Uncategorized
رواية حنين الفصل العاشر 10 بقلم نورسين محمد
رواية حنين الفصل العاشر 10 بقلم نورسين محمد
 |
| رواية حنين الفصل العاشر 10 بقلم نورسين محمد |
رواية حنين الفصل العاشر 10 بقلم نورسين محمد
تنتهي الليله وكالعاده كل من حنين وادهم ينام بمفرده
عبد الكريم : يا فضه .. صحي ادهم .. أتأخر النهارده .. قوليلوا يآچي بعد ما يفطور
فضه : حاضر يا بوي .. تعالي معايا يا هشام نشوف خالك صحي ولا لاه
هشام : يالا ياما
تتوجه فضه لغرفة ادهم وحنين وتطرق الباب .. لا احد يجيبها ..
هشام كان بجانبها واستند علي باب الغرفه وانفتح غصب عنه حيث انه غير محكم الاغلاق
نظرت فضه لتجد ادهم مستلقي علي الكنبه وحنين علي الفراش ..تعود وتغلق الباب وتستغرب ما شاهدته
فضه تتحدث لنفسها : هما متخانقين ولا اييه ????????؟؟ بس مبينش عليهم حاچه .. هو في اييه ؟؟
تتوجه وتتصل بقسمه تليفونياً
فضه : كيفك يا خيتي .. وبتك كيفها ؟؟
قسمه : بخير الحمد لله
فضه : قوليلي .. هو أدهم حكالك حاچه ؟؟
قسمه : حاچه .. حاچه اييه دي ؟؟
تحكي فضه لقسمه ما شاهدته داخل غرفة ادهم .. بصراحه يا خيتي البت دبلانه وكانت قاطعه الزاد قبل السفر .. خايفه تكون مغصوبه علي الچواز من ادهم .. علي طول شارده وقافله عليها وحديتها قليل قوي
قسمه : والله يا خيتي ما قال حاچه
فضه : طيب منصور قالي ان عنده شغل وهيسافر الاقصر هو وادهم يومين وانا هحاول اعرف في اييه
قسمه : هستني منك تلافون تحككيلي اللي عرفتيه
فضه : حاضر .. بس جولي يارب اعرف
يستيقظ ادهم من نومه .. يستفيق و يخرج من غرفته ليقابل فضه
ادهم : اصباح الخير يا فضه
فضه : اصباح الخير والسعاده يا عريس الهناا .. ابوك مستنظرك بعد ما توفطر
ادهم : هروحله .. ويتوجه لمقابله عبد الكريم
عبد الكربم : تعال يا ولدي .. جرب
ادهم : خير يا بوي
عبد الكريم : المجابله مع الشركة الچديده ف الاقصر بعد يومين هتقدر تسافر ولا ابعت عامر مع منصور بكانك ؟؟
ادهم : لاه يا بوي .. آني هسافر وياا منصور .. همل عامر بيحضر للچواز
عبد الكريم : كيفك مع بت عمك .. طمني يا ولدي
ادهم يحني رأسه ويرد بصوت حزين : بخير يا بوي .. بس بحس بنار بتقيد چواي كل ما افتكر اللي عاملته .. ومش عاوز امي تسأل علي حاچه
عبد الكريم : متقلقش اني هتحدت وياها .. سيبها عليّ
ادهم : ماشي يا بوي
يخرج ادهم متوجهاً لعمله .. يتصل بعمه عبد الرحمن
ادهم : ألو .. كيفك يا عمي ؟؟
عبد الرحمن : بخير يا ولدي .. كيفك ؟؟ وكل اللي عنديك كيفهم ؟؟
ادهم : بخير يا عمي وبيسلموا عليك ..ومسنتظرينك علي چواز عامر وچميله بت عمي يوم الخميس بعد اللي چاي بإذن الله .. لازم تآچوا وتچيب مرت عمي معاك .. حنين اتوحشتها جاوي
عبد الرحمن : أمباركين يا ولدي .. ربنا يتمم بخير .. ان شاء الله هنآچوا
وينهي معه المكالمه .. ينتهي اليوم سريعاً ويعود ادهم للڨيلا .. يجد فضه بمفردها
ادهم : فين حنين ؟؟
فضه : والله يا خوي ما رضياش تنزل ولا بنشوفوها طول اليوم .. علي طول قافله عليها بابها وقاعده لحالها .. تكونش مزعيلها ؟؟
ادهم : لاه وهزعلها ليه .. تلاقيها بس مكسوفه ..
ويتوجه ادهم لغرفته حيث حنين التي تنفرد بنفسها .. يقف ادهم بجوار الباب يسمعها تغني
انا نسيتك علي فكرة وحياتي هعيشها من بكرة
ضحيت عمري اللي عشته معاك مسبتش حاجة للذكري
جراحي داويتها ميت مره وحبك اترمي بره ولو فيا
حاجات فاكراك خدها معاك بالمرة
مفيش آسف مفيش اعذار مفيش ولا شئ ينسيني
لا تتأثر ولا تنهار كفاية سقط من عيني
فريحني ومترجعليش عايز ترجعلي تأذيني
يدخل بعد ان تنتهي .. مساا الخير يا بت عمي
حنين تمسح دموعها : مساء الخير
ادهم : انتي هتفضلي اكده
حنين : تنتبه لكلامه .. يعني اييه .. انا مش فاهمه كلامك
ادهم : جاعده طول اليوم لحالك .. وجافله علي نفسك .. انتي اكده بتجولي لكل الناس اني زعلانه وحزينه .. انتي لازم تنزلي تجعدي وتتحركي وتآكل وسط الناس
يرتفع صوت ادهم دون ان يشعر وتقترب فضه لتسمعه دون ان تفسر كلامه ولكنها تنصرف سريعاً مبتعده عن الباب ولكنها تتأكد من كل شكوكها
حنين : بس انا مش متعوده علي كده
ادهم : معلش يا بت عمي .. اتعودي
آني هسافر بكره الصبح الأقصر يومين وراچع عندي شغل .. لو احتاچتي حاچه فضه وامي عنديكي او كلميني واني هتصرف
حنين : حاضر .. بس انت مش هترجعني القاهره علشان الكليه والامتحانات
ادهم : عمي ومرت عمي چايين جناا عشان فرح عامر وچميله وبعدها نبجاا نشوف هنعملوا اييه
حنين بإنكسار : ماشي
تنقضي الليله .. وفي صباح اليوم الجديد .. يستيقظ كل من ادهم ومنصور ويتوجهوا للأقصر حيث متابعة اعمالهم
غنيه : يا فضه نادمي بت عمك تفطور معانا
فضه : حاضر ياما
تتوجه فضه لغرفة حنين وتطرق الباب وتدخل واذا بحنين مستغرقه في نومها
فضه : حنين جومي يا حبة عيني الضهر جرب يأذن
حنين : انا نمت كتير اووي كده
فضه : ولا يهمك نامي وارتاحي براحتك بس امي مستنظراكي ومرضياش تآكل من غيرك
حنين : انا نازله علي طول
تستفيق وتبدل ملابسها وتتوجه لتناول الفطار معهم
وفي تلك الاثناء تأتي قسمه وبنتها تقي لتقضي معهم بعض الوقت
قسمه كعادتها : يا اهل الدار .. كيفكم
غنيه : تعالي يا بتي احنا هنه بنفطور
قسمه : واه .. بتفطروا الضهر
تشير لها فضه بعينها علي حنين فتصمت .. كيفك يا بت عمي
حنين : انا الحمد لله بخير
هشام : اني عاوز ارسم ياما
حنين تنتبه لكلامه وترد تقي .. وانا كمان .. تتنبه حنين لهم
فضه : اطلع انت و تقي فووق وشخبطوا براحتكم
حنين : طيب انا ممكن اطلع معاهم ؟؟ انا هعلمهم
قسمه : انتي هتعرفي ترسمي ؟؟
حنين : اه .. انا درست رسم واخدت قرصات كتير .. واول رسمه رسمتها لبابا وماما وقدمتهالهم ف عيد جوازهم
فضه : ما شاء الله عليكي يا بت عمي .. طيب اذا كان اكده .. اني هطلع بنفسي أچيب الورق والالوان ونطلعوا ف الهواا براا نرسموا براحتنا
يقضوا اليوم مستمتعين بالرسم والالوان
في مكان آخر وبالتحديد .. الاقصر
ادهم : احنا خلصنا نصف الاوراق المطلوبه منيناا .. نرچع الفندق دلوكت نرتاحوا وبكره نكمل
منصور : ماشي يا واد عمي اللي تشوفه .. اصلا مهنلحقش نخلصوا كله النهارده .. المصالح الحكوميه بتقفل بدري .. ياله بيناا
ويتوجهوا للفندق لينالوا قسطاً من الراحه وفي المساء
ادهم : آني زهجان ما تآچي نتمشوا شوي .. نتفرچ علي المحلات .. لسه بدري جوي مهنامش من دلوكت
منصور : ان چيت للصراحه .. اني كنت هجولك من بدري ننزل نشتري هديه لفضه عيد چوازنا بعد بكره ومعرفش أچيبلها اييه ؟؟
ادهم : طيب زين .. زين .. چواز الدهر يا واد عمي انشاله
ماشي مفيش مشكله .. توكلنا علي الله .. ياله بيناا
وفي اثناء سيرهم يتوقف ادهم امام محل لبيع المشغولات اليدويه من الفضه .. اييه رأيك تشتري سلسله وتكتب اسمها عليها
منصور : واه .. هشتري فضه لفضه .. لاه يا بوي اني عندي فضه واحده بس كفايه من الدنياا وهشتريها دهب
ادهم : طيب علي راحتك .. استناني شوي هنه مش هتأخر عليك هسأل علي حاچه
منصور : علي راحتك
يدخل ادهم داخل المحل
ادهم : سلاموا عليكوا يا واد عمي .. عاوز سلسله مكتوب عليها اسم باللغه الفرعونيه تعريف تعميلها ؟؟
البائع : ايوه .. اعريف بس هتستلمها بعد اسبوع
ادهم : لاه .. اسبوع اييه يا واد عمي .. آني راچع جناا بكراا بالليل .. اجولك انت تعملها واللي هتطلبه هتآخده بس بشرط تكون چاهزه بكره
البائع : خلاص ان شاء الله متفقين
ادهم يترك له عربون ويأخذ وصل الاستلام ليعود في اليوم التالي لإستلامها
في بيت عبد الرحمن يعود من الجامعه
مني : حمدلله علي سلامتك
عبد الرحمن : الله يسلمك .. ادهم بيسلم عليكي
مني : ادهم !! في حاجه ؟؟ حنين كويسه ؟؟
عبد الرحمن : متجلجيش .. هي كويسه .. هو اتصل يبلغني ان چواز عامر وچميله الخميس بعد اللي چاي .. فچهزي نفسك هنسافر نحضروا الفرح
مني : مبروك ربنا يتمم بخير .. حاضر ان شاء الله
في ڨيلا عبد المچيد
جميله : اييه يا بت عمي راچعه بدري ليه ؟؟ ما لسه بدري
قسمه : مالك .. لاويه بوزك اكده ليه ؟؟ احنا لسه العشيه
تقي : شوفي يا عامتي الرسم
جميله : حلو يا بت اخوي .. مين عالميك ؟؟
تقي : خاله حنين
جميله : اه .. العروسه الچديده ؟؟ وكيفها انشاله تكون زينه ؟؟
قسمه : زينه و ذي الفل .. ومبسوطه وفرحانه .. هو اللي يتچوز ادهم زينة شباب جناا ميبقاش زين ؟؟
تعالي يا تقي نغيروا خلجاتنا .. زمان ابوكي واصل
تقي : حاضر ياما
جميله : اوووف … ويحمر وجهها غضباً و غيظاً من كلام قسمه .. وعامر كمان زينة شباب قناا
قسمه ترد اثناء صعودها لغرفتها .. ربنا يجعلك زينه يا بت عمي
يتبع..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية صديقي المفضل للكاتبة مريم سمير