Uncategorized
رواية كانسر الفصل الحادي عشر 11 بقلم آية السيد
رواية كانسر الفصل الحادي عشر 11 بقلم آية السيد
 |
| رواية كانسر الفصل الحادي عشر 11 بقلم آية السيد |
رواية كانسر الفصل الحادي عشر 11 بقلم آية السيد
مالك راح الاستقبال وحور قعدت وبتفرك في ايدها من الخوف والتوتر
يس بصدمه /انتي؟؟؟
حور باستغراب /افندم حضرتك تعرفني
يس /انا….
ومكملش كلامه وولقي اللي ضربه بالبوكس في وشه
وحور فجاه صرخت اول ما لقت مالك بيضرب الشخص دا كده واتصدمت من رد فعله
مالك بغضب /انت مين وازاي تسمح لنفسك اصلا تكلمها
يس بغضب بعد عن مالك/انت يظهر واحد مجنون
مالك بغضب اكبر /انا هوريك مين اللي مجنون وفجأه ضرب يس بالبوكس تاني في وشه
واللي في المستشفى اتجمعوا حواليهم
حور بعياط /خلاص يا مالك سيبه
محمود كان معدي في الممر وشاف الكل متجمع
محمود بمرح لاحد الممرضين /ايه دا هما قرروا يوزعوا لحمه هنا في المستشفى ولا ايه
الممرض /لا دا دكتور يس وواحد بيتخانقوا
محمود بضحك /طاب ربنا يوفق…… واكمل بصدمه /ايه ياسين
الممرض /اه
محمود جري بسرعه ناحيتهم ولقي مالك ماسك يس من هدومه
محمود حاشهم عن بعض ومكنش فاهم حاجه لان يس مش من عادته يتخانق مع حد ولا من الناس اللي بتحب المشاكل
المدير جه عشان يشوف فيه ايه
المدير بزعيق /ممكن افهم فيه ايه
مالك بغضب /اسأل البيه
المدير (عبدالرحمن) /فيه ايه يا ياسين ومين اللي عمل فيك كده
ياسين بص لمالك بغضب ومتكلمش
المدير بزعيق /يلا كل واحد علي شغله وبعدين بص لمالك وانت اتفضل معايا وبص ل ياسين ومحمود ورايا علي المكتب
مالك بص علي حور اللي عماله تعيط وجسمها بيرتعش لأنها اول مره تشوف مالك متعصب كده
مالك اتنهد بصعوبه وحاول يهدي
مالك بهدوء وقرب من حور /حور انا….
وقبل ما يكمل كلامه كانت حور حضنته وعيطت خايفه منه بس هو امانها الوحيد
مالك حضنه وفضل يهديها /هششش اهدي يا روحي خلاص انا اسف والله عشان خاطري اهدي
يس ومحمود كانوا راحين وياسين بص عليهم لقي مالك حاضن حور وقف مكانه ومتحركش ومحمود بص عليه لقاه واقف يبص عليهم
محمود /انت يا بني واقف كده ليه اتحرك مش كفايه اللي حصل
ياسين /هو حاضنها كده ليه وبعدين هو يقربلها ايه اصلا
محمود /يا بني انت هتجنني مد اما نشوف هنعمل ايه وبعدين نبقا نشوف مين دا
ياسين /يلا
مالك بهدوء بعد حور عنه ومسح دموعها وباس جبينها /اسف يا روحي
حور بخفوت /بس…
مالك /هششش…. يلا
حور بخفوت /يلا
وراحوا هما الاتنين لمكتب مدير المستشفى
____________________________
في منزل عائله الصواف
أسر رن علي فايزة عشان يوديها الجامعه في طريقه وهو رايح الشركه
أسر /السلام عليكم ورحمة الله وبركاته
فايزة /وعليكم السلام ورحمة الله وبركاته
أسر /ازيك يا فايزة
فايزة /الحمد لله تمام يا أسر انت اخبارك ايه
أسر /الحمد لله تمام ها جاهزة
فايزة /ايوة لابسه من بدري
أسر /طيب انا عشر دقايق بالكتير وهكون عندك عشان الجامعه
فايزة /ماشي يا أسر مستنياك
أسر /ماشي مع السلامه
فايزة بحب /مع السلامه وخلي بالك من نفسك
أسر بحب /ماشي
أسر خرج عشان يروح الشركه وقابل عائلته
ايمان بحب/صباح الخير يا حبيبي
أسر /صباح النور يا ماما صباح النور يا بابا
أحمد /صباح الخير يا بني… رايح الشركه
أسر /ايوة مينفعش مروحش انا ومالك لازم علي الاقل حد فينا يروح عشان الشغل ميتعطلش وكمان فيه صفقه جديده ولازم يبقا حد موجود
ايمان بدعاء /ربنا معاكوا يا حبيبي ويوفقكم يا رب
أسر بأس ايدها /يا رب يا أمي… يلا مش عاوزين حاجه
أحمد /سلامتك يا بني
ايمان بتساؤل /هتعدي علي فايزة
أسر يايماءه /ايوة يا حبيبتي كلمتها وهي جاهزة
ايمان /ربنا يديمكم لبعض يا بني وافرح بيكم
أسر /حبيبتي يا ست الكل يلا سلام
الكل /سلام
___________________________
في منزل المحمدي
انجي /ماما انا نازله مش عاوزة حاجه
ريهام /هتروحي المستشفى
انجي /ايوة انا كلمت مالك وعرفته اني هروح عشان اشوف حور
ريهام /هتروحي الشركه ولا لا
انجي /لا عاوزة افضل مع حور
ريهام /ماشي يا بنتي سلميلي عليها وخلي بالك من نفسك
انجي /ماشي يا حبيبتي سلام
ريهام /سلام
_____________________________
في مكتب مدير المستشفى
المدير بزعيق /ممكن افهم بقا ايه اللي حصل وايه سبب المشكله دي
مالك بغضب /اسأل البيه اللي رايح يتعرف علي مراتي
ياسين ومحمود اتصدموا لما سمعوا كلمه مراتي
ياسين بصدمه /مراتك!!!
مالك بغضب /ايوة عندك مانع
المدير /اولا معتقدش ان كلام حضرتك مظبوط لان ياسين زي ابني وانا عارف أخلاقه كويس وهو مش من الدكاتره اللي تعمل كده
المدير لياسين /ممكن تحكي ايه اللي حصل
ياسين بكذب عشان الموضوع يخلص /بصراحه يا دكتور انا غلطت فيها وفكرتها شخص تاني بس وهو دا اللي حصل وكنت لسه هتكلم بس فجأه الاستاذ دا جه وضربني في وشي وملحقتش حتي اتكلم
المدير بص لحور /هو دا اللي حصل يا بنتي
حور بصت لمالك وبعدين هزت راسها بايوة
المدير لمالك /اظن كده حضرتك عرفت ايه اللي حصل بالظبط وان دي مستشفى محترمه
مالك عرف فعلا انه غلط وان مكنش ينفع اللي عمله دا وانه اتعصب علي الفاضي
مالك بص لياسين /انا فعلا اسف علي اللي حصل بس انا سمعتك وانت بتكلمها وكأنك تعرفها ودا اللي خلاني اعمل كده انا فعلا اسف علي اللي حصل
ياسين /ولا يهمك وانا كمان اسف علي اللي حصل… وبص لحور /انا اسف جدا
حور هزت راسها بايماءه بسيطه
المدير (عبدالرحمن) /كده الحمد لله اظن المشكله انتهت
محمود بمرح /ايوة طبعا يا عبدو وبص بصدمه للي قالوا
والمدير بصلوا بغضب شديد
محمود بتصحيح /ايوة طبعا يا دكتور عبدالرحمن هو انت اي حد
المدير /تمام اتفضلوا علي شغلكوا يا دكاتره وانت يا استاذ…
مالك /مالك.. اسمي مالك المحمدي
المدير /اسم غني عن التعريف طبعا يا بشمهندس مالك
مالك /شكرا جدا عن اذنك لان فيه معاد مع الدكتوره
المدير /تمام تقدروا تتفضل واحنا كمان اسفين علي سوء التفاهم اللي حصل والف سلامه
مالك /الله يسلمك… وحصل خير وانا اسف مره تانيه علي اللي حصل عن اذنكم
مالك مسك ايد حور وخرج وراح مكتب الدكتوره نورهان بعج ما عرفه من الاستقبال
وياسين ومحمود خرجوا هما كمان
__________________________
في مكتب ياسين
ياسين بوجع وهو يتحسس وجهه/ايده تقيله بن ال…
محمود بسخريه /عجبك كده يا باشا يعني حبكت تكلمها الوقتي واديها طلعت متجوزة
ياسين /وانا اعمل ايه يعني انا اول ما شوفتها خوفت تختفي زي كل مره وكنت حابب اعرف هي مين
محمود بسخريه /اديك خت كام بوكس محترم روح بقا حط عليه تلج او اي حاجه عشان الورم دا
ياسين /يا عم بطل تقطيم فيا بقا دا انت رخم ويلا بقا من هنا روح علي مكتبك يلا
محمود /احم هو انا كده بطرد ولا بيتهيألي
ياسين /اه بالظبط كده انا بطردك يلا بقا اتكل
محمود /خلاص يا ابو بوكس ماشي هههههه
محمود خرج وقفل الباب وراه
ياسين /عيل سئيل
محمود فتح الباب وبص من وراه /سمعتك علي فكره
ياسين حدف فيه القلم اللي علي المكتب /امشي يلا
محمود بضحك /هههههه مجاش
ياسين /دا انت بارد
محمود بضحك /طلقني لو مش عاجبك طلقني
ياسين /يا رب صبرني
محمود بضحك /ههههههه خلاص يا عم بفك عنك الحق عليا يلا سلام يا ابو بوكس
ياسين ابتسم غظبا عنه علي تصرفات محمود لانه عارف انه بيهون عليه
محمود خرج ومشي وماسك تليفونه وخبط في حد
البنت بالم /اه مش تحاسب
محمود فضل واقف متنح ومش بيتحرك وبيبصلها
البنت /دا مجنون دا ولا ايه انت يا استاذ انت ولا دكتور ولا بتشتغل ايه انت
محمود بانتباه /ها
البنت /ها ايه بقالي ساعه بكلمك وكمان حضرتك مش واخد بالك انك خبطني
محمود بانتباه /اسف جدا بس عشان كنت ماسك الموبايل
البنت بتهديد /اتمني بعد كده تبقا باصص انت ماشي فين بدل ما انت ماشي تخبط الناس كده
محمود برفعه حاجب /وبعدين ما انتي كمان مكنتيش مركزه…. واكمل بغمزة /ولا انتي كنتي قاصده بقا وكده
البنت بصدمه /نعم!!! قصدك ايه
محمود بمرح وثقه /عادي عادي انا عارف اني مز اصلا وحليوه ومفيش مني وعلفكره انا مش مرتبط
البنت /انت!!
محمود بابتسامه /ايه؟؟
البنت /محتاج تروح الصرايا الصفرا
وسابته ومشت
محمود في نفسه /يخربيت جمال امك وانتي عثل كده حد يخطف قلب حد كده
______________________
في مكتب الدكتوره نورهان
مالك خبط ودخل هو وحور بعد ما سمعوا اذن بالدخول
مالك /السلام عليكم
نورهان /وعليكم السلام اتفضلوا
مالك وحور قعدوا جنب بعض ومالك كان ماسك ايدها عشان يطمنها
نورهان بابتسامه /ازيك يا انسه حور
مالك بتصحيح /مدام
نورهان بحجرج /احم اسفه جدا مدام حور
حور بابتسامه /الحمد لله
مالك /ممكن اعرف حور هتبدأ جلسات أمته بالظبط والعلاج مدته اد ايه
نورهان بعمليه / انت طبعا عارف ان المدام حور عندها ورم في الدماغ صحيح ان الورم مش كبير اوي بس بردوا لازم نحاول نقضي عليه عشان مش ينتشر في الجسم كله
فاحنا هنبدأ بالكيماوي وهتبقا جرعه كل 3 اسابيع عشان ندي للجسم فرصه انه يتعافي منها والخلايا السليمه ترجع زي ما كانت والعلاج بيكون من 3 شهور او اكثر علي حسب الورم وفي حاله المدام حور ممكن يبقا عندنا فرصه عشان نعمل عمليه ونتخلص من الورم خالص
حور حست بالخوف ومالك حس بدا وضغط علي ايدها وبصلها وكأنه بيطمنها بنظراته
مالك /طيب هي حور هتبدا الكيماوي أمته
نورهان /النهارده ان شاء الله هتبقى اول جرعه
مالك /تمام
نورهان قامت /اتفضلوا معايا
حور ومالك راحوا مع نورهان اوضه تانيه وتليفون مالك رن
انجي /ايوة يا مالك انت فين انا في المستشفى
مالك بانتباه /متعصبه ليه
انجي /اما اجي المهم انتوا فين
مالك /الدور التاني الاوضه رقم 5
انجي /تمام
نورهان بعمليه /اتفضلي يا مدام حور
حور نامت ونورهان ومسكت ابره عشان تحطها في ايد حور
مالك عارف ان حور بتخاف من الحقن فراح قعد جنبها ومسك ايدها وهي حضنته بخوف ودموعها نزلت
مالك بص لنورهان بمعني يلا
حور بوجع /اه
مالك /اهدي يا حبيبتي خلاص دخلت
نورهان بعمليه /اول لما يخلص تقدري تخرجي يا مدام حور حمد لله على سلامتك عن اذنكم
مالك خرج حور من حضنه ومسح دموعها
حور بعياط /انا خايفه
مالك حضنها /هششش مش قولت مش عاوزك تخافي وانا جنبك… كله هيعدي وتبقي كويسه بس لازم تبقي قويه يا حوري و..
قطع كلامهم خبط علي الباب
مالك /ادخل
انجي دخلت وراحت ناحيتهم /السلام عليكم
حور خرجت من حضن مالك
مالك وحور /وعليكم السلام
انجي حضنت حور/الف سلامه عليكي يا قلبي عامله ايه الوقتي
حور /الحمد لله يا حبيبتي كويسه
انجي /من أحسن لأحسن بإذن الله يا قلبي
مالك /صوتك كان ماله
انجي /واحد بارد خبطني وانا جايه وواقف يقولي انا مز وانا بتنجان
مالك /اتاذيتي ومين دا اصلا
انجي /مش عارفه ممكن دكتور او تمرجي
حور /ههههههه زمانك ظبطتيه
انجي /حصل قولتله انت عاوز تروح الصرايا الصفرا وسبته ومشيت هي ناقصه قرف علي الصبح
مالك / بعد كده مينفعش تتكلمي معاه لانه ممكن يزود في الكلام معاكي وغلط يحصل كده والاحسن تسليه وتمشي لانه ممكن يبقا شخص مش كويس وياذيكي
انجي /معاك حق يا مالك
مالك /مش هتروحي الشركه ولا ايه
انجي /لا
مالك /فيه عقود محتاجه تتراجع عشان الثقاقات الجديده فلازم تروحي
انجي باعتراض /بس كنت عاوزة افضل مع حور
حور /روحي يا انجي وكمان مالك معايا
انجي بغمزه /اممم قولتيلي يعني اتزحلق انا يعني
مالك خبطها بخفه /بالظبط يلا بقا يا لمضه هانم
انجي /ماشي يا عم متزقش مش عاوزة حاجه يا حور
خور بابتسامه /سلامتك يا حبيبتي
انجي سابتهم ومشت
مالك بمزاح لكي يخفف عنها/انا بس اللي حبيبك مش حد تاني
حور بابتسامه/طبعا انت حبيبي وقلبي وروحي وكل حاجه ليا كمان
مالك حضنها /وانتي كل حياتي يا حوري
حور خرجت من حضنه /بس علفكره انا زعلانه منك
مالك /ليه بس يا حوري
حور /عشان المشكله اللي حصلت
مالك /ما انا اعتذرت
حور /مليش دعوه
مالك /طاب اصالحك ازاي طيب
حور /معرفش وابعد بقا كده
مالك شدها تاني لحضنه
مالك /طيب خليكي بس في حضني وانا عارف هصالحك ازاي
حور بعند /مش هتصالح
مالك /اخر كلام
حور/اه
مالك قرب من خدودها وباسها وهي وشها احمر
مالك بخبث /كده اتصالحتي ولا…
حور بسرعه /اه
وخبت وشها في حضنه
مالك بضحك /هههههههه ناس متجيش غير بالعين الحمرا
حور بنفي/بالعيون البني
مالك /ههههههه شكلي بتعاكس
حور /عندك مانع
مالك بضحك /بصراحه اه اصل مراتي بتغير عليا اوي
حور /يا جدع
مالك /تخيلي
حور /بحبك يا مالكي
مالك /انا بحبك اكتر يا قلب مالكك
__________________________
أمام منزل عائله النجار
أسر كان مستني فايزة علي الناحيه التانيه من الطريق ورن عليها عشان تنزل
أسر /الو
فايزة /ايوة يا أسر انت فين
أسر /انا تحت يلا انزلي
فايزة /تمام نازله اهوه
فايزة وهي تقبل جدتها /انا نازله يا تيته عاوزة حاجه
حسناء بعدم اطمئنان وقلب خائف /هو لازم تنزلي النهارده
فايزة بابتسامه /ايوة يا حبيبتي لان فيه محاضرات مهمه النهارده ولازم اروح
حسناء /ماشي يا بنتي بس خدي بالك من نفسك
فايزة /متقلقيش عليا يا قلبي يلا سلام
حسناء /سلام
وفايزة نزلت لاسر
حسناء بدعاء/ربنا يحميكي يا بنتي ويحفظك يا رب
فايزة نزلت ولقت أسر علي الناحيه التانيه من الطريق بصت ليه وابتسمت وهو شاور ليها
فايزة بصاله ومبتسمه وبتعدي الطريق ومش واخده بالها من العربيه اللي جايه ناحيتها
أسر بصراخ /فايزة حاسبيييييي
ووووووو……
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد