رواية الشقة المسكونة الفصل الخامس 5 بقلم Shádòw Helal

رواية الشقة المسكونة الفصل الخامس 5 بقلم Shádòw Helal

رواية الشقة المسكونة البارت الخامس

رواية الشقة المسكونة الجزء الخامس

رواية الشقة المسكونة الحلقة الخامسة

ساره بداخلها : فوقي يا ساره ده جن وانتي انس
ناصور : متفكريش كتير
~ وبتنتبه ع خبط مامتها وبتدخل بتلاقي ساره واقفه ف نص الاوضه ولسه مغيرتش هدومها وواقفه ف نص الاوضه
ساره بإرتباك وهي باصه ع ناصور : ماما
ناصور من وراها : اتعاملي عادي محدش محدش بيشوفني ولا بيسمعني غيرك
الام : ايه ده ي ساره انتي لسه مغيرتيش لحد دلوقتي
ساره وهي بتتجه للدولاب وبتغير هدومها : هغير اهو
الام : طيب انا هنزل اجيب طلبات للبيت
ساره : ماشي ي ماما مع السلامه
~ وبتخرج الام وبتيجي نازله بتشوف البواب ~
الام : ازيك ي عم ابراهيم
ابراهيم : ف نعمه الحمد لله

الام : دايما يا رب .. بقولك ايه ي عم إبراهيم .. هو ازاي انا شقيتي اوضتين وشقه ام محمد تلات اوض .. مع ان شققنا احنا الاتنين فوق بعض يعني نفس التقسيمه
ابراهيم بإرتباك : هاا .. لا ي ست هانم الشقتين مش نفس التقسيمه
الام بإستغراب : ماشي
~ وبيعدي فتره وكل يوم ناصور بيجي لساره ويقعد معاها وساره يومها مش بيكمل غير بيه وبقت تستناه كل يوم وفي يوم بعد ما ساره بتروح الكليه الباب بيخبط ~
الام : جايه اهو … معقول ساره رجعت تاني
~ بتفتح الباب بتلاقي ابراهيم ~
الام : خير ي عم ابراهيم فيه حاجه
ابراهيم : كنت عايزك ف كلمتين بس ي ست هانم
الام : طب اتفضل ي عم ابراهيم
ابراهيم : يزيد فضلك
~ وبتدخله الصالون ~
الام : تشرب ايه ي عم ابراهيم
ابراهيم : شكرا ي ست هانم انا جايلك اقولك كلمتين وامشي طوالي
الام : خير فيه حاجه
ابراهيم بإرتباك : ي ست هانم انتي سألتيني من فتره ليه شقتك اوضتين وشقه الست ام محمد تلاته
الام : اها وانت قولتلي علشان تقسيمه البيت مختلفه
ابراهيم : كنت بكذب عليكي ي ست هانم
الام بإستغراب : تكذب .. اومال فين الاوضه التالته

ابراهيم : هقولك كل حاجه ي ست هانم
الام : اتفضل
ابراهيم : ي ست هانم الشقه بتاعتك كان قاعد فيها قبلك دكتور بس كان دكتور معندوش ضمير … كان بيجيب المتسولين وياخد اعضائهم ويبيعها … ولما صاحب البيت عرف اللي بيعمله خاف ع سمعه العماره وخاف ان محدش يسكن ف العماره تاني وهو راجل جشع ميهمهوش غير الفلوس … وخاف يتخلص من الجتت اللي الدكتور بيحطها ف الاوضه ليروح ف سين وجيم راح قافل الاوضه ع اللي فيها اللي ايه الاوضه التالته اللي ف شقتك … ولما عرفت باللي حصل صاحب البيت هددني ان هيقطع عيشي وانا بجري علي كوم لحم
الام بصدمه : انت متأكد من اللي بتقوله ده ي عم ابراهيم
ابراهيم : ايوا ي ست هانم
الام : شكرا ي عم ابراهيم
~ وبيمشي ابراهيم وبتفضل الام قاعده بصدمه ومركزه ع الاوضه المعزوله وبتعرف ان فعلا اللي بنتها كانت بتشوفه حقيقي مش إرهاق ذي ما كانت بتقولها وبتقرر انها لازم تبلغ وتسيب الشقه دي وبتفوق ع صوت ساره ~
ساره : مالك ي ماما … سرحانه ف ايه
الام : ها لا ي حبيبتي مفيش حاجه … قوليلي ي ساره انتي لسه بتشوفي الحاجات اللي كنت بتقولي عليها ؟؟
ساره بإستغراب : حاجات ايه ي ماما
الام : الدم اللي كنتي دايما بتقولي شوفته
ساره بإرتباك : لا ي ماما… مبقتش اشوف حاجه
~ الام بتفكر تقول لساره ع اللي عرفته من ابراهيم بس بتخاف انها تخوفها وبتطمن انها مبقتش تشوف حاجه ~
ساره : ماما روحتي فين

الام : مفيش ي حبيبتي .. أدخلي غيري لما احضر الغدا وهاجي اندهلك
ساره : طيب ي ماما
~ وبتدخل ساره الاوضه بتلاقي ناصور مستنيها وبتقعد تتكلم معاه ومامتها داخله تندهلها علشان تتغدي بتسمعها بتكلم حد وبتدخل ~
الام : ساره انتي بتكلمي مين ؟؟
ساره بإرتباك : بتكلم ف التليفون
الام بشك : ساره انتي متأكده انك مش بتشوفي حاجه ؟؟
ساره وهي بتبص لناصور وبتبلع ريقها بتوتر : لا
الام : طب يلا علشان تتغدي
~ وبتتغدي ساره ومامتها وبيعدي اليوم ~
~ ف الصباح ~
الام : سااااره يلا علشان الكليه … انتي كل يوم كده
ساره : كنت سهرانه مع ناص….
الام : سهرانه مع مين
ساره بسرعه : سهرانه بذاكر
الام بشك : طيب ماشي .. يلا علشان تفطري .. علشان انا نازله ورايا مشوار
ساره : حاضر
~ وبتفطر ساره والام مع بعض وساره بتروح كليتها والام بتروح مركز الشرطه تبلغ ع صاحب البيت وفعلا بيتحرك معاها عدد من الظباط علشان يتأكدوا من صحه كلامها ~
~ ساره بترجع البيت بتلاقي البيت مقلوب رأسا ع عقب والام بتحكيلها كل اللي قالهولها ابراهيم ~
~ وفعلا افراد الشرطه بتهد الحيطه ف الاوضه التالته وبتلاقي كذا جثه متحلله وبيتم القبض ع صاحب البيت وبياخدوا شهاده البواب ~

الام : ساره احنا لازم نسيب الشقه دي وف اسرع وقت مينفعش نقعد فيها بعد اللي حصل
ساره بسرعه ( خوفا من ان يختفي ناصور ) : لا يماما مفيش داعي الامتحانات داخله ومش هعرف اننا نتقل واذاكر ف نفس الوقت
الام بإصرار : لا طبعا الشقه مينفعش يتقعد فيها بعد اللي حصل
ساره بخيبه امل : طيب خليها بعد الامتحانات طيب
الام بقله حيله ‏‎: ماشي .. بس انا هجيب شيخ يحصن البيت
~ وفعلا الام بتجيب شيخ يحصن البيت ويقرأ قرآن ف البيت والام بتقوله ع الكلام اللي ساره كانت بتشوفه وبتقوله انها سمعتها كذا مره بتتكلم وهي لوحدها ف الاوضه وبتطلب منه يحصنها وبتدخل الام تنادي ع ساره ~
الام : ساره ي حبيبتي … تعالي معايا علشان الشيخ يرقيكي علشان الحاجات اللي بتشوفيها متظهرلكيش تاني
ساره ( بخوف ان يختفي ناصور من حياتها ) : خلاص ي ماما ما احنا عرفنا السبب وخلاص مش هتشوف حاجه تاني
الام : لا ي حبيبتي علشان انا ابقي مطمنه عليكي
ساره بخيبه امل : حاضر ي ماما
~ وفعلا الشيخ بيحصنها وفجأه بيظهر قدامها ناصور وف عينه نظره حزن وبيختفي فجأه ع شكل رماد ~
~ ساره بتدخل اوضتها بحزن ان خلاص مش هتشوفه تاني وبتقعد فتره مش بتروح الكليه ومكتأبه ~
وف يوم الام بتدخل عليها بإنفعال : انا مش هسيبك كده انتي لازم تطلعي من اللي فيه ده … ويلا النهارده هتنزلي الكليه يعني هتنزلي ما انا مش هسيبك تضيعي نفسك بالشكل ده … وانا هسأل دكتور عمر ع دكتور امراض نفسيه شاطر تروحيله
ساره بحزن : حاضر ي ماما
الام وهي بتحضنها : ي حبيبتي انا خايفه عليكي دايما قافله ع نفسك ومش بتروحي كليتك
ساره : خلاص ي ماما هعملك اللي انتي عايزاه
الام : طيب يلا قومي غيري هدومك علشان تروحي الكليه … وانا هروح اسأل دكتور عمر ع دكتور ع ما تجهزي
ساره : حاضر ي ماما
~ وساره بتقوم تجهز نفسها والام بتروح تخبط ع عمر بس محدش بيرد وبترجع تدخل بيتها ~
الام : انا روحت خبطت ع عمر محدش رد
ساره : خلاص وانا نازله هخلي عمو ابراهيم لما يشوفه يخليه يعدي عليكي
الام : ماشي ي حبيبتي

~ وبتفطر ساره وامها ~
ساره : انا هنزل انا بقي
الام : ماشي ي حبيبتي مع السلامه متنسيش تسألي عمي ابراهيم
ساره : حاضر ي ماما
~ وبتنزل ساره وبتشوف ابراهيم ~
ساره : ازيك ي عم ابراهيم
ابراهيم : ف نعمه ي بنتي
ساره : بعد اذنك يا عم ابراهيم ممكن لما تشوف دكتور عمر تخليه يعدي ع ماما علشان عايزاه
ابراهيم بحزن : ي بنتي دكتور عمر مات ف حادثه عربيه من ست سنين
ساره بصدمه : نعم !!!!!!!!!
تـــمـــت ……

• لقراءة باقي حلقات الرواية اضغط على (رواية الشقة المسكونة)

تمت.