Uncategorized
رواية غيبوبة حب الفصل الثانى 2 بقلم رودينة جاب الله
رواية غيبوبة حب الفصل الثانى 2 بقلم رودينة جاب الله
رواية غيبوبة حب الفصل الثانى 2 بقلم رودينة جاب الله |
رواية غيبوبة حب الفصل الثانى 2 بقلم رودينة جاب الله
الفرح خلص وكان حلو جداً وانا كنت مبسوطة اوي لفرحة اهل الفرح ، ركبنا العربية والدنيا كانت ضلمة جداً وفيه شابورة وف لمح البصر كانت حياتنا مقلوبة 180 درجة !
_ حاسب حاسب حاااااسب
الناس اتلمت ع العربية ونقلونا المستشفي ، انا وماما وعبدو ماحصلناش غير شوية كدمات وماما ايدها اتجبست لانها كانت قاعدة قدام مع بابا لكن بابا دخل ف غيبوبة ولسة مافاقش
دخلت عليه الاوضة ، رجلي بتقدم خطوة وترجع خطوتين .. قلبي مش جايبني اشوفه كدة .. ماليش حد غيره هيسبني لمين ؟! انا ضهري هيتكسر من غيره ! ماينفعش يعمل فيا كدة ماينفعش !
_ انت سامعني ؟ اكيد سامعني ،صح ؟ طب رد عليا طيب ! ماينفعش تسبني ماينفعش والله انا خايف من غيرك اول مرة اخاف ! انا حاسس ان الناس كلها وحوش خايف يلتهموني انا وبسنت وأمي ! قوم احميهم هما طيب مش لازم انا !
_ ماينفعش كدة لازم تطلع برا بقي
= حاضر
عدي 3 ايام وانا قلبي بيتعصر عليه لغاية الدكتور ماطلع واحيا قلبي من تاني
_ ألف حمدالله ع سلامة الحج ، الحج فاق
= بجد يا دكتور
_ ايوة بجد بس عضلة القلب ضعيفة جداً ومحتاج يعمل عملية في اسرع وقت
= والعملية دي هتكلف كام يا دكتور
_ يعني حوالي 30 ألف ، المهم قرروا بسرعة وبلغوني
= تمام شكراً يا دكتور
_ العفو عن اذنكم
..
_ وبعدين يا عبدو هنعمل اي
= هتصرف ماتقلاقيش
_ هتعمل اي بس
= انا هنزل بس وخلي بالك من بسنت وانا مش هتأخر
نزلت جري ع البيت اخدت التوكيل اللي بابا عاملهولي من الدولاب وطلعت ع البنك ، كنت بجري بكل عزم قوتي علشان ألحق البنك قبل ما يقفل علشان كمان بكرة اجازة ولو مالحقتهوش دلوقتي يبقي هستني يومين وبابا هيبقي ف خطر !
روحت البنك وسحبت كل الفلوس اللي ف الحساب بس كانت 27 ألف بس وكان لازم اتصرف ف الباقي ، كلمت عمر صاحبي وف خلال دقايق كان عندي وعاطيلي الفلوس واصر انه يجي معايا .. طلعنا ع المستشفي وامي اول ماشافتني جريت عليا تتطمن
_ ها يا عبدو عملت اي
= ما تقلالقيش الفلوس تحت الحساب وبيجهزوا العملية وهيبقي زي الفل
_ ربنا يبني يباركلك ويديمك لينا سند
= ويخليكم ليا يا حبيبتي
قلبي وجعني لما شوفتها قاعدة بتعيط جمب الحيطة ، حسيت قلبي بيتعصر وانا مش عارف اعملها حاجة
_ ممكن ماتعيطيش
مسحت دموعها=جبت فلوس العملية
قعدت جمبها_ايوة وإن شاء الله هيبقي كويس
عيونها دمعت=هيبقي كويس صح
مسكت ايدها_مش واثقة ف ربنا ؟
مسحت دموعها=لا طبعا استغفر الله طبعا واثقة ف ربنا
ابتسمت_يبقي خلاص اكيد هيرجهولنا بالسلامة ومش هيكسر بخاطرنا
= إن شاء الله
_ممكن ماتعيطيش تاني ؟ طول ما انا عايش ماتعيطيش
= حاضر بس انا خايفة علي بابا اوي
_ بابا هيبقي كويس إن شاء الله ماتقلاقيش
* الدكتور جهزه للعملية وبعد ساعات *
_ ألف حمدالله ع سلامة الحج ، الحمدلله العملية نجحت
= بجد يا دكتور
_ ايوة بجد وإن شاء الله لو ال48 ساعة الجايين عدوا ع خير مش هيبقي فيه مشكلة بإذن الله
= إن شاء الله ، شكراً يا دكتور
_ العفو ع اي ، عن اذنكم
= اتفضل
مشي وانا حسيت ببعض الراحة لما لقيت ابتسامة أمي وبسنت رجعت ونورت من تاني
بعدها ابويا فاق والممرضة بلغتني إن ابويا عايز يشوفني
بس هتسيبنا لمدة 10 دقايق بس
_ حمدالله ع سلامتك يا حج
= الله يسلمك .. اقعد
_ مرتاح دلوقتي ؟
= لسة يا بني شوية علشان ارتاح .. اسمعني كويس
_ ارتاح انت بس دلوقتي وبعدين نبقي نتكلم
= يا بني ريحني وماتقاطعنيش اكح اكح
_ اتفضل يا بابا انا سامعك
= قبل اي حاجة عايزك يا بني تسامحني ! تسامحني إني كنت السبب ف يوتمك
_ ايه !