويبقي ذنبي في رقبتك
عايزين الحق انا بيجي لي رسايل كتير من المعجبين والمعجبات لكن انا ما كنتش بحب ارد علي حد اهو احب اكتر اكون مركز في شغلي وفي كتابة قصصي وتسجيلها لكن صوت البنت دة كان في شئ بيشد ولقيت نفسي بقول لأروي
شغلي الرسالة دي تاني
اروي
اشمعني
قابيل
ما تعملي اللي بقول لك عليه وانتي ساكتة
وشغلت اروي الرسالة تاني وصوت البنت رن في وداني صوتها حلو جدا جدا. صوت يشد قولت لأروي
اسمها اية صاحبة الرسالة دي
اروي
فيروز. بس هو في أية بالظبط.
قابيل
دة انا ماشوفتش ارخم منك.
اروي
بقي كدة طيب انا ماشية.
قابيل
امشي. بس سيبي اللاب مكانه. وماتنسيش النهاردة ميعاد الحلقة الجديدة اياكي تتاخري في نشرها. حاكم انا عارفك
اروي
هتاخر وان كان عجبك
قابيل
كدة طيب يا اروي ما تزعليش بقي لما تلاقي قبضك ناقص 1000 ج.
اروي
قابيل. هو انت بتقبضني ولا بشوف منك مليم
قابيل
لا.
اروي
اومال هتخصم الفلوس دي منين
قابيل
من رصيد حبك اللي في قلبي
اروي
لو كدة اخصم براحتك. دة انت حبك واقف علية بخسارة
وضحكت اروي ولسة هاتخرج من باب الشقة سمعتها بتقول
صحيح المتابعين بتوعك عايزين رواية بعد نص الليل تسجلها بصوتك
قابيل
لا. الرواية دي بالذات لا.
اروي
لا لية
قابيل بارتباك
انتي عارفة ان انتقام البطل في الرواية دي كان دموي جدا وماحدش هايستوعب كمية الشر اللي فيها
اروي
بس متابعينك حبنها وعايزين يسموعها بصوتك هما حرين
قابيل
بعدين بعدين نبقي نشوف الموضوع دة. ويالا امشي بقي علشان خالتي ما تسمنعيش كلمتين بسببك
اروي
خلاص ماشية
وخرجت اروي من الشقة وقفلت الباب وراء منها وانا وصلت للاب بتاعي وهو لاب خاص بالمكفوفين وشغلت رساله فيروز تاني ولقيت نفسي برد عليها وبقول
انا قابيل واهو رديت عليكي. علشان ما تموتيش نفسك
لكن هي ماردتش باين عليها مش فاتحة نت بصراحة فضلت شوية كدة قاعد مستنيها ترد وروحت في النوم وانا سايب الجهاز شغال. وصحيت علي صرخة بنت وكانت بتقول
بجد انت هو. هو انت. ولا حد غيرك بيرد عليه قول والله انا هو. قول ساكت لية هو انت هو ولا مش هو
بدات افوق علي كمية الهو هو دي ورديت في رساله
في اية انتي مين وبتهوهوي لية كدة
لقيت مكالمة صوتية ماسنجر ففتحت وهنا سمعت صوت فيروز بتقول
انا فيروز. اللي انت بعت لها رساله مش انت هو. ولا انت مش هو وبتضحك عليه لو انت مش هو انا عايزا هو. ورحمة امك انت هو
ضحكت علي اسلويها وعلي خفة دمها وقولت
طيب ممكن تبطلي هو هو. دي علشان كتير جدا.
لكنها قالت
طيب انت هو صح. انت استاذ قابيل
رديت وانا مش قادر ابطل ضحك
انا قابيل. ممكن تهدئي شوية قلبك هايقف
فيروز
مش قادرة اصدق اني بكلمك. عارف انا بعت لك كام رساله وانت مش عايز ترد
قابيل
حقك عليه بس. انا ما بعرفش ارد علي معجبين علشان
وهنا سمعتها بتقول
بت يا نادية بت يا سامية. قابيل رد عليه والنعمه رد عليه
وسمعت اصوات لكمية بنات يجي حوالي 10 بنات وانا ما بقتش عارف ارد علي مين ولا مين لكن ما كنتش مضايق ولا زهقان مع اني انطوائي بس حبيت الجو اللي عملته فيروز وبعد كدة سمعتها بتقول
يلا بيس بيس. مش عايزا حد منكم تاني هنا. واقفلو الباب وراكم
وبعد ما رجع الهدوء تاني للمكالمة لقيتها بتقول
انا بحبك اوي والله العظيم. وبستني قصصك الصوتية كل يوم اتنين وخميس
قابيل
شكرا يا فيروز. ودي حاجة تفرحني اني قصصي بتعجبك
فيروز
هي بتعجبني انا بس دي بتعجب كل البنات اللي في الدار هنا
قابيل
هو انتم في دار اية
فيروز
احنا في دار رعاية البنات المكفوفين في اسكندرية
قابيل
هو انتي من البنات المكفوفين اللي في الدار
فيروز بعد تفكير للحظات
اة. اة.
قابيل
سكتي لية شوية قبل ما تقولي أة. السؤال صعب للدرجة دي
فيروز
خايفة تزعل لما تعرف اني ضريرة وتقفل معايا
قابيل
ازاي بس وانا ضرير. ولو في يوم اتجوزت لازم اللي هاتجوزها تكون ضريرة زيي
فيروز
بس ممكن واحدة تكون بتشوف وتحبك
قابيل
تحبني ماشي بس تكون مراتي لا. انا مش هاتجوز الا واحدة ضريرة علشان ما يجيش عليها يوم وتقولي انا ضحيت علشانك
فيروز
بس
لكن قطعتها وقولت
مافيهاش بس. دة شرط اساسي ومش هايتغير
وفضلت اتكلم مع فيروز وهي تحكي لي وانا احكي لها وماعرفش في اية ولية بعمل كدة واشمعني هي.
بس الحب مافيهوش لية. ويعدي يوم والتاني والتالت. وشهر والثاني والتالت وما بقاش ينفع يعدي يوم من غير ما اسمع صوتها لغاية ما جة الوقت اللي كان لازم اروح لها. الاسكندرية. بس مفاجاة وروحت اسكندرية وكان معايا اروي اللي ياما حكيت لها عن فيروز وكلمتها كام مرة فيديو. وكان نفسها تشوفها علي الحقيقة. ووصلنا عند الدار اللي فيها فيروز. وراحت اروي لحارس الدار وسالت عن فيروز فقال لها الحارس
الدكتورة فيروز هتلاقيها فوق في مكتبها
طلعنا لمكتب فيروز وخبطت اروي علي الباب لكن فيروز ما كنتش جوة فلسة هانمشي ونسال عليها شافت اروي فيروز وهي جاية من اخر الدور وقالت لي
خلاص شوفتها جاية هناك اهه
لكن فيروز اتصدمت واول ما شافت اروي قالت
انتو.
وساعتها ومن غير ما اعرف راحت اروي ناحية فيروز وقالت بصوت واطي
انتي بتشوفي
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
وهنا اتصدمت فيروز لما اتكشف سرها. طيب لية خبت عليه انها بتشوف. بس تفتكروا ان اروي هاتكشف لي حقيقة فيروز ولا هي كمان هاتخبي عليه الحقيقة
يتبع …..
لقراءة الفصل التالي : اضغط هنا
لقراءة جميع فصول الرواية اضغط على ( رواية بعد نص الليل )