رواية نغم المعتز الفصل الرابع 4 بقلم سهيلة ياسر

رواية نغم المعتز الفصل الرابع 4 بقلم سهيلة ياسر

رواية نغم المعتز البارت الرابع

رواية نغم المعتز الجزء الرابع

رواية نغم المعتز الحلقة الرابعة

غوري من هنا وعالله رجلك تعتب باب الفيلا ولو شوفتك في اي حته بروحها حياتك هتكون التمن….
انا كنت بعيط وانا مصدومه في مازن الي كان راسم عليا الحب والاخلاص ماما جت من ورايا
سناء : ايه يا نغم واقفه كده ليه ومطلعتيش ليه ورايا….
مازن فتح الباب بصيتله بلوم وبعدين اخدت شنطتي وماما ومشينا قبل ما امشي قلعت دبلتي ورمتها فالارض
نغم : انت احقر بني ادم قابلته في حياتي…
مازن : اسمعيني انتي فاهمه غلط..
نغم : لا انا فهمت كل حاجه بس متاخر ربنا كان بينبهني ديما انك شيطان بس عمري ما تخيلت انك تبقى بالقذاره دي…
مشينا انا وماما بعد ما حكتلها الي حصل وبصراحه مترددتش وهي بتتصل بأهله وبتنهي الخطوبه…..
باااااااااك
غسلت وشي وطلعت عشان اشوف شغلي وكملت اليوم عادي وروحت البيت وحكيت لماما على الي حصل واليوم عدا ونمت لقيت التليفون بيرن رديت
ألو
_ عامله ايه
نغم : مين معايا…
_عامله ايه يا نغم كنتي شكلك حزينه النهارده هو في حد ضايقك….
نغم : انت مجنون يا بني….
_ لا انا مغرم انتي عارفه انا اشتريت بسببك عشر خطوط وهشتري اكتر عشان كل ما تعمليلي بلوك هتصل من الرقم التاني….
نغم : بص انا زهقت خلصني وقولي عاوز ايه
_ عاوز اتجوزك…. انا بحبك يا نغم..
نغم : وانا مبتجوزش ومش عاوزه اتجوز..
_اسمعيني طيب الاول
نغم : ياريت ما تتصلش تاني
قفلت السكة في وشه كالعاده وعملت للرقم بلوك بص وصلتني رساله فتحتحها
_عمري ما هسيبك يا نغم تصبحي على جنه حبي …. متتاخريش عليا بكره
قعدت افكر شويه مين المجنون ده لغايه لما نمت وصحيت وروحت الشغل بس كانت المفاجأه لما دخلت الاستقبال ولقيته كله بلونات وورد قلت ده اكيد واحد عاملها مفاجأه لحبيبته جريت على مي صاحبتي وسألتها
نغم لمين الحاجات دي ي مي
مي : دلوقتي نعرف…..
وقفت جنبها بتفرج لغايه لما لقيته طالع من وسط البلونات والورد وبيقول…… تتجوزيني
ياترا مين مازن ولا سواق التاكسي ….
عارفين مين طلع من وسط البلونات والورد طبعا لأ كل توقعاتكم كانت غلط ده كان المدير بتاعي زي ما بقولكم كده كان المدير طبعا انا زي ما كنت مبهوره من الي انا شيفاه كنت مصدومه ومش عارفه اتكلم لقيته قرب ساعتها مسكت في ايد مي صحبتي الي كانت واقفه متنحه على مصدومه على متلغبطه الخلاصه كانت فاتحه بقها ..
المدير تتجوزيني
لقيت مي قربت منه ومسكت ايده وبتقوله
طبعا موافقه
مسك ايدها وباسها ومد ايده بورده وحطها ورا ودنها وكانت حاجه في منتهى الرومانسيه… اوعدنا يارب….
اليوم خلص وروحت البيت كنت فرحانه لمي صحبتي أوي لان ده ممكن يكون عوض ربنا ليها…
اول ما دخلت البيت لقيت ماما بتناديني فالصالون دخلت واتفاجأت بسواق التاكسي قاعد مع ماما لقيت ماما بتعرفني عليه وبتقولي
ده معتز جارنا والمالك الجديد بتاع العماره تعالي سلمي عليه …
دخلت وانا متغاظه وصلت بيه الجراءه انه يجي يسكن هنا وكمان يشتري العماره ده بارد اوي ..
ماما وقفت واستأذنت انها هتروح تجيب مشروب ….
بعد خروج سناء
معتز : وحشتيني
كشرت في وشه
نغم : انت وصلت بيك الجراءه انك تيجي ورايا لغايه هنا…
معتز بعشق : بحبك…
نغم: لا حول ولا قوة إلا بالله… انت سخن
معتز : انا طلبت ايدك من مامتك وهي معندهاش مانع…
نغم ؛ انت بټضرب برشام صراصير صح
معتز : انا صبري ليه حدود وانا سايبك تدلعي شويه انما بعد كده …
نغم پغضب : هتعمل ايه يعني
معتز : هدلعك انا بس بطريقتي….
نغم بغيظ : تصدق انك بارد
معتز : بارد بس بحبك….. انا هقوم امشي دلوقتي ولو مفكتيش البلوك هتلاقيني ناطتلك من البلكونه….
طبعا انا مش فاهمه حاجه بس منكرش اني كنت مبسوطه وقلبي كان بيدق جامد…..
بعد ساعتين لقيت الجرس****

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نغم المعتز)