رواية حبيب أيامي الفصل الاول 1 بقلم هاجر نور الدين
رواية حبيب أيامي الفصل الاول 1 بقلم هاجر نور الدين
رواية حبيب أيامي البارت الاول
رواية حبيب أيامي الجزء الاول
رواية حبيب أيامي الحلقة الاولى
_أنا بحبه أوي يانِرمين
رديت عليها وأنا متدايقة وقولت:
=مينفعش نحب دلوقتي يا هدير إحنا ف 3ث ولازم نهتم بمذاكرتنا عن الحب والكلام الفارغ دا
كنت بقولها الكلام دا وأنا متدايقة جدًا، مش عشان بس مينفعش تحب وهي في 3ث، عشان اللي بتحبه يعتبر خطيبي بس محدش عارف، هو قريبي ولأسباب عائلية ومعتقدات إتقرأ فتحتنا من زمان أوي، كل دا بالنسبالي مش غريب، لكن الغريب أني إتدايقت لما لاقيت صاحبتي بتكلمني عنه وبتقول إنها بتحبه وعايزة تتعرف عليا وتقرب منه من خلالي!!
ردت عليا وقالت:
_ما إحنا خلاص كلها كام شهر ونخلص ثانوي أصلًا، وإحنا كدا كدا صحاب يعني هجيلك كتير البيت حتي بعد ما نخلص، بُصي إنتوا عايشين مع بعض في بيت واحد ممكن تبقي تكلميه عني
إتدايقت جدًا من كلامها اللي بدون سبب معصبني جدًا ورديت وأنا بلبس شنطتي وبستعد إني أمشي عشان أنهي الحوار التقيل علي قلبي دا وقولت:
=ربنا يسهل، سلام بقي دلوقتي عشان هو جه ومستنيني برا
قامت وقفت جنبي وأتكلمت بلهفة:
_بجد، طب خديني معاكِ علي أساس اني بوصلك للعربية عادي
قولت بحزم:
=هدير، عن إذنك عشان متأخرش
وسيبتها ومشيتاضغط على من غير ما أسمع كلمة تانية منها، أنا مش عارفة فعلًا ليه متدايقة بس أول ماقالتلي إنها بتحبه حسيت بوجع علي قلبي وإحساس تقيل جدًا، والحقيقة إنه مكنش بعتلي رسالة لسة إنه وصل في الشارع اللي بعد السنتر أنا بس اللي نزلت عشان مش قادرة أستحمل كلام هدير عنه، فضلت واقفة مستنياه 10 دقايق تقريبا وبعدين شوفت العربية بتاعته وقفت قدامي وفتح شباكها وبصلي وإبتسم وقال:
_يارب مكنش إتأخرت عليكي الطريق كان زحمة
ركزت في ملامحه وصوته وطريقة كلامه وإبتسامته لأول مرة أشوفه حلو بالطريقة دي، محمد يبقي إبن عمي وهو حاليًا في رابعة هندسة وبيشتغل في شركة بجانب دراسته ورغم إن يعتبر إحنا إتجبرنا علي بعض إلا إنه بيعاملني كويس جدًا، فوقت من سرحاني عليه وهو بيقول:
_أنا عارف إني حلو أه بس مش للدرجة دي
لومت نفسي علي نظراتي وسرحاني في ملامحه وركبت العربية ورا من سكات، إتكلم هو عشان يكسر السكوت دا وقال:
_ألا قوليلي صحيح يا نِرمين هي صاحبتك اللي بتبقي معاكي علي طول دي مش مخطوبة صح
بصيتله بصد*مة وأنا فكرت إنه معجب بيها وقلبي دق جامد لدرجة إني سمعته رديت عليه وقولت:
يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية حبيب أيامي)