رواية ميت على قيد الحياة الفصل الثاني 2 بقلم عمرو علي

رواية ميت على قيد الحياة الفصل الثاني 2 بقلم عمرو علي

رواية ميت على قيد الحياة البارت الثاني

رواية ميت على قيد الحياة الجزء الثاني

رواية ميت على قيد الحياة الحلقة الثانية

آدم!!!
آدم انت لسة عايش طب ازاي ، آدم رد عليا ، انت سامعني طيب ، مكنش بيرد برضو ، في اللحظة دي النور قطع ، قلبي دقاته سريعة جدا ، دورت على الموبايل جنبي عشان اشغل الكشاف لكن مش لاقيه ، النور رجع ، لقيت باب الأوضة بيتفتح ، كان ابويا
كويس انك لقيتك صاحي ، يلا عشان تاكل
= لا انا مليش نفس
عشان خاطري يا يوسف ولا تحب اجبلك الاكل هنا
= لا خلاص هقوم
” ابويا قرب مني و اتسندت عليه ، وطلعنا عشان ناكل ، قعدت لكن مليش نفس ااكل ، ابويا لاحظ
الاكل مش عجبك يا يوسف ولا ايه
= لا كويس بس كنت عايز اسألك سؤال يا بابا
قول يا حبيبي
= هو آدم مات
ربنا يرحمه
= انا شوفته يا بابا ، كان واقف قدامي قبل ما انت تدخل ب دقايق
شوفت مين يا يوسف
= شوفت آدم
اكيد تهيؤات يا حبيبي ، انت لسة خارج من تعب وكمان آدم كان صاحبك المقرب
= معتقدش
طب ممكن تاكل دلوقتي وبعدين نتكلم في الموضوع دا

” دول مش اهلي اللي انا عارفهم ، في حاجة غلط ، من كتر التعب مكنتش بركز كتير ومعظم الوقت بكون نايم ، دخلنا في اسبوع واحنا في نفس الحال ، انام و اصحا ااكل و ادخل الأوضة تاني ، لسة مش حابب انزل الشارع ولا اتعامل مع حد ، لحد ما في يوم صحيت في نص الليل ، كنت حاسس اني متكتف ، بحاول اتحرك ولسة هقوم من على السرير النور قطع ، الغريبة ان كان باين من الازاز بتاع باب الأوضة ان فيه نور جاي من الصالة ، يعني ايه ، يعني النور قطع في اوضتي انا بس ، شوفت خيال طويل واقف برا الأوضة ، الباب اتفتح ، النور رجع وكان بيترعش ، ينور ويطفي اكتر من مرة ، لحد ما نور اخر مرة ولقيته في وشي مباشرة ، كان واقف ولابس كفن ابيض متعفن ، وشه مكنش ظاهر غير جزء صغير ، وفجأه القماش اللي على وشه اتشال ، وشه كان متحلل والدود بياكل فيه ، بعدت عنه وهو كان واقف مش بيتحرك ، اتكلم بنبرة مرعبة
انت سبتني لوحدي
” انا سامع دقات قلبي ، صوتها عالي جدا ، رديت
= لا يا آدم انا مسبتكش ، بس قضاء ربنا ان انا اللي اعيش وانت اللي تموت
اناني ، كان زمان الدود بياكل فيك زيي كدا لولا انك اناني وسبتني اموت
” معرفش جبت الجرأة دي منين لكنها اتقالت بعفوية ”
= انت مش آدم
” قرب مني اكتر لدرجة ان وشه بقا في وشي واتكلم بنفس صوته المرعب
انت مش هتعيش يوم واحد مرتاح ، حياتك هتبقا جحيم
” النور رجع ومعاه آدم اختفى ، قومت بسرعة خرجت من الأوضة ، لكن لقيت الاغرب ، ابويا قاعد مع الراجل الغريب اللي بيقول انه صاحبه ، وكان بيديله فلوس
مش دا اللي اتفقنا عليه يا جمال
= معلش استحملني شوية ، الظروف صعبة معايا
” في اللحظة دي انا اتكلمت
هو في ايه يا بابا

” ابويا قام من مكانه وكأنه شاف عفريت
= انت ايه اللي صحاك دلوقتي
رد عليا في ايه
” الراجل الغريب استأذن عشان يمشي
هبقا اعدي عليك بعدين يا جمال عشان تكون جهزت نفسك
” وهو خارج بص ليا و ابتسم ومشي ، ابويا كان لسة هيدخل اوضته
مين الراجل دا وكان بيعمل ايه هنا
= دا واحد صاحبي
انا شوفتك وانت بتديله فلوس
= دددي ، دي فلوس كنت سالفها منه عشان ادفع حساب المستشفى بتاعتك
” و سابني و دخل الأوضة ، مش متعود ابويا يكون متلخبط في الكلام كدا ، مكنش عندي حل غير اني انام ، صحيت تاني يوم ، خرجت لكن ملقتش حد موجود في البيت ، كلمت ابويا
انتو فين يا بابا
= بنشتري شوية حاجات انا وامك
طب مش كنت تقول
= لقيناك نايم ومرضيناش نصحيك ، عموما احنا مش هنتأخر
” كانت فرصتي اني ادور و اشوف مخبيين ايه عني ، قلبت الشقة وبرضو مش لاقي حاجة ، مبقاش غير اوضتهم ، دخلت وبدأت ادور ، مفيش حاجة ، جايز كل دا وهم ، يمكن انا اللي مش طبيعي والحادثة مأثرة عليا ، قررت اني هدور لمرة اخيرة عشان… ، لقيت وسط الهدوم التقرير الطبي ، ايه دا!!!
آدم احمد سعيد : سبب الوفاه ” نزيف في المخ ”
يوسف جمال عبدالله : سبب الوفاه ” كسر في الجمجمة!!!!!!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ميت على قيد الحياة)