رواية غرام العاشق الفصل الثاني 2 بقلم ميرو أحمد

لبستني ريهام الكاب وطلعت امعا ساعدني ركبت في السياره بعد ركبت سكر الباب بقوه لين انفجعت ????????  

لف و ركب وطلع يجري بالسياره بسرعه جنونيه

انا خايفه وحاطه يدي علي قلبي ???????????? 

فات ايهاب سيارات اصحابه الي طلعو وراء  

وزاد في السرعه اكثر  ???????? 

انا نرجف من الخوف: ايهاب نقص السرعه اشوي

ايهاب مارد عليا ساكت ايشوف لطريق  

دقائق وقفت السياره  

نزل ايهاب وفتح باب القراج ودخل السياره ونزل سكر الباب  

انا نزلت مرتبكه وخايفه ????  قعدت انعاني في الفيلو بعد الف معنا نزلت

اما ايهاب معدلش عليا فتح باب البيت وخش خلاني برا  

قعدت انعاني فروحي لين وصلت الباب ???? وخشيت  

ايهاب امقعمز علي الصالون من غير ما ايشوفلي: الدار في اخر المامر بري غيري وماتوريني وجهك بكل كل واحد في حاله ماتفرحيش انه الزواج هدا بيتم زي ما خطط جدك

ولا تحلمي يكمل  

انا وجعتني روحي ????: حسستني انا الميته عليك حتي انا مجبوره ع الزواج زيك لا متحملتك ولا طايقه وجهك 

قلت كلامي ومشيت امعصبه وجعني كلامه حتي انا زيه قرار انفرض عليا خشيت لدار  قعمزت علي السرير امعصبه انهز في رجلي و انعض في اضوافري “”حركه فيا بعد انعصب ضروري انديرها عشان نهدا ” فات 10 دقائق مرو عليا احداث اخر شهرين وشن صار الي غير حياتي ???? دمعو اعيوني ???????????? بعد ادكرت ان جدي رفض منذر???????? عشان ما ايناسب عليتنا عليش جدي ايسوف للماديات اكثر ???????? 

مسحت ادموعي بعد اكثر من محاوله سلحت الفيلو بصعوبه خديت بيجامه حرير وخشيت لحمام غسلت وجهي من المكياج  وخديت دوش دافي ارتخيو اعصابي والتعب الي كنت حاسه فيه من اسبوع  لبست وطلعت لميت الفيلو وانا حاسه بغصه بقلبي ???? قعمزت ع السرير وضميت رجليا ونزلت راسي نبكي???????????????? 

نرجعو قبل شهرين  نعرفو شن صار عارفه كلكم تبو تعرفو 

في المربوعه امقعمز الحاج خليفه في النص   

وجنبه اولاده عبدالقادر و نصر الدين و اسماعيل

وامعاهم ايهاب و مصطفى وانس والشباب العيله  وكانو في اضيوف الي هوا أب منذر ومنذر وخوته وعمامه وخاله وشيخ قبيلتهم  جاين يطلبو في غرأم بنت عبدالقادر  

اب منذر:  اليوم جاينك ياحاج في طلب ياريت ما اترجعنا خايبنا

الحاج خليفه: لو طلبكم نقدر انلبيه علي عيني وراسي ان شاء الله ماترجعو خايبن مني

اب منذر ابتسم: تسلم ربي ايعلي مقدارك  احني جاين نطلبو نسبكم ولينا الشرف ولدي منذر ياخد منكم ناس ما شاءالله معروفه بسمعتها

الحاج خليفه  : الله ايسلمك بس ماقلت اما من اولادي بتناسبهم 

الباقي كان ساكت ويسمع  بس 

اب منذر: ولدك عبد القادر ليا الشرف نطلب بنته قدامك

الحاج خليفه: بس عبدالقادر بنته اصغيره مازلت تقرا مدرسه والتانيه محجزوه لولد عمها والكبيره ارمله

الكل ايشوف مصدوم في الحاج بالخص عبدالقادر

اب منذر :بس علي حد علمي بنت الوسطيه مافيش حد متكلم فيها ولا مخطوبه

الحاج خليفه: يعني بتكدبني غرأم حفيدتي مخطوبه لولد عمها ايهاب  

 منذر وقف امعصب: قول مانبيش اناسبكم ماتكدبش واتقول البنت مخطوبه  

ايهاب رغم صدمته فكلام جده الا ما تحمل عليه الكلام: تخطيت احدودك اعرف امع من تتكلم انت ولا رقبتك اطير ماحد ايعلي صوته علي جدي واحترم المكان الي قاعد فيه لو ماك ضيف عندنا ره اعرفت نتصرف امعاك  

اب منذر وقف وحط ايده علي كتف ولده: اسمحلنا ياحاج

وطلع ولحقوه خوته و اولاده وشيخ قبيلتهم ???? طلع منذز وقلبه مكسور عكس الفرحه الي كان حاس فبيها قبل دقائق 

عبدالقادر: عليش رفضتهم يابوي ليش قتلهم غرأم مخطوبه 

الحاج خليفه: لانه فعلا غرأم لـ ايهاب و ايهاب لـغرأم

ايهاب فنص اعيونه بصدمه: كيف كيف انا نحسابك اتقول هكي عشان ترفضهم واتوزعهم بس

الحاج خليفه وقف: لو نبي نرفضهم ساهل نقدر انقوله ما يصعبش عليا بس الموضوع هدا انفكر فيه من فتره وبوك عنده علم بالموضوع من فتره

ايهاب لف علي بوه امعصب: كيف تاخدو قرار عن حياتي واني اخر من يعلم

نصر الدين: اهو توا عرفت شنو بيتغير توا

ايهاب: وانا رافض الموضوع وسكرولي عليه 

الحاج خليفه: مانخدوش في رايك الموضوع تم وهي كلمه وحده  وتي روحك لانه العرس اقريب

ايهاب عصب ع الاخر: وانا مش متزوج والي بديرو ديرو

انقلب المربوعه دوشه ونقاش حاد و انتهى الكلام بكلمة الحاج خليفه

انا كنت في المطبخ انوتي في الضيافه الرجاله امع ريهام وماما وبنات عمي رن تليفوني طلعت من جنبهم فرحانه

فتحت الخط

انا: الو

منذر ????????:  انا هكي تلعبي عليا واتقولي مش مخطوبه عاجبك انا رافع بوي وعمامي وحتي الشيخ القبيله جايبه وجدك الي رافعلي خشمه يرفضنا

انا ????????: قصدك جدي رفضك 

منذر بوجع ????: اي رفض

انا رفعت راسي نمسح في ادموعي بعد اسمعت صوت الباب انفتح خش ايهاب ماشافلي بكل فتح الدولاب وطلع سروال  وامع تيشرت ابيض وطلع من الدار

انا ???????? 

طلع ايهاب غير في الدار التانيه رفع تليفونه وقعمز في الصاله يتصل برهف ما اترد حاول اكثر من مره قعد يتصل مافقدش الامل ???? 

اما رهف كانت تبكي وشاده التليفون واتشوف في الاتصالات ومش قادره اترد ???????????????? وهي محروقه بفكرة اليوم هوا عريس ????????

.

.

.

.

.

.

.

ريهام حطت وشاحها علي راسها ولبست عبايتها وطلت برا في الجنان علي خشت مصطفى

ريهام قدمت خطوات لين وصلت في مصطفى

ريهام: اعطيه ليا

مصطفى:لالا رزين عليك خليني توا انخدله انا

ريهام خداته منه: لالا متعوده عليه شكله تعبك اليوم

مصطفى:لا والله  

ريهام: به تصبح علي خير خلي اندخله الجو صقع عليه

مصطفى: وانتي من اهل الخير هاك امسكي الكيس امتاعه

ريهام خداته: شنو هدا

مصطفى: شكلاطه وعصير واتشيبس امتاع هيثم

ريهام ابتسمت: سلمك جياب ربي ايخليك له والله واجد هذا 

مصطفى: لا واجد لا شي هذا ولدنا  

هيثم قعد يتحرك

ريهام: صحيت اوخيي خليني نمشي انرقده بسرعه عاد كان ناض تبدا ليله حرفه للفجر مايرقدلي

مصطفى قدم وباس هيثم علي اجبينه:  هل الفرخ  بكرا دزيه ليا انكسد عليه

ريهام:  تمام وخشت داخل

• كان في شخص ايشوف فيهم من بعيد ابتسم وخش داخل 

مصطفى رن تليفونه مشا لبيتهم الي يبعد خطوات بس عن بيت عمه  فتح الباب وخش المربوعه طول

مصطفى: الو فافي

البنت: من فافي هدي انا سوسو

مصطفى ضحك وحك راسه: ههههه من فافي انا قلت سوسو???????? 

البنت عصبت: انا نسمع اكويس قلت فافي انت

مصطفى: وانا تكلمت اكويس وقلت سوسو

البنت: ليش تكذب عليا ولا اتقلد في كلامي انت واحد خاين ???????? 

مصطفى: عليك قصه هي بتقعدي هك خاين مش خاين بنسكر ماعنديش وقت

البنت تبكي: كذاب وخاين ونسونجي والله نصحوني صاحباتي قالولي واحد صايع ايكلم في البنت ما اتكلميشي ياريت اسمعت كلامهم وخزي نكار فوقها

مصطفى برود: وعليش ما اسمعتي كلامهن ماك وحده ق وتعرفي الباقي

البنت: وربي حقير والله ماك   مصطفى قطع كلامها

مصطفى: انتي يا امزيته شن تحسابي روحك تي بري الف وحده اتمني اتكلم امعايا شكلي عطيتك اكثر من حجمك يا اكناسه امشي العبي بعيد عليا مانبيش انضيع وقتي في دوه فارغه وسكر الخط

طلع دخانه ولع سبسي  رن تليفونه تاني  قرا الاسم عشاان مايتلخبطش زي المره الاوله

البنت بصوت رقيق وطاغي انوثه: الو 

مصطفى: نعليا رايفتلك عرم فروحتي ???????? رايفت ع الصوت القنين  ????

البنت ضحكت: وانا اكثر حبيبي

مصطفى: شنجوك وين ليك 5 ايام مقفل

البنت: والله هاتفي فاسد ولد خويا طيحه في سطل اميه

مصطفى: ياخد سوك والله هل الفرخ حرمني من  صوتك ???????????? 

وقعد ايهدرز امع لين الفجر برغم الارقام الي خشو انتضار والرسائل ???????? كلهن فاصلات ???????????????? هو طنشهن ????????

.

.

.

.

.

.

.

.

.

.

حمادي:زيدي اضحكي ????قتلك اسبوع الجاي مرات طالع امزرد امع اصحابي

عهود : بجديات

حمادي قعد يحكيلها

عهود بحزن: يعني بتقعد اسبوع 

حمادي: اي والله  الشباب شدو فيا لنقني حتي انا خاطري فيها ليا زمان علي اصحابي من ازوجت فايتهم

عهود حست بغسه بقلبها ماعرفتش سببها: تمام بس بنرايف عليك

حمادي ضحك: ???????????? توا اتجربي شعوري بعد تمشي اتباتي بيت هلك

عهود مضايقه: باهي تصبح ع خير

حمادي:  وين بدري

عهود: بدري من عمرك فايقه بدري وتعبانه ورايا نوضه الصبح

حمادي: باهي مافيش حاجه حلوه قبل لا اتسكري

عهود ضحكت:تؤتؤ مافيش ???????? 

حمادي ضحك: باهي ايبانلك بكرا ياحلوه ❤️ 

عهود: ههههه انــحــبــك ❤️ 

حمادي: انموت فيك ياقلبي انتي ماتبيش اتغيري رايك انجي توا انروح بيك

عهود ضحكت: لالا ???????????? خلاص سكر بنرقد

حمادي:مش كان توا فحضني احسن

عهود: ههههههه لا هي باي

حمادي  : اسمعي

عهود: نعم

حمادي: تغطي اكويس حبيبي الجو امصقع

عهود: نجك ليا حاضر حتي انت تغطا اكويس

حمادي: تمام اتوصي بشي

عهود: سلامتك حبيبي

حمادي: نوم العوافي ياقلبي

وسكر حمادي وتغطا ورقد عكس عهود الي النوم جفا من اعيونها ماعرفتش شن سبب ضيقتها وليش مش مطمنه من مشية حمادي لين تعبت من التفكير توضت وصلت ركعتين  ودعت لربي لين حست روحها تريحت ورقدت

.

.

.

.

.

.

.

 امع الساعه 3 نضت بنشرب حسيت روحي اعطشت من بعد ما جفو اعيوني ونا نبكي  طلعت خشيت المطبخ عبيت كاس اميه وانا خاشه لدار سمعت صوت الباب اسكر وبعدها صوت سياره طلعت قدمت لروشن الصاله الي اطل علي باب الخارجي  فتحت الستاره وشفت سيارة ايهاب مش موجوده  والباب المسكر 

انا: زعما وين ماشي هذا في اخر اليل

مش عارفه ليش بالي انشغل علي هلي طول وقلت العيله الا صاير فيها حاجه  

قعمزت متوتره وخايفه شن السبب الي ايخليه يطلع في اخر اليل الا صاير شي خطير  وانا اهني عقلي اوقف توقعت بابا ولا ماما صارتلهم حاجه ????????????

.

.

.

.

.

.

.

.

ايهاب بصوت واضح عليه التعب والحزن ????: افتحي البلكونه انا تحت ???? 

رهف ????:شن اتقول انت

ايهاب: الله ايخليك اطلعي بنشوفك بس ليش ماتردي امبدري

رهف بحزن: انت عريس مانبيش انخرب حياتك

ايهاب خبط ايده في الستيرسو : تي اما حياه بتخربيها وهي حياتي خاربه بلاك اطلعيلي بس

رهف تبكي: ايهاب روح مانبيش انشوفك 

ايهاب:بالله عليك يارهف ماتكونيش انتي والزمان عليا انتي عارفه انا انحبك فهمتك كل شي والله كلها كم شهر بس وانجي نطلبك من هلك ونتزوجو

رهف تبكي: بس انا مانبيش انكون زوجه تانيه مانبيش وحده اتشاركني فيك

ايهاب: مافيش حد ايشاركني فيك قتلك فتره وانطلقها  

رهف: وعد

ايهاب: مانكون راجل لو خلفت بوعدي

رهف فتحت البلكونة دارها وطلعت: ليش جاي في الوقت متاخر

ايهاب نزل من السياره: لانه في وحده مجنونه ماترد عليا

رهف ابتسمت اشوفله: اممممم مجنونه

ايهاب انسند علي السياره واعيونه فوق ايشوفلها: اي مجنونه ليش ماتردي

رهف: جوي كان مش حلو مارديت ايهاب نسائلك سؤال

ايهاب قطع عليها: عارف سؤالك اطمني ماصارش شي بينا ولا شفتها كل واحد في حاله  

رهف: لعند امتى بتقعد هكي انت شاب وهي انثى يعني بتقنعني طول الفتره الجايه مابيصير شي وانتم في بيت واحد حتي الشيطان موجود مرات هي اتحاول تغريك ولا اتغير رايك

ايهاب: شكلك ماتعرفينش انتي

رهف: نعرفك بس مهما كان انتم عايشن امع بعض وهي زوجتك وحلالك

ايهاب  رقتله: رهف سكريلي ع ام الموضوع هدا مانبيش انتناقش فيه مره تانيه

رهف: لانه كلام الحق

ايهاب تنهد: عارف عارف مانبيكش تفتحتيه لانه ما ايهمني الي ايهمني توا هوا انتي

رهف : شن بدير توا

ايهاب :كيف ما فرضو قرارهم عليا ورضيت يبقا يرضو غصب عنهم علي بنديره

رهف: وجدك  

ايهاب ابتسم: جدي موضوعه عندي

رهف: كيف

ايهاب قعد يحكي لرهف

.

.

.

.

.

.

.

.

.

انا سمعت اذن الفجر نضت توضيت ولبست الملايا الصلاة وصليت الفجر رفعت ايديا ندعي ونبكي ????????????  يارب انت الي كسرتني اجبرني جبر يليق بقلبي لا اعتراض علي حكمتك ولا علي نصيبي راضيه بحكمك عليا بس كان خير ليا حببنا في بعض كان خير لينا ابعده عني يارب ماعنديش طاقه الكافيه نتحمل ???????????????????? يارب نسيني في منذر مانبيش نعصيك ولا انفكر في راجل تاني وانا علي ذمة راجل ???????????? ووقعدت نبكي فرغت كل شي بخاطري  

انفتح الباب وخش ايهاب

انا وقفت خايفه  

ايهاب سلح كندرته وخش

انا متوتره : ايهاب وين كنت

ايهاب حط مفاتيح علي الطاوله: عند حبيبتي عندك مانع

انا بصدمه انشوفله ???? 

ايهاب فات من قدامي: ما اتشوفلي هكي كلهم كم شهر بنتزوجها واتجي عليك ضره مش عاجبك ورقة طلاقك توصلك

انا مش عارفه ليش حسيت بأهانه ليا في الموضوع برغم مايعنيلي شي ولا حاسه بمشاعر اتجاهه

انا بثقه: و باذن الله انا الي بنمشي نخطبها ليك بس قبل لا تاخدها ورقة طلاقي توصلني زي ماقلت وفكره انه انا بنستمر امعاك في الزواج من بداية فاشل

ايهاب انصدم في ردي علي طول رفع اعيونه فيا وركز في ملامح وجهي واضح كيف باكيه واعيوني واخدودي حمر  بلع ريقه توتر:  هكي احسن ليا

انا: لا مش ليك ابروحك وحتي انا عندي حياتي الخاصه ونبي انعيش حياتي وانكمل اقريتي  

ايهاب : كمليها حياتك مافيش حد مسك وكان علي اقرايتك انا مش مانعنك عنها كملي وانا امعاك نرفعك وانروح بيك من اعيوني بس كل واحد في حاله مانبيش تدخلي بحياتي ولا تقربيني لين ينتهي كل شي

انا: تمام حتي انت ماليكش علاقة بحياتي ولا تدخل فيها لين نوصل لبيت اهلي

ايهاب:  كيف ماندخل فيها رد بالك تغلطي راك مزال قاعده علي ذمتي ومحسوبه مني مش كان خليك علي راحتك تغلطي

انا ابتسمت بقهر: مش انا الي نغلط مش تربيتي هذي ريح روحك من عرق الكلام وتصبح علي خير

وخشت لدار وسكرت باب مش عارفه ليش حسيت روحي فرحانه بعد رديت عليه خشيت لسرير ورقدت

اما ايهاب قهره كلامي خش لدار التانيه ورقد علي الفراش في النص يتقلب مش جايه نوم ايفكر نهاية الزواج هدا شنو  

.

.

.

.

.

.

.

.

.

تاني يوم

الصبح اجديده أمنه رافعه سفرة الفطور خشت علي الحاج خليفه

اجديده أمنه: صباح الخير

الحاج خليفه قعمز ومسك منها السفره : كنك ماخليتي وحده من البنات اتشيلها امتعبه روحك

اجديده قعمزت: لالا عارفه ماتعرفش تكل حاجه الا من تحت يدي

الحاج خليفه صب الشاهي:  في هدي صدقتي والله الحاجه الي مش تحت يدك ماليهاش طعمه

اجديده: وين الاولاد

الحاج خليفه: ماشفتهمش من الصبح  تلقيهم كل واحد في بيتهم

اجديده وقفت: خلي انشوفهم ناقصين عليا كم حاجه نبيهم ايجبوها بكري عشان البنات ايسوهن بدري قبل ما ايجو الناس

الحاج خليفه: قعمزي افطري امعايا توا انكلم واحد فيهم ايجيك

اجديده:  لا وين سبقتك انا فطرت امع الكناين خلي انشوف واحد من هل مفرخ بعد اندورهم يختفيو صحه افطر انت

الحاج خليفه :توا انكلمك أنس ايجيك كلا الباقي ماعليهم عبا

اجديده: تمام  وطلعت من المربوعه

الحاج خليفه اتصل ب أنس وكلمه وقاله خش لصبايا يبوك 

ناض أنس من نومه عين امغمضه وعين مفتوحه لبس وطلع لي بيت جده مكان الصبايا هو خاش امغمض اعيونه يخبط في أيلاف واطيح

أنس ايرمش في اعيونه مش فاهم شي واقف ايشوف لي ايلاف طايحه 

ايلاف: يا ادره انت ما اتشوف 

انس ضحك: وانا شن ذنبي كان جدي امنوضني من عز نومي عشان نخبط في وحده شينه زيك تي نحساب روحي في مسلسل بنخبط في وحده سمحه من سوء حظي طلعتي انتي  ????????????????

إيلاف وقفت : ???????? هاهاهاها ضحكتني قالو الجمل ما ايشوف عوج ارقبته ???????????? تي شوف روحك وبعدها بحث لفوق و و دور وحده سمحه كان القيت تي احمد ربك خبطت فيا ???????? صقع عليك انا ولا من مقامك اصلا ???? ومشت

انس واقف ايحك في اعيونه مصدوم: عنشكلها قصفتني الفرخه ???????????? 

اجديده: جيت يا انوسه

انس ضحك ومشالها: تي كم مره قتلك يا اجديده علي الاسم

اجديده:ههههه انوسه كنا مش عاجبك

انس:اكيد مش عاجبي شنو ادلعي فيا زي الصبايا

اجديده ضحكت: هههههههه

انس: شنو جدي قال تبيني

اجديده:اي البنات نقصو عليهم كم حاجه نبيك اتجيبها لهم

وقعدت اتخبر فيه

إيلاف خشت عليهم: اجديده قوليله ايجيبلي امعا نوتيلأ

اجديده: جيبلها هل نوتيلأ

أنس ابتسم بخبث وقف: تمام هدا بس الي تبيوه

اجديده:اي

انس طلع  

وقعدن البنات ايحوسن لمحضر

.

.

.

.

.

.

.

نضت علي صوت تليفوني كانت ريهام اختي

ريهام: صباحيه امباركه ياعروس

انا قعمزت:  اما عروس بالله

ريهام عضت ع السانها:  قتلك قالتلك اعميمه توا بنطلعو انا وعمتي اسماء بنتكو علي المزينه بنجيبوها امعانا وانجوك عمتتي بتحزمك والمزينه بتحطلك مكياج  

انا: احداك حد

ريهام:  اي امع الساعه 2 انجوك بعد الغداء

انا:  تمام  

وسكرت القيتها الساعه 1

 نضت خشيت لحمام  حشاكم توضيت وطلعت صليت الظهر  

طلعت اذهبي ومكياجي طلعت ادبشي كله وتيته وضميت الدار طلعت قدام دار الي راقد فيها ايهاب بنخبرا علي البنات بيجو امعاهن عمتي  

رفعت ايدي بنخبط 

ايهاب:شن اديري 

انا انخلعت والتفت:  جيت بنوضك لانه بنقولك عمتي جايه وامعاها البنات

ايهاب: باهي شن بنديرهن انا 

انا ????: جيت نعطي فيك العلم بس لانه جايه مراة غريبه امعاهن

ايهاب: تمام اصلا اشوي وطالع انا

انا: ماتنساش بعدين اتجي ترفعني لانه هم بيسقموني بيروحو لانه وراهم خدمه

ايهاب: علي الساعه كم توتي

انا: امع 6 ولا 6 ونص

ايهاب: تم طلعيلي ازبوني علي ما دوشت 

انا مشيت طلعتله الزبون كان امعلق  حطيته علي السرير وطلعت

خشيت لدار التانيه ضميتها كانت ريحتها كلها دخان نضفتها وفتحت الروشن هويتها  وخشيت المطبخ  طيبت قهوه

صبيت في مق كبير وقعمزت علي الطاوله نشرب فقهوتي  

وانفكر   

طلع ايهاب ايعدل في ازبونه: ديري امعاك قهوه

انا وقفت بهدوء ماتكلمتش خديت مق وصبيتله  ورديت قعمزت

ايهاب شربها دفعه وحده: بعد اتكملي رني عليا انا طالع

انا هزيت راسي  

طلع ايهاب  

مر الوقت جت ريهام وعمتي و امعاهن المزينه  

ضيفتهم شكلاطه وعصير هدزن اشويا بعدها بدت فيا البنت  

كملتلي قريب 4 ورحت البنت جتها سيارتها انا تريحت اشويا وبعدها حزمتني عمتي اسماء  هدرزن عليا وقريب الساعه 5 روحن عشان ايوتن ارواحهن

قعدت ابروحي حسيت بجوع من امس مش واكله حاجه رفعت طرف شكلاطه كليته  قعدت نستنا في الوقت ايمر عشان ايجيني ايهاب

سمعت صوت الباب انفتح وقفت  

ايهاب تفاجا:………..

.

.

.

.

.

.

.

.

.

عهود: تمام هيا طالعه

حمادي: ……..

.

.

.

.

.

.

انس: …………….

مصطفى:……………

إيلاف ابتسمت: نجك ليا انت احسن واحد عارف صح هومي

هيثم ياكل في الشكلاطه: اها عمو هلو واجد

مصطفى رقص حواجبه لي أنس الي واضح عليه رقيله ????????

أنس:………….

.

.

.

.

.

.

.

ريهام طلعت تبكي: …………

الكل ???????? 

.

يتبع ..