رواية وردة في وسط الصعيد الفصل التاسع 9 بقلم الكاتبة الصغيرة

رواية وردة في وسط الصعيد الفصل التاسع 9 بقلم الكاتبة الصغيرة

رواية وردة في وسط الصعيد البارت التاسع

رواية وردة في وسط الصعيد الجزء التاسع

رواية وردة في وسط الصعيد الحلقة التاسعة

بالليل كان الكل متجمع علي السفرة لحد ما وقفهم كلام الجد
الجد : انا حابب اقولكم ان خطوبة احمد وامل هتكون بعد يومين
فرح الكل بالخبر دا وخصوصا احمد اللي مش مصدق انها اخيرا هتكون ليه
عمر : انا بستأذنك ي جدي انزل انا ووردة القاهرة بكرة
الجد : في حاجة ي ابني
عمر : لا بس احنا كنا محتاجين شوية اوراق هنجيبهم وهنرجع تاني
الجد : علي بركة الله اتوكلوا علي الله ي ابني
خلصوا اكل وكل واحد طلع اوضته وناموا كلهم تاني يوم صحيت وردة علي همس التفتت وكان عمر اللي بيبصلها بابتسامة
عمر : صباح الخير ي زوجتي العزيزة
وردة : صباح النور ي روح زوجتك بس ايه الرومانسية دي كلها
عمر : انا قولت بما اننا هنروح القاهرة دلوقتي نصحي بدري عشان ناخد اليوم من اوله
وردة : هنتفسح
عمر : اها وهنعمل كل اللي انتي عاوزاه
وردة : انا بحبك اوي ي زوجي ي حبيبي
عمر : طب قومي واللا شكلك مش عاوزة تروحي
قامت وردة من علي السرير بسرعة ووقفت وقالت : مش عاوزة ايه بس قول كلام غير دا ثانية وهكون جهزت هو لعب عيال
عمر بضحك : اهدي انا كنت بهزر يلا اجهزي علي ما احضر الحاجة اللي هناخدها معانا
وردة : بس احنا لسة بدري اوي هنروح ليه دلوقتي
عمر : اولا لاننا هنتاخر في الطريق ثانيا عشان نلحق اننا نجيب الاوراق وثالثا عشان افسحك واللا انتي مش عاوزة
وردة : هوي هلبس وآجي
اخدت وردة هدومها ودخلت جري عشان تغير اما هو فكان قاعد بيضحك عليها بعد فترة قليلة خرجت وردة وهي لابسة بنطلون وقميص
عمر : اي دا ي حلوة
وردة : اي
عمر : ايه اللي انتي لابساه دا ي وردة
وردة : عمر والنبي النهاردة بس انا سمعت كلامك ومبقتش البسهم هنا لان مينفعش بس احنا رايحين القاهرة والنبي
عمر : بس ي وردة
وردة : والنبي ي عمر عشان خاطري
عمر : خلاص موافق ي ستي يلا بقي نمشي
اخد عمر الشنط ومشي وهي مشيت وراه حط الشنط في العربية وركبوا هما الاتنين وساق عمر باتجاه وجهتهم
بعد ساعات وصلوا اخيرا لبيت وردة اللي كانت عايشة فيه مع والدتها اول ما دخلته افتكرتها وعيونها دمعت عمر اخدها في حضنه وبيهديها
عمر : متعيطيش ي حبيبتي ادعيلها بالرحمة
وردة : مش مصدقة ي عمر انها راحت خلاص اني مبقتش اشوفها انا بجد تعبانة بحاول اني افضل اضحك واهزر لانها مكنتش تتمني تشوفني زعلانة بس كل لما تيجي علي بالي غصب عني
عمر : ربنا يرحمها ي حبيبتي
وردة : انت متعرفش هي كانت بالنسبة ليا ايه كل حاجة الام والاب والصاحب مش بخبي عنها حاجة ابدا وهي كانت واقفة دايما جمبي
عمر : تعالي اقعدي شوية هنا
قعدت وردة علي كرسي جمبهم وهو ركع قدامها وهو بيمسح دموعها
عمر : فاكرة لما جيت اتقدملك في الاول كانت عاملة ازاي
ضحكت وردة لما افتكرت اللي حصل وقالت : وهو انا اقدر دي كانت خايفة عليك مني وبتحاول تخليك ترجع في قرارك
عمر : اهو من اليوم دا وانا اعتبرتها امي التانية وحبيتها جدا
وردة : وهي كانت بتحبك اوي ومكنتش تتمني في يوم الزعل لنا
عمر : عشان كدة بقولك بطلي عياط انتي ي حبيبتي لما تيجي علي بالك ادعيلها وبس العياط دا مش هيرجع حاجة انتي اللي هتتعبي وهي هتزعل العكس ادعيلها هو الدعاء اللي هيفيدها
وردة : ربنا يرحمها ويغفرلها ويدخلها فسيح جناته
قامت وردة وعمر قام هو كمان وحضنته جامد وهو فرح انه قدر يخرجها شوية من حزنها
وردة : انا مش عارفة من غير وجودك كنت هعمل ايه اوعدني ي عمر انك مستحيل تسيبني
عمر : وعد اني مستحيل ابعد عنك في يوم انا حياتي معاكي ي وردة معاكي انتي وبس يلا بقي ي وردتي ادخلي جيبي الاوراق وانا هستناكي هنا
وردة : حاضر
دخلت وردة الاوضة وخرجت وهي في ايدها ظرف فيه اوراق
عمر : جيبتي كل اللي انتي عاوزاه
وردة : ايوة
عمر : طب تعالي يلا بقي ننزل نتفسح
وردة : بس بشرط
عمر : اتشرطي براحتك
وردة : مشي هنتمشي مع بعض مش بالعربية
عمر : وانا موافق يلا بقي
مسكها عمر من ايدها ونزلوا حط الاوراق في العربية وقفلها واخد وردة من ايدها وراحوا يتمشوا
وردة : عموري
عمر : عاوزة اي ي وردتي
وردة : انا عاوزة اروح الملاهي
عمر : تاني ي وردة انتي فاكرة اخر مرة روحنا ايه اللي حصل
وردة : ايوة بس انا عاوزة اروح
عمر : خلاص متزعليش يلا نروح وامري لله
وصلوا للملاهي اللي اول ما شافتها وردة نطت من الفرحة وعمر ضحك عليها
وردة : يلا نركب بسرعة
عمر : لا اركبي انتي انا هقف هنا
وردة : بطل بقي ويلا
سحبته وردة من ايده وركبته غصب عنه وفضلوا يلعبوا لوقت طويل بعد ما ركبت وردة كل الألعاب تقريبا اخيرا تعبت
وردة : انا تعبت اوي تعالي نشتري ايسكريم
عمر : مش كفاية بقي هو اليوم هييجي علي دماغي في الاخر انا عارف
وردة : بتقول ايه
عمر : لا ابدا ي حبيبتي دا انا بقول قد ايه انا اتبسطت النهاردة
وردة : طب يلا روح جيبلي ايسكريم وانا هستناك هنا
عمر : ماشي بس متتحركيش من مكانك
وردة : وهو انا صغيرة ي عمر يلا بقي
مشي عمر وهي فضلت واقفة وصل للراجل اللي بيبيع ايسكريم واشتري لها ورجع وانصدم لما مكنتش في المكان دور عليها بس كانت اختفت ……

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية وردة في وسط الصعيد)