رواية قمر مشوه الفصل الحادي والثلاثون 31 بقلم اية عطية

رواية قمر مشوه الفصل الحادي والثلاثون 31 بقلم اية عطية

رواية قمر مشوه البارت الحادي والثلاثون

رواية قمر مشوه الجزء الحادي والثلاثون

رواية قمر مشوه الحلقة الحادية والثلاثون

وقعت وفاء فاقده للوعي من هول ما حدث
دخل مالك في ذلك الوقت و ذهب الي والدته التي تفترش الأرض و من خلفه طاهر يبحث بين الجميع علي قسمت
مالك/ماما ….ماما في ايه ايه اللي حصل حد يفهمني
كارم/مش وقته روح نادي دكتور بسرعه
و علي ذكر الطبيب دخل هيثم الي الغرفه
هيثم/السلام عليكم
مالك/هيثم بسرعه تعالي شوفي ماما
قامت قمر من علي الفراش التي كانت تجلس عليه
قمر/هاتها هنا بسرعه
هيثم/ هتها هنا يا مالك
رفعها مصطفي سريعا و وضعها علي الفراش
و بعد الكشف عليها
هيثم/هبوط في الدوره الدمويه و الضغط واطي الحقنه دي هتفوقها علي طول
جلست بجانبها نيلي تبكي
و قمر تقف علي بعد قريب منها تبكي هي الأخري

 

 

 

 

اما كارم يقف بجانب النافذه و مصطفي يقف بالقرب من الفراش و مالك يقف بجوار والده و هيثم و طاهر فهم يقفون خارج الغرفه و قسمت تجلس علي الاريكه الموضوعه بالغرفه و حكمت تقف بجوارها
مالك/ممكن اعرف ايه اللي حصل
مصطفي/مش وقته يا مالك نطمن علي والدتك الاول
مالك/ايوة ما انا عايز اعرف ايه اللي وصلها الحاله دي
كارم/نطمن عليها و هتعرف كل حاجه
نظر مالك الي الجميع و وقف بنظره علي قسمت التي كانت تجلس علي الاريكه و تنظر للأرض و تبكي
مالك/هي عرفت اللي حصل
نظر إليه الجميع
مصطفي/هو انت عرفت
مالك/ايوة طبعا طاهر لسه مبلغني
كارم/مبلغك بايه
مالك/مش انتم بتقول انكم عرفتو اللي حصل
كارم/اللي هو ايه
نظر مالك للجميع ثم نظر لجده
مالك/أن خالتو قسمت لها يد في اللي حصل لقمر
كارم/ايه اللي انت بتقوله دا
مالك/دا اللي عرفته من طاهر الصبح في القسم يحيى اعترف عليها لما دورو عرفو أنها قسمت و جوزها كمان اتقبض عليه
مصطفي/جوزها
مالك/للاسف ايوة جوزها عرفي

 

 

 

 

 

كل هذا يحدث تحت انظار الجميع و قسمت تنظر لهم و دموعها تهبط دون اراده منها
مصطفي/طب و هيحصل معاها ايه
مالك/طاهر برا جي يقبض عليها
قمر /ينفع تتنازل عن المحضر
مالك/للاسف لا
كارم/ليه
مالك/علشان دا شروع في قتل
مصطفي/ايه
مالك/زي ما حضرتك سمعت اتفقت مع يحيى أنه يموتها
كارم/لا حول و لا قوه الا بالله
ثم نظر إلي قسمت
كارم/شوفتي اخرتها يا قسمت خدتي ايه دلوقت
ثم طرق الباب
مالك/ادخل
طاهر/انا اسف بس انا مضطر اقبض علي مدام قسمت و اخد اقوال انسه قمر
كارم/اتفضل يا بني شوف شغلك
خرج الجميع خارج الغرفه و تبقت وفاء كما هي علي الفراش فهي مازالت فاقده للوعي و قمر التي جلست علي الاريكه و جلس طاهر أمامها علي مقعد و اخذ يسألها عده اساله و هي ترد بالإجابة عليه حتي انتهي
طاهر/طب استأذن انا بقه

 

 

 

 

 

قمر /اتفضل
و خرج طاهر وجد الجميع أمام الغرفه و قسمت تجلس علي مقعد في الجانب و يقف بجوارها أحد عساكر طاهر و هو يضع الكلبشات في يدها
طاهر/يلا يا بني
العسكري /تمام يا باشا…..يلا يا ست قومي معايا
قامت قسمت معه و هي لا حول لها و لا قوة هي فقد تنظر للامام و دموعها تهبط دون توقف
طاهر/بعد اذنكم
كارم/اتفضل يا ابني
مصطفي/احنا هنسبها كدا يا بابا
مالك/هي اللي عملت في نفسها كدا
كارم/معاك حق يا مالك بس بردو مينفعش نسبها قوملها محامي يا مصطفي
مصطفي/حاضر يا بابا
كارم/و متحبش سيره نيلي كفايه عليها جريمه واحده
ثم نظر إلي حكمت
كارم/و انتي عارفه أن انا ممكن اوديكي في ستين داهيه بس كفايه اللي حصلك
حكمت/انا عارفه أن انا غلطانه و استاهل الشنق بس الحوجه وحشه
كارم/و الحرام آخرته وحشه بردو و انتي شوفتي بعينك
حكمت/شوفت و دوقت من نفس الكاس ربنا يرحم موتانا
كارم/يارب

 

 

 

 

 

مالك/هو في ايه و نيلي مالها و مين دي
كارم/الموضوع كبير مش وقته
مالك/لا انا عايز اعرف دلوقت
مصطفي/مش وقته يا مالك
مالك/لا وقته علشان اعرف سبب اللي حصل لماما
كارم/باختصار نيلي…………..
و لم يكمل كارم حديثه لسمعهم صوت وفاء و هي تصرخ بصوت عالي و تنادي
وفاء/بنتيييييييييي
قمر/اهدي يا طنط نيلي موجوده
وفاء/هي فين
قمر/حاضر هناديها اهو
و في نفس الوقت دخل الجميع إليها و ذهبت نيلي علي الفور الي وفاء و ارتمت في أحضانها تبكي
وفاء/بنتي يا حببتي و الله كنت بموت من غيرك بس كنت بداري عشرين سنه و انا محرومه من حضنك ربنا يسامحك يا قسمت ربنا يسامحك حرمتني من بنتي عشرين سنه منك للك منك لله حسبي الله و نعم الوكيل فيكي عمري. ما دعيت عليها و لا كرهتها برغم كل اللي عملته فيا زمان و اللي عملته في عفاف بس عمري ما دعيت عليها إنما تحرميني من بنتي عشرين سنه عمري ما هسمحك ابدا يا قسمت عمرييي

 

 

 

 

 

نيلي/ماما انا جمبك و هفضل جمبك انا كنت دائما بحبك لأنك كنتي بتعمليني احسن منها عمري ما حسيت معاها بالأمان عمرها ما خدتنى في حضنها بس كنت دائما بقول هي قلبها جامد شويه كنت ببقه مبسوطه قوي لما اعرف أن احنا جاين عندك علشان انتي كنتي بتقعدي تتكلمي معايا و تساليني عن أحوالي و عن كل حاجه انا كنت بتمنى اليوم اللي أجي فيه عندكم علشان احكيلك و تاخديني في حضنك انا مبسوطه قوي إن انتي ماما فعلا
و اخذت نيلي و وفاء و قمر يبكون و اغرقت الدموع عين مصطفي و كارم
اما مالك فلا يفهم شيء
مالك/انا مش فاهم حاجه ممكن اعرف في ايه مين بنت مين و مين ام مين
كارم/باختصار نيلي تبقي اختك
جحظت عين مالك بشده لثواني و بعد ذلك تمالك نفسه
مالك/ايه ازاي
كارم/الموضوع ………..
و بدأ يقص عليه ما حدث من البدايه و مالك لا يستوعب كل هذا و بعد الانتهاء
مالك/انا مش قادر اصدق في ناس بالشكل دا ايه معندهمش قلب ازاي قدرت تكمل حياتها و هي عارفه انها حرقه قلب ناس تانيه ازاي
مصطفي/في الناس الشيطان بيبقي عميهم
مالك/لا يا بابا متظلمش الشيطان دا الشيطان جنبهم ملاك دول ناس عاميهم غلهم و حقدهم و طمعهم و قله إيمانهم
دول ناس مفيش في قلوبهم رحمه دول معندهمش قلوب اصلا و في النهايه وصلو لايه ولا اي حاجه
كارم/كل واحده فيهم خدت جزاءها

 

 

 

 

 

مالك/جزاء ايه يا جدي أنهم يتحبسو كام سنه لا طبعا دول المفروض يتعدمو في ميدان عام و يكونو عبره لكل حد يفكر بالشكل دا حسبي الله و نعم الوكيل
مصطفي/خلاص يا مالك
مالك/معاك حق يا بابا الكلام ما منهوش فايده
كارم/ المهم أن احنا متجمعين مع بعض ربنا يباركلى فيكو
مالك/و يطولنا في عمرك يا جدي

بعد خروج وفاء من المستشفي هي و قمر ذهبت اليها شهد و معها والدها و والدتها للاطمئنان علي قمر
مر علي هذه الاحداث حولي شهر و نصف
تم حبس قسمت بتهمته الشروع في قتل قمر هي و زوجها
و قام مصطفي باللجوء الي معارفه لتغير شهاده الميلاد الخاصه ب نيلي بسهوله
و ذهب ادم الي عائله شهد لكي يتقدم لها و وافق اهلها علي الخطبه بعد اسبوع
و ذهب ايضا هيثم لخطبه نيلي من والدها و اخيها و تمت الخطبه و ايضا مالك قد خطب قمر
و بعد مرور سته اشهر بعد تجهيز كلا منهم عش الزوجيه فمالك قرر المكوث مع ولديه و جده و قمر لم تعترض بل كانت سعيده بذلك اما هيثم فحتي لا يبعد نيلي عن اهلها قام بشراء فيلا صغيره بالقرب من فيلا السيوفي و ايضا ادم قد اشتري فيلا مجاوره له حتي لا يبعد هو عن اصدقائه و لا يبعد شهد عن اصدقائها ايضا و اتفق جميعا علي اقامه حفل جماعي كبير لهم يضم اكبر رجال الاعمال و ايضا اهالي و اصحاب هيثم و ادم و شهد فقد كان حفل اسطوري
🌿🌿🌿🌿🌿🌿🌿🌿🌿

 

 

 

 

 

في احدي الفنادق الكبري في الغرفه الخاصه بالفتيات كان يضعن زينتهم و كان ثلاثتهم في قمه الجمال فكلا منهم تتمتع بجمالها الخاص كانو يشبهون الاميرات كانهم خرجو للتو من احدي الحكايات و كانو يرتدون فساتين رائعه الجمال صممت خصيصا لهم
نيلي/يخربيت جمالك يا قمر
قمر/انتي اجمل ياروحي
شهد/و انا اللي وقعت من قعر الاقوفه
نيلي/لا يا قلبي دا انتي ست البنات
قمر/دا انتي قمر يا قلبي
شهد/لا انتي اللي قمر مش انا
وفاء/بسم الله ما شاء الله عليكم انتم التلاته سبحان من صور ربنا يحرصكم من العين يارب
قمر/ربنا يخليكي لينا يا ماما
وفاء/و يخليكم ليا يارب
طرق الباب
وفاء/ادخل
دخل مصطفي الي الغرفه
مصطفي/بسم الله ما شاء الله اللهم صلي علي رسول الله ربنا يحميكم يا بنات
قمر/ربنا يخليك يا خالي
نيلي/بجد يا بابا
مصطفي/بجد يا روح بابا
وفاء/ايه يا مصطفي الولاد خلصوا

 

 

 

 

 

مصطفي/ايوة خلصو و انا كنت جي علشان استعجلكو و جمال البنات نساني
وفاء/طب يلا يا بنات
طرق الباب مره اخري و كان كارم و والد شهد و دخلو الي الغرفه
كارم/الله اكبر ربنا يحيمكم
ابو شهد/اللهم صلي علي النبي
الجميع/عليه افضل الصلاه و السلام
و اخذ كارم يد قمر و خرج هو في المقدمه و من خلفه مصطفي و معه نيلي و من خلفهم شهد و والدها و هبطو للاسفل و كان في الاسفل يقف الشباب و كان في المقدمه مالك ينتظر ملاكه و هي تهبط في يد كارم فقد انبهر بجمالها لقد سحرته بطلتها الساحره و اخذها مالك من يد كارم ثم امسك يدها و رفعها الي فمه و وضع قبله دافئه عليها و من ثم وضع قبله اخري في مقدمه راسها
و اخذها و ذهب للمكان المخصص لهم
و من خلفهم هيثم اخذ نيلي من مصطفي و قبل مقدمه راسها هي الاخري و اخذها و ذهب الي مكانهم
و بعد ذلك كان ادم و اخذ شهد من والدها و قبل يدها و اخذها و جلس في مكانهم ايضا
و بعد قليل قامو العرسان للرقص الرقصه الخاصه بالعرسان
و اثناء الرقص
مالك/انا مش مصدق نفسي ان انتي خلاص بقتي بين ايديا انا استنيت اللحظه دي كتير من اول مره شوفتك فيها و انتي مفرقتيش خيالي و كنت بدور عليكي في كل مكان
قمر/كنت بدور علي ملاكك مش انا
مالك/ما انتي ملاكي

 

 

 

 

 

قمر/يعني دا كان هيبقي كلامك لو كنت فضلت مشوهه
مالك/مش هخبي عليكي انا كنت بدور علي البنت الحلوة اللي سرحتني من اول نظره و لما شوفتك معرفش احساسي كان ايه كنت بفكر في ملاكي و في نفس الوقت بلاقي نفسي بفكر فيكي كنت بحب اتكلم معاكي كنت بحب اسمعك كنت بحب كسوفك كنت مشدودلك قوي بس ايه اللي شددني ليكي معرفش
قمر/بجد
مالك/ايوة بجد تعرفي اني مكنتش شايفك مشوهه كنت شايفك عاديه جدا كنت حابب روحك
قمر/كنت افهم من كدا ايه
مالك/علشان كنت بحبك
قمر/كنت
مالك/ايوة
قمر/و دلوقت
مالك/بموت فيكي بعشق امك انتي بقيتي النفس اللي بتنفسو
قمر/انا بقه عمري ما حسيت بالامان و السند و الراحه من بعد موت والدي غير في وجودك جمبي و دفاعك عني كنت دايما بقول لنفسي فوقي انتي فين و هو فين هيبصلك علي ايه لا مال و لا جمال و لا حتي اهل كنت بخاف ابص في عينك لعيني تكشف سري و كنت بحاول اشغل نفسي باي حاجه علشان مفكرش فيك لكن مكنتش بقدر و يوم ما يحيى ضربني في الكليه كنت حاسه بالقهر لكن لم انت جيت و جبت حقي من وقتها و انا اتمنيت افضل جمبك العمر كله حتي لو خدامه بس اكون جمبك و في حمايتك و لما عرفت ان انت ابن خالي الدنيا مش سيعاني و اما طلبت تتجوزني و انا مشوهه كنت حاسه اني طايره في السما حتي و انا عارفه ان انت طلبت ايدي علشان خاطر جدي كارم بس كنت مبسوطه اني هفضل جمبك العمر كله
مالك/وعد مني عمري ما هخليكي تبعدي عني لحظه واحده و هعوضك عن كل اللي شوفتيه في حياتك و طول ما انا عايش مش هخلي الحزن يقرب منك
قمر/و انا وعد مني اعيش خدامه تحت رجلك العمر كله
مالك/تعيشي فوق راسي العمر كله مش تحت رجلي ابدا
قمر/ربنا يخليك ليا يا مالك
مالك/و يبارك ليا فيكي
🌿🌿🌿🌿🌿🌿🌿🌿🌿

 

 

 

 

 

اما هيثم و نيلي
هيثم/انا اسعد واحد في الدنيا انهارده
نيلي/انا اسعد بكتير
هيثم/و انا اوعدك انك تفضلي اسعد واحده في الدنيا
نيلي/انا بحبك قوي يا هيثم
هيثم/انتي قولتي ايه
نيلي بتوتر/ايه لا مقولتش
هيثم/لا قولتي انا سمعت
نيلي/طب و لما انت سمعت عايز ايه
هيثم/عايز اسمعها تاني
نيلي/خلاص انسي هي مره واحده بس
هيثم/طب و ولو قولتلك علشان خطري
نيلي/ب ح ب ك
🌿🌿🌿🌿🌿🌿🌿🌿🌿
اما ادم و شهد
ادم/يخربيت جمال امك يا شيخه
شهد/يخربيت الفاظك
ادم/مالها الفاظي
شهد/و لا حاجه
ادم/بقولك ايه ما كفايه كدا
شهد/كفايه ايه
ادم/كفايه لحد كدا في الفرح
شهد/نعم دا احنا لسه واصلين دا حتي اول اغنيه لسه مخلصتش
ادم/اصلي عايز اقولك كلمه سر و هموت و اقولها
شهد/ادم

 

 

 

 

 

ادم/يا روح ادم لو قولتي ادم بالشكل دا تاني هرزعك بوسه مشبك قدام الناس و مش هيهمني حد
شهد/اعقل يا ادم
ادم/انتي خاليتي فيا عقل من يوم ما شوفتك و انا عقلي طار وراكي بنام و اصحي مفيش غير صورتك في بالي
شهد/بجد يا ادم
ادم/ايه مش مصدقاني
شهد/اصل كنت دايما شيفاك لعبي و مش جد كدا
ادم/البرج اللي كان فاضل طار اول ما شوفتك
شهد/انت بقه سرقت قلبي من اول نظره
ادم/ايه قولتي ايه
شهد/بحباااااااااااااك
و كان نهايه حديثم مع نهايه الموسيقي و اخذ كلا منهم عروسته و رفعها في احضانه و دار بها
و سقف الجميع مع التصفير من الشباب و الزاغيط من الفتيات
و الجميع فرحان و سعيد لسعادتهم و تمنو لهم السعاده و راحه البال و ان يرزقهم الله بالذريه الصالحه
و بعد انتهاء الفرح عاد الجميع الي منازلهم و اخذ كل عريس عروسته الي الغرفه الخاصه بهم في نفس الفندق حتي الصباح فكلا منهم سوف يذهب لبلد شكل لقضاء شهر العسل و الاستمتاع بقربهم معا
ما اجمل الحياه ان تجد نصفك الثاني
ان تجد قلب يحبك و يفعل المستحيل من اجلك
ان تعيش حياتك كما تريد انت ليس كما يريد الاخرون
تمت بحمد الله

لقراءة الرواية كاملة اضغط على : (رواية قمر مشوه)