رواية حبيبتي منذ الصغر الحلقة الحادية عشر 11 والأخيرة بقلم نيرة وائل
رواية حبيبتي منذ الصغر الحلقة الحادية عشر 11 والأخيرة بقلم نيرة وائل
 |
| رواية حبيبتي منذ الصغر الحلقة الحادية عشر 11 والأخيرة بقلم نيرة وائل |
رواية حبيبتي منذ الصغر الحلقة الحادية عشر 11 والأخيرة بقلم نيرة وائل
ـــــــــ عند اسيل ـــــــــ
فتحت عنيها لقت حمزه قدامها ومتكتف
اسيل بصدمه: حمزه مين اللي عمل فيك كدا
حممزه: اسيل انتى كويسه….
اسيل: دماغي بتوجعنى اوى…..احنا فين……انا مش فاهمه حاجه
حمزه: انا هحكيلك كل حاجه
فلاش باك
داليا: الوو
حمزه: الوو…مين معايا
داليا: انا داليا يا حمزه
حمزه: اهلا….ازيك ياداليا البقاء لله…اسف معرفتش اجى العزا
داليا: حياتك الباقيه
حمزه: فى حاجه
داليا: عايزه اقابلك
حمزه: ليه في ايه
داليا: لما اقابلك هتبقى تعرف….هبعتلك العنوان على الواتس
ــــــــ فى مكان شبه مهجورـــــــ
حمزه: أنتى اكيد اتجننتى…..احنا مش في حرب عشان تنتقمى منهم…..بعدين كلنا عارفين من الاول ان اسيل لسامر احنا اللى غلطنا لما حبناهم…..
داليا: سامر ليا انا وبس يا حمزه ليا أنا وبس ومش ممكن اسيبه لأسيل……داليا مش بتدى حاجتها لحد يا حمزه
حمزه: انتى مجنونه…..ايه اللي انتي بتقوليه دا……بعدين ايه حب الامتلاك دا….متبقيش انانيه يا داليا اللى بيحب حد بيحب يشوفه مبسوط
داليا: افهم من كلامك دا انك مسامحهم ومش معايا فى اللى هعمله
حمزه: انتى ناويه على ايه يا داليا
داليا: ولا حاجه…
حمزه: فكرى بالعقل يا داليا……بلاش تعملي حاجه تندمى عليها
داليا: سامر ليا انا وبس ولو مش ليا مش هيبقى لغيرى….
حمزه: بلاش جنان يا داليا….سامر مش ليكي… سامر لأسيل يا داليا
داليا بعصبيه وجنون: هقتلها…. هقتلها يا حمزه…. سامر ليا انا
حمزه بعصبيه: اقسم باالله يا داليا لو تلمسي شعره واحده منها هدفنك مكانك
ولسه جاى يمشى…… داليا ضربته على دماغه ضربتين وفقد الوعى
Nairawael
بااااك
اسيل بصدمه: داليا تعمل كل ده
حمزه: الشر كان باين اوى فى عنيها
اسيل: طيب احنا فين…؟
حمزه: انا مش عارف هى نقلتنا مكان تاني ولا لسه في نفس المكان اللى جتلها فيه
اسيل: انا خايفه اوى يا حمزه
حمزه: متخافيش يا اسيل… انا معاكي…. هنطلع من هنا متخافيش..
NairaWael
ـــــــ عند سامرـــــــ
سامر قلب الدنيا على اسيل ودور عليها فى كل مكان بس مش لاقيها….تلفيونه رن رقم غريب
سامر: الوو….مين
داليا: الوو يا سامر
سامر بعصبيه :انتى اللى ورا خطف اسيل صح…
داليا ببرود: قلتهالك يا سامر لو مش هتبقي ليا مش هتبقي لغيرى
سامر بزعيق: اسيل فين يا داليا…انطقى
داليا: عندى وهوجع قلبك عليها زى ما وجعت قلبى على ابنى
سامر بزعيق وعصبيه:اقسم بالله لو تلمسي شعره منها هموتك يا داليا
داليا: انت موتنى من زمان اصلا يا سامر…..
سامر: داليا…متعمليش حاجه تندمى عليها
داليا بوجع : مبقاش عندي حاجه اندم عليها
وقفلت الخط
سامر: الوو….الووو…داليا
سامر حكي لظابط كل حاجه…
الظابط: للاسف معرفناش نحدد المكان …..لما تتصل تانى طول معاها في المكالمه عشان نقدر نحدد الموقع قبل ما تقفل الخط خالص
سامر: طيب احنا هنفضل مستنينها تتصل….لازم نتحرك قبل ما تعمل فيها حاجه
Nairawael
ــــــــ عند اسيل وحمزه ــــــــ
اسيل: حمزه وبعدين هنعمل ايه
حمزه: مش عارف بس اكيد هنطلع من هنا
دخلت داليا المكان وهو كان عباره عن عماره لسه بتتبنى و فى حته مهجورة
داليا: اسيل هانم ازيك
اسيل: داليا ايه اللي بتعمليه ده
حمزه: داليا بطلى جنان فكينا
داليا ضحكت وقالت: بصى يا اسيل هنلعب لعبه صغيره….
هديكى 3 اختيارات تختارى منهم واحد وتنفذيه
الاختيار الاول ( اقتلك)
حمزه: انتى مجنونه
اسيل: لا انتى مش طبيعيه….ايه اللي بتقوليه
دا
كملت داليا كلامها ببرود
الاختيار التاني ( اقتل سامر)
اسيل بعصبيه وزعيق: لا انتى اكيد اتجننتى رسمى
فوقي يا داليا
حمزه: داليا انتى مجنونه…ايه اللي بتقوليه دا
داليا ببرود وثبات الاختيار التالت ( اقتل حمزه)
اسيل: انتى مجنونه اقسم بالله لو مسبتيناش نمشي من هنا هموتك
ضحكت داليا بسخريه وطلعت مسدس من جيبها
وحطته على راس حمزه…
اسيل: انتى بتعملى ايه…داليا..اهدى لالا…اهدي ارجوكي
داليا : ايه تختارى تموتى انتى ولا نقتل مين
حمزه: هتندمي على اللى بتعمليه…
داليا بزعيق : وانا مبقاش عندى حاجه اندم عليها…..افهموا بقا انا مبقاش عندى حاجه…..
وحطت المسدس على راس حمزه تانى
اسيل صرخت: أرجوكي يا داليا سبيه…حمزه مالوش ذنب….اقتلينى انا
داليا راحت ناحيه اسيل وقالتلها كلمى سامر وودعيه….شفتي انا طيبه ازاى
اسيل بعياط: حرام عليكي انتى ايه شيطانه
داليا: جاهزه…هرن على سامر ودعيه بقاا يا سوسو
حمزه: داليا انتى مستحيل تقتلى….انتى مش كده يا داليا
داليا مردتش عليه و اتصلت بسامر
سامر: الو
داليا: ايوه يا سامر
سامر: داليا …. داليا اسمعينى ….. انا هنفذ كل حاجه تطلبيها بس سيبى اسيل
داليا: انا لعبت لعبه مع اسيل بس هسيب اسيل تحكيلك عليها
عطت الموبايل لأسيل
اسيل بعياط : الو….. سامر الحقنى
سامر: اسيل حبيبتى انتى كويسه
اسيل: انا هموت يا سامر … عايزاك تعرف اني حبيتك اووي و انك احلى حاجه حصلتلي في حياتي
سامر: مش هيحصلك حاجه ياقلبي…. مش هسمح ان يحصلك حاجه
داليا حطت المسدس على راس اسيل وقالت استاذ سامر انا خليتك تكلم حبيبتك لاخر مره قبل ما اقتلها شفت انا طيبه ازاى
سامر : اقسم بالله لو تقربى منها هقتلك يا داليا
ضحكت داليا بصوت عالى… وقالت هحرق قلبك عليها زى ما حرقت قلبي عليك وعلى ابنى…. و قفلت الخط
حمزه كان فك نفسه ولسه جى يضربها حست بيه وضربته رصاصه فى رجله
اسيل بصريخ: حمزه
داليا ضحكت وقالت: محدش هيقف في وشي النهارده….. انا النهارده يا قاتل يا مقتول
…..
Nairawael
ــــــــ عند سامر ـــــــــ
الظابط: قدرنا نحدد المكان وهو قريب من هنا جدا
سامر: بسرعه قبل ما تقتلها حضرتك سمعت كانت بتقول ايه
ـــــ عند اسيل وداليا وحمزه ــــــ
اسيل: حمزه انت كويس….. حمزه رد عليا
حمزه: متخافيش يا اسيل انا كويس
اسيل بزعيق : انتي ايه اللي بتعمليه ده حرام عليكي ليه كدا…….
داليا: حرام واتنهدت وكملت كلامها بعياط…. انا اللى حرام عليا…… انا عشت طول عمرى مستنيه نظره واحده بس من سامر بس انتى كنتى واخده انتباهه كله…. حبيته مش بس حبيته انا كنت بعشقه…. بعشقه لدرجه الجنون….. انا مجنونه بيه….. انا حبيته اكتر منك يا اسيل…. والله العظيم حبيته اكتر منك…. من يوم ما وعيت على الدنيا وانا بحبه…. كان نفسي اقرب منه بأى طريقه… مكنش هاممنى انا بعمل ايه عشان اوصله مكنش يهمنى اللى بعمله ده صح ولا غلط…. كنت عايزه اوصله وبس…. انا حبيته اوى…..ابننا كان الحاجه الوحيده اللى كانت هتخلينا لبعض مكنتش مصدقه لما عرفت انى حامل كنت مبسوطه اووي وقلت اخيرا في حاجه هتربطنى بيه وهيكون ليا…… ومره واحده زعقت وقالت… بس لأ الاستاذ سامر كان عايز ينهي كل حاجه تربطنى بيه حتى لو كان التمن حياه ابنه…. وانا بقا هحرق قلبه زى ما حرق قلبى وهقتلك..
قالت كده وهى موجهه المسدس على راس اسيل ولسه هتضرب سامر رفع ايديها لفوق والرصاصه جت في الهواء وضرب داليا بالقلم ووقعت فى الارض
سامر: انتى ايه حيوانه…. ايه اللي بتعمليه دا ملعون ابو الحب اللي يخليكى قتاله قتله ويوصلك للمستوى دا…. انتى كده مجرمه وخاطفه..وشروع فى قتل كمان…. أنتي ضيعتى نفسك…. انا عمري ما حبيتك يا داليا…. عمري ما حبيتك…. ولا عمري هحبك….. بس انا مقتلتش ابنى مكنش قصدى انى اوقعك…. انا مش قتال قتله يا داليا…
سامر فك اسيل وحضنها
الظابط شاور للعساكر ياخده داليا
داليا لاحظت دا مسكت المسدس وشدت اسيل وحطت المسدس على دماغها وقالت اصل انا مش هروح بلاش…… انا يا قاتل يا مقتول النهارده…. محدش يقرب منى ووقفت بعيد على حرف المبنى وكان مفيش سور وراها….
سامر: داليا اهدي…. داليا لا متعمليش كده…. اهدى وانا هعملك اللى انتى عايزاه بس سبيها
داليا: قول للشرطه تمشي
الكل سكت
داليا زعقت بقولك قولهم يمشوا
سامر قالهم امشوا وفعلا مشيوا
متبقاش فى المكان غير سامر وحمزه واسيل وداليا
داليا: عارف يا سامر انا حبيتك اووي حبيتك اكتر من اي حاجه فى الدنيا دى حبيتك اكتر من امى وابويا والله حبيتك اكتر منهم… بس انت محبتنيش مش عارفه ليه…… اسيل احسن منى فى ايه… هاا… احسن منى فى ايه ….. انا حبيتك اكتر منها …. انا بحبك اكتر منها يا سامر
سامر: طيب سيبيها تمشي انتى حسابك معايا انا…. خليها تمشي وانا هعملك اللى انتى عايزاه بس سبيها
داليا: انت بتعمل فيا كده ليه حتى دلوقتي خايف عليها وسايبنى… انا بحبك يا سامر تعالى نتجوز ونسافر بعيد… تعالي نسافر انا وانت ونبعد عن النااس دي كلها….. انت ليا انا يا سامر مش ليها
سامر: طيب بصي انا موافق على كل ده بس سبيها تمشي ماشي هنسافر وهنتجوز وهنبعد عن هنا
داليا: انت لسه خايف عليها ليه
سامر: انا خايف عليكي لو قتلتيها هتتدخلى السجن ومش هينفع نكون مع بعض
داليا: يعني احنا هنتجوز صح وهنبعد عن كل ده صح
سامر: ايوه صح يلا بقا يا دودو سبيها تمشي
(سامر كان عارف انها مريضه نفسيا من ايام وفاه والدها فكان بيحاول يستدرجها واحده واحده)
حمزه شد اسيل من ايد داليا بس مقدرش ياخد المسدس منها وسامر نادى على الشرطه
داليا بجنون: مش هروح على الفاضي يا سامر يا صياد ومش هموت لوحدي وضربت رصاصه في قلب سامر ورمت نفسها من فوق المبنى
Nairawael
ــــــ بعد مرور خمس سنوات ــــــ
ــــ فى مكان ما فى أستراليا ــــ
نور : مش تفتح انت اعمى واحد غبى
حمزه مشي ومتكلمش
نور : الو يبنتى وحشتيني اووي والله…
شمس: وأنتى كمان وحشتيني اووي ايوا بقا استراليا ومحدش قدك وهتنسينا
نور: أنساكى تصدقى انك واطيه انا انساكي برضو
شمس: اما قوليلى ايه اللي حلو في استراليا بقاا
نور: بشتم النااس بالعربى ومش بيفهموا من شويه واحد خبط فيا وشتمته بصلى باستغراب ومشى مفهمش انا قلت ايه
وفجأة لقت حمزة قدامها ????
حمزه: خدى بالك مش كل اللى هنا اجانب فيهم مصرين برضو
نور اتكسفت ووشها احمر ونفسها بقا عالى اووى لدرجه انها مبقتش قادره تتنفس خالص
حمزه: انتى كويسه
نور فتحت شنطتها وفضتها كلها على الارض كانت بتدور على البخاخه بتاعتها بس ملقتهاش
حمزه: بتدورى على ايه
نور شافت البخاخه في ايده شدتها منه وخدتها لحد ما نفسها اتظبط
حمزه: انتي كويسه
نور بصتله بغيظ: كنت عايز تموتنى خدت البخاخه منى كنت عايزنى اموت
حمزه بصدمه: وهموتك ليه انا كنت جى اديهالك عشان وقعت منك لما خبطتى فيا ونسيت انها معايا ساعه ما تعبتى مكنش قصدي
نور: غبي وسابته ومشيت
حمزه: واحده مجنونه غلطانه وبتشتم كمان
نور موبايلها رن ردت الوو
السكرتيره: استاذه نور تقدرى تستلمى الشغل من اول بكره
نور: بجد يعنى انا اتقبلت
السكرتيره: حضرتك هتستلمى الشغل من اول بكره
نور: شكرا
Nairawael
(نور 23 سنه شخصيه مرحه جدا جت استراليا مع والدتها بعد والدها ما اتوفى وقاعدين عند جدها هى بتحب تعتمد على نفسها مع انها غنيه جدا بس عايزه تشتغل وتعتمد على نفسها)
ـــ يوم جديدـــ
حمزه: هاتيلى السكرتيره الجديده على مكتبى
دخلت نور…
نور بصدمه: انت…. انت بتعمل ايه هنا
حمزه: انتى اللى بتعملى ايه هنا
نور: انا السكرتيره الجديده
حمزه: انتى ????????♂️
نور: هو حضرتك مستر حمزه صاحب الشركه
حمزه: دلوقتي بقيت حضرتك امبارح كنت غبى وعايز اقتلك
نور ضحكت: قلبك ابيض يا مستر دا كان سوء تفاهم الللى فات مات تعالى نفتح صفحه جديده
حمزه ضحك على طريقتها وقالها: اللي فات مات ماشي هعديها بمزاجي
نور: والله انت طيب يا مستر
ومدت ايديها ليه عشان تسلم عليه… حمزه سلم عليها
(وعدت الايام ونور بروحها الحلوه وضحكتها الجميله وعفويتها بدأت تشد حمزه ليها)
Nairawael
ـــــــــ فى مصر ــــــــ
داده حنان: عدى يا عدى يلا عشان تفطر يا حبيبي
اسيل: عدى لسه نايم يا داده….
عدى: انا صحيت يا ماما
اسيل: قلب ماما ياناس… صباح الورد والياسمين عليك يا حبيبي
سامر: طيب بالنسبه لأبو عدى مفيش صباح الخير
اسيل: صباح الخير والورد والياسمين والفل و…
سامر: خلاص… هتقلبيها جنينه ورد وفل وياسمين… خلاص يا ست اسيل… اهم حاجه عندك عدى وناسيه ابوه خالص
اسيل: وانا اقدر انساك برضو
سامر حضنها وشال عدى… يلا نفطر
عدى واسيل: يلا
(طيب تعالو نشرح ايه اللي حصل)
(سامر الرصاصه جت تحت القلب ب3سنتى الدكاتره قدروا ينقذوه بس داليا ماتت لانها رمت نفسها من الدور ال13…. انما حمزه بقا فك الشراكه اللى كانت مع اسيل وسامر وخد نصيبه و سافر استراليا وعمل شركه لنفسه هناك
وسامر واسيل اتجوزوا وبقى عندهم عدى)
Nairawael
ــــــــ فى استراليا ـــــــ
حمزه: نور
نور: نعم
حمزه: انا بحبك
نور: ايه
حمزه: بحبك
نور ابتسمت وقالت : اخيرا قولتها
حمزه: يعني بتحبينى
نور: انا بعشقك يا حمزه
تمت
لقراءة باقي حلقات الرواية : اضغط هنا
نرشح لك أيضاً رواية ملاكي للكاتبة منه حسن.