رواية حنين الفصل الحادي عشر 11 بقلم نورسين محمد

في ڨيلا عبد الكريم 

غنيه : يا فضه ابوكي رچع اني طالعه انام .. خلي بالك مع بت عمك .. عوزاش حاچه يا حنين 

فضه : متقلقيش عليها ياما .. ف عينياا التنين 

حنين : لأ شكراً .. انا كمان هطلع 

غنيه : علي راحتك يا بتي .. تتصبحوا بالخير 

فضه : وانتي من اهل الخير ياما .. تعال يا ولدي نطلع فووج

 يتوجه الجميع كل منهم لغرفته 

اما فضه تتوجه لغرفة حنين بعد ساعتين تقريباً .. تدق علي الباب 

حنين : مين ؟؟ 

فضه : آني فضه يا بت عمي 

حنين : اتفضلي .. ادخلي 

فضه : بجول اييه .. انتي هتنامي دلوك ؟؟ 

حنين : لأ .. انا سهرانه شويه 

فضه : طيب بما ان الرچاله مسافرين .. تعالي اقعدي معايا ولو حبيتي نامي چاري 

حنين تبتسم وتهز رأسها بالموافقه .. يتوجهوا لغرفة فضه حيث جهزت المسليات من المكسرات والشيكولاته والفاكهه المتنوعه والعصائر والبيبسي 

حنين : انتي عندك حفله 

فضه : اه .. عندي احلي حنين .. كونت عارفه انك هتسهري معاي .. ياله يا حبيبتي كُلي اللي تشتهيه ولو عاوزه حاچه غير اكده جولي والله لو طلبتي لبن العصفور لأچيبه بس انتي اطلبي اي حاچه

حنين تبتسم وتشعر بحبها .. لا .. لا .. كده كويس  

هشام : تعالي يا حنين نلون الرسم .. 

حنين : موافقه هات الالوان 

يلونوا بعض الوقت ويلتقطوا حبات المكسرات والفاكهه وتشاهدهم فضه وهي سعيده لرؤيتها حنين تأكل مع هشام

هشام : اني تعبت .. هنام بقاا 

فضه : قوم يا ولدي علي الحمام غسل سنانك زين وتعال

هشام : حاضر ياما .. ويتوجه لتنظيف اسنانه ثم يعود .. ياله ياما حكيلي حدوته 

فضه : دقايق وهفضالك هو متعود بس لما ابوه بيسافر انما غير اكده بينام لحاله 

حنين : لا ولا يهمك علي راحتك 

يصعد هشام الي الفراش وبجواره فضه .. يدخل في حضنها وتحكي له حدوته

فضه : كان ياما كان يا سعد يا اكرام ولا يحلي الكلام اللي بذكر النبي عليه الصلاة والسلام 

هشام وحنين : عليه الصلاة والسلام .. تتنبه حنين 

فضه : كان في طفل جميل .. عيونه حلووين .. متعود كل يوم يروح يجعد تحت التوته .. وف يوم من الايام سمع صوت ضعيف .. فضل يدور لحد ما لقي قطه صغيره .. واجعه ومتعوره ورچليها مكسوره ..

هشام : وبعدين ياما عيمل اييه ؟؟

فضه : شالها وحطها چاره تحت التوته عشان يحميها من الشمس .. وبعدين فكر شويه وچري عند النچار اللي چنب بيتهم وأخد منه خشبه وراح لأمه وأخد منها جوماشه قديمه ورچع للقطه ومعاه مايه ووكل 

وچبر رچليها وأكلها وسجاها وبقاا كل يوم يروحلها مره الصبح ومره بالليل لحد ما خفت واتعافت واخدها البيت حممها وبجت صاحبته وبتمشي ف ضله منين ما يروح تروح وياه وتوته توته فرغت الحدوته ..

ثم تتوجه لحنين التي كانت تختلس النظر إليها من حين إلي آخر وهي تحتضن هشام بحنان .. خلاص نام الحمد لله .. هاه تآچي انتي كمان احكيلك حدوته 

حنين تبتسم بأنها موافقه حيث تفتقد حضن والدتها منذ ان سافرت وتركتها لأحزانها 

فضه تفتح ذراعيها وتشاور لحنين لكي تدخل هي الاخري حضنها حيث شعرت بها وبوحدتها وافتقادها لأمها 

واذا بحنين تجري لتدخل بين ذراعيها وتحتضنها وتنام علي صدرها 

حنين : تبكي بهدوء وتنزل دموعها

فضه : تحتضنها اكثر ما تبكيش يا حبة عيني اني چارك

اقولك هحكيلك حدوته حلوه هتعچبك 

حنين تهز رأسها بالموافقه 

فضه : من زمان قوي ومنصور وادهم صحاب مقربين اووي من بعض .. مكنش بيفرجهم بس غير وقت النوم 

وف مره من المرات كان منصور عندينا وقالي اني رايدك وكنا صغار وجتها 

سيبته ومرديتش عليه .. هو خاف لأقول لأدهم ويتعاركوا مع بعض .. يروح هو بقاا يقوله اني رايد فضه وهحبها من زمان .. وهتزوچها وبجولك من دلوقت عشان تبقاا عارف .. فضه لياا أني ومهسبهاش لحد يآخدها مني .. هههههه علي فكره هو اللي حكالي بعد ما اتچوزنا 

ادهم وجتها كان اكبر من منصور بسنتين .. فقاله اما نشوف هتعمل اييه عشان تآخدها 

تعدي الايام والسنين وهو بيآچي الڨيلا مع ادهم وابوي بأي حچه عشان يشوفني هو كان عارف اني عشقاه ومستنياه اما يخلص دراسته وييچي يتقدملي 

وبعد ما خلص راح لأدهم وطلبني منه الاول وقاله اتكلم معاها لو موافقه هكلم عمي ولو مش موافقه بقاا يبقاا خلاص .. ولجيت ادهم چاي يقولي 

فضه اييه رأيك ف منصور واد خالتك ؟؟

احمريت واخضريت ووشي چاب ألوان وعريقت ومبقتش عارفه ارد عليه 

فقالي ساكته ليه ؟؟

قولتله عاوزني اقول اييه يا خوي ؟؟ ورأيي ف اييه ؟؟ اني مفهماش 

قالي شوفي يا بت والدي .. منصور رايدك من زمان وهو دلوقت طالبك علي سنة الله ورسوله .. اييه رأيك اقوله يقابل ابوكي ولا ليكي رأي تاني ؟؟

اني سكتت ومرديتش فقالي طيب خلاص هقوله انك مش موافقه .. تنحت واما جيه يقوم قولتله لاه اني موافقه قالي ما كان من الاول ماني عارف انك عشجاه هتداري علي .. وباركلي والحمد لله اتچوزنا وعايشين ف خير ما بعده خير  

حنين : ربنا يهنيكي ويسعدك .. أ ..أ ..

فضه :قولي .. عاوزه تقولي أييه ؟؟

حنين : لأ .. خلاص ولا حاجه 

فضه : لاه .. في حاچه 

حنين : هو انتي ممكن تحكيلي عن ادهم ؟؟

فضه : ااااه .. مش تقولي أكده من بدري .. مستحيه ليه ؟؟ 

شوفي يا سيتي ادهم زينة شباب قناا .. منين ما يمشي انظار البنته ما بتنزلش من عليه .. بس هو ولا بيعنيله شي .. هو من زماااان قوي .. من لما كان صغير وقلبه متعلق بواحده بس .. هي اللي واخده قلبه وعقله ومع انه مكنش بيشوفها غير مره كل شهر .. بس روحه كانت متعلقه فيها .. بيعيش طول الشهر علي المره اللي بيشوفها فيها .. بسمعه وهو بيقول فيها شعر وهو هيمان بحوبها .. بس هي مكنتش عارفه انه بيحبها ولا حاسه بيه 

تنتبه حنين لكلامها وتسأل : ادهم بيحب وعاشق .. مين دي ؟؟ 

فضه : دي يا سيتي تبقاا نانا 

حنين : نانا !! نانا مين ؟؟ دي موجوده هنا في قنا ؟؟

فضه : هي بقت موجوده ف قناا .. الاول كانت ف مصر 

حنين : انا مش فاهمه حاجه .. انتي تقصدي مين ؟؟ 

فضه : اني اقصدك انتي يا نانا .. ادهم عاشقك انتي ومحدش ساكن قلبه وعاقله وروحه غيرك انتي .. 

تبكي حنين : ادهم بيحبني انا كل الحب ده .. طيب ليه مش عاوز يسمعني ؟؟

فضه  تحتضنها قوليلي يا حبة عيني .. اني مستعده اسمعك للصبح .. قوليلي ليه باكيه علي طول .. من يوم ما چيتي وانتي حزينه .. حابسه نفسك ومش بتشوفي حد .. قاطعه الزاد اما خسيتي .. انتي مكنتيش عاوزه ادهم ؟؟ غصبوكي عليه ؟؟ قوليلي اللي چواكي 

حنين : لأ .. محدش غصبني عليه 

فضه : طيب حكيلي اني چارك .. قوليلي ادهم مزعلك ؟؟ اني سمعته مره غصب عني وهو بيزعق معاكي

حنين تشعر بالأمان من كلام فضه وتقرر ان تحكي لها 

حنين :  انا هحكيلك علي كل حاجه .. انا في ف حياتي سر ميعرفهوش غير ماما وبابا وادهم وانتي هتعرفيه دلوقت .. وتحكي لها عما حدث معها

تبكي فضه وتحتضنها يا قلبي عليكي .. يبعتله اللي يفضحه انشاله .. انتي غلطانه ليه ساكتي كنتي لازم تقولي الحقيقه .. لازم يعرفوا انك مظلومه .. لازم يرچعولك حجك منه .. وادهم كمان لازم يعرف الحقيقه 

اني هقوله علي كل حاچه .. 

حنين : لأ .. اوعديني انك متتكلميش معاه ولا تحكيله حاجه .. بلاش تخليني اندم اني حكيت حاجه .. واللي ربنا اختاره هيكون انا راضيه بإختياره .. انا حاولت اكتر من مره احكيلهم مفيش حد سمعني ولا حتي امي .. خلاص بقاا 

فضه : خلاص يا بت عمي علي راحتك ..اوعدك مش هقوله حاچه ..ياله نامي چاري بلاش تروحي اوضتك 

حنين تحتصنها وتذهب في ثبات عميق وكأنها استقرت وشعرت بالامان الذي افتقدته

تنقضي الليله وحنين في غرفه فضه .. وفي الصباح 

فضه بإبتسامه : جومي يا ست البنات عشان توفطري 

حنين : بس انا مليش نفس 

فضه : لاه .. مفيش حاچه اسمها مليش نفس .. انتي عاوزه المتيم بتاعك يبهدلني .. والله والله ده موصيني عليكي 

*** فلاش باك *** 

ادهم : اتصبحتي بالخير يا فضتي 

فضه : يصبحك ويربحك ويملا قلبك سعاده وفرح يا قلب فضتك .. عامل اييه يا قلب اختك ؟؟

ادهم : ف نعمه من ربي الحمد لله 

فضه : علي لسانك حديت عاوز تقوله

ادهم : اني هغيب عن حنين يومين .. عاوزك تخلي بالك منها .. لو طلبت اي حاچه تنفذيها .. متتأخريش عليها ف شي ومتسبيهاشي قاعده لحالها طول الوقت .. لازم تآكل وسطيكم .. شربيها لبن الصبح .. عاوز ارچع ألاجيها زينه 

فضه : يا عيني يا عيني ع الحب .. حاضر يا خوي .. كلامك اوامر 

نرجع لأحداثنا 

في الاقصر يتوجه ادهم ومنصور لإنهاء باقي الاوراق الخاصه بأعمالهم .. وقت العصر يتوجه ادهم لإستلام السلسله 

ادهم : الله عليك .. تسلم يدك يا واد عمي .. طلعت احلي من اللي اتوقعته .. اني محتاچ منك طلب كمان معلش هتعبك معايا بس اني غريب عن أهنه 

البائع : لاه .. مفيش تعب اؤمر 

ادهم : عاوز علبه قطيفه علي شكل سبت صغير له يد .. ألاقي عنديك منه ؟؟

البائع : لاه بس استنظرني دقيقتين هجيبلك وآچي انا معنديش الشكل ديه بس هچيبلك 

يخرج وبعد نصف ساعه يعود ومعه ثلاث علب قطيفه بألوان مختلفه بالشكل اللي طلبه ادهم 

ادهم : أتأخرت قووي يا واد عمي 

البائع : كنت بدور عليها .. لولا اني شايفك مستعچل مكنتش سيبت المحل ومشيت 

ادهم : كتر خيرك .. اني هآخد الزرقاا دي .. حسابنا كام 

العامل : الحساب ……

ادهم : اتفضل يا واد عمي حسابك وبالزياده كمان .. سلاموا عليكوا 

العامل : يفرح بالمبلغ ويتهلل وجهه فرحاً .. طريج السلامه يا واد عمي