رواية عائلة بالإكراه الفصل الرابع والعشرون 24 بقلم سلمى بسيوني
رواية عائلة بالإكراه الفصل الرابع والعشرون 24 بقلم سلمى بسيوني
رواية عائلة بالإكراه البارت الرابع والعشرون
رواية عائلة بالإكراه الجزء الرابع والعشرون
رواية عائلة بالإكراه الحلقة الرابعة والعشرون
نظرات كتير اخطلت في صمت المكان والكل بيبص لبعضه
حنان قربت من اسراء اللي لسه سانده على يوسف
_اسراء ..انتي كويسه
كان سؤال في منتهى الغباء .. اسراء مجرد رؤيتها لسليم اجتاحتها احاسيس كتير اوي حب، حيره، لهفه، حقد، وجع
احاسيس كتير مكانتش عارفه تسيطر عليها
_اجري عليه يا اسراء …اجري واحضنيه ..قربي منه وشمي ريحته اللي فارقتك..ركزي في ملامحه وبصي في عيونه اسندي جبينك على جبينه وفضفضي وقوليله على سنين فراقه ..المسي ذقنه الخفيفة واسرحي في ملامحه
_ لأ …فوقي لنفسك ..انتي بقالك ٨ سنين لوحدك فوقي يا اسراء ..هو معاشش اللي عشتيه هو سابك وهجرك ومشي من غير حتى رساله اوعي تديله اللي هو عايزه ..راجع بعد سنين ليه ..عايز يكسرك كمان .. لأ ..انتي قوي مبتنكسريش ..ارفعي راسك يا بنت غفران وبطلي سزاجه ومتسمحيلهوش بنظره واحده
صراع دام لدقايق انتصرت فيه كرامتها
سليم رفع النظاره من عينه و بدأ يقرب واحده واحده لغايه ما بقى بيواجه اسراء ومع فرق الطول البسيط اسراء رفعت عيونها ليه وبصتله بإبتسامه متهكمه : نورت
اتحركت من قدامه وحنان وراها وبعدها بدأ الكل ينسحب وراهم يطمن على اسراء وثوره المشاعر اللي كانت فيها لغايه ما فضل ثائر اللي قرب منه بخطوات بسيطه : كنت وهتفضل النقطه السوده في حياة الكل ولو راجع فاكر حد فيهم هيسامحك او اسراء هتسامحك ف ارجع مكان ما كنت يا سليم ..سيبلها ورقه طلاقها وارجع ومتوريناش وشك تاني
طلع وراهم ثائر متعصب وعلى آخره سنين بيعالج اسراء من اثر سليم ومجرد ما فاقت لنفسها ولحياتها جاي يرجع حالا ..غبي ..غبي
ياريتك متت يا سليم وما عيشتها لحظه زي دي
سليم واقف مكان متصلب قرب عليه فيرديان اللي مراقب الموقف من بعيد
_ لن يفيدك الندم الان ..انت لسه في الاول يا سليم .. استحمل
**********
اسراء طلعت برا المبنى كله غمضت عنيها واخدت نفس طويل وهدت نفسها : اهدي يا اسراء ..فضلتي ٨ سنين لوحدك ومش هتنهاري برجوعه ..اهدي
حنان طلعت وراها واخدتها في حضنها واسراء استكانت فيه
حنان بهدوء : محتاجه تعيطي ؟
اسراء بعدت عن حضنها وبإبتسامه : انا زي الفل ..وهفضل زي الفل ..هفضل قويه ومش هضعف قدامه
نور وساره طالعين وراهم وقربوا عليهم
ساره حاولت تهدي الموقف : اووه ..حضن من غيرنا
التفوا هم كمان حوالين اسراء حضنوها واسراء اتنهدت بإرتياح : ربنا يخليكوا ليا ..طول ما انتوا جنبي ف انا بخير
نور همست : خليكي دايما بخير
طلع يوسف ووراه ثائر
قرب ناحيتهم فبعدوا عن اسراء
وقرب هو مسك ايديها وباس باطنها وبصلها بنظرات حانيه : انتي بخير صح
اسراء : انا بخير ..ممكن نتحرك بقا عشان نفرح زوزا وبيبو ومنمن ..وكمان عايزه اشوف اسلام وعايزه افتح المطعم وحاجات كتير اوي يلا بقى
يوسف : يلا يا حبيبتي ..يلا يا بنات
ركبوا كلهم وحنان قصدت تركب ورا عشان تسيب اسراء جنب يوسف وطلع ثائر لقاهم لسه هيتحركوا قرب من يوسف : هاا اي الاخبار
يوسف : انا متفائل بصراحه ..اسراء كويسه ..ومش كويسه بتصنع زي زمان .. لأ هي كويسه فعلا ..تفتكر تخطته
ثائر : افتكر اوي كمان ..يلا عشان متتأخروش وانا عندي شيفت بليل هجيكوا على هناك
يوسف اتحرك بالبنات ووصلوا المستشفى وقالوا لأمهاتهم اللي فرحوا جدا وحمدوا ربنا وكلهم مستنين مستنين فرحتهم تكمل برجوع اسلام
________________________
يمنى دخلت عند يونس وهي لسه متوجسه منه …كان نايم مغمض عينه وشكله هادي وبريئ قربت منه واتجرأت وركزت في ملامحه الهاديه ..معقوله ..انت ازاي تكون حاولت تغتصب واحده ..ازاي واحد في برائه ملامحك يأذي حد الاذى دا كله
اخدت نفس طويل وبعدت عنه غيرت المحلول وخرجت
______________________
ثائر قاعد مع مراته امنيه مصدعها باللي حصل في النيابه وعمال يحكي في تفاصيل وقد ايه اسراء عانت واستحملت وفي وسط الكلام
امنيه بعصبيه : ما كفايه بقى يا ثائر عرفنا انها حببيبتي بتعاني ومستحمله ..اي نعملها تمثال
ثائر بزعيق : في اي يا امنيه ..مالك انا بتكلم معاكي اي اللي عصبك مش فاهم
امنيه : فيه اني عايشه معاك بقالي عشر سنين ٨ منهم حاسه ان اسراء مراتك التانيه ومشركاني فيك ..بقت محور حياتنا يا ثائر ..لدرجه فظيعه ..واقول بلاش تتكلمي البنت تعبانه ومريضه وبنت خالته ومتعشمه فيه خير .. بس منفعش ..كنت بصبر نفسي ..لدرجه ان في عيد جوازنا نزلت في نص الليل عشان ست اسراء هانم بتتخيل سليم بيه قدامها وبتوهم نفسها .. انا تعبت يا ثائر ..معدش عندي طاقه اتحمل كل دا ..حتى بعد ما بقت سليمه بتحشرها في حياتنا ..بقالك قد ايه دكتور عمري ما حسيت ان مريضه من مرضاك بتشاركك فيا يا ثائر ..ليه كدا ..اهملتني لدرجه مش طبيعيه ..اسراء اول اهتماماتك ..دانت كنت بتعدي عليها قبل ما تروح البيت ..شويه وبقى عندنا بنت ..انت اب يا ثائر ولا نسيت ..خلاص ..اسراء خدت عقلك للدرجادي ..دانت بتقعد معاها اكتر ما تقعد ما بنتك ..انا الوضع دا معدتش متحملاه ..على الاقل هي جوزها اختفى فجأه ..انما انت موجود ومش موجود يا ثائر
سابته ودخلت اوضتها قفلت عليها وهي بتعيط ..معقوله يكون بيحب اسراء ..
وثائر واقف مكانه كلام امنيه كان زي القلم اللي فوقه ..معقوله اهمل في مشاعر مراته للدرجادي ..وبنته اللي مبقاش يقعد معاها ..مكنش حاسس انه مقصر ابدا قبل كلام امنيه ..حاسس دلوقتي انه اناني
ساب البيت ونزل مش قادر يواجه امنيه أبدا دلوقتي
_______________________
اسراء طلبت تدخل لأسلام ودخلتله بالعافيه
_ اي اوس اوس ..غيبتك طولت ..فاتك احداث ومفاجأت رهيبه ..هترجع امتا بقى ..وحشتنا يا اسلام ..عارف ..السؤال اللي سألتهولي في يوم لما سليم يرجع هيبقى ردك ايه ..سليم رجع النهارده يا اسلام …ولأول مره احس اني قويه من غيره ..لأول مره من ٨ سنين اتغلبت على عواطفي اللعينه اللي مسببالي كل وجع في حياتي ..عارف ..اول ما شفته حته مني كانت تتمنى تجري عليه تحضنه ..بس لقيت نفسي برفض وبشده ..وقفت قدامه ومنزلتش دمعه ..معيطش ولا حتى عيني لمعت زي زمان ..وقتها حسيت اني نصفت نفسي اللي تعبت في غيابه واتحملت كل الفراق دا لوحدها طلعت برآئه وحنان بخير وزي الفل وانا كويسه جدا ..احنا مستنينك وبس ..انت بس اللي فاضل تنور فرحتنا ..هترجع امتى بقا يا اوس اوس
____________________
ساره واقفه في البلكونه في ايديها كوبايه قهوه وبتغني بصوتها العزب الحزين : ياما شفنا في عيون حلوين …حكايات القلب المسكين …اولها ورد وياسمين وآخرها انجرح الياسمين …لا العاشق مرتاح ولا الخالي مرتاح ..خلينا من السكه دي ..على البر مراكبيه
على كان مراقبها ومراقب صوتها ومستمتع بيه عارف انه حرام وغلط يسمعها بس مقدرش يقاوم صوتها اللي دق اوتار قلبه مرضاش يدخلها ويكلمها عشان متتكسفش وتزعل انها عملت حاجه غلط بأنه سمع صوت غناها انصرف بهدوء ومن سكات
_____________
يمنى قاعده في امان الله والمفروض تقوم تغير على جرح يونس بس خايفه منه قامت وقالت للدكتور فرد عليها : لا يا يمنى ..انتي في مستشفى محترمه بطلي لكاعه وعبط ..دا مريض زي باقي المرضى …اي عايزه مريض بفيونكات
خرجت وسابته ..يابااااي عليه …انسان الآلي اوي …دخلت عنده كان صاحي
_ لو سمحت ممكن نغير على الجرح
_ اه طبعاً اتفضلي
ادها ضهره وهي فكت ازرار ثوب المستشفى وبدأت تغير على الجرح بحذر
_ انتي خايفه مني ولا اي
يمنى مردتش عليه فكمل : متخافيش ..دي حبيبتي وكنت بربيها
_ بتربيها !!!! وبتقول حبيبتي
_ ايوا طبعاً بحبها
_ الحب لما يوصل حد الهوس ..بيبقى مرض يا استاذ يونس
_ مرض !!! دانتي عبيطه بقى
ضغطت على جرحه فتأوهه وقالت هي بزعيق : لأ انا مش عبيطه ..انت اللي مريض نفسي ..ولو مصدقتش في دا مش هتتعالج ..وهتفضل بنى ادم مريض وغبي بتهرب منه الناس …البنت اللي بتحبها دي لو كنت عاملتها بإحترام كانت هتحترمك ..بس انت غبي ومريض ..وبدل ما تحبك كرهتك ..فوق لنفسك بقى ..
يونس مسك كوبايه المياه اللي على الكومودينو ورماها في الارض انكسرت : اطلعي برا حالا ..ومشوفش وشك هنا تاني
_ فوق لنفسك الدنيا مش بتدور حواليك وهتتجازى على التخلف دا ..بني ادم مريض ومتخلف
طلعت جري من الاوضه وعلى اقرب بلكونه جريت وفتحت في عياط بطريقه هستيريه وهي بتفتكر احداث قديمه
_ انتي بتاعتي وملكي وبس ..انتي حقي فاهمه
_ ابعد عني يا حيوان … ابعد عني
قرب عليها وهو بيفك ازرار قميصه بس للاسف يمنى مكانش عندها اسراء تنقذها ومكانش عندها عيله تتحامى فيها ..اتهانت في كرامتها وشرفها واتقهرت عليهم لوحدها وحاولت الانتحار ٣ مرات من نظرات الناس المهينه المرعبه ..حتى اللي عمل كدا فيها عمل كدا وسابها وهرب ..ولغايه حالا مأخدتش حقها
فوقت نفسها من الهستيريا دي زي عادتها : فوقي يا يمنى عدى وفات ..انتي مش عيشاه حالا ..انتي حالا كويسه وبخير فوقي
طلعت من البلكونه وهي بتمسح دموعها قابلت الدكتور
_ اي المهزله اللي عملتيها دي يا يمنى ..انتي متخلفه !!!
_ يا دكتور هو مش شايف اللي عمله دا غلط وبجح كمان !!
_ وانتي مالك ..اي دخلك اصلا ..احنا المريض بيجيلنا هنا بنعالجه لانه مريض ..مش عشان هو بجناحات ..ملناش دخل اي اخطاءه او عمل اي في حياته يا يمنى احنا بنعالجه عشان مريض وبس
_ انا اسفه يا دكتور ..غلطه ومش هتتكرر
_ياريت بقى يا يمنى ياريت
___________________
حنان بتدور على يوسف لقيته نايم على كرسي من الكراسي
قربت منه وقعدت جنبه بصتله بحنان وحركت ايديها على شعره بالراحه وهي بتتامل ملامحه وأنها بتحفظه
_ياريتك تفضل جنبي طول عمرك ..وافضل انا قاعده بصالك كدا وما اتحركش ..والدنيا كلها تقف علينا وبس
اترسمت على شفايفه ابتسامه جميله وهمس : مش هتزهقي
حنان اتوترت شويه لما عرفت انه صاحي بس ردت عليه : عمري
يوسف اتنهد بإرتياح وهو مغمض عينه
ف حنان بصوت حاني : انت كويس يا حبيبي
يوسف بمرح : انا بعد حبيبي دي بقيت زي الفل
حنان ابتسمت : يوسف
يوسف : قلبه
حنان بإبتسامه : انت كويس
يوسف فتح عيونه واتنهد : مقدرش اقولك كدا ..لما شفت سليم النهارده اترعبت من رد فعل اسراء وهل ممكن تنهار تاني ..خفت لتضيع فيها المرادي يا حنان
حنان مسكت ايده : وهي كويسه ..قويت وخدت بالها وفاقت لحياتها ..هي بخير ..وعرفت تتماسك ومضعفتش قدامه ومصتنعتش القوه زي قبل كدا .. اسراء فعلا قويت يا يوسف ..مقلقش يا حبيبي ..كل حاجه هتبقى بخير ..وربنا دايما معانا و مش ناسينا أبدا ..اطمن
يوسف اخدها في حضنه وأخد نفس طويل: وهو في حد انتي في حياته وميطمنش ..مجرد وجودك بيطمن ..نظره عيونك وهدوءك ..حتى بسمتك بتطمن وتهون على الواحد تعبه ..ماسكت ايدك وسؤالك ..كل حاجه فيكي بتطمني وتريحني ..انا ربنا بيحبني اوي ان اهداني هديه زيك
حنان عنيها دمعت من كلامه : وانت وجودك بيأثر ..بيطمن ويطبط على القلب ..حضنك امان والكلمه منك مريحه، ابتسامتك، تفاصيلك، عروق ايدك وعوجه حواجبك لما تهزر ..كل حاجه فيك تتحب لوحدها
_________________________
بعد يومين
عصام لماهر : اعتقد مفيش ابسط من كده ..مش هتعمل حاجه غير انك هتحطله السم في محلول الدم ..تحطها ازاي دي مش بتاعتي ..اللي يهمني انه يموت وبس
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)