رواية عشقت تلك العنيدة الفصل الثاني عشر 12 بقلم مارينا عبود

رواية عشقت تلك العنيدة الفصل الثاني عشر 12 بقلم مارينا عبود

رواية عشقت تلك العنيدة البارت الثاني عشر

رواية عشقت تلك العنيدة الجزء الثاني عشر

رواية عشقت تلك العنيدة الحلقة الثانية عشر

ميار ببرود؛يلاه فى دا،،،هيه انت وابنك خليهولك وربيه ولا اقولك اتجوز وجبله وحده تربيه احسن بلا نيله وسابته ومشيت
ادهم بصلها بصدمه ومكانشى مصدق انى تكون ديه نفس الست إللى حبها وقلبه اتعلق بيها كان فاكر انه طول السنين ديه انه حبته واتغيرت بس مفيش فايده ادهم التفت بس اتصدم لما شاف زياد واقف ودموعه نازله
ادهم جرى عليه واخده فى حضنه
ادهم بحزن ؛أنا اسف يابنى ده كله بسبب اختيارى الغلط بس اوعدك هعوضك ومش هخليك تحتاجلها ابدا
زياد بهشقات ودموع؛هى بتكر،،هنا ليه طيب ليه جابتنى وهى مش بتحبنى ليه انا بحبها اووى هى هى مش بتحبنى هى بتكر،،هنى اكيد بتكد،،ب يا بابا قول انها بتكد،،ب وأنه اللى قالته مش حقيقى
ميار كانت نازله على السلم وماسكه شنطتها
ميار ببرود؛لا حقيقى انا مش عاوزه اشوف وشك لا انت ولا ابوك انا بكر،،هكم
ادهم بغضب جح،،يمى وز،،عيق؛مياااااار ااااااطلعى بررررررره مش عاوز اشوف وشك برره
ميار ؛منا طالعه ياخويا
ميار طلعت وادهم دموعه نزلت وهو شايف زياد منهار وبيبكى على امه
زياد طلع اوضته وقفل على نفسه وفضل يكسر كل حاجه حوليه وهو بيفتكر كلامها
ادهم طلع وراه
ادهم بحزن ؛افتح يا زياد افتح يابنى
زياد ؛لا رد
ادهم كسر الباب ودخل لقه زياد واقع ومغمى عليه
ادهم بدموع؛زياد رد عليه يابنى افتح عيونك منك لله يا ميار منك لله يا فاطمه اطلبيلى دكتور بسرعه
فاطمه بدموع ؛حاضر يا بيه
بعد وقت الدكتور جه وكشف على زياد
ادهم بقلق ؛طمنى عليه يا دكتور
الدكتور بحزن؛ازاى طفل يوصل لحاله الانهيار ديه إيه اللى يخلى طفل عمره 12 سنه يوصل للحاله الصعبه ديه للاسف هو دخل فى حاله انهيار عصبى انا كتبتله على أدويه ياريت تخلوا بالكم منه
ادهم بحزن ؛تمام يا دكتور فاطمه وصليه لبره
فاطمه؛حاضر يا ادهم باشا اتفضل يا دكتور
الدكتور خرج وادهم قعد جنب زياد ودموعه نزلت ؛انا اسف يابنى حقك عليه ديه نتيجه اختيارى وانت اللى دفعت تمنها حقك عليه بس اوعدك مش هخليك تحتاجلها ابدا وحيات كل دمعه نزلت من عيونك هخليها تدفع التمن غالى
Back
ادهم بحزن ؛زياد من وقته بقااا عصبى اووى كان يفضل طول الوقت حابس نفسه وبيفش غض،،به فى مذاكرته لحد ما بقااا مهندس بس للاسف بقاا عنده عادت الشرب من بعد ما كبر ومبقاش زياد اللى طول الوقت ضحكته مش بتفارق وشه بقاا طول الوقت حزين ومن اول مدخل الكليه مسك الشركه وكان بيشتغل ليل نهار لحد ما بقااا رجل أعمال معروف طبعنا عرفنا انه ميار اتجوزت منصور المنشاوي ومن بعدها خسر كل فلوسه وكان دايما بيز،،لها حته انه اتجوز عليها وطردها بره بيته وكان بيعاملها زى الخدامه حاولت كتيرر ترجعلى وتطلب السماح وانا رفضت اسامحها وكمان زياد رفض يسامحها وده حقه زياد عاش اللى محدش عاشه يا بنتى وعلشان كده عاوزك تعذريه لو اتعصب عليكى
وتين بدموع ؛أنا اسفه يا بابا علشان فكرتك انا اسفه واوعدك انى مش هسيب زياد مهما حصل وهرجعه زياد بتاع زمان ومش هتخله عنه
ادهم بابتسامه؛وانا واثق فيكى يا بنتى ومتاكد انه هتكونى قدها وياريت تفتحى قلبك وتطورو علاقتكم وتخلى زياد يحبك زياد لو حبك هيتغير اووى هو محتاجلك يا بنتى محتاج تعوضيه عن حنان الام اللى خسره طول السنين اللى فاتت وانا متاكد انك هتعوضيه
وتين مسحت دموعها ؛اوعدك يا بابا انى هفضل جنبه مهما حصل متخفش بعد اذنك
ادهم ؛اتفضلى
وتين طلعت اوضتها وفضلت تعيط وند،،مت انها كانت بتفكره بوالدته واكيد بسببها كان بيزعل وعلشان كده بيرجع كل يوم سكران وتين مسحت دموعها وقررت تفتح صفحه جديده معاه وتحاول ترجعه زى ما كان الطفل اللى اتحرم من ضحكته ومن امه وقررت تعوضه عن حنان امه

بقلم؛مارينا عبود 💫
🌹🌹🌹فى الشركه🌹🌹🌹
يارا؛زياد باشا تحب نلغى الاجتماع التالت باين على حضرتك التعب
زياد بتعب؛لا يا يارا الاجتماعات كلها لازم تخلص
يارا بحزن ؛حاضر يا فندم زى ما تحب بعد اذنك
زياد؛اتفضلى
زياد كان بيحاول يلهى نفسه بالشغل وكان بيطلع من اجتماع يدخل على التانى بدون راحه بس كان كل تفكيره فى وتين وكلام ادهم اللى عصبه وفكرت انه ممكن تكون لغيره كانت بتخليه يتعصب ود،،مه يتحر،،ق
زياد ؛معقوله اكون حبيتها بس الحب عذ،،اب وانا مش عاوز اعيد غلطت ابويا هو كمان حب الست ديه من قلبه وهى سأبته علشان واحد ميسواش حته انها اتخلت عن ابنها الوحيد بس فيه احساس جوايا بيقولى انه وتين غيرها انا بقيت فى صراع ما بين قلبى وعقلى ولأول مره اكون مش عارف اخد قرار
طق طق طق
زياد بتعب؛ادخل
يارا ؛الاجتماع جاهز يا فندم والناس فى انتظارك
زياد؛تمام يا يارا جاى
زياد لبس جاكيت بدلته وراح اوضه الاجتماعات
🌹🌹فى شقه حمزه نصار🌹🌹🌹🌹
حمزه قام من النوم مسك تليفونه لقه زياد مكلمه اكتر من مره
حمزه وهو يضر،،ب بيده على جبينه؛نهار اسود ديه ده كله رن ده اكيد هيطلع عينه حمزه قام لبس بدلته وطلع لقه رهف قاعده وماسكه حاجه فى ايده وبتبتسم
حمزه؛احمم
رهف بصتله بتوتر ووقفت؛انت انت واقف هناا من امته
حمزه؛لسه طالع بس انتى ايه اللى فى ايدك ده
رهف بتوتر وخوف؛ده ده البوم صورك انت واهلك لقيته هناا ف قولت اتفرج فيه شويه
حمزه ؛ومالك خايفه كده ليه
رهف ؛اصلى خوفت تضا،،يق وتز،،عقلى
حمزه بابتسامه؛ههه لا متخفيش يا ستى المهم طمنينى عليكى بقيتى احسن
رهف؛ااااه بس عاوزه امشى مينفعش افضل هناا اكتر من كده
حمزه ؛ماشى يلاه علشان اوصلك
رهف ؛تمام
حمزه اخد رهف ووصلها العماره اللى ساكنه فيها
رهف؛شكرررر اووى تعبتك معايا
حمزه ؛على ايه لو احتجتى اى حاجه كلمينى انا سجلت رقمى على موبيلك ورنيت من تليفونك عليه وسجلت رقمك لو ف اى حاجه كلمينى
رهف ؛تمام بس انا ممكن انزل الشغل بكره
حمزه ؛ماشى
رهف؛تمام بعد اذنك سلام
رهف جت تمشى حمزه مسك ايدها؛رهف
رهف بصتله
حمزه؛خلى بالك من نفسك
رهف بابتسامه؛وانت كمان سلام
حمزه بابتسامه؛سلام
رهف طلعت العماره وحمزه فضل واقف لحد ما اتأكد انها دخلت وبعدها ساق عربيته واتجه للشركه
🌹🌹🌹بعد وقت فى الشركه 🌹🌹🌹
حمزه وصل الشركه وركن عربيته وطلع مكتبه
حمزه؛يارا زياد فين
يارا بحزن؛حضرته فى مكتبه وبيجهز للاجتماع الرابع وشكله تعبان اووى
حمزه بعصبيه؛وليه اربع اجتماعات وره بعض هو اتج،،نن
يارا؛معرفش يا فندم انا حاولت أكلمه بس انت عارف زياد باشا مش بيسمع من حد
حمزه ؛الغيلى ام الاجتماع ده
يارا ؛ايوه بس
حمزه بمقاطعه؛يارا اللى بقوله يتنفذ وبخصوص زياد سيبهولى
يارا؛حاضر يا فندم
حمزه اتعصب وراح مكتب زياد زق الباب ودخل
زياد؛حمدلله على السلامه
حمزه بعصبيه؛انت اتجننت اربع اجتماعات وره بعض انت مج،،نون يابنى ليه بتعمل فى نفسك كده وباين على وشك التعب قوم يلاه روح البيت
زياد بتعب؛فاضل اجتماع
حمزه بعصبيه؛روح انا قولتلهم يلغوه
زياد بعصبيه؛ليه عملت كده
حمزه بتماسك الهدوء؛زيااااد متعصب،،نيش واتفضل روح وياريت تخلى السواق يوصلك علشان مينفعش تسوق وانت بحالتك ديه
زياد بتعب؛طيب ايه موضوع السكرتيره الجديده هااا وليه مكنتش بترد على مكالماتى
حمزه ؛بكره هحكيلك كل حاجه دلوقتى اتفضل روح وارتاح شويه
زياد كان تعبان وعلشان عارف انه حمزه عنيد مقدرش يجادل معاه وقرر يمشى اخد تليفونه ونزل وطلب من السواق يوصله الفيلا لانه كان دايخ
حمزه دخل مكتبه وقعد على الكرسى بتعب وحزن على حاله صحبه هو عارف انه زياد بيحاول يضغط على نفسه بالشغل علشان ينسه الماضى
حمزه كان قاعد بيفكر وفجاه تليفونه رن
حمزه مسك الفون ورد
حمزه بصدمه؛رررررررهف
يتبع…….

• لقراءة الفصل التالي:اضغط هنا
• لقراءة باقي حلقات الرواية اضغط على (عشقت تلك العنيدة)