رواية 30 يوم حياة 3 الفصل التاسع عشر 19 بقلم أميرة أسامة

رواية 30 يوم حياة 3 الفصل التاسع عشر 19 بقلم أميرة أسامة

رواية 30 يوم حياة 3 البارت التاسع عشر

رواية 30 يوم حياة 3 الجزء التاسع عشر

رواية 30 يوم حياة 3 الحلقة التاسعة عشر

يوم جديد حاله حب متتوصفش أنتشرت بوفره بين كل ابطالنا حاله جديده من البهجه والسعاده بتجدد الحب من تاني وتقوي كل العلاقات…الجميع كانوا مقتولين من التعب الساعه عدت اتنين بعد الضهر وكله لسه نايم والشارع كله هادي مفيش غير اطفال صغيره خارجين يحتفلوا بثالث ايام العيد اما الباقي فا كله نايم من تعب الفرح …كان باقي علي معاد سفرهم حوالي خمس ساعات الطياره كانت كان معادها الساعه 7
صحي زين فتح عينه فالاول كان مستغرب المكان ولما ركز وافتكر أبتسم وبسرعه بص جمبه لقي وعد نايمه علي دراعه وايدها حاضنه وسطه وراحه في سابع نومه وكأنها بقالها مده كبيره منامتش
قام زين سند علي ايده وهو مايل فوقيها ومبتسم بحب جاب شعرها ورا ودنها وفضل يمشي ايده علي شعرها وعلي ملامحها كأنه بيحفظها.
حس ان وعد قلقت من حركات رموشها المتتاليه.
فتحت وعد عينها واول ما شافته اتخضت وطلعت لفوق.
زين….بس بس اهدي انا لسه مخضوض و مستغرب قبلك فرحنا كان امبارح ياقلبي
بصت بسرعه وعد عالاوضه ورجعت بصتله وابتسمت صباح الخير
زين…صباح النور يا عمري وبعدين انا متخضتش الخضه دي كلها ايه شكلي وحش اوي كده
مسكت وعد وشه بايدها لا طبعا وكملت بضحكه جميله بس بجد خضتني انت صاحي امته
زين…لسه قبلك علي طول
وعد….وكنت بتعمل ايه بقي

 

 

زين….كنت بتأكد انك جمبي بجد مش مجرد حلم
وعد….واتأكدت
زين…اممممم مش اوي بفكر اتأكد بطريقتي
وعد….خليك مؤدب
زين….طيب هتأكد بأدب
ضحكت وعد بأحراج
قرب زين من شفايفها طبع عليهم قبله رقيقه وفضل يتعمق لما حس انها مش رافضه وبعد وقت بعد عنها لما حس انها محتاجه للنفس.
سند جبهته علي جبهتها وهو صوت نفسه عالي اما وعد كانت في دنيا تانيه وشها احمر من احراجها
زين….ببحه رجوليه تجنن وعد قومي من هنا بسرعه
وعد…بغباء ليه
زين…قومي ياوعد
وعد…لا قولي ليه
زين….بابتسامه عشان ثانيه كمان وهخلف وعدي معاكي
أبتسمت وعد باحراج لكن حست لثانيه انها مش حابه تحرمه من حقه وكفايه انه سابها امبارح وقدر خوفها وعلي اد خوفها من اللحظه دي لكن نسيت كل ده وهي في حضنه
وعد…باحراج زين انا ..اناا موافقه
زين….موافقه علي ايه
وعد….علي اللي انت عايزه
زين….بحب وانا قولتلك مش هقرب منك غير لما تكوني مستعده
وعد….وانا مستعده
زين…بصدمه وعد
قاطعته وعد..متخفش والله مستعده
زين….طيب خليها بعدين احنا كام ساعه ونسافر ومش عايز اشوفك مش مرتاحه

 

 

لفت وعد ايدها علي رقبته وخبت وشها في صدره..وكملت باحراج…وانا مرتاحه في حضنك يازين
وكأنها أدتله تصريح صريح بأنها موافقه انها تكون ليه زوجه قانونا وشرعا..
وتاه زين معاها في دنيا رسمها في خياله سنين واخيرا الخيال اترجم لواقع جميل…
……….
عند صالح وبوسي.
قامت بوسي من النوم وسابت صالح نايم دخلت خدت شاور وخرجت طلعت شنطه السفر فضلت تتحرك براحه في الاوضه عشان متقلقهوش حطت هدومها وكل حاجه هتحتاجها الوقت اللي هيأعدوه هناك وطلعت لصالح كذا طقم وأبتدت تظبطله شنطه السفر وجهزت كل حاجه تخصها وتخصه وخرجت راحت عالمطبخ حضرت فطار جميل وعملتله الشاي ورجعت بالفطار رصته عالسفره وراحت عشان تصحي صالح.
بوسي…صالح صالح
صالح…امممم
بوسي….يلا قوم بلاش كسل
صالح….سبيني شويه يا بوسي والنبي
بوسي….لا مش هسيبك قوم بقي بلاش كسل ده العصر أذن يا دوب نفطر ونجهز نفسنا ونطلع عالمطار ولا انت غيرت رأيك
صالح…..لا والله بس سبيني شويه مش قادر
بوسي….قوم بقي انا حضرت الفطار والشاي هيبرد
صالح….اتنهدت بقله حيله وقام سند علي السرير
صالح …اديني صحيت اهو يا ستي عايزه ايه بقي
بوسي…بلاش كسل بقي وقوم حضرت الفطار بره
صالح…جسمي مكسر
بوسي….سلامتك يا قلبي اليوم امبارح كان كله تعب قوم افطر وبعدين ادخل خدلك دش دافي كده هيظبطك
صالح….طيب هاتيلي السجاير دي والنبي يابوسي
بوسي…مفيش سجاير غير لما تاكل
صالح…لازم يعني
بوسي…اه لازم عندك اعتراض
صالح….لا ياستي مقدرش ايه ده انتي حضرتي الشنك
بوسي…اه حضرتها بس مقفلتش شنطتك عشان لو عايز تبص عليها يمكن اكون نسيت حاجه او حابب تزود حاجه
صالح…انت صاحيه بقالك كتير بقي
بوسي….يعني بقالي تقريبا ساعه ونص يا كسلان
صالح….تسلم ايدك يا حبيبتي
بوسي…تسلملي يلا بقي قوم
صالح….ااااه اديني قومت ياستي خرجوا مع بعض عشان يفطروا ويبدأوا يجهزوا
…….

 

 

عامر….هتفضلي زعلانه كده
منار….يعني انت ووعد سايبني ومش عايزني ازعل
عامر ..يابت يعني انا سايبك ورايح فين انا عندي شغل كام يوم وهنرجع كلنا اسبوع بالكتير
منار….هو اسبوع قليل
عامر…طيب قوليلي ابه في ايدي اعمله وانا هعمله علي طول
منار….مفيش
عامر….ان شاء الله يا قلبي في اقرب وقت هنكون مع بعض ومش هسيبك ابدا واي مكان هروحه هتكوني معايا
منار….ان شاء الله حضرت شنطتك
عامر…والله ولا لمستها لحد الوقت
منار…طيب قوم يلا حضرها عشان تلحق ومتنساش اي حاجه
عامر….هقوم اهو
منار….طيب يلا روح افطر وحضرها ولما تخلص كلمني
عامر….ماشي يا حبيبي
منار….باي
عامر….باي
………….
في منزل زين ووعد
ابتسم زين بسعاده متتوصفش اخيرا أثبت ملكيته لوعد و بقت ملكه
كان واخدها في حضنه وهي برغم احراجها لكن كانت مستخبيه فيه حس زين بشئ دافي علي صدره رفع وشها بايده لقي دموعها نازله
زين….بفزع وعد انتي كويسه
ابتسمت وعد وهزت راسها.
زبن….اه ايه انتي بتعيطي طيب في حاجه تعباكي
وعد….لا
زين…بتعيطي ليه
وعد….مفيش والله مبسوطه بس
زين….مبسوطه وبتعيطي طب ازاي
وعد….مش مصدقه اننا اتجوزنا وبقينا مع بعض خلاص
مسح زبن دموعها بأيده لا با وعد صدقي واوعدك ان كول مانا عايش هفضل ملك لحضنك وبس بحبك يا احلي وعد
حضنته وعد وخبت وشها تاني في صدره وانا كمان بحبك
زين….طيب يلا قومي خدي شاور وانا هحضر الفطار
وعد….لا انا اللي هحضره

 

 

زين….طيب خلاص خدي شاور وعلي بال ما تتسرحي وتظبطي نفسك امون انا كمان خدت شاور وخرجت ونحضره سوا اتفقنا
وعد…..اتفقنا
زين…طيب يلا قومي
وعد ..لا اقوم ابه مش هعرف
زين….بابتسامه مكسوفه مني
وعد….بس بقي ويلا قوم اخرج بره الاوضه خالص
زين….لا مش قايم ولو مقومتيش هاخدك انا بنفسي واديكب الشاور بايدي
وعد….طب مش قايمه وخلينا اعدين وتروح علينا الطياره عشان يعجبك
زين….ده يعجبني اوي
وعد….علي فكره انا كنت فكراك مؤدب
زين….وطلعت ايه
وعد…زي ما خالتو بتقولك علي طول
زين…بضحك وشي مكشوف والله انتوا ظالمين
وعد….صح انت مظلوم يلا قوم بقي عشان خاطري
زين….ماشي يا ستي قام زين اعد عالسرير لبس التيشرت بتاعه.وقام خرج من الاوضه جريت وعد بسرعه قفلت الاوضه بالمفتاح وراحت طلعت غيار ودخلت تاخد شاور
بعد وقت بسيط خرجت وراحت براحه فتحت الاوضه لقته اعد بره وبيشرب سيجاره
وعد….هو انت فطرت عشان السجاير دي
زين….ماهو انتي اللي اتأخرتي
سحبت وعد السيجاره من ايده وطفيتها
يلا قوم ادخل خد شاور وانا هجهز حزء من الشنطه لحد ما تخرج
زين….ماشي امري لله
دخل زين خد شاور ووقف وعد تحط اللي هتحتاجه هي وزين في الشنطه
وبعد وقت بسيط خرج زين لابس بنطلون رياضي ومش لابس تيشرت حاطط الفوطه علي رقبته
فضلت وعد بصاله وسرحانه ومبتسمه ومش دريانه بنفسها
زين…ايه خلصتي خد زين باله من ابتسامتها وسرحانها
ايه شكلي حلو اوي كده
ضحكت وعد باحراج اوي
زين….انتي اللي بتحري شكلي اهو
وعد…لا لا خلاص
زين….ابوه كده جبانه يلا بينا نحضر الفطار عشان تاخدي الدوا بتاعك
وعد….ايه ده ده انا نسيته مع وعد
زبن…والله كنت حاسس انك هتنسيه عشان كده عملت حسابي وجبت غيره مديحه حطاه جوه في المطبخ
وعد….طيب يلا تعالي عشان ناكل
مسكها زين من ايدها وراحوا مع بعض عالمطبخ
وابتدوا يجهزوا مع بعض كان حاسس زين انها تعبانه بس مش راضيه تبينله
لدون مقدمات شالها من وسطها خرجت منها شهقه علي حركته دي رفعها عالرخامه بتاعت المطبخ
وعد….انت بتعمل ايه هحضر ازاي وانا اعده كده
زين…وانا مش عايزك تعملي حاجه عايزك ترتاحي وانا هعمل كل حاجه
وعد….بس انا كنت عايزه اساعدك
زين….وانا مش عايز مساعده يا ستي انا عايزك تكوني مرتاحه وبس

 

 

التسمت وعد واعدت زي الاطفال وفضلت تتفرج عليه وهو بيحضر الاكل
وبعد وقت بسيط حط كل حاجه علي تربيزه المطبخ وراح شالها نزلها واعدوا يفطروا مع بعض وبعد ما خلصوا اداها العلاج ودخلوا يكملوا تحضير الشنط
عدي الوقت بسرعه كانت الساعه داخله علي سته
رن موبايل زين.
زين…الووو
عامر….ياعريييييييس صباحيه مباركه
زين …الله يبارك فيك ياصاحبي
عامر….ايه خلصتوا ولا لسه
زين….والله كنت لسه هكلمك
عامر….انا جاهز ولسه مكلم صالح قاللي انهم خلصوا يلا بقي عشان يادوب نلحق الطياره هتطلع سبعه ونص يادوب عشان الطريق
زين…طيب تمام بس احنا هنروح ازاي عربيتك مش هتكفينا
عامر…لا ماهو بوب هيجي معانا عشان يرجع بعربيتي وصالح عياخد عربيه ابوه والواد لاحه جاي هو كمان عشان يرجع بالعربيه بتاعت ابوه
زين…طيب كويس انزل يلا عشان نحط الشنط واروح اسلم علي مديحه
عامر….طيب يلا بينا
…..
خرج زين الشنطتين عالباب
وقفل الشقه وتمم علي كل حاجه ونزلوا بالاسانسير.
كان عامر نزل وحط شنطته وراح يقابل زين اول ما شافه حضنه وباركله هو ووعد اللي كانت محرجه وحاسه ان كل الناس بتبص عليها
خد منه الشنطه وراحوا عالعربيه حطوا الشنط
زين…هروح انا ووعد نسلم علي امي واشوف لو حد من العيال صاحي
عامر….طيب اشطا انا هظبط كذا حاجه في العربيه
زين….اشطا وكلم الواد صالح
عامر…اوك.
راح زين ووعد علي مديحه
زين…بصوت واطي استني هفتح براحه ونعملها مفجأه
وعد….حرام عليك احسن تتخض
زين…لا مش هخضها والله بس ادخلي انتي الاول احسن تكون اعده براحتها ولا حاجه
وعد…ماشي🤭🤭
فتح زين الباب ودخلت وعد مكانتش في الصاله
وعد بصوت واطي اكيد في المطبخ.

 

 

قفل زين الباب براحه ودخل ورا وعد كانت مديحه واقفه في المطبخ ومدياهم ضهرها
وعد ….بتعملي ايه
مديحه….بسم الله الرحمن الرحيم..خضتوني
وعد حضنتها وهي بتضحك حقك علينا قولتله والله نخبط عشان متتخضيش
زين…بضحك ايه يا مديحه قلبك بقي خفيف كده ليه
حضنته مديحه بحب..والله قولت حد دخل عليا
زين….ده مين ده اللي امه داعيه عليه ويتجرأ ويعملها
وعد…بتعملي ايه ياخالتو
مديحه …لقيت نفسي زهقانه قولت اقوم ارتب شويه في المطبخ وكملت بحزن ودموع في عينها قطعتوا بيا البيت وحش اوي من غيركم
زين…احنا هنعيط من اولها ولا ايه وبعدين ما احنا بنتحايل عليكي يا امي تيجي معانا
مديحه….مقدرش اسيب بيتي يا ابني وانتوا خلاص ليكم حياتكم والمفروض وعد تفرح ببيتها مش اعد علي قلبكم
وعد…ايه اللي بتقوليه ده بس يا خالتو هو انتي شيفاني وحشه اوي كده وبعدين انتي عارفه اننا منقدرش نستغني عنك
مديحه….انتي ست البنات وعارفه ان عمرك ما هتضايقي مني يا حبيبتي بس دي سنه الحياه ولازم تعيشوا حياتكم بنفسكم
وبعدين البيت بتاعكم مش بعيد انتوا علي اول الشارع هو بس عشان لسه مش متعوده علب عدم وجودكم
زين…ربنا يخليكي لينا يا امي و ميحرمناش منك ابدا
احنا جينا نسلم عليكي قبل ما نمشي
مديحه….ماشيين خلاص انا مرضتش اطلعلكم عارفه انكم مسافرين قولت معطلكوش لما ترجعوا بقي نجيلكم المهم الجواز حلو
ابتسمت وعد باحراج وسكتت
زين….وهو باصصلها الجواز ده طلع احلي حاجه في الدنيا يا مديحه
مديحه…باواد اتلم
زين…الله مش انتي اللي بتسألي وبعدين انا قولت حاجه
مديحه…ماشي يا ابو وش مكشوف😂😂

 

 

زين….ديما ظالمني كده
مديحه…ربنا يارب يسعد ايامكم ويفرحكم واشوف ولادكم قريب ويملوا عليا الدنيا
زين…يارب يا امي المهم اعدي بقي بلاش تقفي كتير عشان رجلك
مديحه….لا خلاص انا خلصت
وعد…طيب امسكي يا خالتو الشنطه دي كده
مديحه…ايه دي
زين….ده اكل امبارح كله يا امي وشويه حجات كده
مديحه…اكل ايه يا ابني انا عندي اكل
زين…عارف يا امي ان عندك والله بس احنا مسافرين وحرام الاكل ده يتساب كده ويبوظ
وعد….وبعدين يا خالتوا دي عمايل ايدك كلها احنا كلنا امبارح بس فعلا الحجات دي مش هتستني وحرام تترمي انتي كلي منها براحتك واهو عالاقل عشان ترتاحي ومتعمليش اي اكل كام بوم كده
مديحه….بس ده كتير يا بنتي
وعد….ابقي نادي روحيه تاكل معاكي وانا حطالها جاتوه وحجات حلوه ظبطيها بقي واعملوا غديوه مع بعض
زين…بضحك غديوه ايه يا عبيطه
وعد…بضحك يعني يتسلوا مع بعض
مديحه….بضحك مالك ومالها ياواد
زين….عبيطه يا امي اوي
وعد…بقت كده
زين….احلي عبيطه في الدنيا
مديحه…بابتسامه يارب يسعدكم يا ولاد طمنوني اول ما توصلوا بالسلامه
زين….حاضر يا امي ابقي سلمي علي منه والكل بقي عشان مفيش وقت
مديحه…حاضر يا حبيبي تروحوا وترجعوا بألف خير يارب
زين…حضنها اشوفك علي خير يارب
وعد…خلي بالك من نفسك يا خالتو
مديحه…خلي بالك انتي من نفسك ومن زين وانت يا زين خلي بالك من وعد ومتنساش علاجها
زين….في عيني يا امي يلا سلام عليكم
مديحه…عليكم السلام
خرج زين وايده في ايد وعد
صالح….ما تيلا ياعم كل ده
زين….انا حيت اهو
مد صالح ايده ليه وخده بالحضن..
ضالح…الف مبروك يا صاحبي
زين…الله يبارك فيك يا صالح
بوسي….مبروك يا اخلي عروسه
وعد….الله يبارك فيكي يا بوسي انا فرحانه اوي انكم جايين معانا
بوسي…وانا فرحانه اوي بس مرعوبه من الطياره مكنش في حاجه تانيه نسافر بيها غير الطياره.
عامر….بتريقه كان في جمل😒

 

 

صالح…انت بتتريق علي مراتي ياض
بوسي…عاجبك كده خدلي حقي من صاحبك
عامر…بضحك طب هنروح بأيه ردي عليا انتي
بوسي…بالعربيه مثلا
عامر….يا مفتريه هنسوق 11 ساعه طب ده انا كنت فرفرت منكم
زين….لا طبعا مسافه كبيره اوي كنا هنتعب لو معانا عربيه كبيره نركب فيها كلنا مع بعض كان الموضوع هيبقي حلو كنا هنبدل مع بعض لمن حد يسوق لوحده ده تعب اوي .
صالح…المره الجايه بقي ان شاء الله نطلع كلنا سوا ونروح بالعربيات
زين…ان شاء الله طب ايه يلا
عامر…استنوا بس منار نازله تسلم علينا
وعد….كان نفسي تيجي معانا اوي
عامر….دي مش مبطله عياط من الصبح
وعد….طيب هي ميتفعش تيجي معانا
زين….مينفعش طبعا حاج سعيد مش هيوافق وصعب
عامر….مش هينفع اكيد
بوسي…ان شاء الله نعوضهالها
نزلت منار في الوقت ده
بصتلها وعد بابتسامه
راحت عليها منار حضنتها
منار…مبرووووك يا احلي عروسه
وعد…الله يبارك فيكي يا قلبي
منار….مبروك يا زين
زين…الله يبارك فيكي يا منار عقبالك انتي والواد الرخم ده
ابتسمت منار
عامر…ياجدع احترمني ان مكانش عشان انا بقيت فنان عالاقل عشان خطيبتي

 

 

زين….ماهي عارفه انك رخم صح يا منار
منار…بضحك اه صح
عامر…بقت كده 😳😳 زين هيوقعنا في بعض
منار….لا انت رخم
صالح….😂😂😂 محدش طايقك يا جدع
عامر…طب يلا بقي اطلعي لو سمحت عشان احنا ورانا سفر وفسح وحفلات وخليكي انتي اعده لوحدك😜
منار….هتمشوا و تسيبوني
عامر…اه و هنروح نتبسط ونولع الدنيا وانتي هنا لوحدك
منار….كانت حاسه انها هتعيط
وعد….بس بقي متضايقهاش
زين…ده عيل رخم مكدبتش انا
حضنت وعد منار
بوسي…طبطبت علي ضهرها فكي بقي وليكي عليا هغرقهولك في الميه انا وصالح
وعد…ايه ده دي بتعيط
عامر…بضحك احسن من الصبح بحايل فيها بس ادام مشيت ورا زين خليها
زين…طب والله انت عيل بارد
بوسي…كده خلتها تعيط
عامر…بضحك منار قلبي قلبي
منار…مسحت دموعها يلا انا هطلع بقي خلوا بالكم من نفسكم
وعد….لا استني مش هسيبك بتعيطي كده
منار….معلش يا وعد هكلمك باي.
مسكها عامر من أيدها وشدها استني هنا انا مش هسافر وانا شايفك كده
صالح…لا ياض عندك دم ما انت اللي عيطتها
عامر…والله برخم عليها انا اصلا مضايق عشان هي مضايقه و بحاول اضحكها ضربها علي دقنها بهزار اضحكي بقي والله اروح أنشذ في الحفله و اجبلكم العار

 

 

ابتسمت منار
عامر….بجديه متضايقنيش بالله عليكي
منار….خلاص والله انا تمام انتوا بس هتوحشوني
عامر…اكيد انا اللي هوحشك اكتر
منار…لا انت لا وعد هتوحشني وبوسي انت لا
عامر….طب عينك في عيني كده
زين…. انت هتسبلها ياض ادامي ولا ايه🤨
عامر….براحتي اطلع منها انت
زين…لا براحتك ده عندها لما تبقي مراتك يا اخويا ابقي سبلها
عامر…بضحك عاجبك اللي عامله جوز امي ده😂😂
منار…احسن.
وعد…مسحت دموعها متعيطيش بقي عشان خاطري
منار…خلاص والله ومتزعليش حقك عليا اتبسطي وافرحي وخلي بالك من نفسك
وعد…حاضر هكلمك
منار….ماشي وانتي وبوسي جيبولي حقي من عامر
بوسي…متقلقيش هظبطه
صالح…وانا وزين كمان عليه وبعدين انتي المفروض تشفقي عليه ده رايح لوحده يعني هيبقي سنجل في وسطنا 😂😂😂
منار….ايوه صح احسن😂
عامر…مسك ايدها باسها هكلمك كل شويه
زين…..انت يااااعم سيب أيدها يا حنين وانتي يلا اتفضلي علي فوق 😡
ضحكوا كلهم علي زين
عامر…مش بقولك جوز امي
حسني…خلاص با ولاد ماشيين
زين…اه يا عم حسني
حسني…مبروك يا زين يا حبيبي مبروك يا وعد ربتا يسعدكم يا رب
وعد…الله يبارك فيك يا عم حسني
زين…عقبال ما تخلص من المصيبه اللي عندك ده

 

 

حسني…بضحك يارب وربنا يكون في عون منار علي المجنون ده
عامر…ما تجيب كيس شيبسي ياعم حسني
زين….اخلص ياض ادخل
جالهم حسني بكذا كيس شيبسي خد ياعم اتسلوا في الطريق
صالح…انت بتسمع كلام الاهبل ده
عامر…وهو بيفتح كيس الشيبسي ده حبيبي ده
زين….ربنا يشفيك يا عامر من العبط
وانت با عم حسني احنا رايحين اخر الدنيا نتسلي في ايه بس😂😂😂
عامر….ابويا بيشرفني خدي يا منار احلي كيس شيبسي
ايهاب من بعيد انت ياض مش قولتلك تصحيني
عامر…يا نهار اسود انا نسيتك وربنا
ايهاب….ما انت مسطول
زين…بضحك والله انا كمان نسيتك مع انه قاللي انك جاي معانا
ايهاب…بابتسامه ما انت مسطول زي اخويا خده بالحضن مبروك يا صاحبي صباحيه مباركه مبروك يا عروسه
زين…حبيبي يا بوب
وعد…الله يبارك فيك يا ايهاب.
ايهاب….فين لاحه
صالح…بضحك انا خايف اقولك اني نسيت اعدي عليه 😂😂😂
ايهاب…انتوا شاربين ايه يا جدع انت وهو عالصبح هتتأخروا كده
حسني…ادام عامر معاهم كويس اوي انهم فاكرين نفسهم
بوسي…طب والله عندك حق هو السبب😂😂
عامر….شايف يا صالح مراتك بتجر شكلي ازاي
صالح…بضحك يا عم اعد بقي كسفتنا😂😂
اتصل ايهاب علي صلاح.
ايهاب…انت فين يا جدع
صلاح….بشرب الشاي بس صالح معداش عليا
ابهاب…شاي ابه انزل هيتأخروا اخوك واخويا مساطيل بعيد عنك نسيوا يكلمونا يلا انجز
صلاح….طيب نازل حالا اهو
ايهاب…سلام
لاحه…سلام
حسني…خلوا بالكم من نفسكم يا ولاد
زين….متقلقش يا عم حسني ربنا يستر
عامر…حاسس ان صوتي تعبان شويه خايف يروح قيل الحفله

 

 

ايهاب…حاسس مش متأكد يعني انت لازم تجيب حاجه قويه تظبط صوتك ده واشرب سوايل
صالح…ماهو من اللي عملناه امبارح
عامر….اه والله صوتي رايح خالص هجيب الوقت من اي صيدليه
صلاح….يا عرييييييس
زين…حبيبي يا لاحه
صلاح…حضنه مبروك يا اخويا مبروك يا وعد
زين…الله يبارك فيك
وعد….ربنا يخليك يا لاحه
صلاح….صباح الفل با عم حسني
حسني…صباح الرضا يا لاحه
ايهاب…يلا بقي عشان كده احنا بنتأخر
زين…يلا
صالح يلا يابوسي هنركب مع لاحه احنا وراكم
زين…تمام
عامر…بقولك ايه با بوب سوق انت وانا هاعد جمبك مش قادر اسوق
ايهاب…طيب اركب يا مشحططني
زين…يلا يا وعد سلام با عم حسني
حسني…سلام يا ابني خلوا بالكم من بعض
عامر….هكلمك طول الطريق ولما اركب هقفل الموبايل واول ما انزل هطمنك
منار…خلي بالك من نفسك
عامر…حاضر يا قلبي وانتي كمان يلا اطلعي
منار….باي باي ياوعد
وعد…..باي يا قلبي
ركب عامر واتحركوا بالعربيه وطلعوا عالمطار.

 

 

……وفجأه😁

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)