رواية اخترت نفسي الحلقة الثانية 2 الجزء 2 بقلم هاجر محمود
رواية اخترت نفسي الحلقة الثانية 2 الجزء 2 بقلم هاجر محمود
 |
| رواية اخترت نفسي الحلقة الثانية 2 الجزء 2 بقلم هاجر محمود |
رواية اخترت نفسي الحلقة الثانية 2 الجزء 2 بقلم هاجر محمود
بعد ان أنهى منير سهرته مع اصدقائه قاد سيارته وذهب الى منزله وهو سكرانا لا يرى شيئا امامه من شدة التعب ونام على الفور، وفي اليوم التالي استيقظ متأخرا واخذ يبحث عن سمر في اجراء المنزل ولكنه لم يعثر عليها فأرتدى ملابسه وذهب الى عمله مسرعا، وفي العمل اتصل بسمر فوجد هاتفها مغلقا فاتصل على هاتف والدتها عدة مرات الى ان ردت عليه سمر)
سمر: نعم عاوز ايه؟
منير: انتي ازاي تسيبي البيت وتمشي من غير اذني
سمر: اذنك؟!! انت ملكش حكم عليا خلاص
منير: يعني ايه؟
سمر: يعني تطلقني بالذوق احسنلك
منير: طلااااااااق
سمر: ايوه طلاق انت فاكر اني هعيش معاك بعد ما عرفت قذارتك
منير: قذارة ايه؟
اخبرته سمر بما سمعته في مكالمته مع رهف وتوعدته بالانتقام منه
ضحك منير بقوه وقال: ابقي وريني هتعملي ايه ولو عالطلاق هسيبك كده متعلقه ومش هطلقك وهاخد البنت كمان
سمر بغضب: انت بتحلم
ثم اغلقت الهاتف في وجهه
****************
بعدها اتصلت سمر بچنى واخبرتها بما حدث وأتفقا معا على الانتقام منه
سمر: تمام كده يبقا ده اللي عليكي تعمليه تشاغليه لحد ما يبيع اللي وراه واللي قدامه
چنى: حاضر وطبعا انتي هتديني مفاتيحه؟
سمر: اكيد
چنى: المهم في حاجه عاوزه اقولهالك
سمر: خير
چنى: أيمن لسه بيحبك ومستعد يبيع الدنيا عشانك انتي وبنتك
دق قلبها بقوة وشرد عقلها في ما مضى ثم نظرت لأبنتها وابتسمت وقالت لچنى: اللي فيه الخير يقدمه ربنا
چنى: اطمنه يعني؟
في نفس الوقت استأذن اخاها أيمن بالدخول الى غرفتها فوجدها تتحدث على الهاتف فنظرت له چنى بأبتسامه بينما نظر لها أيمن بتساؤل وقال: بتكلمي مين؟؟
فتحت چنى مكبر الصوت وسمر تقول بخجل: ايوه قوليله انا فوقت ومستنياه
رد أيمن عليها: وانا جاي والمرادي مش هتضيعي مني
چنى: ربنا يهنيكم ببعض
(واغلقت چنى الهاتف مع سمر)
***************
(ومرت الايام وتعرفت چنى على منير وتقربت منه وتعلق هو بها اكثر فأكثر الى ان أصبح لا يستطيع الاستغناء عنها فبدأت في سلب كل ما يملكه بذكاء وخفه
منير: خلاص هكتبلك الڤيلا والعربيه عشان تصدقي اني بحبك
چنى: ڤيلا وعربيه بس؟
منير: عايزه ايه كمان؟
چنى: يعني حساب في البنك مثلا بمبلغ محترم
منير: بس كده بكره يكون مفتوح، قوليلي بقا هنتجوز امتى؟
چنى: لما حكاية مراتك تخلص ما انا مش هتجوز على ضُرة
منير: خلاص هطلقها انا مش عاوزها ولا عاوز البنت كمان
چنى: اتفقنا هقفل بقا عشان ورايا شغل كتير
منير: ماشي بس اعملي حسابك مفيش شغل بعد الجواز
چنى: ماشي يا حبيبي
****************
اغلقت چنى الهاتف معه واتصلت بسمر واخبرتها بالتطورات المفرحه وانها اخذت حقها منه، وان منير سوف يطلقها ففرحت سمر بما سمعته، بينما ذهب منير لوالدته (أُلفت هانم) واخبرها بما عقد نيته عليه فباركت له، فأمه السبب فيما كان يفعله مع زوجته السابقه فقد ربته على عدم الاحترام للجنس الاخر وافهمته انهم مجرد العاب بين يديه بسبب خيانه وذل والده لها
أُلفت هانم: وريني صورتها كده يا حبيبي
منير: اهي يا ماما ايه رايك؟
أُلفت هانم: دي احلى من مراتك البومه، صح هتعمل معاها ايه؟
منير: خلاص هطلقها
أُلفت هانم: كويس احسن كانت عملالي صداع
منير: طيب انا هروح اعمل شوية حاجات كده ولما ارجع نتكلم
أُلفت هانم: طيب يا حبيبي
****************
ترك والدته وذهب الى المأذون وطلق سمر وارسل ورقتها لها، ثم اتصل بچنى واخبرها بأن تسبقه على السجل العقاري لتسجيل الڤيلا والسياره بأسمها، ثم اتصل بأحد اصدقائه (خالد) بأحدى البنوك وطلب منه فتح حساب لچنى وايداع مبلغ كبير لها ففرحت كثيرا
منير: مبسوطه دلوقتي صدقتي خلاص؟
چنى: اوي يا حبيبي ربنا ميحرمنيش منك
منير: ولا يحرمني منك
چنى: طيب يلا عشان نروح بقا
منير: : يلا يا حبيبتي
****************
بعد ان اوصلها منير لمنزلها اتصلت چنى بسمر واخبرتها بما حدث واتفقا على المقابله لكي يتم نقل ملكية كل شيء لها، واثناء حديثهم:-
سمر: والستات اللي كان يعرفهم؟
چنى: وصلنالهم انا وصحباتي وطلعوا عاوزين ينتقموا منه هما كمان وحلفوا ليفضحوه ويجيبوا شركته الارض بمعارفهم
سمر: حلو اوي كفايه عليه كده، بس فاضل حاجه
چنى: ايه؟
سمر: انا عاوزه اوصل للبنت اللي كان يعرفها عاوزه اعوضها عن اللي شافته مع المقرف ده
چنى: انا سمعت انها نجحت في حياتها ودلوقتي ربنا رزقها براجل محترم ومخطوبين وبيحبوا بعض وهيتجوزوا قريب
سمر: طيب رتبيلي معاها معاد انا لازم اشوفها
چنى: حاضر
****************
انهت چنى مكالمتها مع سمر وحاولت الوصول الى رقم رهف من احدى صديقاتها واتصلت بها واتفقت معها على ميعاد لمقابلتها بحجة عمل بينهما فوافقت رهف وتقابلوا الثلاثه في احدى الاماكن العامه
سمر: ازيك؟
رهف: انتي مين؟
سمر: انا كنت زوجة الحيوان اللي اتسلى بيكي
رهف: افتكرت… بس!! ااااا؟ كنتي؟!!
سمر: ايوه انا اطلقت منه واتخطبت لأخو چنى صاحبتي دي
رهف: مممممم وعاوزه ايه؟
سمر: ممكن تقبلي مني المبلغ ده اعتبريه اعتذار مني لاني ظلمتك وافتكرت انك اخدتي جوزي مني مكنتش اعرف القذاره دي كلها
رهف: انا مش عاوزه حاجه انا ربنا عوضني الحمدلله
سمر: بس ده حقك وزيادة تعويض من ربنا ليكي لانك طيبه ومرضتيش تخربي بيتي وتفضحيه واكتفيتي بإنك تبعدي عن واحد قذر زي ده وكمان جايه عشان اقولك ان ربنا بيرجعلك حقك دلوقتي
رهف: ازاي؟
شرحت سمر وچنى لرهف ما سيحدث لمنير قريبا من مصائب وخسائر في حياته تخليصا لحق كل من ظلمهم، فأبتسمت رهف دون قصد منها ثم دعت الله لسمر ان ينجيها منه ويحفظها من شره وباركت لها على خطبتها من اخ صديقتها ثم قاما الاثنان بضم بعضمها وانصرفن لحالهن
********************************************
ومرت الايام ومنير يغرق اكثر واكثر في…..
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية زواج بالإكراه للكاتبة مريم عزام.