رواية ألمي الفصل الثاني 2 بقلم السمراء

رواية ألمي الفصل الثاني 2 بقلم السمراء

رواية ألمي البارت الثاني

رواية ألمي الجزء الثاني

رواية ألمي الحلقة الثانية

حولت اني نوقف السياره لكن للاسف الي صار.. صار
فجأة طلع حدا قدامي………
نزلت من السياره ومش قادره يارب ان شاء الله ميكون ميت
شفت الناس كله التمت عليا كان خاطري توا نبكي..
شفت الراجل طيح على الارض والدم امعبي الدنيا
نسمع في صوت الناس الي يقول.. معقوله متشوفيش ولي يقول… انا لله وإنا إليه راجعون….
استوعبت الي انا فيه والراجل الي ممكن يكون ميت
قلتلهم بسرعه حطو لي في السياره ممكن يكون مازال عيش مشيت للسيارة وفتحت الباب حطوا الراجل ومشيت نجري لباب السواق لكن صدفني تلفون امعبي دم قلت اكيده للراجل خذيته امعاي….
نجري بسرعه مش طبيعيه نبي نوصل للمستشفى شفت الراجل كيف هامد كيف الجثه خفت تميت نبكي لا لا ياربي ارجوك خلي حي منبيش نخذ ذنبه…
وصلت للمستشفى ونزلت بسرعه..
: امعاي مريض بسرعه جيب نقله
الممرض: هيااا
جاب سرير..
الممرض: شن صار
نحكي و دموعي موقفنش: ضربت بالسياره
دخلوه في غرفة الكشف ونا مش مستوعبه لعند توا شن يبي ايصير نرن على بابا بس خايفه اتصير فيه حاجه…
طلعت الممرضه: انتِ تعرفي المريض؟

: لا نا الي ضربت بالسياره.. شن صار امعاه!!
الممرضه: والله منقدرش نقولك شيء نين يطلع الدكتور ياريت لو تعرفي حدا يعرفه تقوليلهم لأن نبو توقيع بسرعه عشان العمليه.!
: حاضر راح نشوف…
تذكرت تلفون الراجل مشيت نجري للسياره
: حي على بختي في رمز.
فجأ رن التلفون رديت طول..
الشخص: الو.. صقر وينك نرن عليك متردش.. صقر
نحكي وخايفه بس لازم حدا ايجي: الو..
الشخص: من انتِ.. وين صقر
: انتِ بشنو تعرفه..
الشخص: نا خوه أنس.. انتِ من
: خوك دار حادث ياريت اتجي بسرعه عشان لازم من عمليه لكن ضروري توقيع حدا له..!
أنس: في اي مستشفى
عطيته الوصف ورديت للمستشفى قعمزت على الكرسي دموعي ينزلن بدون إرادة نبي نبكي وخلاص..
نسمع في صوت تلفون ايرن بس مش تلفوني تذكرت تلفون الراجل طلع أنس اخ الراجل رديت بسرعه
: الو
أنس: الو ها في اي قسم
: في الجراحه راح نطلعلك خليك امعاي على الخط
أنس: تمام…أهو شفت تلفون صقر اكيده انتِ..
وصل عندي طويل واسمر ملامحه هاديه…
: اها اهلين
أنس: وين صقر! كويس هوا..

: مش عارفه مبش حدا يقولي شن فيه نين يجي حدا من أقربائه..
أنس: توا وين هوا
: تعال…
وصل عند الغرفه فجأة طلع الدكتور
أنس: دكتور انا اخ المريض.. اكويس هوا
الدكتور: للاسف منقدرش نقولك شيء لان الوضع مش مستقر ياريت تمشي مع الممرضه عشان توقع على الاوراق وتعطيهم اسم المريض…
أنس: حاضر بس شن صار.. كيف صار امعاه هك..؟؟
رديت بسرعه: نا ضربت بالسياره
التفت في ونظرات كلهن عصبيه.. خفت ورديت لورا
أنس للدكتور: وين الاوراق؟؟
طلع مع الدكتور والممرضه ونا قعدت جنب الغرفه تذكرت هلى شن راح يقول… رنيت على بابا…
: الو بابا شخبارك؟
بابا: اهلين ألمى الحمدلله وصلتي ل خالتك
: بابا صارت امعاي حاجه مقدرتش نمشي
بابا: شن في؟ شن صار
: ضربت حدا بسياره.. لكن متخفش اكويس
بابا بعصبيه: وينك في اي مستشفى
عطيت بابا الوصف وسكرت تنهدت ياريت يطلع حلم ياريت ما مشيت للجامعه ياربببب خليها حي… قعمزت على الكرسي ونسمع صوت وحده جايه وتعيط بصوت عالي
صقر.. صقر….
امعاه شيب كبير في العمر وبنتين…. جاءء أنس يجري
أنس: متخفيش يا امي صقر كويس
أم صقر: وين وليدي وين يا أنس نبي انشوفه
الشيب: خلاص يا صباح… وين صقر يا أنس…
أنس: ها يا باتي تعال…
لكن قبب ما يفتح الباب تطلع الممرضه وهي تسحب في السرير الي عليه صقر..

اب صقر: وين يا ممرضه
الممرضه: لغرفة العمليات.
سحبت السرير وهلهم لحقوه ونا لحقتهم بشويش وقفوا قدام غرفة العمليات كلهم…. تم ايزيد عداد الناس كل مره جاي حدا
شكله عندهم معارف واجدد.. رن تلفوني طلع بابا
بابا : ألمى وينك
: وين انتِ توا نطلعلك
طلعت ل بابا او ما شفت ظميته وتميت نبكي حسيت روحي وحيده بس لم جاء بابا حسيت ان في حدا سندني نا البنت الوحيده ل بابا وماما نحبهم وديما خايفه عليهم
بابا: خلاص يا بنيتي دموعك غالية.. باذن الله راح يكون كويس.. وين هوا وهله امعاه
ألمى: اها تعال
خشيت نا وبابا والمكان زحمه شفت أنس ..
: بابا هذا خوه وهذا باته.
بابا: السلام عليكم
اب صقر ولي معاه: وعليكم السلام ..
بابا: الحمدلله بسلامه
اب صقر: الله يسلامك.. بس من معليش
بابا: نا اب البنت الي ضربت ولدكم
كلهم بصدمه بحتوا في شكله أنس مش قيل ان بنت ضربته..
وقبل ما يحكي اب صقر طلع الدكتور
الدكتور: للاسف…

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)