رواية توأمي المخادعه الفصل الأول 1 بقلم إيمان شلبي

رواية توأمي المخادعه الفصل الأول 1 بقلم إيمان شلبي

رواية توأمي المخادعه البارت الأول

رواية توأمي المخادعه الجزء الأول

رواية توأمي المخادعه الحلقة الأولى

كنت قاعده وسط اصحابي بنضحك ونهزر وفجأه اقتحم المكان شاب لاول مره في حياتي اشوفه بيوجهلي سؤال مقدرتش افهمه!!
بصيت يمين وشمال باستغراب وبعدها شاروت علي نفسي :
-حضرتك بتكلمني انا؟؟
رد بعصبيه:
-اومال بكلم امي
قومت وقفت وهبدت علي التربيزه بعصبيه :
-انت مين انت اصلا عشان اعملك بلوك هو انا اعرفك يابني ادم!!
ضحك بسخريه :
-ااه اعملي فيها هبل*ه وع”بيطه بقي قدام صحابك
بصيت لصحابي وانا بشاورلهم أنه مجنون!
ايه الجنان ده بجد
تبقي قاعد لا بيك ولا عليك تلاقي نفسك عملت بلوك لواحد متعرفهوش من الأساس
بصلي بحزن والدموع بتلمع في عينه :
-ليه بعد ما حبيتك تبعدي عني
-يا استاذ صدقني والله انا معرفش انت مين
اكيد حضرتك بتشبه عليا
صرخ بج*نون وهو بيحط الفون في وشي :
-ازاي بشبه ازااااي
مش دي انتي ؟!
بصيت للصوره لقيتها صورتي فعلا وبشعري كمان!!
رديت بذهول :
-ا انت ا انت جبت الصوره ديه منين؟
ضحك بذهول :
-مش معقوله بجد مش معقوله البراءه اللي في عيونك ديه
عايزه تثبتي لاصحابك اللي قاعدين انك محترمه
مع أن انتي بنفسك اللي باعته الصوره ديه وغيرها من الصور كمان
رديت بجنون وهستريه :
-انا مبعتش حاجه بقولك انا معرفش انت مين من اساسه!
ا انت ا انت مهكر الفون بتاعي مش كده
ا انا مش هسكت انا هبلغ عنك مش هسيبك ياحقي*ر يا*حيوا*ن
صرخ فيا وهو بيمسكني من ذراعي :
-وانا هعمل كده ليييييه
انتي ليه مش عايزه تعترفي أن انتي اللي كنتي بتكلميني
صدقيني والله العظيم انا حبيتك
و ولو عايزه اتقدملك النهارده قبل بكره موافق
بس ارجوكي ارجوكي كفايه كذب
ا انا لحد دلوقتي مش قادر افهم انا عملت ايه عشان تعمليلي بلوك وتبعدي عني بعد ما حبيتك!
انا اذيتك في ايه
ا أنا ا انا مقدمتش ليكي غير كل الخير والحب
ردت واحده من اصحابي :
-يا استاذ اكيد حضرتك فاهم غلط وسام عمرها ما كلمت شاب لانها عارفه أنه حرام
بص قدامه بشرود :
-ا ازاي اومال مين اللي كان بيكلمني؟
رديت بهدوء :
-ممكن اشوف الاكونت اللي كان بيكلمك
فتح الفون بنفس الشرود وانا اقفه حاطه ايدي علي قلبي وبتنفس بسرعه وخوف
فتح الاكونت والغريبه أنه كان الاكونت بتاعي!!!!
صفاء صاحبتي باستغراب :
-وسام ده فعلا الاكونت بتاعك
-مش معقوله ا ازاي
بصيلهم بابتسامه كلها سخريه :
-صدقتوني ولا لسه مصدقين صاحبتكم انها عمرها ما كلمت شاب؟؟
صفاء :
-وسام افتحي الاكونت بتاعك
بصيتلها بشرود والخوف بدأ يزيد جوايا والدموع بتتجمع في عيوني
شدت مني الفون وهي بتجز علي أسنانها :
-انا مستعده اثبتلك دلوقتي أن وسام مش كذ”ابه وان انت جاي تتبلي عليها وتشوه صورتها قدامنا
إيمان شلبي
فتحت الاكونت ودخلت علي الماسنجر وبالفعل مكانش في أي شات بيني وبين حد إلا اصحابي البنات!
حطيته قدامه وانا واقفه بعيط وج”سمي بيتنفض من الإحراج اللي اتعرضتله
مكنتش قادره افهم الغرض من الخدعه ديه كان ايه
ولا قادر افهم ازاي هو قدر يوصل لصوري
انا حتي مفتكرش أني فتحت اي لينك غريب ممكن الفون يتهكر منه
-سهل اوي الشات يتمسح
انا بقي مستعد اثبتلك أن صاحبتك احقر بني آدمه في العالم
فتح وبعتلي ماسدج وبالفعل وصلت فوراً
مكانش في أي شات ما بيني وما بينه إلا الماسدج اللي مبعوته حالاً
رفع حاجبه ببرود وسخريه:
-شوفتوا اني مبكذبش
ورده صاحبتي بذهول:
-اكيد في حاجه غلط
مش معقول وسام متعملش كده طبعا
صفاء بتأييد لكلامها :
-الاكونت بتاعها اكيد متهكر واللي بتكلمك علي الأساس انها وسام احنا هنعرف هي مين ووقتها مش هنرحمها
-يعني ايه ؟؟
يعني انا حبيت مجرد صوره!
ورده وهي بتهز أكتافها ببرود :
-والله مش مشكلتنا انك عبيط وبيضحك عليك
بصلنا بغيظ وغضب وهو بيشاور بصباعه بتهديد :
-بس انا مش هسكت صدقيني يا وسام هتندمي اوي علي كذبتك الحقيره هتندمي بقدر حبي ليكي وبقدر مشاعري اللي ضاعت علي واحده زيك
قال كلامه ومشي من قدامي وانا واقفه ببص لآثره بشرود وذهول!
-وسام ا….
قاطعتها وانا باخد شنطتي :
-انا لازم امشي حالاً
-وسام استني وسااام
ورده وهي بتبص قدامها بشرود :
-ياتري اللي قاله الشاب ده حقيقه ولا كذب!
صفاء بعصبيه :
-ايه الج*نان ده انتي مصدقه الواد المج*نون ده
وسام صاحبتنا من زمان واحنا عارفين انها مستحيل تعمل حاجه زي كده
ورده بحيره:
-ايوه بس المشكله ان كان في دليل
ردت صفاء بضيق :
-بقولك ايه يلا نمشي
-يلا
***********************************
وصلت البيت في وقت قياسي
كنت بجري طول الطريق
بحاول اهرب من اصحابي ونظراتهم
ومن الشاب ونظره الحزن والكسره اللي في عيونه
ومن ضعفي وقله حيلتي!
كنت عارفه ومتأكده أن “ريماس” اختي التوأم هي اللي عملت كل ده
صحيح انا مش اول مره اشوف الشاب ده
انا كنت بكذب عليه وعلي اصحابي
الحاجه الوحيده اللي كنت صادقه فيها اني متكلمتش معاه
لكن الأكيد أن ريماس هي اللي عملت كده
رنيت الجرس وثواني وماما فتحت الباب
-حمد لله علي السلامه ياحبيبتي
رديت بهدوء :
-الله يسلمك ياماما
ردت بقلق :
-مالك ياوسام وشك اصفر زي اللمونه كده ليه؟
-م مفيش ياحبيبي تعبانه بس شويه
-طب روحي غيري هدومك عقبال ما احضرلك لقمه
-لا لا مش قادره انا هنام شويه ولما اصحي هاكل
-ماشي حبيبتي ادخلي ريحي شويه
-هي ريماس جوا ؟
ردت بأبتسامه حزينه :
-هتروح فين يعني يابنتي هي بتعرف تتحرك حتي!
بصيتلها بحزن واخدت نفس عميق وروحت نحيه الاوضه
دخلت لقيتها قاعده علي السرير كالعاده وبتبص قدامها بشرود
-ا احم ريماس
فاقت من شرودها وردت بلهفه غريبه:
-وسام انتي جيتي
هزيت راسي بابتسامه باهته :
-اه
-مالك ياوسام انتي كويسه
بصيتلها بعتاب :
-ليه ياريماس عملتي كده ؟
ردت باستغراب :
-عملت ايه
إيمان شلبي
قربت منها وقعدت علي طرف السرير :
-ليه كلمتي حسن من الاكونت بتاعي علي اساس انك انا؟؟
غمضت عيونها جامد وحطت ايديها علي وشها من غير ما تنطق حرف!
-ردي عليا يا ريماس ليه عملتي كده
ردت بعياط وحرقه وهي بتبصلي :
-عشان بحبه
ع عشان كنت بتمناه من ربنا من زمان اوي
-تقومي تكذبي عليه وتكلميه علي اساس انك واحده تانيه ؟!
-ايوه ع عشان لو عرف حقيقه اني مشلوله هيبعد عني
-وعملتيله بلوك ليه ؟
-انتي اصلا عرفتي كل ده منين
-من حسن
ردت بذهول :
-ه هو شافك
حكيتلها كل اللي حصل وهي قاعده بتبصلي بصدمه ودموعها كل مره بتزيد
-ي يعني ي يعني حسن حبني!!
-حب شخصيه مزيفه يا ريماس
حسن حب مجرد صور
ردت بلهفه :
-بس انا ا انا اللي كنت بتكلم ه هو حب شخصيتي و و ….
-متعشميش نفسك هو مقتنع أن اللي كانت بتكلمه هي انا مش انتي
-انا وانتي واحد احنا نسخه من بعض!
-طب ليه متعرفهوش الحقيقه
ليه عملتي بلوك وبعدتي عنه فجأه
-عشان خوفت
-خوفتي من ايه ؟
-خوفت لما يعرف يسيبني
-طب مانتي سيبتيه!
-بكرامتي
مكنتش هقدر استحمل اني اسمع منه كلمه تجرحني
-انتي عملتي اكبر غلطه في حياتك
انتي عارفه أنه حالف ينتقم مني انا
انتي عارفه كان منظري ايه قدام صحابي النهارده وهو واقف يوريهم صوري اللي بشعري!
بجد حرام عليكي انا مش مسامحاكي
وهو كمان ذنبه في رقبتك
مش مبرر ابداً عشان انتي عاجزه تعملي كده
اللي بيحب حد بيحبه في كل حالاته
كان لازم تعرفيه الحقيقه وتسبيه هو اللي يختار!!
يكمل أو يبعد
مش تفضلي تخدعي فيه لحد ما يحبك وفجأه بدون اي مقدمات تبعدي عنه
ردت بدموع :
-ا انا اسفه ا انا اسفه سامحيني
رفعت اكتافي بحيره :
-اسفه علي ايه ولا ايه ولا ايه؟!!!
انتي بني ادمه انانيه
ازاي تعملي كده في اختك
انا كنت بنام ومأمنه علي نفسي
وانتي رايحه تبعتي صوري بشعري لواحد غريب
اصلا ازاي انا مكنتش بلاحظ ده
كان بيكلمك أمتي وازاي انا ملاحظتش
-كنت بخليه يكلمني بليل لما بتنامي و…….
قطعت كلامها لما الفون بتاعي رن برقم غريب
-الو
-انا تحت قدام بيتك خمس دقائق وتكوني عندي وإلا وقسماً عظماً هطلع دلوقتي وافضحك قدام اهلك
رديت بخوف وانا ببلع ريقي:
-ح حاضر ح حاضر هنزلك حالاً

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية توأمي المخادعه)