رواية الصفقة الفصل الثاني 2 بقلم مريم خالد
رواية الصفقة الفصل الثاني 2 بقلم مريم خالد
رواية الصفقة البارت الثاني
رواية الصفقة الجزء الثاني
رواية الصفقة الحلقة الثانية
من سنتين فاتوا في مكتب يونس في شركته-
يونس : بس كدا يا ستي … فهمتي؟!
شادو: ايوا… شكرا يا يويو
يونس: يا بنتي بقااا قولتلك بلاش يويو
شادو : ليه؟! دا انا قصدي اقولك اني فهمت اوي اوي يعني
يونس : لا انا الاسم دا بينرفزني.. بيفكرني بحاجات مبحبهاش
شادو: ايواا.. قولتلي.. قصدك سوسو؟!
-بيبص يونس بغضب-
يونس : شاااددووو….. خلاص
شادو : انا اسفة.. عن اذنك
-بتخرج شادو من المكتب –
مراد : ايه… مالك وشك احمر ليه كدا؟!
شادو: يونس زعقلي
مراد:ليه.. عملتي ايه
شادو : فكرته بحبيبته
مراد : ما انتي عارفة انها من ساعة ما اختارت شغلها وسابتها وهو بيعتبرها خانته .. وسيرتها بتعصبه ومبيحبش يسمع حتى اسمها… متزعليش مني انتي غلطانة
شادو: تفتكر؟!.. بس برضو مينفعش يزعقلي كدا قدام الموظفين.. انا شريكة فالشركة زيه بالظبط
مراد: هو كان في موظفين؟!
شادو: لا… بس اكيد سمعونا.. صوته كان عالي
مراد : شادو… متحوريش.. لازم تعتذريله
-بتنفخ شادو وهي بتقول : حاضر… وبتسيب مراد وتروح ل يونس-
شادو: احم.. ممكن ادخل؟!
يونس: عايزة ايه؟!
شادو: كنت عايزة اقولك sorry .. مكنتش اقصد اضايقك
يونس :حصل خير.. بس بعد اذنك هنا لازم نتعامل على اساس اننا في شغل… انسي اننا ولاد عم
شادو: عن اذنك
-بتخرج شادو من مكتبه-
مراد : هاا.. رضي عنك؟!
شادو : انا غلطانة اني سمعت كلامك… انا اتهزقت تاني
مراد: قالك ايه؟!
شادو: اسكت بقا
مراد: لا بقولك ايه… اتكلمي معايا عدل ومتنسيش اني مديرك هنا… انسي شوية اننا ولاد خالة
شادو: في ايه يا جماعة هو كل شوية حد هيتبرأ مني؟!!
مراد بضحك: طب خلاص خلاص انا بغلس عليكي.. انا اصلي سمعته وهو بيقول كدا.. ف قولت اعصبك شوية
شادو : انا ناقصة يعني انا ناقصة مثلا؟!
-بيخلص اليوم فالشركة.. الشركة بتاعة فؤاد وابنه يونس وشريكهم صالح الشرقاوي اللي قرر انه يكتب نصيبه باسم شادو عشان تشتغل مع يونس ويقربهم من بعض-
-اليوم اللي بعده-
شادو :صباح الخير
يونس:اتاخرتي…
شادو:لا عادي يعني مش اوي
يونس:اه نفضل بقا متعطلين عن اشغالنا لحد ما تحني علينا وتخلصي ماكياچك وتيجي.. صح… فين ورق ال meeting اللي معاكي؟!
شادو: اوووف sorry نسيتها.. انا اسفة اوي يا يونس.. بس متقلقش انها هخلي مراد يعدي عالبيت يجيبهم
يونس: هو انا هستنى لسااا مرااااد… اتفضلي روحي جيبيهم
-بتخرج شادو بعصبية وبتقفل الباب وراها بقوة –
-بعد نص ساعة-
شادو : اتفضل .. يلا عشان وقت ال meeting
-بترمي شادو الورق قدام يونس عالمكتب –
يونس ببرود وهو باصص فالموبايل: ال meeting اتآجل
شادو بعصبية: طيب ليه مقولتليش.. مكنتش هجيب الورق
يونس: عشان تتعلمي متنسيش حاجة تاني
شادو: انت ليه بتعاملني كاني بشتغل عندك؟!! على فكرة انا لينا نص الشركة دي.. يعني زيي زيك… ومش معنى اني لسه جديدة فالشغل وطلبت منك تساعدني اني هسمحلك تتجاوز حدودك معايا.. انت فاهم؟!
-بيسيب يونس الموبايل وبيقوم من مكانه وبيبصلها بحده-
يونس:روحي على مكتبك وحاولي تخلصي ال task اللي طلبته منك.. حاولي تبقي مفيدة شوية
شادو بصدمة : how derr you?!
انا مش مفيدة؟!!… ماشي يا يونس والله لاوريك
-بتخرج شادو بعصبية –
-بيرجع يونس ويقعد عالكرسي ويضحك-
شادو:داليا.. هاتي مراد وتعالوا
داليا :في ايه ؟!
شادو:يلاااا
-في مكتب شادو-
مراد: لا ثواني بس عشان انا توهت… انتي عايزة تبيعي اسهمك هنا فالشركة وتفتحي واحدة تانية لوحدك؟!
شادو: بالظبط
داليا : ازاي يعني ..دانتي مبتشتغليش هنا بقالك شهرين
شادو: اسمعوا انتوا الاتنين .. انتوا اقرب ناس ليا.. وعايزاكوا تمشوا معايا فالاجراءات.. وانتوا الاتنين هتديروا معايا الشركة.. انا عارفة ان دا تهور… بس يونس غلط.. وانا ليا مزاج اندمه… وصدقوني.. دي هتبقا اول خطوة فالحرب بيني وبينه.. بس قبل ما ابيع عايزاك يا مراد تعمللي online meeting مع الشركة الصينية.. ال deal دا هيبقا اول deal فشركتي الجديدة.. ودي هتبقا الضربة التانية ليونس.. وانا اوعدكوا انها مش هتبقا الاخيرة
-دلوقتي.. فبيت فؤاد-
ديما:يونس هااااااي… روحت فين؟!
يونس: ولا حاجة… انا جهزت شنطتي خلاص.. هنتحرك امتى يا بابا؟!
فؤاد:جدك عايز يرجع يلاقينا.. يعني هنتحرك على 9 الصبح
يونس: ماشي.. هبقى اطلع من هنا عالشركة وابقى ارجع عليكوا هناك
-تاني يوم-
خديجة:اهلا اهلا اهلا بروح قلبي
شادو:نينا… وحشتيني اوي
نيڤين : ازيك يا ماما
فاروق: وحشتيني يا امي
وانتوا كمان يا حبيبي وحشتوني
فؤاد: جالك حبيب القلب امشي انا يعني؟!
خديجة : كلكوا حبايب قلبي.. ازيك يا ديما.. ازيك يا سلوى
سلوى : بخير يا ماما الحمد لله
ديما : وحشتيني يا نينا اوي اوي
خديجة: وانتي كمان يا روح نينا.. اومال فين يونس؟!
سلوى: عنده شوية شغل هيخلصهم ويجي عالغدا
خديجة: طيب كويس .. كدا اللمة الحلوة هتكمل عالغدا… انا كمان كلمت فريال تيجي
فؤاد: تيجي ازاي؟! تتغدى معانا يعني؟!
خديجة : لا.. تقعد معانا هي وبنتها.. خاصة ان جوزها لما مات مسابلهمش حد غيرنا
فؤاد: ابتدينا العكننة
فاروق : فؤاد ميقصدش يا ماما… اصل حضرتك عارفة يعني اللي حصل
خديجة: ايوا عارفة.. بس الموضوع عدى عليه يجي 3 سنين.. خلاص بقا.. ايه.. هنقاطع بعض العمر كله
-بيدخل صالح-
صالح : احلى منظر الواحد يدخل عليه فبيته.. ربنا ما يحرمني منكوا
فريال: ولا منك يا بابا.. وحشتني اوي
بيبص صالح ليها والدموع فعنيه ومبيتكلمش وبيكتفي انه ياخدها فحضنه وبس
صالح: وانتي يا فيفي.. وحشتيني
سارة-طيب وانا يا جدو… موحشتكش؟!
صالح : اهلا اهلا يا حبيبتي.. وحشتيني طبعا.. بس انتي اللي لازم مصر توحشك شوية.. بس شكل كدا شغلانة المضيفة دي عاجباكي
فريال: والله يا بابا مبشوفهاش … ازيك يا فاروق
فاروق : اهلا يا فيفي ازيك يا حبيبتي
فريال:ازيك يا فؤاد
فؤاد: كويس… انا طالع اوضتي.. يلا يا سلوى
ديما: هاي يا عمتو ازيك
فريال: ازيك يا دودي.. وحشتيني يا عفريته
فاروق : انا كمان هطلع اوضتي يلا نيڤو… عن اذنك يا ماما.. عن اذنك يا فريال
شادو: عن اذنكوا
سارة:شايفة يا ماما.. ولا عبروني… ولا كاني موجودة.. حتى جدو.. كلمني بالعافية
فريال : هما يومين.. هنقعدهم بالطول ولا بالعرض.. ومتنسيش اننا جايين ننفذ خطة.. مفيش وقت للعب بتاعك دا
-الاسرة كلها عالغدا… –
صالح: ما تتصل بيونس يا فؤاد
فؤاد : بيكنسل.. اهو وصل اهو
يونس : مساء الخير.. اسف على التآخير بس كانـ…. ايه دااا!!!!!!!
يتبع …..
لقراءة الفصل التالي : اضغط هنا
لقراءة جميع فصول الرواية اضغط على (رواية الصفقة)