رواية احبني اناني الفصل الثاني 2 بقلم هبة المعداني

رواية احبني اناني الفصل الثاني 2 بقلم هبة المعداني

رواية احبني اناني البارت الثاني

رواية احبني اناني الجزء الثاني

رواية احبني اناني الحلقة الثانية

ركان:شفتي كيف جبتك لا عندي
ارجوان:اعلاش جبتني اهنايا شن تبي مني حرام اعليك
قرب منها وأنزل ع ركابه وشدها من وجها
ركان :مش اني لي ينقالي لا
حاولت انباعد ايده من ع وجهي بس مقدرتش كانوا رابطيلي ايديا
ارجوان: بي عيون مليانه دموع…خلاص اني أسفه نبي أنروح أرجوك
ركان:امسحلها الدموع. ..لالا حبيبتي مزال عليه البكي هدا احنى قاعدين في البداية صار اني ترفضني ع واحد فقير ميجيش شي انسيت شن كان إسمه ايوه احمد صح
ارجوان:وانت شن دخلك في وكيف اعرفت لا انت اكيد انسان مريض
اعطاها كف
ركان:صار اني مريض كان منخليكش اتبوسي ايديا وتطلبي أن نستر اعليك مايبدا اسمي ركان
وبديت انعيط بي أعلى صوتي
ارجوان:منبيكش منبيكش اي انت إنسان مريض مرييييض مستحيل انحاول انحب واحد زيك
من غير شعور قرب ركان ع ارجوان وهي تعيط
ارجوان :وهيا اتقاوم فيه. لا لا بللهي اعليك
من كتر اعياطها اغمى اعليها وفقدت الوعي
في حوش ارجوان
خديجة:نحس في قلبي وجعني يا أمل
امل:بسم الله اعليك ماما شن في
خديجة:اتصلي اطمني ع اختك قلبي مش مريحني اعليها
امل:متخافيش اعليها اشويه وتروح بس باش انتي تطمني توا نكلمها
خديجة:شن ردت
امل :لا بس اكيد في المحاضرة متقدرش ترد
افتحت اعيوني وشفت المنظر لي كنت فيه انخبط وانعيط
ملقيتش حد في الاستراحه شفت المرايا لي قدامي وكان منضري مروع خبطت ع وجهي واني نبكي اعلاش اعلاش يارب اني ايصير فيا هكي
شفت ورقه جنبي افتحتها وكان مكتوب فيها
تو أخديت شن نبي منك ياحلوه وأكيد هده مش حا اتكون آخر مره اه انسيت في زرف جنبك خودي حق تعبك😘
اقعدت نبكي بي هستيريا
نضت نجري أخديت شنطي وكان الباب مفتوح طلعت ع الطريق والناس كلها كانت تشبحلي على المنظر لي كنت فيه بعد ربع ساعة وقفتلي سيارة كان فيها راجل كبير كان يشبحلي من فوق لا لوطه ركبني غصب عنه
خديجة:ياامل افتحي الباب اكيد أختك هدي
ناضت امل فتحت الباب اول ما فتحت الباب شافت منظر ارجوان كيف كان
امل:بي صوت عالي…شن صارلك وعلاش منظرك هكي
خديجة:مني ياامل
ارجوان:بي البكي.. بللهي ماتقولي لها اني
أمل:ألصغار لي في الشارع ايطقو ويهربو ياماما
امل :خشي لي الدار واني تو نلحقك
ارجوان:هزيت بي رأسي
ارجوان خشت لي دارها
وامل امشت لي امها
امل:ارجوان بعتتلي رساله وقالت لي انها نص ساعة تكمل فيها المحاضره الاخير وتروح
خديجة:تو صل بي سلامه
امل:ماما من نخش لي الدار من نستريح اشوي قبل لا نرقد
خديجة:باهي يابنيتي
كنت مقعمزه على السرير وحاطه المخده ع وجهي ونبكي لين خشت عليا امل
امل: احكلي تو خيرك
نبكي مقدرتش نحكي
أمل:احكي متخوفنيش اعليك
انهرت وقعدت نحكيلها و نبكي شن صار بي التفصيل
ارجوان:هدا لي صار معاي😭
امل :الحيوان كيف ايدر فيك هكي كيف
ارجوان:بللهي اعليك اسكتي ماما تسمعك😭
امل:اماله بي تسكتي ع روحك تعرفي كان اسكتي شن بي ايصير فيك
ارجوان:متزيدنيش ياامل 💔
عند ركان
جي محمد
محمد:ها حبي شن صار معاك عاد تو جوك حلو😂
ركان سارحا او مردش اعليه
محمد:انكلم فيك اني
ركان:من غير ما يشبحله..ها
محمد:وين سارح
ركان:انفكر كيف نجيبها لا عندي تبوس أيدي باش نستر اعليها
محمد:لي هدي الدرجه حرقاتك البنت 😂
ركان:وأكتر يامحمد توريني تو حبيب القلب شن بي ايديرلها
محمد:خلاص تو انساها
ركان: كيف ننساها وهيا نظرت اعيونها قاعدين قدامي وقعده تقاوم فيا
جي الليل
واني قعده مطلعتش من داري ولا قادره انشوف لي وجه ماما ولا بابا ع ذنب مش اني لي درته واحمد يتصل من العشيه بس معاش نقدر منردش اعليه
أرجوان:بي صوت يرجف.الو
احمد:ياحبي وينك نتصل بيك من بكري مترديش
وخيرك ماجتيش اليوم للجامعة
ارجوان:امريضه💔
احمد:سلامتك ياعمري
ارجوان:سلمك
احمد:خيرك جوك مش عاجبني شن فيك
ونفجرت بي البكي
احمد:تي احكي متخوفنيش اعليك شن صاير معاك
ارجوان:ركان يااحمد
احمد:قصدك ضايقك ثاني
وزادت تبكي
احمد:احكي النم شن دارلك ولد🔞
وبديت نحكي او هو كان ساكت او يسمع
لين كملت كلامي
أرجوان:اتكلم خيرك ساكت 💔
احمد:قوليلي انك اتبصري وهدا كله كدب
أرجوان: واللهي ما نكدب
من الصدمه ابدي ايسب وارجوان تبكي سمعت صوت امها كيف بي اتصكر
احمد:وربي لم نقتله أو غدو ماشيله
سكرت منه درت روحي رقدت
ماما خشت وجت جنبي واتشوف فيا وتتلمس في شعري اطمنت اعليا وطلعت وزادت خنقتني العبره
فات الليل ع كل واحد بي شكل
أرجوان اللي حياتها ادمرت
ولا احمد لي قلبه انكسر
ولا ركان لي ارجوان مفارقتش تفكيره
و جي الصبح
وأحمد لا الصبح مرقدش طلع الصبح اول حاجه دارها البس مشي لي ركان
وركان في المحل لأن كان متأكد أن ارجوان ح اتجي و تترجى
بس لي كان قدام أحمد مش ارجوان
وأحمد اول ما خش لي المحل
ركان اتلفتله وابتسم بي خبث
ركان:اهلا وسهلا
احمد:يعني اعرفتني اني مني
ركان:أكيد حبيب لي كانت معاي امس صح🤔
أحمد من غير شعور قرب ع ركان وكيف بي يضرب شده ركان من ايدها
ركان:لا وجريئ
احمد ايفك في ايده وركان ايزيد يستفز فيه
وصار نقاش اكبير بينهم
ركان:فوتك الدوه هدي كلها يعني اني نقدر انغيرلك احياتك كله اونقدر اندبرلك حياتك
احمد ولا كلمه منه
ركان:يعني نعطيك مبلغ اقنين تكون بيه حياتك ولا تسافر وتعيش حياتك ولا تقعد اهنئ فقير تحب وتتزوج وحده لمسها غيرك وتعيشو في فقر اكتر
أحمد:او من قالك اني كنت بنتزوجها
ركان :يعني تبي الخيار الاول
احمد سكت دقيقتين ورد اعليه
وأحمد:اشبح لي السيارة ركان…نبي نفس هدي لي البره
ركان:بي ابتسامه مستفزة..اليوم تكون عندك
احمد:ونبي المبلغ الفلوس لي قلت اعليهم
ركان: طلع من الخزنه مبلغ من الفلوس قبل مايمدهوله .. هد كله قبل ما يكون عندك نبيك ارجوان تنساها
احمد:ننسي حتى امها
ركان:بس قبل ما تنساها تتصل بيها وتنهي علاقتك بيها

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية احبني اناني)