رواية بعد نص الليل الفصل الثالث 3 بقلم محمد منصور

رواية بعد نص الليل الفصل الثالث 3 بقلم محمد منصور

رواية بعد نص الليل البارت الثالث

رواية بعد نص الليل الجزء الثالث

رواية بعد نص الليل الحلقة الثالثة

*بعد ما قابيل رجع لفيروز مراته بعد يومين غياب عن البيت علشان يلاقيهم اغتصبوها لتاني مرة وقرر قابيل الانتقام لفيروز منهم بما ان القانون هايطلعهم براءة زي اول مرة. وراح قابيل ناحية رف علية كتب وقصص من تاليفة لكنه سحب قصة. بعد نص الليل. وعلشان تعرفو حقيقة القصة دي. فالقصة دي مش من تاليفي القصة دي لقيتها وسط كتب والدي وماعرفش لية نسبتها ليه وحطيت عليها اسمي مع ان القصة دموية لابعد حد وفيها البطل بينتقم من اللي قتلو ابوه بطرق مخيفة وكان برضو اعمي وحال البطل ما يفرقش كتير عن حالي وفيها البطل بيشوف بعد نص الليل لمدة ساعة وسط الظلمة اللي ظلمو بس. وبمجرد ما ابتدي اقراء في القصة يبقي قدامي تلت ليالي بتلت جثث واللي ظلموني واغتصبو مراتي تلاتة عزوز وحمادة ونادي ولازم اخلص منهم. الربط اللي بين القصة وبيني ما عرفش سببه اية وماعرفش لو حد غيري قراء القصة. هايحصل الربط دة. ولا. لا. لكن اللي اعرفه ان القصة دي فيها شئ غريب ومخيف ودة ممكن يرجع لان اللي كتبها مش انسان. زي ما عرفت او سمعت من جدي مرة وانا صغير وممكن يكون الربط بيني وبين بطل القصة بيخصني انا بس. علشان كدة انا برفض اسجلها. رغم ان المتابعين ليا عايزين يسمعوها وانا رافض. ولسة هابتدي افكر ابدأ بمين سمعت باب البيت بيخبط حطيت الكتاب جنب مني. وروحت وفتحت الباب. وكان واقف علي الباب الظابط حمزة وكان معه جاري استاذ معتمد. وسمعت صوت الظابط حمزة بيقول

استاذ قابيل انا الظابط حمزة.
قابيل
عرفت حضرتك بمجرد ما سمعت صوتك
حمزة
باين عليك بتقدر تميز الاصوات بسهوله
قابيل
ربنا لما بيحرم بني ادم من نعمه بيعوضة في نعمه تانية من نعمه الكتير علينا. المهم. اقدر اساعد حضرتك ازاي
حمزة
استاذ معتمد جار حضرتك سمع صوت خبط وصرخة مكتومة بس هو ما قدرش يحدد الصرخة جاية منين فبلغنا وانا بدوري جيت اتحقق من البلاغ وبسال كل المحيطين بي. ممكن تكون الصرخة دي من عندك مثلا
قابيل
لا. مش من عندي
حمزة
يعني انت بخير ومدام فيروز بخير
قابيل
الحمد لله.
حمزة
طيب فين مدام فيروز نسالها ممكن تكون سمعت هي كمان الصوت دة وتقدر تساعدنا نوصل لصاحبة الصرخة دي

قابيل
فيروز نايمة وبعد اذنك انا كمان محتاج انام
واكيد ساعتها كان حمزة واستاذ معتمد بيبصو لي مستغربين لكني مش فايق لحد دلوقتي ومش مهم عندي يقولو عليه اية المهم حق فيروز يرجع وهاتقولولي لية ما قولتش للظابط علي اللي حصل هاقول لكم زي ما طارق طلع حمادة واصحابة اول مرة براءة هايطلعهم تاني مرة ودخلت الاوضة ومسكت ايد فيروز وبعد ما كنت مش عايز ادفنها الا بعد ما اجيب حقها. قولت لا اكرام الميت دفنه بس قبل ما ادفنها كنت محتاج بصماتها واتصلت باروي وردت اروي وقولت لها
اروي هاتي معاكي لصق دبل فيس. وتعالي
وقفلت وقولت لفيروز
حقك عليه عارف ان عمرك وخلص وكله كان مكتوب بس جايز لو كنت موجود معاكي ماكنش حصل اللي حصل وفضلت اتكلم مع فيروز كتير جدا لغاية ما وصلت اروي ومعها الدبل فيس وشافت فيروز ولسة هاتصرخ منعتها وقالت وهي مصدومة
اية اللي حصل
اديتها الرسالة اللي سابتهالي فيروز وقرات اللي فيها واتعصبت اوي اروي وقالت
احنا بقينا فين. في غابة. انت بلغت البوليس ولا لسة

قابيل
مافيش بوليس الحكاية هاتخلص بقانوني.
اروي
قانونك يعني اية
قابيل
في الاول ساعديني في دفن فيروز وبعد كدة نتكلم
اروي
وهاندفنها ازاي بس من غير تصربح دفن
قابيل
وديني بس انتي المدافن بتاعتنا وانا كلمت عم حارس. التربي وهو فتح الجبانه وكل شئ جاهز. بس في الاول هاتي الدبل فيس
اروي وهي بتديني الدبل فيس قالت
هاتعمل بي اية دة
كنت ساعتها بحط اللصق علي صوابع فيروز وبرفع بصماتها واروي بتبص لي باستغراب وبتقول
انت بتعمل اية
قابيل
هاحتاج بصمات فيروز في انتقامي
اروي
انتقامك
قابيل
اومال عايزا حق فيروز يروح هدر
اروي
لا. بلغ البوليس طالما انت عارف مين اللي عمل كدة

قابيل
بلغت مرة وخرجو من القسم قبل مني وماحدش قدر يعمل لهم حاجة ابلغ تاني.
اروي
لا. تاخد انت حقها بايدك
قابيل
يبقي اتفقنا ندفنها ونجيب حقها منهم
وشيلنا فيروز وخرجنا من البيت وحطينها في عربية اروي وروحنا المدافن بتاعت والدي وفي بيت عم حارس التربي اتغسلت فيروز وصلينا عليها ودفنها وعم حارس قفل عليها وودعتها الوداع الاخير ومشيت من المدافن وقولت لاروي
بكرة الصبح تكوني عندي
وعديت الليلة ماعرفش ازاي ونار الانتقام بتنهش في الوقت وبتنهش في قلبي مش قادر استني عايز ابدأ ونويت ابدأ بنادي ماعرفش ليه اخترت نادي بس اهو مكتوب له هو اللي يموت الاول وخليت اروي تجيب لي خط سيرة وكل تحركاته لمدة يومين وعرفت انه بيروح كل ليلة مطعم عائم وفي نفس الوقت كبارية vip. لكبار البلد بتاعتنا وبس. وروحت المطعم دة وبدات ادرس المكان كوبس واسهر في كل ليلة لمدة اسبوع وانا متنكر علشان اعرف المداخل والمخارج وكل تفصيلة في. ورميت قرشين لكلاب المطعم اللي هما البودي جارد وعرفت ان

في المطعم دة دور تاني بيحصل في اي حاجة حرام ممكن تتخيلوها لان الدور التاني عبارة عن اوض وكان في اوضة هي لكبار الزوار اوضة اللي جواها بيشوف كل اللي بيحصل في المطعم وما حدش يشوفه الاوضة دي كان فيها حوض سمك كبير. وفتحت القصة وجبت انتقام البطل من اول واحد وكانت البطل بيلعب من المجرم لعبة بتقول
يا تموت غرقان يا تموت محروق
واحنا دلوقتي الساعه 12 الظهر ودة اخر يوم في حياة نادي وجت لي اروي زي ما اتفقت معها وقولت لها
عايزك تعملي لي مكياج اكون بعدي شبه فيروز بالظبط
استغربت اروي وقالت
لية
قابيل
علشان نادي يطمن لي
اروي
انت متاكد من اللي انت بتعمله دة مافيهوش خطر عليك

قابيل
متخافيش مش هايجري اكتر من اللي جري
وفعلا عملت لي اروي المكياج وبقيت شبه فيروز بالظبط ولبست فستانها هو صحيح كان ضيق وقصير عليه شوية لكن لما يسكر نادي مش هايشوف قدامه. ودقت الساعه 12
بعد نص الليل وبقي معايا بالظبط ساعه اشوف فيها نادي. وانا دلوقتي جوة الاوضة اياها اللي فيها حوض السمك وكنت في شكل فيروز. وساعتها وصيت كام بنت من اللي شغالين في المطعم انهم يطلعو ليا وهو خلصان من الخمره و مش شايف قدامه وبقيت الساعه 12.5. وطلع لي نادي وبص لي وقال
هو انتي بقي اللي موصيه عليه جامد اوي كدة

قولت بصوت فيروز
اصلك بصراحة عجبتني اوي لما كنت معاهم اخر مرة علشان كدة عملت لك المفاجاة دي
وقومت روحت ناحيته وانا كنت لابس جانوتي ماشي مع الفستان وهو كان بيقول
انتي لسة فاكرة الليلة اياها يا قمر
قابيل
ودي ليلة تتنسي يا قلب القمر
وقربت منه وخده في حضني وبسرعه البرق لفيت حوالين ايدة رباط ضاغط من اللي بيتربط في بعضة وهو بص لي وقال وهو بيحاول يفك نفسه
أية دة بتعملي لية كدة
فيروز
علشان هالعب معاك لعبة الموت
وخبطة براسي في مناخيرة. ولفيت لصق حوالين بوقه وشيلته وهو دايخ ورميته جوة حوض السمك وكان حوض السمك فاضي وبمجرد ما لمست رجله حوض السمك لصق في ارضية الحوض بسبب المادة اللاصقة اللي حطيتها لي واللي ساعدني في تحضير كل دة بودي جارد من اللي شغالين في المكان اخد 50 الف ج. علشان يجهز اوضة الاعدام. وحاول نادي انه يرفع رجله ما اقدرش وقولت له

عرفت انك بتحب الخمرة زي عينيك ف اية رايك تموت غرقان فيها. ولا تحب تموت محروق
وحطيت علي اول حوض السمك شمعه مولعه وماكنتش ثابته واول ما شافها نادي ما فهمش انا بعمل اية لكني خرجت الموبيل بتاعي واتصلت برقم البودي جارد وقولت
املي حوض السمك بالخمرة
وبدأ الحوض يتملي بالخمرة وانا ببص لنادي وبقول له
قدامك كام دقيقة والحوض هايتملي بالخمرة لو اتحركت الشمعه هاتقع جوة الحوض وتموت محروق ولو فضلت ساكت وماتحركش الحوض هايتملي خمره وتموت غرقان تحب تموت ازاي
وقعد اتفرج علي الحوض وهو بيتملي خمر ونادي بيبص للشمعه وبيبص للحوض وهو عمال يتملي مش قادر يتحرك خايف للشمعه تقع وانا بتفرج وهو بيبص لي وعيونه بتطلب الرحمة لكني قلعت ماسك ومكياج فيروز وقولت له
تخيل نهايتك هاتكون علي ايد اعمي

وبدات اوزع بصمات فيروز اللي معايا علي الدبل فيس في كل مكان في الاوضة بطريقة عشوائية والخمرة وصلت عند مناخير نادي ونادي بيحاول يشب علشان يفلت من الغرق لكن خلاص الخمرة بدات تعدي مناخيرة وهو بدا يغرق ولما بدا يتحرك وقعت الشمعه في الحوض واتحول الحوض لقطعه من جهنم وبدات اشوف نادي والنار بتاكل لحمه ودقت الساعه 1. ورجعت تاني اعمي وخرجت من المطعم وانا في صورة فيروز وسايب ورايا نادي في جهنم.

يتبع ….

لقراءة الفصل التالي : اضغط هنا

لقراءة جميع فصول الرواية اضغط على ( رواية بعد نص الليل )