رواية نغم المعتز الفصل الثالث 3 بقلم سهيلة ياسر

رواية نغم المعتز الفصل الثالث 3 بقلم سهيلة ياسر

رواية نغم المعتز البارت الثالث

رواية نغم المعتز البارت الثالث

رواية نغم المعتز الحلقة الثالثة

الجديد جه وكانت مفاجأه ….
المالك كان شاب صغير يعني في أواخر العشرينات تقريبا بس الغريبه انه كان بيتكلم ولا كأنه راجل عجوز عنده خبره طويله خلصنا اجتماع وكل واحد فينا راح على شغله…..
تليفوني رن برقم غريب رديت مع كتر الاتصال
نغم : ألو
_ انتي عملتيلي بلوك
نغم : هو انت …. بص يا بن الحلال انا ملييش في اللف والدوران انا مش هنفعك بحاجه حتى الكلام انا مبتكلمش فمتتعبش نفسك…
_ ومين قال اني عاوز منك حاجه
نغم : امال انت مصدعني اتصالات ليه
_ بحب اسمع صوتك….
نغم : طيب يا عم النحنوح انا هقفل عشان عندي شغل….
_ لا متقفليش خليني معاكي عالخط…
نغم : نصيحه مني غير الصنف الي بتشربه ده اصله مضړوب… قفلت السكه تاني في وشه وعملت بردو لرقمه بلوك وروحت على شغلي….
بعد ساعه لقيت مديري بيستدعيني رحتله واتفاجأت لما دخلت المكتب اخر حد كان ممكن اشوفه فالمكان ده……..
دخلت المكتب الي فيه مديري واتفاجأت لما لقيت مازن خطيبي السابق…..
نسيت اقولكم انا كنت مخطوبه من سنتين بس سبته قبل الفرح بشهر انا لغايه دلوقتي مش عارفه انا حبيته فعلا ولا لأ المهم انا سبته فالاخر…
مديري اول ما دخلت سابنا وطلع وقالي
_استاذ مازن هيقولك انا بعتلك ليه
سابنا لوحدنا وخرج….
مازن : اتفضلي اقعدي يا نغم…
نغم : لا انا مش عاوزه أقعد ياريت تقولي حضرتك جاي ليه عشان انا مش فاضيه وعندي شغل…
مازن : عادي ممكن اخليهم يدوكي النهارده اجازه…
نغم بأستهزاء : هههه بص يا مازن بلاش تقعد تتفشخر بامكانياتك وفلوسك وانك تقدر تعمل ايه ومتعملش ايه انا ولا هرجعلك ولا عاوزاك….
مازن : على الاقل اسمعيني يا نغم….
نغم : اسمعك لما هيكون في مبرر مقنع هتقوله انما انت مبرراتك كلها ملهاش اي لازمه…
مازن : انا اتغيرت يا نغم صدقيني وهعوضك عن اي حاجه عملتها فيكي…
نغم : اتغيرت ماتغيرتش لنفسك تمام
مازن : بس!!
قاطعته نغم قبل مايكمل
نغم : بص يا بن الحلال انا قولتهالك وهقولهالك تاني انا مش هرجعلك… سلام
روحت : ناحيه الباب وكنت هخرج
مازن : استني…… لو مشيتي دلوقتي هتندمي يانغم…
نغم بتحدي ووجع : انا عمري ما ندمت في حياتي قد ما ندمت اني عرفتك……
خرجت وسيبته وجريت عالحمام وفضلت واقفه قدام المرايه بعيط انا زعلانه اوي على نفسي..
فلاش باك
نغم : مين الي بيتصل بيك ده يا مازن
مازن بتوتر : ده …… دي ….دي واحده عميله عندي فالشغل…
نغم : ومسجلها باسم يوسف
مازن : اصل اسمها زينب يوسف ومعايا فالشغل كذا بنت اسمها زينب فقولت اختصر….
قاطعها قبل ماتكلم
مازن : يلا يا حبيبتي نروح نشوف ديكور الفيلا
نغم : ماما هتقابلنا على هناك
مازن : وليه ماما هو انا هكلك وبعدين ما في عمال هناك…
نغم : انا بحب اخد رأيها وافرحها معايا
مازن: ماشي يلا بينا
بعد وقت وصلنا الفيلا وماما كانت معانا…. كانت العمال في كل مكان بيظبطوا اللمسات الاخيره بس كمان كانت موجوده مهندسه الديكور الي كانت مسئوله عن شغل الفيلا اضايقت اول ما شوفتها بصراحه انا طول الوقت مكنتش برتحلها….
طلعنا انا وماما الدور الي فوق
عشان نتفرج على الاوض بس نسيت شنطتي ورجعت اخدها وكان مازن لسه واقف مع المهندسه دي وقبل ما ادخل الاوضه سمعت كلامهم الي قلب حياتي كلها…
مازن : هو مش انا قولتلك متكونيش هنا اول ما نيجي….
_ كنت عاوزه اشوف ست الحسن والجمال الي هتبعني انا وابنك عشانها….
كنت مصدومه ومش فاهمه الكلام …
مازن مسكها جامد من دراعها واتكلم بعصبيه
لو كلمه واحده وصلت نغم هيكون اخر يوم في عمرك ……. واعملي حسابك بكره هنروح لدكتور ادم ابو المجد وهنزل الزفت ده… وبعد كده تنسي اني عرفتك في يوم من الأيام….
_عاوز ترميني وتقتل ابنك بعد ما اخدت كل حاجه. .
مازن بقولك ايه جو الصعبنيات ده مبقاش بيخيل عليا اتفضلي*****

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نغم المعتز)