رواية أسميتها جميلة الفصل الثالث 3 بقلم ندى زايد

رواية أسميتها جميلة الفصل الثالث 3 بقلم ندى زايد

رواية أسميتها جميلة البارت الثالث

رواية أسميتها جميلة الجزء الثالث

رواية أسميتها جميلة الحلقة الثالثة

كانت تلك المرة الاولي التي تشعر بعصبية جدتها وأنها منفعلة إلي هذا الحد فاقتربت بحذر إلي الباب لتفهم مايدور بين أبيها وجدتها
* قلتلك وقتها لا بلاش عجبك اللي وصلت بنتك ليه عجبك حالها خمس سنين وبنتك بتدبل قدام عينك خمس سنين وأنا قلبي وجعني عليها أمها سابتها وهي يعيني لسة بتفهم الدنيا تقوم انت واجع قلبها للمرة التانيه طب المرة الاولي ربك اللي رايد لكن المرة التانية بإيدك انت
• ياأمي افهميني أنا كنت خايف عليها خالد دا كان حتت موظف في شركة بيقضي يومه بالعافية ومطلوب منه مسؤليات كتير منها جواز اخته كنتي عاوزاني أرمي بنتي يعني مكنش قدامي حل تاني وقتها غير إني أبعده عنها
*لا كان فيه ميت حل كان فيه حلول كتير أوي منها تساعده أو بلاش كنت علي الأقل عرفت بنتك قرارك وهي حرة تختار علي الاقل كان وجعها هيبقي مش كدا بعدته عنها وحصل اي ؟ فضلت برده علي ذكرياته مقدرتش تكون مع غيره مش شايفاها متجوزة يعني وعيالها حواليها
•ياأمي ارجوكي كفاية أنا تعبان أنا كل يوم قلبي بيوجعني عليها دي بنتي من دمي أنا بس كان نفسي أشوفها سعيدة يمكن تفكيري وقتها كان غلط بس أنا كنت عاوزلها حياة سعيدة وتكون مرتاحة هوديهاله تجوع يعني
* واحنا يعني كنا اي يبني انت ناسي ان انت اللي باني كل دا خطوة بخطوة لو كنت ناسي أفكرك
• فاكر ياأمي فاكر بس تقريبا افتكرت متاخر وهو فعلا طلع زيي
* يعني اي ؟
• يعني بعد ماقررت ادور عليه واعرف حياته وارجعه ليها تاني يمكن دا يريحني من العذاب اللي انا فيه دلوقتي عرفت انه بدأ خطوة خطوة هو وواحد صاحبه وبقي عندهم شركة كبروها مع بعض وفي الخمس سنين دول بقوا بينافسوني أنا شخصيا في السوق قابلته وقعدت معاه واتفقنا إنه يحاول يرجعلها تاني وأتمني يرجعلي بنتي تاني
كادت جدتها أن تجيبه ولكنها كانت في صدمة كبيرة مما تسمع ازدادت شهقاتها فهذا اخر ماتتمني سماعه فتحت الباب ليكونوا جميعا في موقف لايحسدهم عليه أحد فكل منهم وكأن كوبا من الثلج قد سقط علي رأسه نظرت هي إلي والدها بنظرة زادت عذابه ضعفين يقسم أنه يتمني لو أن الزمن يعود حتي لايري تلك النظرة من ابنته الوحيدة وأخيرا وصل صوتها إلي حلقها بكلمة واحدة لن تجد لها إجابة
_ ليه !
ساد الصمت من جديد فما هي تلك المبررات التي سيعطيها لها وكأنه فقد قدرته علي الكلام فماذا يخبرها ماذا يبرر تضييع تلك السنين من عمرها ماذا يخبرها ليداوي قلبها المكسور ؟
لتعيد هي السؤال مرة اخري
_ ليه يابابا ؟
• يبنتي أنا …
_ انت ايه قولي كدا لو عندك مبرر واحد يقنعني قولي عليه أنا كنت فاكرة إني اخترت غلط وإني اتكسرت بسبب غبائي طلعت اتكسرت بسبب أبويا ! هنت عليك يابابا هنت عليك وأنا كل يوم بسأل نفسي أنا غلطت في اي بسأل نفسي أنا للدرجة دي وحشة بسأل نفسي كل يوم أنا اتسبت ليه أنا غلطت في اي وأنا معرفوش أنا فضلت كارهة الحب وكارهة سيرته وكنت هكره نفسي وكل دا سكت يابابا مفكرتش في يوم تقولي أنا اللي قلتله طب كنت قولي وأنا كنت هحاول افهم كنت هقول حتي عشان خاطر باباكي اللي ضحي بعمره كله عشانك كنت ضحيت وأنا راضية حياتي طلعت رخيصة اوي كدا عندك يابابا أنا …
وازداد بكاءها حتي أن قدميها خذلاها هما ايضا لتجلس علي الارض تكمل بكاءها اقتربت منها جدتها واخذتها بين احضانها حتي انها بكت علي حال حفيدتها فهي تشعر أنها مشاركة فيما وصلت إليه حتي وإن كان بسكوتها نظرت جميلة إلي جدتها مرة أخري لتخبرها وسط دموعها
_ أنا طلعت وحشة فعلا ياتيتة وحشة اوي لدرجة ان ابويا وحبيبي كسروني
كان ينظر أبيها إليها بضعف لم يجد كلمة واحدة يجيب بها علي ابنته أدرك اليوم أن أمواله كلها ليس لها أهمية بل أن اموال العالم كله لاتساوي دمعة من دموع ابنته اقترب بحذر منهما وجلس علي ركبتيه ليخبرها بأسفه وما إن وضع يده عليها حتي نفضت يده وقامت بسرعة وابتعدت ورمت جملتها التي جعلت والدها يقف كالصنم وكأنه فقد الحياة
_ أنا طول عمري يتيمة الأم بس كنت مطمنة عشان انت معايا بس أنا انهاردة ضهري اتكسر أنا سندي ضاع يابابا
وتركتهما علي حالتهما تلك وذهبت الي غرفتها اغلقتها عليها لتكمل حزنها وحدها لا تريد التحدث إلي أحد ..
مر أسبوع علي تلك الحال تجلس معهم علي الطعام دون كلام تتعامل مع ابيها في حدود الكلام صامتة طول الوقت فقد ذبلت في ذلك الاسبوع حتي أكثر من تلك السنين التي مضت يبدو أن جرح أبيها كان أعمق من أي شئ قد تمر به فتاة فهو سندها وأملها وحياتها !!
جاءها اتصال منه يبدو أن والدها لم ينتظر وأخبره بما حدث سألها عن حالها ولكن لم تكن تملك إجابه صمم هو علي أن يقابلها فهو يريد التحدث إليها كادت أن ترفض ولكن لامفر من المواجهة فوافقت أخيرا علي أن تقابله فكان موعد لقاءهما في اليوم التالي …..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية أسميتها جميلة)