رواية من قلب الظلام الفصل الثالث عشر 13 بقلم منة الله محمد

رواية من قلب الظلام الفصل الثالث عشر 13 بقلم منة الله محمد

رواية من قلب الظلام البارت الثالث عشر

رواية من قلب الظلام الجزء الثالث عشر

رواية من قلب الظلام الحلقة الثالثة عشر

وبعد ما حنين حكت كل حاجه قالتها يمنى انهرت انا من العياط وكنت حسه نفسى غبيه قوى ومشيت ورا وحده غبيه دمرت حياتى .
نور :
حنين أنا أسفه جدا على كل الغباء إلى انا عملته معاكى لو كنت سمعت كلامك ماكنش كل ده حصل .
حنين :
دا مش وقت الكلام دا يا نور احنا لازم نلاقى طريقة تتعالجى بيها و من غير ما أهلك يعرفوا .
زياد :
ودى المفروض نعملها ازاى .
حنين :
انا عرفا ازاى ،
فكره يا نور الدكتور إلى كان علي طول بيقول لعمو ولخالتو أنك محتاجه علاج نفسي وهما كانو يرفضوا ، انا اتكلمت معاه من فتره وشرحتله وضعك كله على أساس انه يساعدنا أنك تتعالجى عند دكتور نفسى من غير ما حد يعرف لإنه أصلا عارف موقف أهلك وكان عايز يساعدك بأي طريقة .
نور :
تمام يا حنين كلميه و خليه يجى بسرعة .

وفعلا كلمت حنين الدكتور محمد علشان يجى يساعدنى.
الدكتور محمد :
ازيك يا نور حنين حكت ليا على كل حاجه و أن دلوقتى احنا محتاجين علاج للإدمان .
نور :
يا دكتور لو سمحت انا عايزه أخلص من الوجع إلى انا فيه ده
الدكتور محمد :
انشاء الله ها تتعالجى يا نور بس لازم تعرفى أن العلاج صعب ومحتاج منك صبر و إصرار .
دلوقتى انا عارف ظروف البيت عندك انت ها تدخلى مصح اسبوع بس وبعد كده انا هأعرف اطلعك وتكملى العلاج فى البيت بس لازم يكون فيه دكتور متخصص يشوف حالتك ويقيم درجة الإدمان وانواع المخدرات إلى انت كنت بتخديها لإن إللى انا فهمته من حنين أنك ماكنتيش تعرفى انت بتشربى ايه.
نور :
تمام يا دكتور ها اروح المصح امتى .
الدكتور محمد :
حالا يا نور اه بس فى حاجه مهمه لإن أهلك لو عرفوا ممكن يخلوكى تبطلى العلاج احنا عملنا الورق فى المصح بإسم حنين .

نور :
شكرا يا دكتور.

حنين شكرا ليكى جدا انت فعلا أغلا حد فى حياتى كلها .

حنين :
انت أختى يا نور وصحبتى من يوم ما اتولدت يعنى غلط أنك تشكرينى .

وبعد كده رحنا على المصح والدكتور محمد كان متابع معايا كل حاجه خطوه بخطوه لإن بعد ما أطلع من المصح هو ها يكون المسؤل عن علاجى فى البيت .
اما بالنسبه لأهلى فا بابا للأسف طلع عنده نزيف داخلى و اعضاء متضرره فا كان لازم يفضل فى المستشفى فتره اطول وماما كانت هناك معاه و بتتطمن عليا فى التليفون .

بعد اسبوع فى المصح خرجت بمساعدت الدكتور محمد وفضل زياد وحنين بيساعدونى وهما كمان إلى كانو مغطين على غيابى لمده اسبوع من البيت .

لما رجعت البيت كان الدكتور محمد بيجى لما عمى وخالتى يخرجوا من البيت علشان يتابع حالتى وبعد شهر كانت حالتى اتحسنت كتير وكان فاضل مده بسيطه فى العلاج وكمان بابا خرج من المستشفى ورجع هو وماما البيت و بطل الدكتور يجى وكنت أنا باخد علاجى فى البيت وبقابل الدكتور لما أخرج .

الدكتور محمد :
مبروك يا نور دا اخر قرص علاج ليكى حافظى عليه وخدى الدواء فى وقته .
نور :
شكرا جدا يا دكتور انا مش عرفا المفروض اشكرك ازاى .
الدكتور محمد :
نور انت زى اختى الصغيره وكان لازم أساعدك دا ملفك إللى كان فى المصح خبيه كويس علشان أهلك ولأن الملف بإسم حنين يلا سلام دلوقتى .

وبعدها كانت امتحانات اخر السنه قربت وانا الحمد لله مش عرفه أى حاجة فى المنهج بس الحمد لله حنين ساعدتنى شويه ونجحت فى السنه دى .

وبعد كده مرت باقى سنين حياتى عاديه مفيش اى حاجه حصلت غير انى دخلت ثانوي عام ممكن نقول إن أكبر كرسه فى حياتى حصلت بعد امتحانات الثانويه العامه ليا انا وحنين .

حنين :
نور انا خايفه قوى من الدرجات .
نور :
خايفه ليه يا حنين انت مشاء الله عليكى شطره قوى وانشاء الله تجيبى مجموع كبير .
حنين :
انشاء الله يانور

وفى نفس اليوم بالليل حصلت حاجه غريبه قوى
جه شاب غريب باين عليه أنه مش طبيعي والأغرب انه جاى يتقدم لحنين .
بس عمى طبعا رفضه لإنه كان شخص مش كويس وكمان حنين عايزه تكمل تعليم .
نور :
هههههههههههه عريس الغفلة دا كان قمر يا حنين تحفه
حنين :
والنبي بطلى ضحك وتريقه يا نور دا بجد كان تحفه ، تحفه من التحف اوف .
وخلص اليوم على كده وتانى يوم انا وحنين كنا سهرانين على سطح البيت وانا تعبت شويه وكنت محتاجه نوع دوا وأهلى ماكنوش يعرفوا انى باخد دوا أصلا تبع الإطرابات النفسيه فا حنين قررت تاخد الروشته وتروح تجيب الدواء بس احنا كنا متأخر شويه .
حنين :
نور انا نزله اجيب الدوا بتاعك انت محتاجه دلوقتي وبسبب غبائك نسيتى تقولى أن الدواء خلص واديكى محتاجاه دلوقت .
نور :
خلاص يا حنين بقا والله نسيت أن الدواء خلص وكمان انا طول الوقت همى اخبى الدواء عن أهلى وبعدين خلاص استنى لبكره الوقت إتأخر.
حنين :
لا لازم اجيبه وتخدى دواكى فى وقته احسن ما يحصل تأخير فى حالتك . وكمان لازم نشوف حل الفلوس إلى معانا قربت تخلص وعمى وخالتى لو أخدوا بالهم أن معظم الدهب إلى كانو بيجبوه ليكى مش موجود ها تحصل مصيبه .
نور :
خلاص يا حنين تمام روحى دلوقتي هاتى الدواء .

راحت حنين تجيب الدواء ودى كانت أخر مره هأتكلم مع حنين فى حياتى كلها.

يا ترا ايه إلى ها يحصل مع حنين ؟!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية من قلب الظلام)