رواية شخص استثنائي الفصل الثالث 3 بقلم شهد

رواية شخص استثنائي الفصل الثالث 3 بقلم شهد

رواية شخص استثنائي البارت الثالث

رواية شخص استثنائي الجزء الثالث

رواية شخص استثنائي الحلقة الثالثة

_أنس انا مش هقدر اكمل اتمنى تقابل حد احسن منى
☆قفلت المكالمه وقفلت فى وشى كل حلم حلمته معاها، طب وشقتنا الى مختاره معظم الحاجات الى فيها؟طب وانا انا هتسيبنى كده بعد ما اتعودت عليها وبقيت جزء كبير من حياتى!دا انا بنيت طموحاتى على اساس وجودها فى حياتى! انا قولت خلاص لقيت السند والونس!لقيت الى لما اقع يسندنى؟!طب وقلبى؟!
فجأه كل حاجه اسودت انا كنت بدأت احبها واتعلقت بيها وهى بمنتهى البساطه سابتنى، طب سابتنى لمين؟!
^بعد مرور اسبوعين
_أنس تعالى كُل
•لا يا امى مش عايز مليش نفس
_هتفضل كده لحد امتى يا أنس؟ انا عارفه انك اتعلقت بيها بس لازم تتجاوز ده، عشان حياتك يا أنس، مش كل شخص هيخرج من حياتك تعمل فى نفسك كده انت الخسران مش هى! قوم يا أنس انزل شغلك وارجع للجيم ولحياتك الطبيعيه، حاول تتجاوز وتتعود على عدم وجودها، ومسيرك تقابل غيرها وتتجوزها وتحبها كمان
•انا لا عايز اتجوز ولا عايز احب تانى كفايه الى حصل، مش هعلق نفسى تانى بحد ويكسرنى، قولت لقيت الى تستحمل نظرات الناس وكلامهم بس طلعت بتوهم هى مستحملتش كلام الناس وسابتنى، كنت عارف إن دا هيحصل بس كنت رافض اصدق

_والله ربنا هيعوضك يا أنس وهيجبر بخاطرك يا حبيبى، يمكن دا اختبار بسيط ليك من ربنا عشان يجازيك خير
•انا راضى والله راضى بس صعبان عليا نفسى، صعبان عليا كونى وحيد، صعبان عليا قلبى الى اتعلق بيها يا أمى…
☆قررت اسمع كلام امى بالفعل ابتديت واحده واحده ارجع لحياتى الطبيعيه من تانى بقى يومى كله عباره عن الشغل و الجيم بطحن نفسى عشان ارجع اخر اليوم انام م التعب وميكونش ليا اى فرصه افكر فيها او فى اللى حصل..قدرت اتعود على عدم وجودها فى حياتى، قدرت اعيش عادى من غيرها واتجاوز كل ده بس لسه فى ندبه معلمه فى قلبى…
_استنى يا أنس خد كيس الزباله معاك وانت نازل
•حاضر يا ماما هقف ع الباب بس عشان هعمل مكالمه
(باب الجيران الى قصادهم بيتفتح)
_اى ده أنس ازيك يا حبيبى
•طنط سعاد! ازيك رجعتى من السفر امتى؟
_يوه يا أنس بقالى شهر هنا ومشوفتكش ولا مره ولما سألت امك عليك قالتلى دايماً فى الشغل
•انتوا رجعتوا علطول ولا اجازه وهتسافروا تانى؟
_لأ رجعنا وقاعدين علطول مفيش سفر تانى
•كويس والله، هلاقى حد يعملى أكل حلو…وحشنى اكلك اوى يا طنط
_يا واد يا بكاش انت، بس عينى تعالى وانا اعملك كل الى انت عايزه
•تسلميلى يا ست الكل، عايزه حاجه؟
_لأ يا حبيبى تسلم
•يلا يا امى هتأخر…
_أنس…أنس قوم اصحى
•اى يا ماما انهارده اجازه
_قوم عشان عايزه انضف سعاد وجوزها وجميله وآسر جايين هيتغدوا معانا
•اى اى مين كل الناس دول
_مين الناس دول؟ لأ فوق كده طنط سعاد جارتنا يا أنس
•ماشى تيجى بالسلامه
_هو اى الى تيجى بالسلامه بوم عايزه انضف
•يعنى هما هيتغدوا فى اوضتى يا ماما
_لا ياروح امك بس قوم عشان عايزه انضف
•يووووه حاضر قايم قايم
_واغسل وشك كده عشان هتروح تجيبلنا حاجات م البقاله

•حاااضر
*خارج من بابا العماره لقى بنت ماسكه قطه وشكلها مضايق
•مالك يا انسه فى حاجه؟
▪ها!لأ مفيش بس القطه دى لقيتها قاعده فى ركن هنا ومتعوره فى رجلها وانا مش عارفه اعملها اى وشكلها بتتألم اوى
•طيب وديها لعياده بيطريه
▪ما انا معرفش عيادات هنا
•انتِ لست جديده هنا؟
▪اه
•تمام..تعالى معايا وانا هوديكى لعياده بيطريه
▪لأ طبعاٍ انا معرفكش ومينفعش اروح معاك لا تخطفنى
•اخطفك؟! ليه شايفانى مسجل خطر!!
▪لا اشوفك ولا تشوفنى يلا امشى لو سمحت
•انتِ عبيطه؟
*بترفع صباعها بتحذير
▪لأ بقولك اى مسمحلكش انت لو فاكرنى صغيره ف انا كبيره وكبيره اوى كمان
•اى دا ١٦٠سم بتتكلم اول مره اشوف ١٦٠سم بتتكلم
▪احترم نفسك وعفكره بقى انا مش ١٦٠سم يا بتاعه انت انا ١٦٢سم(بترفع راسها بافتخار)
•طب بس بس اتنيلى اسكتى، هتيجى اوديكى للدكتور ولا لأ؟
▪لأ اتفضل يا أفندى انت
•أفندى! هو اليوم باين من اوله
▪بنى آدم مغرور
^فى بيت أنس^
_يلا يا أنس هات الأكل الناس قربوا يجوا

•يا ماما دا الباب فى الباب
_يلا وبطل رغى
•حاضر العزومه دى جايه على دماغى انا
*صوت الجرس بيرن وبيروح يفتح
•ازيك يا طنط سعاد
_ازيك يا أنس يا حبيبى
•آسر ازيك يا باشا عامل اى اتغيرت كتيير
_وانت كمان يا أنس شكلك بقيت اعقل
•لاااا انا عاقل من زمان
*فى وسط كلامهم وترحيبهم ببعض بتدخل جميله من غير ما حد يشوفه وبعد ما بيخلصوا سلامات بيدخل أنس ويتفاجأ
•اى الى جابك هنا انتِ؟
▪انا معزومه هنا ع الغدا يا أفندى
•أفندى تانى!اللهم طولك ياروح
▪هه…عملالنا اى يا طنط يا قمر غدا
_عملالك كل الى تحبيه يا جميله يا حبيبتى
*بيبص أنس لمامته وللطريقه الى بتتكلم بيها بتعجب، فابتغمزله عشان يتكلم كويس وبتقول
_ما شاء الله يا جميله كبرتى وبقيتى عروسه…هتجوزيها امتى يا سعاد؟
=والله لسه بقى لما نلاقيلها ابن الحلال
_اه لأ لو على ابن الحلال فهو موجود اى رأيك فى أنس يا جميله؟

*الجميع بيبصوا بذهول إلا سعاد مامتها وكأنهم متفقين من البدايه على المقابله
•احم…طيب استأذن انا بقى عشان عندى شغل
▪والله يا طنط كان على عينى بس أنس مش ذوفى الحقيقه
•لأ حوشى يا بت انا الى هموت عليكى اوى
▪ممكن تتكلم بإسلوب احسن من كده؟
•انا ماشى يا امى سلام…سلام يا طنط سعاد
_ها يا جميله قولتى اى؟
▪بصراحه……..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية شخص استثنائي)