رواية حب الماضي الفصل الحادي عشر 11 بقلم مارينا علي

رواية حب الماضي الفصل الحادي عشر 11 بقلم مارينا علي

رواية حب الماضي البارت الحادي عشر

رواية حب الماضي الجزء الحادي عشر

رواية حب الماضي الحلقة الحادية عشر

-برافو ياجنة بجد برافو
ردت جنة بعدم فهم: برافو على ايه يافارس؟
فارس: على الل انتى عملتيه يابنت خالتى
ادركت جنة هو يقصد ايه
جنة : فارس انت مضايق منى عشان اتفاقى مع كارمن صح؟
فارس: مش هتفرق انتى مش وافقتى وخلاص فمش هيفرق رأيى بحاجة
جنة بندم: بجد انا اسفة يافارس بس كان لازم اعمل كدة عشان اثبتلها ان مازن عمره ماهيحبها حتى لو كان فاقد الذاكرة
فارس بلوم: طب وانا ياجنة مفكرتيش فيا؟ انا اجوزت كارمن بس عشان ابعدها عنك بس انتى بغبا*ءك رجعتيها تانى لحياتكم…. انا اجوزتها علشان تبعد عن حياتك عشان اساعدك… وانتى مراعتيش مشاعرى وانتى بتقربى مراتى من واحد تانى الل هو جوزك
جنة بتبرير: يافارس افهمنى
فارس بهدوء بس مش عايز اسمع حاجة انا ساعدتك كتير ياجنة بس مش هقدر اساعدك اكتر من كدة لان كرامتى الل انتى وكارمن دستوا عليها اهم حاجة عندى
جنة بحزن: هتتخلى عنى يافارس!
فارس : انتى اتصرفتى بتلقائية وسذاجة من غير حتى ماتفكرى فى نفسك او جوزك افتكرى انك انتى الل عملتى فى نفسك كدة
جنة: ليه بتقول كدة يافارس؟
فارس: كارمن مش سهلة زى مانتى مفكرة… وبعدين انتى صدقتى فعلا انها هتسيبكم فى حالكم لو مازن اختارك ده بالعكس هتتجن*ن اكتر انتى متعرفيش كارمن كويس
حست جنة بالتوتر وان ممكن يكون فارس معاه حق وهل ياترى هيا غلطت فعلا انها توافق على اتفاق زى ده ومازن اساسا كان ملكها يعنى هيا مش مستفادة حاجة من ده بالعكس هيا الخسرانه
*********************
دخلت كارمن اوضتها كان فارس قاعد على الكرسي بكل هدوء خافت كارمن من نظراته ليها
كارمن: مالك يافارس فيه ايه بتبصلى كدة ليه؟
قام فارس من على الكرسى وبدأ يقرب منها وبشكل مفاجئ لوى دراعها
كارمن بألم: فارس سيبنى حرام عليك بتعمل فيا كدة ليه؟
فارس: انا كنت عارف انك قذ’رة بس انك تبقى على ذمة راجل وبتفكرى تقربى من واحد تانى فدى تبقى خيانة
كارمن بصدمة والم: جنة الل قالتلك!
فارس: مش مهم عرفت ازاى المهم انك طلعتى حقير’ة اوى
كارمن بألم : وانت يعنى الل ملاك انت ناسى انك اجوزتنى تحت تهديد السلاح عشان خاطر بنت خالتك
ضغط فارس اكتر على دراعها
-وهصلح الغلطة الل عملتها ياكارمن هطلقك
ضحكت كارمن بااستهزاء
كارمن: انت متقدرش تطلقنى يافارس عشان انت بتحبنى
فارس: انا بحبك انتى!
كارمن: ايوا يافارس حتى لو معترفتش بده بس انا متأكدة انك بتحبنى عشان كدة غيران عليا
فارس بسخرية: انتى مريضة نفسية ياكارمن محتاجة انك تتعالجى من ساعة مانتى ومازن سيبتوا بعض وبقت تصرفاتك كلها جنو’نية ومستعدة تعملى اى حاجة عشان ترجعلى مازن ليكى
كارمن بهوس: ايوا ده صحيح لان مازن ملكى من البداية وجنة مفروض تخرج برة حياتنا
فارس: انتى وجنة حرين مع بعض انا خرجت برة اللعبة دى بس الحرب دى عمرك ماهتكسبيها ياكارمن بسبب الحقد والسواد الل مالى قلبك…. انا خلاص مش عايزك فى حياتى
كارمن بسخرية: اوك يلا طلقتنى!
فارس:……….
كارمن: ايه مستنى ايه؟ مش قولتلك انك متقدرش تطل..
-انتى طالق ياكارمن
كارمن بفرحة ظاهرية: احسن برضو متتصورش انا مبسوطة اد ايه
وبعدها خرجت ومشاعرها متلغبطة بس طردت كل افكارها واقنعت نفسها انها بتحب مازن بس متعرفش ان ممكن يكون مازن مش حب انما مجرد تحدى بس بالنسبالها
**********************************
بعد مرور شهرين
مازن انا عملتلك الاكلة الل بتحبها بيتزا دوقها وقولى رأيك
قالتها كارمن بمرح
مازن: انا بحب البيتزا؟
كارمن: يااه يامازن ده انت كنت بتعشقها وخصوصا بئا من تحت ايدى
خد مازن داقها
كارمن بمرح: ايه رأيك بئا؟
مازن: طعمها وحش اوى
كارمن بصدمة: وحشة بجد!
مازن: ايوا الاكل الل جنة بتعمله احسن…. صحيح انتى مين؟
كانت جنة ماسكة ضحكتها
كارمن: يووه يامازن هفضل افكرك دايما بيا انا كارمن بنت عمك
مازن: ايوا ماشى …. جنة ممكن تعمليلى اكل من الحلو بتاعك
جنة بحب: من عيونى ياحبيبى
وشدت كارمن من ايديها تخرج معاها
كارمن بملل: انتى مش بتسبينى اقعد دقيقة مع مازن لوحدنا
جنة: مازن جوزى… والصراحة انا مش بوثق فيكى
كارمن بااستفزاز: مش ملاحظة ان مازن بدأ يعجب بيا
جنة بسخرية: انتى شكلك عا’مية بئا مازن مش طايق وجودك
كارمن: هو قالك كدة؟
جنة: لا بس حسيت
كارمن: ممكن ابات معاكى النهارده عشان احضر لحفلة عيد ميلاد مازن
جنة برفض: لا طبعا مش مسموحلك تقعدى فى بيتى تيجى زيك زى الضيوف بكرة
مر اليوم على خير وجه يوم عيد ميلاد مازن والل هيحصل فى اليوم ده هيغير حياتهم كلهم
كارمن: فارس احنا ممكن نكون صحاب؟
فارس: ليه؟
كارمن بارتباك: ي يعنى مش عايزة اخسر صداقتك
فارس ببرود: مش هتفرق
مازن: ممكن الكل يسمعنى كنت حابب اقول حاجة
انتبه الكل لمازن خصوصا جنة و كارمن كان مازن ماسك المكرفون
طلع مازن علبة وفتحها كان فيها خاتم جميل
مازن: انا ههدى الخاتم ده لحبيبتى الل دايما تهتم بيا صحيح انى فقدت الذاكرة بس وجودها جمبى منحنى حياة تانية حبيبتى تبقى…
جنة وكارمن بصوا لبعض وبعدين رجعوا بصوا لمازن وكل واحدة قلبها بينبض بعنف ياترى مين الل قلب مازن اختارها
مازن بحب: حبيتي تبقى جنة… بحبك اوى ياجنة انتى اجمل هدية من ربنا ليا
جنة دموعها كانت بتنزل بغزارة بس كانت دموع الفرحة ان مازن بقى بيعشقها زى ماهيا بتعشقه حضنها مازن ولبسها الخاتم كل ده وكارمن كانت بتبص بهدوء بوجه خالى من اى مشاعر قربت كارمن منهم
كارمن: مازن
انتبه مازن وجنة ان كارمن كان معاها سكينة وبتقرب من جنة فوقف مازن قدام جنة بخوف عليها
جنة بخوف : سيبى السكينة من ايدك ياكارمن انتى ليه بتعملى كدة؟
مازن:لو عايزة تأذى أأذينى انا بس سيبى حبيبتى فى حالها
كارمن بدموع: للدرجادى بتحبها يامازن؟ طب وانا حب عمرك؟ ازاى محبتنيش ليه يامازن؟ ليه محدش بيحبنى ليه طول عمرى وحيدة ماما سابتنى وبابا انا مكنش ليا غيرك
مسحت دموعها بعنف وبصتلهم بحقد
بس خلاص كل ده هينتهى وقبل مايستوعبوا اى حاجة كانت كارمن رفعت السكينة وغرستها فى بطنها
يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب الماضي)