رواية عائلة بالإكراه الفصل الأول 1 بقلم سلمى بسيوني

رواية عائلة بالإكراه الفصل الأول 1 بقلم سلمى بسيوني

رواية عائلة بالإكراه البارت الأول

رواية عائلة بالإكراه الجزء الأول

رواية عائلة بالإكراه الحلقة الأولى

قاعد على كرسيه قدام مكتبه بيفكر اى الخطوه اللى ممكن يا خدها و قاعد قدامه ابنه سمير

_ايه يا بابا هنعمل ايه
_ انا فكرت كتير ولقيت حل …انت هتتجوز حنان
_ اشرحلى اكتر
_.لازم كل حاجه تبقى بتاعتنا …انت هتخش عليها بالشويتين اللى بتخش بيهم على البنات هتوهمها بالحب وهتتجوزها …وبعدها تعمل فيها ما بدالك..وخد بالك هى دلوقتى فى اشد الحاجه لسند ابوها مات ودا وقت مناسب جدا
رد عليه بطاعه :اللى تشوفه يا بابا

فى الاول سمير فكر كتير كان شايف ان جوازه منها هيقيد حريته وعلاقاته وسهراته بس هو مين عشان يقف فى وش حسن القاضى اللى عارف كل بلاويه فشاف ان الحل الوحيد انه ينفذ اللى قاله ابوه

****************

منيره رجعت الڤيلا مقهوره على عمرها اللى راح مع راجل طلع متجوز عليها اصلا شافتها بنتها وهى داخله

_ماما …مالك يا حبيبتى
ضحكت منيره بحسره :ابوكى ضحك عليا يا حنان …كان بيلعب بيا (بدأت تبكى )ابوكى متجوز …متجوز عليا يا حنان..آه يا وجعه قلبى منك يا محمود ربنا يسامحك يا اخى ….

كل دا تحت مسامع حنان المصدومه ومش مستوعبه ولا كلمه كل اللى عملته انها حضنت امها تواسيها وتطبطب عليها ومش قادره تصدق ازاى …ابوها كان ظاهر للكل كتاب مفتوح ..معقوله تطلع متعرفش عنه حاجه ..

نامت والدتها فى حضنها ودموعها على خدها

******************

قاعده فى المرسم بتاعها مندمجه مع لوحه جديده شعرها مرفوع ولفاه كحكه ومش حاسه بحاجه حواليها مركزه فى الجمال اللى بين ايديها
جه هو من وراها بخطواته البطيئه وهى مش حاسه بيه بيقرب عليها شويه بشويه وفجأه فى حركه سريعه رفع ايده وضربها على قفاها

_اسلااااااااام ….انت هتتلم امتا يا كلب البحر انت
_مانتى اللى قفاكى مغرى بصراحه ….
_ولا انت مش وراك ام مذاكره مترحمنى بقا
_ماما بعتانى اندهلك تقريبا عيزانا فى حوار مهم
_طيب جايه

راحوا لامهم وقعدو معاها
_اى يا بيبو ..اى الحوار
عبير متوتره وبتحاول تتماسك :الكلام اللى هقوله دا مهم ..فأرجوا انكم تسمعونى للاخر من غير مقاطعه ونرفزه
الاتنين فى صوت واحد:حاضر
_انتوا ابوكوا مات ..
_طب ما احنا عارفين
_ قلت اسمعونى للاخر ..ابوكوا مات الاسبوع اللى فات …مكانش ميت اصلا ….ابوكوا محمود القاضى
لحظه صمت واسلام وساره بيحاولوا يستوعبوا

ردت ساره بذهول:لأ لحظه …انتى بتقولى اى ..ابونا كان عايش ..( بدأت تتنرفز وصوتها على ) كان عايش واحنا محرومين منه …انتى ازاى كدا ..
رد اسلام بسرعه :استنى يا ساره نفهم
‏اتكلمى يا ماما عايزين نفهم كل حاجه اشرحيلنا

عبير وهى بتحاول تبان طبيعيه :مفيش حاجه تتشرح ..حصل ظرف واضطرينا نخبى عليكوا ..انا اسفه بس كان لازم تعرفوا ..لان ليكوا حق دلوقتى فى ورثه وهيبقى حرام عليا لو معرفتكوش

اسلام انفعل جداااااوقال بكسره
:لا بجد كتر خيرك ..مش عارف ارد اقولك اى ..انا اسفه …كانك كسرتى كوبايه …انتى ازاى بارده كدا ..فى واحده تعمل كدا فى عيالها انتى مين انتى مش امى …جايه تقوليلى بعد ١٨ سنه ان ابويا كان عايش اصلا …وكمان مش متسمى على اسمه ..عشت حياتى كلها من غير اب محروم من وجوده وصوته فى البيت وجايه بتقوليلى اسفه بشوف صحابى كلهم بيتكلموا على ابهاتهم ولو حد زعل واحد فيهم يقوله هجيبلك ابويا واناعمرى ما حسيت بدا وبتقولى اسفه ربنا يسامحك …ربنا يسامحك

سابها وخرج ورزع الباب وراه
طلعت ساره تجرى وراه وقبل ما تطلع قالت لامها:كسرتينا كسره عمرنا ما هننساها ابدا ….يا خساره

خرجت ووقتها انهارت عبير على الارض بتبكى بحرقه :يااارب …انت العالم بكل حاجه يااااارب

*************

عند اسلام وساره

ساره ودموعها بتنزل:اسلاام …استنى .. انا محتجاك يا اسلام متمشيش
قرب اخوها واخدها فى حضنه وناموا ليلتها فى المرسم
********

صباحاً
صحيت منيره واخدت شاور وفوقت عشان بنتها
نزلت من اوضتها لقت بنتها راجعه من برا
_كنتى فين يا حنان
_كنت بجرى هاخد شاور ونفطر سوا ..لازم نتكلم
على الفطار
حنان بقلق:انتى كويسه دلوقتى يا ماما
منيره: الحمدلله يحبيبتى احسن ..
حنان:ممكن تحكيلى طيب
منيره بهدوء:كنت مع محامى ابوكى امبارح ..وقرأنا جزء من الوصيه ..كان مكتوب فيها ان مينفعش نكمل الوصيه من غير حضور باقى الورثه …ولما قلت مين الورثه غيرنا وعمك اتصدمت ابوكى متجوز عليا ومخلف منها اتنين متسمين بأسم راجل تانى ..اول بند فى الوصيه هو نسب عياله ليه ..وطبعا لازم عياله دول يحضروا فتح الوصيه المحامى قفلها وقال هيحدد معاد تانى نتجمع فيه كلنا ..
اتنهدت حنان:منمتش طول الليل يا ماما الكلمتين اللى قلتيهم دول جننونى فضلت طول الليل بفكر
معقوله منعرفش حاجه فى حياه بابا ..وهنعمل اى مع عمى دا كمان ..دا اكيد ما صدق ومش هيتردد يعمل فيها الحنين
منيره:كل اللى عليكى انك تاخدى بالك من تصرفات سمير ..لان اكيد عمك مش هيعديها كدا
حنان:ربنا يستر يا ماما ..انا نازله الشركه

**************

نزل اسلام من اوضته الصبح
عبير:صباح الخير يا اسلام ..
اسلام:هه صباح الخير ..
عبير وبتحاول تتماسك على قد ما تقدر :حضرتلك الفطار يا حبيبى تعالا افطر عشا ….
قاطعها اسلام:متحاوليش تتعاملى وكأن محصلش حاجه …على الاقل ادينا وقت نحزن ..كفايه بقا يا ماما احنا مش صغيرين هتوليلنا كلمه نمشي وراها مغمضين
طلع على المرسم عند اخته يتكلموا ويشوفوا هيتصرفوا ازاى

*********

نزلت حنان الشركه وقابلت يوسف واتكلموا
حنان بقلق:لازم نرجع الشغل بقا …ونخلص المتأخر كله
يوسف :طب مين هيبقى المدير التنفيذى للشركه
حنان:فتح الوصيه ممكن يتأخر هنشرف احنا الاتنين لغايه ما نشوف الوصيه فيها اى
يوسف : تمام ياريت نبدأ من حالا لان الدنيا اتلخبطت جامد بعد وفاه محمود بيه
قعدوا مع بعض يتفقوا الوضع هيمشى ازاى
*************

اتحدد معاد فتح الوصيه واتفق المحامى عصام مع منيره وحنان وحسن وعبير وساره وطبعا اسلام

_الو …ايوا يا حبيبتى عامله اى
_الحمدلله يا عبير وانتى عامله اى يا حبيبتى
_الحمدلله نعمه ..(بتوتر) منيره انا كنت عايزاكى فى موضوع كدا
_اى يقلبى فى اى
_لا مينفعش فى التليفون ممكن اجيلك البيت
_طب بصى النهارده فتح وصيه محمود وفى مشاكل كبيره اوى فعلا محتاجه اشوفك ممكن نتقابل النهارده على بليل كدا على الساعه ٨
_طب ما هو ..
قاطعتها_معلش يا عبير حنان معايا ويتنج لازم اقفل على اتفاقنا بقا
قفلت معاها وبصت عبير للسماء تلقائي وحطت اديها على قلبها ..عديها على خير يارب …ياارب

***********

جه معاد فتح الوصيه والكل اتجمع فى صاله الاجتماعات والكل مستنى الزوجه التانيه لمحمود القاضى وطبعا سمير وحسن ميعرفوش حاجه
قاعده منيره بتفكر شكلها اى دى اللى تخطف جوزها السنين دى كلها وحنان قاعده فضولها عاميها ومنتظره بفارغ الصبر
حسن بنفاذ صبر : احنا مستنين اى كل دا
فى اللحظه دى اتفتح الباب وطلت عبير وبنتها ساره ومن وراهم اسلام
وقفت منيره والصدمه ملجماها
_عبير !!
يتبع ….
‏ياترى اى اللى هيحصل ؟!
‏وايه الموجود فى الوصيه ؟!!
‏وازاى هيقبلوا كلهم بالوضع دا ؟!!

• لقراءة الفصل التالي: اضغط هنا
• لقراءة باقي حلقات الرواية اضغط على (عائلة بالإكراه)