رواية عشقي وملاذي الفصل الثاني 2 بقلم سمية هشام

ملك : يا سليم طبعا انت عارف ان بعد موت صالح جوزي الله يرحمه انا رفضت إني آجي معاك هنا قلت خليني قاعده في بيتي لكن شاكر و جوده اخواتوا بعد اسبوعين من وفاتوا بقو بييجو البيت كتير بحجه انهم يطمنو عليا انا وعائشه بس امبارح كنت رايحه عند شاكر نقعد معاهم شويه سمعتو وكان بيكلم جوده بصوت عالي و قال بالنص ( يعني ايه متوافقش لازم غصب عنها توافق وإلا هتتقتل هي وبنتها الراجل ده شريكي وغني اوي و غير كده هيديني مليون ج مهر 

جوده: خلاص ماشي الماذون هييجي بعد بكره وتبلغ الحج مدحت ان كتب الكتاب بعد بكره يجهز نفسه وزي متفقنا المبلغ يتقسم علينا 

شاكر : ماشي 

جوده : دلوقتي هتخلي مراتك تروح عندها هناك تلهيها وتاخد معاها بنتك لازم بنتك تتصاحب عليها عشان نعرف نخطفها ونسلمها للزفت مدحت لو امها عملت حاجه وطبعا هنمضيها علي تنازل بالأملاك بتاعت اخوك 

شاكر: وناوي تعمل ايه مع الحربايه ملك 

جوده : نذلها ونشغلها خدامه عندنا 

شاكر : ماشي انا رايح انادي لمجده وعبير )

وبس انا سمعت الكلام من هنا ورحت البيت اجهز الشنطه اجيلك واول ما سمعت خبط ع الباب خبيتها ع طول وعملت ولا كاني سمعت حاجه و ماجده قعدت شويه ومشت وانا بعدها خدت عائشه وجيت علي هنا 

تخيل يا سليم عايز يجوز عائشه بنتي اللي عندها ١٢ سنه لواحد اكبر منه انا اعرف ان مدحت ده عنده اكتر من ٥٥ سنه 

سليم : خلاص يا حبيبتي انتي هنا في بيتك وانت وبنتك في الحفظ والصون

ملك: كتر خيرك يا سليم 

( ملحوظه : طبعا انا الصعيدي بتاعي وحش ف أنا هحاول اتكلم صعيدي عل قد ما اقدر و  لو معرفتش اعتبروا ده صعيدي انا اسفه ????)

سليم: يا سعديه تعالي يا بت يا سعديه

سعديه : جيت اهه يا بيه 

سليم : ودي الهانم عل الجناح الشرقي ونادي لستك فاطمه 

سعديه : حاضر يا بيه يلا يا هانم

***********************************

في مكان تاني في اسكندريه

***********************************

شاكر بزعيق  : يعني ايه مشت وانتو واقفين تحت البيت بتعملوا ايه 

رجاله شاكر: والله يا باشا ما تحركنا من هنا 

شاكر: امال نزلت ازاي 

رجاله شاكر: منعرفش 

شاكر: ليه شويه عيال 

واحد من الرجاله: انا افتكرت حاجه يا بيه امبارح في نص الليل كان فيه عيال بتلعب وسمعنا صوت هبد فرحنا نشوف في ايه طلعوا العيال وقعوا عربيه عم حسن فرحنا عدلناها و احنا راجعين لقينا ست منقبه اول مره نشوف واحده منقبه في الشارع وكانت شايله بنت عل كتفها ومخبيه وشها 

شاكر : ما انتم اتنين حمير اكيد كانت هيا عايزكم تجيبوهالي النهارده قبل بكره ثم تابع بصوت عالي يلا

ثواني ومكنش في حد قدامه ورن عل اخوه جوده يعرفه بالمصيبه دي 

**********************************

في قصر الهواري بقنا

**********************************

فاطمه : يعيني عليكي يا حبيبتي 

سليم : انا لازم اربي الحيوان ده بس لما يجي الوقت المناسب 

وقطع كلامه دخول ابنه محمد و مليكه مراته واحفاده حمزه ومرام (الاتنين اخوات) 

فاطمه : حمد الله على سلامتك يا بني 

محمد : ازيك يا امي ازيك يا بوي 

فاطمه و سليم معا: الحمدلله كيفك يا بني 

محمد : الحمدلله بخير وبعدها دخلت اسرته 

مليكه : السلام عليكم  

الجميع: وعليكم السلام 

حمزه اول اما دخل اترمي في حضن جده 

ومرام راحت قعدت عل حضن ستها وباستها  

سليم : كيفك يا حمزه

حمزه : بخير يا جدي 

سليم: كيفك يا مرام 

مرام : الحمدلله كويسه يا جدي 

سليم : الحمدلله اطلعم دلوقتي ارتاحم وانت يا محمد تجيني المكتب بعد ساعه من دلوجت و اه صُح عمتك ملك فوق هي وبتها

حمزه اول ما جيت سيره عائشه فرح وابتسم وقال بسرعه: بجد عائشه فوق يا جدي

سليم بخبث: اه ياحبيبي بس نايمه  هي وامها

حمزه : ماشي يا جدي انا طالع ارتاح

مرام: هييييه عائشه فوق (ملحوظه مرام و عائشه قد بعض و الاتنين صحاب من زمان هتسألوا يعرفم بعض ازاي دائما صالح هو و ملك كانو بييجو يقضم اسبوعين في الصعيد في الاجازه وطبعا عائشه كانت بتيجي معاهم) 

يتبع…..