رواية انتقام مجنون الفصل السابع 7 بقلم عادل عبدالله

رواية انتقام مجنون الفصل السابع 7 بقلم عادل عبدالله

رواية انتقام مجنون البارت السابع

رواية انتقام مجنون الجزء السابع

رواية انتقام مجنون الحلقة السابعة

حسيت وقتها ان اسامة ده احسن راجل في الدنيا وحسيت بالندم اني فرطت فيه !!
وغصب عني اترميت في حضنته تاني وانا بقوله : انا اسفة يا اسامة ، اسفة اني معرفتش قيمتك من زمان ، كنت لازم افهمك صح من زمان لكن للاسف طلعت غبية ، اسفة اني خسرك ، اسفة اني وجعتك ، اسفة اني بدخل حياتك فى وقت غلط ، لكن سامحني ارجوك …
: انتي موجودة فى حياتي علطول ومش خرجتي منها لحظة واحدة .
: يا مني انا من كتر تفكيري فيكي وحبي ليكي ، وصورتك اللى قدام عيني طول الوقت بنتي طلعت نسخة منك ، حتي شوفي صورها اهي علي الموبايل وبدأ يفرجني صورها .
: انا كنت عارفة انك بتحبني لكن مش بالشكل ده !!
: حبي ليكي كان سبب حبي لبنتي اللي طلعت نسختك و اللي سمتها علي اسمك ، حتي مراتي بشوف صورتك فيها علشان اقدر اعيش معاها.
قال كلامه ده وحضني اوي ، وبسبب ضعفي سيبت نفسي ، مش عارفة ازاي !! لأ ، الحقيقة اني كنت عايزاه يضمني ويحضني اكتر واكتر ، كنت حاسة براحة وأمان عمري ما حسيتهم ابدا الا معاه !!
اسامة : يلا نمشي من هنا يا مني ، مش هينفع نستنى هنا كتير لازم نمشي لمعتز يفكر يرجع هنا تاني !!
: حاضر يا اسامة انا ملك ايديك ، اللي انت شايفه صح هعمله و اللي تقول عليه انا هنفذه .
خرجنا بعد ما اخدت الهدوم القليلة اللي كانت معايا وتليفوني ومشينا .
قولت لاسامة هنرجع القاهرة ؟؟
: لا بلاش لأن هناك هتبقي معرضة للمشاكل من معتز ، انا هشوفلك شقة مفروشة هنا في اسكندرية بعيد عنه حتي هنا البحر والجو مريح لاعصابك ، لحد ما نشوف حل معاه .
وافقت لأني فعلا خلاص اتأكدت انه اكتر انسان بيحبني وممكن اتسند عليه .
أخدني اسامة وبدأنا ندور علي شقة مفروشة لكن كل السماسرة لما كانوا بيعرفوا اني مش معايا اثبات شخصية وأني هقعد في الشقة لوحدي كانوا بيرفضوا !!! خصوصا أن مفيش اثبات كمان ان أسامة له أي صلة قرابة بيا او جواز !!!
لغاية ما قابلنا سمسار وافق لكن بايجار غالي اوي !!! ” لأنه كان فاكرنا هنأجر الشقة لغرض مش كويس ” .
أسامة وافق ودفع للسمسار ايجار شهر كامل .
اخدنا الشقة و اسامة نزل اشتري طلبات البيت وقال لي : هسيبك بقى ترتاحي وهرجعلك بكره .
: انت اكيد بتهزر .
: ليه ؟
: هترجع القاهرة وبكره هتيجي هنا تاني ؟؟
: طيب أعمل اي ؟؟
: انا اخاف اقعد هنا لوحدي ، نظرات الراجل السمسار ده ليا مش عجباني و لو عرف اني لوحدي في الشقة خايفة يفكر يعمل فيا حاجة .
: انت كده هتقلقيني عليكي !! طيب اعمل اي يا مني ؟؟
: ممكن تبات معايا هنا ؟ علي الاقل يومين ولا تلاته علي ما اخد علي المكان ؟ بس خايفة في نفس الوقت اسبب لك مشكلة مع مراتك وفي شغلك !!
: انا كمان خايف عليكي وعايز اطمن عليكي قبل ما ماشي من هنا .
: خلاص يبقي تفضل معايا .
: حاضر ، هنزل اجيب علبة سجاير واطلع .
: انت بقيت بتشرب سجاير يا اسامة ؟؟
ضحك اوي وقالي : دي ابسط حاجة حصلت لي لما سيبتيني .
: انا اسفة اوي .
: هنزل اجيب السجاير واطلع علطول .
: بلاش تنزل خليك ونادي علي البواب يجيب لك .
اسامة فتح البلكونة ونادي : يا عم كامل .. يا عم كامل … خد هاتلي علبة سجاير .
استغربت اوي وسألت أسامة : انت عرفت اسم البواب أمتي ؟!!!
: سألته وانا طالع لما كنت بجيب لك طلبات البيت ، قوليلي بقي في أي حاجة كدة ناقصاكي دلوقتي ؟
ضحكت وقولتله : انا كااان ناقصني حاجات كتير انما دلوقتي لأ .
طبعا أكيد كلكم دلوقتي هتقولوا ان انا غلطانة وازاي اسمح لنفسي ابات مع راجل غريب وانا ست متجوزة ؟؟!!!
لكن الحقيقة أن خوفي مع كرههي لمعتز ، مع قلة حيلتي كل ده وأهلي السلبيين جدا معايا كلهم خلوني فعلا افكر فى نفسي قبل ما افكر في اي حاجة تانية .
اسامة : انا عايزك تدخلي تغيري وتاخدي دش وتهدي خالص وانسي موضوع معتز ده ، ايا كان اللى هيحصل ، انا معاكي ومش هسيبك ، حتى لو الدنيا كلها شافتك ست مش كويسة ، انتي ليا انا وبتاعتي انا وانا شايفك احسن ست في الدنيا وساعتها هتجوزك وتبقي مراتي وهواجه الدنيا كلها علشانك .
اخدت شاور وغيرت هدومي وبدأنا نجهز الأكل مع بعض وأكلنا وبعدها سألته : انت كنت بتحذرني من معتز وبتقولي انك عايزني اعرف جوزي علي حقيقته ومش اعيش مغفلة طول عمري .
: ايوه فعلا قولتلك كده علشان دي الحقيقة .
: طيب اي هي حقيقة جوزي اللي انا مش عارفاها يا اسامة ؟ قولي الاول كمان انت ومعتز اصحاب من أمتي ؟
ضحك اسامة اوي وقال : الصراحة انا عمري ما كنت صاحبه ولا هو يعرفني اصلا .
: يعني انت كنت بتكدب عليا ؟؟
: مش بالظبط ، انا وجوزك مش اصحاب لكن انا اعرف كل حاجة عنه وكل حاجة عن حياتكم مع بعض .
: ازاي ؟ وضح يا اسامة لأني مش فاهمة حاجة !!
: انتي لما اتجوزتي انا سألت عن جوزك لحد ما عرفت كل حاجة عنه ، فضلت اسابيع وراه عرفت بيته واهله وشغله واصحابه ، عرفت اسلوبه وشخصيته وعلاقاته مع اهله شكلها اي بيحب مين وبيكره مين ، اصحابه مين وعلاقته بيهم شكلها اي ، شغله وزمايله في شغله ، مين اصدقاؤه ومين اعداؤه ، حتي علاقاته النسائية قبل الجواز كانت مع مين وشكلها اي ، كل حاجة عرفتها عنه بالتفصيل .
: وبعدين ؟ بقلمي / عادل عبد الله
: متابعتي ومراقبتي له مش وقفت لحد هنا ، انا حاولت اتعرف عليه علشان اعرف عنه أكتر لكن الصراحة جوزك دمه تقيل ورخم ومبيعرفش يصاحب حد !! حتي اصحابه كلهم ٣ شباب بس هما بس اللي مصاحبهم ، اضطريت اني اصاحب واحد من اصحابه علشان اعرف منه كل حاجة عن جوزك بطريقة غير مباشرة .
: ياااه !! للدرجادي !!
ضحك اسامة ضحكة مصطنعة : انتي متعرفيش بعدك عني وجوازك عمل فيا ايه !!!!!
: كمل يا اسامة .
: عرفت ان بعد كام شهر من الجواز حياتكم اتحولت لجحيم وان مشاكلكم كانت مستمرة كل يوم ، مش هنكر اني فرحت .
: فرحت ؟!!!!!!
: ايوه فرحت لسببين الاول علشان اتجدد عندي الامل انك ممكن تطلقي منه ونرجع لبعض تاني ، والسبب التاني علشان تعرفي الفرق بيني وبينه بين اللي بيحبك بجد وبين اللي بيذلك وبيقهرك باسم الحب !!
: ياااه !! ده انت كنت مجروح اوي !!
ولأول مرة كنت اشوف الدموع في عيون اسامة !!! صعب اوي لما يكون راجل ملو هدومه زي اسامة كله رجولة وشهامة وتشوف الدموع مالية عينيه وبيحاول يمنعها بالعافية !!!
قربت منه واخدت راسه في حضني ، حسيت انه زي ما يكون طفل صغير لكن في جسم شاب كبير .
رفع راسه وقالي : اللي انتي مش عارفاه عن جوزك انه له شقة تانية من زمان بيقابل فيها عشيقاته .
: عاشيقاته ؟!!
: ايوه يا مني ، جوزك طول عمره بيعرف ستات شمال ، حتي قبل ما يتجوز كان كده ، عمره حتي ما كان بيعرف بنت او يعيش قصة حب لكنه كان بيجيب من الاخر وبيعرف ستات شمال .
ولما كان بيقولك عنده شغل وهيبات بره ولا هيسافر يوم او يومين كان بيكون مع واحدة منهم بس بتكون عجباه زيادة شوية ومش شبع من ساعتين تلاته معاها فكان بيقضي معاها يوم ولا يومين وحضرتك الزوجة المغفلة اللي نايمة علي ودانها وبتستنيه وبتدعيله ربنا يقويه !!!
: هو فعلا كان كل فترة بيغيب عن البيت يوم او يومين وساعات تلاتة !!
: عرفتي بقي اني مش بكدب ولا بضحك عليكي ؟؟؟
: الحيوان الندل الجبان !! يعني مع الذل اللي شوفته ده كله كمان كان بيخوني ؟؟
: ايوه كان بيخونك ودلوقتي هو اللي عايز يذلك انتي بفيديو وانتي مع جوزك في الحلال !! شوفتي قذارة اكتر من كده ؟؟
صعبت عليا نفسي وانا بسمع الكلام ده ولقيت نفسي بعيط بانهيار !!!
اسامة لما شاف دموعي كان بيمسحها بايديه واخدني في حضنه وطبطب عليا لحد ما هديت .
اول لما بطلت عياط اسامه رفع راسي بايده وبص في عينيا وقالي : اوعي اشوف دموع في عيونك الحلوة دي ، ده انا طول عمري نظرة عينيكي دي هي اللي بتديني الأمل في الدنيا ، حضنته اوي وهو حضني اوي .
مع اسامة كنت بحس اني ست بمعني الكلمة محبوبة وليا كرامة ، مش محبوبة وبس لأ ده بيعشقني كمان ، عكس معتز اللي حياتي معاه كانت كلها ذل واهانة واخرتها اعرف انه كان بيخوني وقبل كل ده مصيبة انه كان مصورني وانا معاه !!!! وبدون ما اشعر وانا في حضنه قولتله :
: اوعي تبعد عني يا اسامة ، خليك جنبي ، انا من غيرك ولا حاجة .
: مش هبعد عنك ابدا ، انا بحبك بجد يا مني ، انا مش بحبك بس انا بعشقك وبعشق الهواء اللي بتتنفسيه ، اوعي انتي تبعدي عني تاني .
: مش هبعد عنك ابدا علشان انا بحبك ، انا معرفتش طعم الحب الا منك ومعاك يا اسامة ، مش ممكن ابعد عنك ابدا يا حبيبي .وكانت دي اول مرة ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام مجنون)