رواية نور الحياه الفصل الحادي عشر 11 بقلم مجهول

رواية نور الحياه الفصل الحادي عشر 11 بقلم مجهول

رواية نور الحياه البارت الحادي عشر

رواية نور الحياه الجزء الحادي عشر

رواية نور الحياه الحلقة الحادية عشر

وصلنا لغاية أن سيف أخد نور تعيش معاه ف بيتوا بعد المشكله اللي حصلت بينها و بين عمها و جدها ف الشارع جنب شقة باباها……….هو صحيح فكر يأجرلها بيت جنبوا ف نفس الكومبوند لكن خاف تسيب البيت و تمشي و ترجع شقة أبوها أو تختفي و ميقدرش يوصلها………….
فلاش باك
ف بيت سيف
نور بعد ما أكلت مع سيف حجات بسيطه قعدت ع الكنبه لغاية لما وقعت ف النوم من غير ما تحس
سيف لما شافها نايمه خاف يشيلها و ينقلها الأوضه لأحسن تصحي كمان خاف أنها تفهمه غلط خصوصا أنهم لسه مفيش بنهم أي حاجه رسميه عشان كده فردلها جسمها بس ع الكنبه و جبلها مخده حطها تحت رأسها و غطاها ب بطنيه بعدها ميل ع رجليه لغاية لما بقي ف مستواها
سيف بهمس و هو بيلمس شعرها : يومك كان طويل أنا عارف ………… بس صدقيني كل اللي وصلوكي للحاله دي أنا هدفعهم تمن اللي عملوه و هيبقي غالي أوي………..و سابها بعدها و طلع أوضته ينام
نور صحيت تاني يوم ع دوشه حوليها ولما أبتدت تتلفت شافت سيف اللي كان بيجهز الأطباق ع السفره
نور : هي الساعه كام ……هو أنا أزاي نمت هنا ؟
سيف : الساعه 12 …….حاولت أصحيكي قبل ما أخرج بس أنتي كنتي تعبانه و نايمه ……..أنتي حتي مردتيش عليا
نور : هو أنت خرجت ؟
سيف وهو بيشاور بأيدو ع أكياس موجوده ع كرسي أنتريه جنب الكنبه اللي نايمه عليها نور: كنت بره بجبلك شوية لبس ………..جربي تلبسي حاجه منهم لان في حد هيجي و هنقابلوا هنا ف البيت
نور بتوتر : مين جاي ؟
سيف : المحامي بتاعي ….أنا كلمتوا و عرفتوا كل حاجه ……….هيجي تمضيلوا ع شوية ورق عشان التوكيل ……هو عرفني أن الحيوان اللي اسمو” علي ” ده ممكن ياخد حكم ب 8 سنين سجن ع الأقل ……….لأن ده كان أبتزاز و تحرش و تشهير ………..ده غير القضيتين اللي مرفوعين عليه أساسا
نور : طب و لما يخرج ………هعمل أي
سيف بضيق :نور لازم تبطلي تخافي منو ……..خوفك ده أساسا هو كان السبب في كل اللي حصل …….أنتي لو كنتي قولتيلي أنو بيهددك……… كان ممكن نحبسوا قبل ما يحصل كل ده …….
نور ب ندم : أنا مكنتش عايزه أعمل مشكله عشان كده سكت
سيف : معناها لازم متخافيش دلوقتي و متفكريش ف أي حاجه غير أنك لازم ترجعي حق عم محمد…………سيف أتنهد بعدها و كمل : نور لازم تبقي فاهمه أنك مش هتقدري تكملي حياتك عادي من غير ما تخلي الحيوان ده يدفع تمن اللي عملوا ……….
نور بعد ما سمعت كلام سيف عن والدها……… الدموع أبتدت تتجمع ف عنيها و بعدها بلحظات ردت بثبات : أنا هعمل أي حاجه تقولي عليها ……..وهرفع عليه القضايا دي و هحبسه
سيف : تمام ……..
و فعلا المحامي و صل و نور أبتدت توقعله ع كل ألاوراق لغاية لما خلص و سيف وصلوا لغاية عربيه ……….بس أول ما رجع لاحظ أن نور واقفه و مستنياه و فهم أنها هتكلموا ف موضوع أنها مينفعش تقعد معاه ف نفس البيت عشان كده قرر أنو يتحجج ب أي حاجه عشان ميدلهاش فرصه تتكلم معاه ف الموضوع ده
نور : سيف عايزه أتكلم معاك
سيف : نور صدقيني عندي شوية ورق لازم أخلصم و أبعتهم الشركه …….أول ما أخلصهم هقعد معاكي و نتكلم براحتنا ……..سيف بعدها ساب نور و طلع أوضته و فضل ع الحال ده بيتجنب الكلام معاها ف الموضوع ده بالتحديد لغاية لما عدي حوالي أسبوع ………..
المشكله أن مع الوقت سيف أبتدي يحس أن نور عايزه تمشي لأنها حاسه نفسها بقت حمل عليه و طبعا الكلام ده مكنش مظبوط ………عشان كده كان لازم يتكلم معاها و يفهمها و فعلا تاني يوم بعد ما سيف أخد القرار ده ع حوالي الساعه 11 بعد ما نور و سيف خلصوا فطار
نور : سيف عايزه أتكلم معاك …….بقالي أسبوع بحاول أتكلم معاك
سيف : عارف يا نور …..و عارف عايزه تكلميني ف أي …….عايزه تمشي
نور : قعدتي طولت يا سيف……….مينفعش أقعد هنا أكتر من كده لازم أمشي
سيف : بس أنا عايزك تفضلي يا نور…….. أنا أتعودت عليكي
نور : بس ده مينفعش أحنا مفيش ما بينا حتي أي قرابه تديني الحق بأني أعيش معاك
سيف سكت شويه بعدها رد بتوتر : نور أحنا مفيش ما بينا قرابه لكن اللي أنتي متعرفيهوش أن في ما بينا عقد جواز
نور بعدم فهم : أنت بتقول أي…….قاطع كلام نور صوت خبط جامد ع الباب و جرس
سيف و هو بيلتفت للباب بعدم فهم و بعصبيه: مين بيخبط ع الباب كده
سيف أندفع بسرعه ناحية الباب و هناك أتفاجئ ب جد نور و عمها ومعااهم ناس كتيره كان باين عليهم شرطه
جد نور : شوفت يا حضرة الظابط أهي حفيدتي عندو زي ما بلغتك………ضحك عليها و خلاها تعيش معاه ف الحرام من غير جواز
سيف : هو أي اللي بيحصل هنا بالظبط ……….أنتو أزاي تدخلوا بيتي بالشكل ده…….أطلعوا بره
الظابط : أنا المقدم *********** في بلاغ متقدم ضدك بخطف ” نور محمد ^^^^^^^^ ” و أحتجازها ف بيتك غصب عنها
نور : أحتجاز مين و خطف مين حضرتك ………أنا محدش خطفني ………. أنا موجوده هنا بأردتي ……..نور بعدها لفتت وشها ل عمها وجدها : هو أنتو عايزين مني أي مش كفايه الفضايح اللي عملتهوهالي عند البيت ………ما تبعدوا عني بقي ………ع الأقل أعملوا حساب لأبويا ……..أبنك يا جدي اللي مات و معرفتش أوصل لحد منكم أبلغوا لأنكم مقاطعينه
عم نور بصوت عالي : نعملوا حساب يعني نسيبك تدوري ع حلق شعرك
سيف : ولا كلمه كمان ……. أطلع بره بيتي ……سيف بعدها بص للظابط اللي معاهم و خرج ورقه من محفظته : نور مراتي بعقد جواز رسمي موثق …أتفضل حضرتك شوف
الظابط بعد ما شاف العقد : العقد سليم يا حاج ………..هما متجوزين و رسمي ………
جد نور : متجوزين !!!!!!!!!
الظابط : أيوه يا حج …..و أكيد مفبش راجل بيخطف مراتوا …….اللي بينكم كده مشاكل عائليه ……تحلوهه مع بعض لكن مش دلوقتي ……..لأني دلوقتي مضطر أخدك أنت و أبنك و أعملكوا محضر أزعاج سلطات
عم نور : يا بيه صدقني العقد ده أكيد مزور
الظابط بصوت عالي : العقد مش مزور يا حاج مش هتعرفوني شغلي …….و ياريت تتفضلوا معانا ف هدوء…….الظابط بعدها بص ل سيف وقالوا : أحنا أسفين جدااا ع الأزعاج بعد أزنكم
و فعلا كلهم خرجوا و سيف قفل الباب
نور : يعني أي مراتك..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نور الحياه)