رواية عقدت صفقة مع الشيطان الفصل الثاني 2 بقلم نور سعيد

رواية عقدت صفقة مع الشيطان الفصل الثاني 2 بقلم نور سعيد

رواية عقدت صفقة مع الشيطان البارت الثاني

رواية عقدت صفقة مع الشيطان الجزء الثاني

رواية عقدت صفقة مع الشيطان الحلقة الثانية

_بس انا مش عايز وصل امانة
انا عايز اتجوزك يا يمني .
بصيتله وانا مش مصدقة…دة بيستغل ضعفي وحاجتي للفلوس عشان يتجوزني
قعدت أفكر اوافق ولا لا بس قررت اخيرا اوافق
بصيتله وقولتله:
_وانا موافقة يا ادهم نتجوز بس بعد اما تديني الفلوس
بصلي بإبتسامة غريبة وقالي:
_حقك بس يبقي فيه ضمان علي الاقل انك مش هتهربي من وعدك ليا
قولتله وانا مستغربة:
_ازاي!!
قالي وهو بيقرب مني ووشه قريب من وشي:
_نعمل خطوبة ع الاقل دلوقتي واوعدك مش هتشوفي مني حاجة وحشه
قولتله وانا ببعد وشي عنه :
_وانا موافقة..شوف ميعاد يناسبك وتعالي اتقدم وانا هقول لماما

ابتسم جدا ابتسامة كلها ارتياح كأنه حقق غرضه في انه ياخد حاجة مش حقه
بعدين لاقيته مسك دفتر الشيكات بتاعه وكتبلي المبلغ من غير تردد واداهوالي…اخدته منه وشكرته وجريت ركبت العربية بسرعة ووصلت لمكان الدجال دة تاني..كنت من جوايا مترددة من اللي بعمله حاسة ان اللي بعمله دة كفر وغلط وحرام وتضييع فلوس ع الفاضي…بس جزء جوايا كان متلهف ونفسه يشوف مازن حتي لو في الحلم …دخلت هناك كان الراجل بيتكلم في التليفون اول ما شافني قفل التليفون وبصلي بابتسامة غامضة وقالي:
_لحقتي تجيبي الفلوس!
وقفت قدامه واديته الفلوس وقولتله:
_مش صعب توصل لحاجة عشان حد بتحبه
اخد مني الفلوس وقالي بابتسامة غامضة:
_انتظري بقي انك تشوفي خطيبك في الحلم وادعيلي وقال اخر كلمة وضحك
سيبته ومشيت ورجعت بيتي …دخلت اوضتي وقعدت…فكرت انا ورطت نفسي في اي!!معقولة عشان اشوف مازن اخليه مقهور في قبره واتجوز حد مكنش بيحبه…بس مضطرة يا مازن لانك وحشتني جدا….دخلت عليا مامتي الاوضة وقعدت جمبي سألتني:

_عرفتي تجيبي الفلوس!
قولتلها بابتسامة:
_اه عرفت الحمدلله يا امي…متقلقيش خير ..بس فيه موضوع عايزة افاتحك فيه
قالتلي امي بإهتمام:
_خير!
قولتلها:
_فاكرة ادهم؟صاحب الشغل بتاعي؟
قالتلي بنفس الاهتمام:اه ماله
قولتلها :
_هيجي يتقدملي
لاقيت امي اتفاجات بس مكانتش مبسوطة…انا كمان مكنتش مبسوطة اني هتجوزه لاني عمري ما حبيته ولا ارتحتله
قالتلي بخفوت:
_الف مبروك يجي يتفضل بس انتي موافقة؟
قولتلها وانا بحاول اصطنع اني مبسوطة:
_جدا يا امي جدا
قالتلي:
_طب ومازن؟
قولتلها وانا بحاول اخفي دموعي:
_مازن مات يا امي..والحي ابقي من الميت ومازن لو عايش كان هيعوزني اتجوز تاني واخلف
………….

في شركة ادهم
كان ادهم قاعد علي كرسيه وهو بيفكر في اللي حصل ومش مصدق…اخيرا هيتجوز الوحيدة اللي.حبها من قلبه فعلا ومحبش غيرها..هيتجوزها بعد حب ١٢ سنه …هما متربيين مع بعض وهو حبها من اول مرة شافها بس هي مشوفتهوش غير اخ ..مشافتش غير مازن بس ودة ضايقه …عاش طول الوقت يكره مازن وحتي مازن كان بيكرهه ..كان مستخسر يمني في واحد زي مازن مستواه المادي قليل عكس ادهم اللي كان عنده شركات كتير في كل.حتة
بس خلاص اهو الحلم قرب حتي لو بالاجبار مش فارقة المهم انها تبقي معاه وبس
فاق من شروده علي صوت تليفونه بيرن فرد :
_ها !تمام جدا كويس الاشتغالة اللي عملتها
جاء الصوت الثاني :
_دي صدقت اني فعلا دجال واني هخليها تشوف حبيبها …غلبانة اوي وباين عليها بتموت فيه
قال ادهم بغيرة:
_كانت بتحبه بقي لانها هتبقي مراتي وهتحبني انا
قال الصوت الثاني:
_بس هي اكيد متعرفش اي حاجة عن اتفاقنا صح!
قال ادهم مبتسما في انتصار:
_لا.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عقدت صفقة مع الشيطان)