رواية مثلث العشق الفصل الثالث 3 بقلم سولييه نصار

رواية مثلث العشق الفصل الثالث 3 بقلم سولييه نصار

رواية مثلث العشق البارت الثالث

رواية مثلث العشق الجزء الثالث

رواية مثلث العشق الحلقة الثالثة

-هتسبيه !
قالها أيوب وهو يبيوس أيدي …مسحت دموعي وهزيت راسي وقولت:
-حاضر هسيبه …
-تتصلي بيه دلوقتي وتقوليله انك اتراجعتي عن الموضوع …
قالها بغيرة …قلبي دق جامد …غيرته تاني اجمل حاجة بعديه هو …
قولت بنعومة :
-مينفعش يا أيوب كده ممكن امي تشـ.ك ..بكرة هبلغهم الحوار …
-تمام بس خلصي الموضوع ده بسرعة يا مسك لو سمحتي …
-حاضر …
ابتسم ليا وباس راسي وقال:
-ودلوقتي روحي البيت اشوفك بكرة …سلام ..
-سلام…
قولتها وانا قلبي بيطير من السعادة ومشيت من قدامه وروحت البيت ….
…
بعد ما دخلت اوضتي فضلت الف حوالين نفسي من السعادة فجأة اتجمدت مكاني وانا بشوف برواز مزدوج فيه صورتي أنا وحور واحنا صغيرين وصورة واحنا وكبار …دموعي نزلت بكسوف وحطيت أيدي علي وشي وبدأت ابكي ….
……
-حور حبيبتي ..
قالها أيوب وهو ماسك ورد وبيقرب منها عشان يصالحها…كانت هي قاعدة علي الانتريه بعد ما نومت مؤمن وبتتفرج علي التلفزيون ….بصتله ببرود و بعدين كملت فرجة …
قعد جمبها وقال:
-انا اسف يا حور …اسف بجد ..سامحيني …
-مادام مش قادر علي زعلي يبقي متزعلنيش يا أيوب لأن زعلي و.حش اووي…ومينفعش تجر.ح اللي قدامك وتستني أنه يسامحك عشان قولت انك أسف …
ابتسم وهو بيمسك ايديها وبيقول:(بقلم سولييه )
-ميبقاش قلبك اسو.د اومال قولت أنا آسف …
بعدت ايديه وقامت وقالت:
-للأسف اسفك مش كفاية يا أيوب …أنت زودتها المرة دي في عصبيتك وزعيقك وانا معملتش اي غلـ.ط …بالعكس بحاول دايما ارضيك فده مش جزائي اني بحاول ارضيك …لما تعرف غلطك كويس هسامحك …تصبح علي خير …
وبعدين قامت وراحت اوضتها
…..
تاني يوم ….
صارحت ماما بحقيقة اني مش قادرة اتقبل كارم ومع شوية دموع اقتنعت وقررت تكلم ابويا ويمكن هي ارتاحت اكتر لأنها مش بتحب كارم ومش شايفاه يليق بيا لانه مش وسيم …
…..
روحت الشركة وانا راسمة ابتسامة علي شفايفي ودخلت مكتبي أنا وأيوب …قرب مني وقال بصوت واطي:
-وحشتيني اووي …
وبعدين باس خدي بسرعة …ضر.بته علي كتفه وقولت :
-اتلم.
ضحك هو …كانت ضحكته حلوة اووي …ابتسمت وقولت:
-انا بحبك اووي يا أيوب …
-وانا كمان يا روح أيوب …ايه رأيك النهاردة بعد الشغل نخرج سوا …
ابتسمت اكتر وهزيت راسي وقولت :(بقلم سولييه نصار)
-موافقة …
…
اتصلت بأمي وقولت اني هعدي علي حور وبعدين خرجنا أنا وأيوب …
….
كنا قاعدين جمب بعض في السينما بنتفرج علي فيلم أنا حاطة راسي علي كتفه وهو مشبك ايده في أيدي …مكنتش عايزة افكر في اي حاجة …ولا سمحت لضميري يأنبني …قررت افرح ولو مرة في حياتي…قررت اكون أنا.نية شوية …حور اخدت أيوب …اتجوزته وخلفت منه ..هي واخدة كل وقته مفيش مانع اني اخد ساعتين وأنا عمري ما هفكر أخر.ب بيتها …أنا بس عايزة ساعتين معاه …ساعتين اعيش الحب اللي كان نفسي أعيشه !!!
……
خرجنا من السينما واحنا ماسكين أيدين بعض وبنضحك باس هو أيدي وقال:(بقلم سولييه نصار)
-تحبي تروحي فين تاني ؟!
-لا كفاية كده خليني اروح البيت اكيد ماما قالت لبابا علي موضوع اني مش حابة اكمل مع كارم …
-تمام يا حبيبتي كلميني أو ما توصلي ..
هزت راسي وانا مبتسمة بسعادة…
…..
اول ما روحت البيت لقيت ابويا بيبصلي من غير رضا بس امي مرتاحة شوية …اكيد قدرت تقنعه ..قام بابا وقال :
-هتندمي عشان ضيـ.عتي كارم من ايديكي يا مسك …هتندمي اووي …
…….
مرت الايام وانا وأيوب بنطلع مع بعض …كنت مبسوطة …مبسوطة دي كلمة قليلة كنت طايرة اووي من السعادة….
…
في يوم عزمتني حور عشان عيد ميلاد مؤمن التالت وروحت وانا معايا هدية …كنت مبسوطة لاني هشوف أيوب اكتر ….
…….
-ايه ده اومال فين باقي الناس ؟!
قولتها بحيرة وانا شايفة السفرة عليها انواع اكل كتير بس مفيش ناس …
-معرفش يا بنتي أنا عزمتهم بس مجوش …اقعدي ناكل لقمة وبعدين اتصل بيهم أنا همو.ت من الجوع ..
معرفش ليه حسيت بالتوتر وقعدت علي الكرسي اللي قدام كرسي ايوب …كنت ببصله بتوتر وهو كمان …وحتي أني مش شايفة مؤمن ..كنت لسه هفتح بوقي عشان اسأل قالت حور:
-مؤمن للاسف نايم …يظهر أن عيد الميلاد با.ظ ..بس الحاجة الجميلة أننا اتجمعنا ..انا أسعد إنسانة دلوقتي ..معايا اختي وجوزي اللي هو كل حياتي …
كنت هعيط من الخنـ.قة اللي حسيتها …غرفتلنا حور الاكل وبدأنا نأكل بهدوء …وقفت هي أكل فجأة وقالت بصوت بارد:
-انا عارفة بعلاقتكم سوا !!عارفة انكم بتخو.نوني!!!

يتبع….

لقراءة الفصل التالي : اضغط هنا

لقراءة جميع حلقات الرواية اضغط على : (رواية مثلث العشق)