رواية صدفة غيرت حياتي الفصل الرابع 4 بقلم نشوه عادل

رواية صدفة غيرت حياتي الفصل الرابع 4 بقلم نشوه عادل

رواية صدفة غيرت حياتي البارت الرابع

رواية صدفة غيرت حياتي الجزء الرابع

رواية صدفة غيرت حياتي الحلقة الرابعة

وقف كريم وفخر يبصوا لبعض وهما بيضحكوا ع منظر ميرال اللى كانت واقعة ع الارض والاطباق والكوبيات فوقها
ميرال: طيب اخد انا قيلولة لحد ما البشاوات يخلصوا ضحك براحتهم وسايبنى بالمنظر الجميل ده ما حد فيكم يتلحلح ويجى يقومنى 😏
قرب منها كريم ومد ليها ايده وقالها: انا عايز افهم ايه اللى حصل وايه اللى وقعك بالشكل ده؟
ميرال: انا اللى عايزة اعرف مين الحيوان عديم الفهم اللى مركب المطبخ ده فوق كده
كريم: انا
ميرال: ما انت حيوان فعلا
كريم: ايه بتقولى ايه؟
ميرال: انا اسفة ي فندم بس حضرتك 191 سم راعى ربنا ان فيه كائنات طولها 163 سم عايشة معاك ع الكوكب وصعب تطول المطبخ 🥺
كريم بضحك: ي بنتى ما فيه هنا كرسى مطبخ اهو موقفتيش عليه ليه؟
ميرال: ما انا خوفت يكون مش جامد ويتكسر فقولت استخدم ذكائى واتشعبط
كريم: ياريتك ما استخدمتيه ي اختى يالا قومى جهزى نفسك عشان هننزل
ميرال: انا جعانة 🥺

كريم: ماشى غيرى هدومك ونروح نفطر وبعدين نروح نخلص المشواير اللى ورانا
وبالفعل غيرت ميرال ونزلت مع كريم فطروا وشربها عصير قصب وطلعوا ع الشهر العقارى خلصوا التنازل لعمها وبعدها فضل كريم يشرح لميرال كل حاجة خاصة بحيات كنزى من الصغيرة للكبيرة للعائلة والخدم والناس القريبة لها طريقة كلامها ومشيتها واسلوب اكلها وكل حاجة خاصة بيها
………… بعد مرور اسبوع كامل .. كريم: ها ي كنزى جاهزة؟!
ميرال: اسمى ميرال ع فكرة
كريم: من النهاردة مفيش ميرال فيه كنزى وبس ميرال دى انسيها تماما امحيها من ذاكرتك
ميرال اتنهدت وقالت: اوك
طيب يالا بينا ع المستشفى … نزلوا ووصلوا ع مستشفى عادية وكان ف استقابلهم واحد من الدكاترة والظابط عمار صاحب كريم
كريم: ها ي جماعة جهزتوا كل حاجة زى ما اتفقنا
الدكتور: اطمن ي كريم بيه كل حاجة اتظبطت من امبارح مش فاضل غير الخطوة الاخيرة وبس
كريم: وانت ي عمار عارف هتعمل ايه؟
عمار: اطمن ي عم عارف هو انا عيل صغير هتحفظه
بص كريم لميرال( بعد كده هتبقى كنزى طبعا عشان متنسوش) : اتفضلى انتى مع الممرضة غيرى هدومك وشوفى هتقولك ايه تعمليه
ميرال بخوف: بس انا خايفة اوى🥺
كريم وهو بيمسك ايدها بقوة: مينفعش تخافى وانا معاكى
حاست ميرال بالامان متعرفش ازاى ده بيكون احساسها لما بتقرب من كريم او بيكون جنبها شعور غريب اول مرة تحسه….. دخلت ميرال مع الممرضة وغيرت هدومها وبعدها عرفتها الممرضة انها هتديلها حقنة منومة طويلة المفعول …… فى الخارج
كريم: انا هروح انا بقى وهرنلك بعدها بنص ساعة تعمل اللى اتفقنا عليه
عمار: تمام ي معلم

بالفعل وصل كريم ع فيلا العوامرى وكان قاعد مع عمه بالمكتب لما جه اتصال ع الفون الارضى
يونس: الو سلام عليكم
…………..: وعليكم السلام يونس بيه العوامرى معايا
يونس: ايوة انا مين حضرتك؟
……………: انا النقيب عمار السديسى من المباحث
يونس: اهلا وسهلا ي فندم خير اى خدمة؟
عمار: حضرتك عندك بنت اسمها كنزى
للحظة الدنيا وقفت من حوالين يونس ومقدرش يرد ودموعه نزلت وهنا اتدخل كريم: خير ي عمى فيه ايه مين بيتكلم
يونس شاورله بايده يهدى: ايوة ي ابنى بنتى مالها؟
عمار: الانسة كنزى لقينها مرمية ف الطريق الصحراوى فاقدة الوعى بس معاها البطاقة الشخصية مش اكتر وحاليا احنا موجودين ف مستشفى(………………….. ) لازم حضرتك تيجى عشان تستلمها ونقفل المحضر
يونس ببكاء حار: ح.. حاضر ي ابنى مسافة السكة
كريم: خير ي عمى هو فى ايه؟
يونس: كنزى … كنزى ي كريم هترجعلنا تانى🥺
كريم: بجد ازاى؟
يونس: مش وقته قوم بسرعة حضر العربية وتعالى نروح نجيبها وهحكيلك كل حاجة ف الطريق
وقبل ما يونس يطلع من البيت بص لهالة وقالها: رايح اجيبلك هدية هتفرحك اوى
فى المستشفى وصل يونس وكريم وكانت كنزى (ميرال) لسه مفاقتش من البينج دخل عليها يونس الغرفة ومسك ايدها وقعد يبوس فيها ويبكى: ليه كدة ي بنتى كسرتنى وذلتنى ليه قصرت معاكى ف ايه ولا حرمتك من ايه ليه تحرقى قلبنا عليكى بالشكل ده ليه🥺🥺
وبعد مرور ساعة فاقت كنزى اللى كانت بتبص حواليها واول حد وقع عيونها عليه كان كريم اللى رمشلها بعيونه ع انه عمه جنبها
بصت كنزى جنبها وقالت: بابا😳 ان… انت قاعد ع الكرسى ده ليه ي بابا وانا فين وايه اللى بيحصل 🥺
قرب منها يونس والدموع مالية عيونه واخدها ف حضنه لمدة طويلة واحست ميرال لاول مرة بحضن الاب اللى غاب عليها فترة طويلة وع الرغم من انه مش ابوها الا انها حست بعاطفة غريبة اتجاهه وبتلقائية نزلت الدموع من عيونها
كنزى: ان… انا اسفة ارجوك سامحنى ي بابا

وضع يونس ايده ع شفايفها: هششششش خلاص مش وقت كلام المهم انك رجعتى لحضنى تانى سليمة اللهم لك الحمد ي رب 🥺 ورجع اخدها ف حضنه مرة تانية
نظرت كنزى لكريم اللى الدموع مطاوعتوش تنزل لفرحة عمه بشوفت بنته ومدت ايدها وقالتله: ازيك ي كيمو كونو
لكن اتفاجئت بكريم قرب منها جامد و …………………..
استووووووووووب انا زوعلانة منكم سيكا ان التفاعل قل مبقاش زى ما كان ع البارتين الاوليين بس ده ميمنعش انى هشكركم برضه وانى بحبكم كتير❤ توقعاتكم وارائكم ي بنات تهمنى اوى 😍
***** ولسه الجاى دمار بحروف وكلمات من نار 🔥 *****

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفة غيرت حياتي)