Uncategorized
رواية مالك قلبي الفصل الثاني عشر 12 بقلم بنت الصعيد
رواية مالك قلبي الفصل الثاني عشر 12 بقلم بنت الصعيد
 |
| رواية مالك قلبي الفصل الثاني عشر 12 بقلم بنت الصعيد |
رواية مالك قلبي الفصل الثاني عشر 12 بقلم بنت الصعيد
عند أمل
يوسف ….أمل عايزك ف موضوع مهم ممكن نخرج شوية نروح اي حتة
أمل ..ما تقول هنا عادي موضوع ايه خير
يوسف …لا مهو مش هينفع هنا اسمعي الكلام بقا من غير نقاش ويلا نخرج
أمل ….ماشي استني برا اغير هدومي ونخرج
بدلت أمل ملابسها وذهبوا الي نادي رياضي
يوسف ….أمل أنا حكيتلك أسبابي اللي خلتني اتجوز ..وقولتلك اد ايه أنا بحبك ومش هحب حد تاني
أمل انتي موافقة تتجوزيني ….
أمل ….بدون تفكير لا
يوسف ….ليه يا امل
أمل ….عشان انت مش عارف اد ايه أنا كنت بتعذيب لما عرفت انك اتجوزت كنت هتجنن ازاي أنا هنت عليك كده ببساطة ونسيت حبك ليا ووعدك ..انت جرحتني وانا مش قادرة اسامح
يوسف….ربنا بيسامح يا امل
أمل …واحنا بشر مش آلهة قالتها وانصرفت تلقائيا ويوسف لم يوقفها
_________________________________
عند سها
عمرو ….اخو سها اكبر منها…..سها ممكن افهم انتي ليه خلتيني اكدب علي حمزة واقوله انك رحتي اسكندرية
سها ….لو سمحت يا عمرو ممكن ما تسألنيش دلوقتي وانا لما احس اني عايزة احكي هحكيلك
عمرو …..طب فين دبلتك
سها ….أنا فسخت الخطوبة
عمرو ….مانا هتجنن انتوا علي طول بخناقتكم اشمعني بقا المرة دي اللي تفسخوا اكيد الموضوع كبير وحمزة نام تحت البيت في عربيته وشكله كان مخنوق اوي ..هي ايه الحكاية بالظبط…
سها …وتحاول تحبس دموعها …..عمرو أنا قلتلك مش هقدر اتكلم دلوقتي سيبني شوية مع نفسي وبعد ما اهدي هاحكيلك…
عمرو …قبل رأسها ….انتي عارفة انك مش بس اختي احنا اصحاب مش كده
سها هزت رأسها بالايجاب وتركها عمرو وخرج
وسها اخدت فون عمرو وكلمت أمل لانها قافلة فونها وطلبت منها أنهم يروحوا يباركوا ل مي
_________________________________
عند مي ومالك
مي …انا مبسوطة اوي أننا هنسافر شرم
مالك …اممم بس طبعا هنقعد اسبوعين بس عشان الدراسة. هتبدأ
مي. …مش مهم المهم اننا هتكون مع بعض لوحدنا وفجأة يرن جرس الباب
فتح مالك وجد سها وأمل
مالك ….اتفضلوا يا بنات
سها وأمل بخجل ….شكرا يا دكتور
دخلوا واول ما شافوا مي وارتموا ف حضنها كأنهم بيشكولها همومهم..مي حست أنه كل واحدة فيهم معاها مصيبة
مي … تعالوا اقعدوا
سها وأمل …مبروك يا مي ..وجلسوا وتركهم مالك ودخل مكتبه ليتركهم علي راحتهم
مي …خير وشوشكم ما تبشرش بالخير ابدااااا احكولي بقا
____________________________________
عند مليكة
كريم كان راكب عربيته وكان مستني مليكة تنزل عشان يتغدوا برا
مليكة ركبت العربية وكانت جميلة جدا وكانت حاطة روج وردي وهذا ما جذب انتباه كريم وظل ينظر إليها بهيام وفجأة وبدون مقدمات اندفع وقبلها ولكن تفاجأ بصفعة قوية منها
مما أثار جنونه
كريم ….مسك خده ….يا بنت المجنونة ايه اللي انتي عملتيه دا
مليكة مصدومة….اهو انت اللي ستين مجنون انت ازاي تعمل كده معايا
كريم يحاول يكتم غضبه …انزلي يا مليكة انزلي وامسحي الزفت اللي علي بئك دا ..
مليكة والدموع ف عينيها…أنا هنزل بس انت كمان امشي عشان أنا مش جاية تاني وفتحت باب السيارة ونزلت
كريم ضرب مقود السيارة..وتلقي اتصالا هاتفيا
كريم …..الو ايه يا ابني الندالة اللي انت فيها دي كده تختفي من الفرح امبارح وادور عليك فص ملح وداب
حمزة …بصوت مخنوق…أنا مستنيك ف الكوفي شوب تعالي بسرعة
كريم …مالك يا ابني صوتك كأنه حد مات لك ايه اللي حصل
حمزة …لما تيجي هاحكيلك
_______________________________
عند مي
مي ……ازاي حمزة الواطي يعمل كده أنا مش مصدقة بس بس يا قلبي اهدي دا ما يستهلش دمعة واحدة منك دا خاين وغشاش
سها كانت في حضن مي …تبكي بحرقة …أنا عملتله ايه عشان يجرحني كده أنا بحبه اوي اوي يا مي …وبعدين هو لو مش بيحبني ليه خطبني ليه اتحايل عليا ليه كان هيموت عشان نرتبط
مي ….وانتي يا امل انتي كمان ليه ما وفقتيش علي عرض يوسف ..أظن أنه عمل المستحيل وبيتحايل عليكي من وقت ما رجع من لندن وكفاية أنه عرف أنه غلط يبقي ليه الرفض وانتي لسة بتحبيه
أمل …و كرمتي فين من دا كله يا مي أنا حاسة اني استبن وقت ما يحتاجني عايزني اتجوزه ولما كان بعيد ما فكرش فيا خالص
مي …..بصي يا سها انتي مش لازم تتسرعي وتسيبي حمزة انتي ممكن تأديبه بطريقتك بس بلاش انفصال عشان خاطري …وانتي يا امل اهدي شوية وحطي كرامتك علي جمب وسيبي مشاعرك تقرر انتي عايزة ايه ..والله يا بنات اجمل حاجة انك تتجوزي الشخص اللي قلبك عايزه …دا الحب حلو اوي
نظرت سها وأمل لبعضهم ثم ل مي في وسط دموعهم انفجروا من الضحك علي صديقتهم التي أصبحت واعظ
مي بغيظ …انتوا بتضحكوا ليه ها بتضحكوا ليه وأخذت زجاجة مياه وأخذت ترش عليهم وبدأ صراخهم يعلوا ويركدوا ف الشقة كما اعتادوا أن يفعلوا منذ صغرهم وتناسوا مالك تماما وفجأة …
____________________________________
في كوفي شوب
كريم ….خير يا ابني انت مالك كده وايه اللي مدهولك كده
حمزة ….سها شافتني امبارح وانا بابوس مايا ف خطوبتك
كريم بصدمة….مايا مين؟؟؟؟؟!
حمزة ….مايا زمليتكم
كريم ….انت مجنون …انت ازاي تعمل كده اصلا أنا عارف انك نمس وماضيك قذر بس مايا دي صاحبت سها فانت يا اما عبيط يا اما مجنون
حمزة …وقف حمزة..أنا ماشي يا عم انت جاي تساعدني ولا جاي اتقطمني …جلس مرة أخري وقال …والله يا كريم مايا هي السبب هي اللي فضلت تلف ورايا لغاية ما وقعتني والغريبة بقا أنه بعد كده حسيت انها مش عملت كده عشان أنا عاجبها ولا حاجة لا .دي كانت عايزة تثبت ل سها اني خاين
كريم …طب اهدي كده واكيد هنلاقي حل
____________________________________
عند مي
فجأة ركد مالك مسرعا وفتح باب الغرفة عندما سمع صوت صراخ…فتصنم الثلاث فتيات من الخجل وقفن مكانهن
وهو شعر باحراج شديد لانه اخجلهم
مالك . يحاول يمنع ضحكته…احم …زي ما انتوا كملوا كملوا لعب ..قالها واغلق باب المكتب مرة أخري وبدأ يضحك وقال لنفسه …مش مي بس اللي طلعت طفلة
وهما شعروا بخجل شديد وملابسهم مبللة
سها …احنا لازم نمشي يلا بئا مبروك يا مي
أمل …ايوا صح يلا الف مبروك يا ميوش
مي… استنوا انتوا ازاي هتروحوا كده وهدومكو مبلولة ومش معاكو عربية…استنوا لحظة
اتجهت لغرفة المكتب ودقت الباب
فتح مالك
مي ….بخجل…مالك ممكن توصل سها وأمل علي بيوتهم عشان هدومهم اتبلت واحنا بنلعب
مالك ….اكيد يا حبيبتي…يلا يا بنات اتفضلوا
___________________________________
عند مليكة
مليكة بغيظ….ماشي يا كريم ولا اتصلت ولا عبرتني أنا قلت ..دي نزوة وهو مش بيحبني اصلا
سارة …جهزي نفسك يا مليكة عشان هنروح للعرسان لانهم بكرة مسافرين شرم
مليكة ….حاضر يا مامي
سارة ..انتي مش كنتي خارجة تتغدي برا مع كريم
مليكة ….لا. أنا حسيت اني تعبانة شوية فلغيت الغدا أنا هنام شوية يا ماما وبعدين اقوم اجهز اوك
سارة …اوك يا قلبي
________________________________
ذهبت عائلة مي وعائلة مالك وقضوا وقتا قصيرا ممتعا مع العرسان وانصرفوا …وحل الليل بهدؤه ونام الجميع
في الصباح ..في منزل مالك
استيقظوا وصلوا فرضهم سويا ف مي أدمنت الصلاة مع مالك..وجهزوا حقائبهم وانطلقوا الي شرم الشيخ حيث الطبيعة الخلابة قضوا اسبوعين عسل كانوا اجمل ايام في حياتهم منذ أن تقابلوا فاستطاع مالك أن يعوض مي فيهم عن كل سنوات الجفاء التي كان يعذبها فيها ويعذب نفسه
لقد اذاقها من بحور عشقه وحنانه وحبه لها الذي ليس له حدود أنها حبيبته وطفلته الصغيرة …
اخيرا انقضوا الاسبوعين وعادوا الي منزلهم للاستعداد لعام دراسي جديد
____________________________________
بعد يومين من العودة في الصباح
وتحديدا عند مالك ومي
مي نائمة ومالك يحاول ايقاظها
مالك …مي قومي يا قلبي بلا بطلي كسل ورانا جامعة
مي بنوم …مالك حبيبي سيبني نايمة شوية عشان خاطري
مالك …يلا يا كسلانة أنا جهزتلك الفطار قومي بقا
ولا اقولك خليكي نايمة وماتروحيش الجامعة عشان اعرف ابصبص للبنات براحتي
وما أن سمعت هذه الكلمة وهبت واقفة وركدت تجاه المرحاض ….أنا قمت خلاص اصلا أنا صاحية
ضحك مالك بصوته كله
وبعد ذلك صلت مي وانهوا طعامه سويا ودخلت مي غرفة النوم لتبديل ملابسها ..ومالك دخل مكتبه ليحضر بعض أوراقه ومتعلقاته…
مي …مالك أنا خلصت يلا بقا عشان مانتأخرش
مالك كان خارج من مكتبه ويقفل في ساعته ونظر بصدمة لمي وقال بصوت حاد
مالك …بحدة…..مي ……..
تم
تم
تم
تم
تم
تم
تم
تم
تم
تم