رواية غرام تركي الفصل التاسع عشر 19 بقلم لؤلؤة محمد
رواية غرام تركي الفصل التاسع عشر 19 بقلم لؤلؤة محمد
رواية غرام تركي الجزء التاسع عشر
رواية غرام تركي البارت التاسع عشر
رواية غرام تركي الحلقة التاسعة عشر
تاني يوم كانت الساعه 2 بعد الضهر
رسلان / تيجي يا علي نطلع نقعد في الإستراحة اللي على السطح شويه
علي / طب اسبقني على أما أعمل مكالمه وجاي
رسلان / ماشي وطلع على السطح بس أول ماوصل لأخر سلمه في السطح وكان السور مداريه سمع غرام بتتكلم في الفون
غرام / طب وهو عرف منين ………. أيوه صح أكيد ……….. تمام هاجي أنا وعلي بإذن الله ……. أيوه طبعاً معرفش أمشي من غيره ……. تمام اتفقنا في نفس المكان بقى سلام
بتلف لقت رسلان في وشها شهقت جامد بخضه وصدمه / سلامٌ قولٌ من رب رحيم انت بتطلع امتى يا جدع انت
رسلان وهو بيضيق عيونه / انتي كنتي بتكلمي مين يا غرام
غرام بغضب / جرا ايه يا جدع انت هتشتغلني والا ايه بأي صفه بتحقق معايا راحه فين وجايه منين وكنتي فين وبتكلمي مين ايه لعب العيال ده ابعد من وشي وزقته ونزلت تحت
رسلان / بقى كده طب تمام يا غرام ونزل وراها هو كمان كان والده ووالد غرام قاعدين في البوابه نزل قعد جنبهم / لو سمحت ياعمي
أحمد / اتفضل يابني
رسلان / أنا طالب ايد غرام
سيردار / طالبها تعمل بيها ايه
رسلان / يعني هكون أعمل بيها ايه يعني عاوز أتجوزها بحبها بحبها بحبهااااااااا
أحمد بغضب / ماتتلم يالا
رسلان بنفاذ صبر/ خلاص جوزهالي
أحمد / أشوف رأيها الأول
رسلان / قدامك تلات ساعات تاخد رأيها
سيردار وأحمد بصوله بصدمه
رسلان / والله أخطفها وانتوا حرين
أحمد / ماتشوف ابنك يا سيردار باينه اتهبل
سيردار / اطلع لأمك ترقيك يا حبيبي
رسلان بغضب / ترقيني ايه واتهبلت ايه قدامكم تلات ساعات لو محددتوش الفرح هخطفها وسابهم وطلع ساق عربيته وهو مش عارف يروح فين فوقف في أخر الشارع شايف بوابة البيت بس اللي يخرج ميشوفوش
شويه ولاحظ خروج غرام هي وعلي وهما بيتكلموا مع بعض وركبوا عربية علي ورسلان طلع وراهم
علي / طب وبعدين هنعمل ايه لو عرف
غرام / مفيش حاجه اسمها لو مينفعش يعرف
علي / ليه مينفعش ليه
غرام وهي بتبص على الطريق بشرود / لأني بحبه
علي / اه على فكره بابا قالي إنه طلبك للجواز
غرام بصتله بصدمه وفرحه اتحولت لحزن / مينفعش
علي بصلها باستغراب / ليه مينفعش انتي بتحبيه وهو بيحبك
غرام / سري واقف بينا يا علي
علي / طب وليه الغموض ده يا غرام الحياه الزوجيه لازم تتبنى على الصراحه الحياه اللي بتتبني على كذب زي البيت اللي من غير عمدان وصاحبه عمال يبني في أدوار ونسي إنه مهما علي البيت مسيره في يوم هيقع
غرام / وعشان كده بقولك مينفعش
علي / طب ماتعرفيه
غرام / ممكن يرفض
علي / وممكن يقبل انتي عرفيه ورأيه هو اللي يحدد هتكملوا والا لأ
غرام / انت رأيك كده لحظه لحظه ايه ده
علي / فيه ايه
غرام / دوس بنزين يا علي
علي / فيه ايه
غرام / تقريباً كده مجدي أبو العز باعتلك هديه
علي بص في المرايه لقى عربيتين لونهم اسود مفيمين ماشيين وراهم وبيحاولوا يقربوا منهم
غرام رفعت حاجبها اليمين وبصت شمال ويمين وفتحت سقف العربيه وطلعت منه ومسكت منظار وبقت تبص على الطريق وفجأه ضر’ب النا’ر اشتغل غرام نزلت في العربيه بسرعه / ادخل شمال الجاي
علي / أنا مش فاهم حاجه
غرام / العربيتين دول عاوزين يوصلونا إننا نزود السرعه وفيه عربيه نقل راكنه على اليمين اللي هندخل منه دول ناويين على مو’ت يا علي
ضر’ب الرصا’ص لسه شغال ولما علي دخل في مسار غير مسار العربيه النقل العربيات بدأت تسرع وعاوزين يقفلوا عليه الطريق
غرام كانت بتدور على حاجه في العربيه بس اتفاجئت بصوت ضر’ب النا’ر بيزيد بصت وراها واتفاجئت بعربيتين تانيين بيها’جموا عربيات مجدي وكان من ضمنهم عربية رسلان حمدت ربنا في سرها إنها ملقتش اللي كانت بتدور عليه والا كانت كل حاجه هتتدمر
عربيات مجدي هربت بسرعه من الهجو’م وعلي وقف العربيه ونزل هو وغرام اللي كانت منهاره وبتعيط ومش قادره تقف وعلي سندها غرام بصت لرسلان بعيون مليانه دموع / كنا هنمو’ت كنا هنمو’ت
رسلان / متخافيش طول ما أنا موجود متخافيش
يوسف / ايه جو العشق المفقوع ده
علي / أراني إريال
رسلان / يلا يا خفيف انت وهو لازم نروح عشان غرام منهاره
وفعلاً روحوا ودخلت غرام تنام بسبب تعب أعصابها واللي حصلها
ورسلان وعلي ويوسف قاعدين مع بعض
يوسف / احنا مش هنرد عليه والا ايه مش اللي بيبعت هديه من الواجب والزوق نردهاله
رسلان بخبث / طبعاً وهديتنا هتكون غير
يوسف وعلي انتبهوله
رسلان شوفوا هنعمل ايه (……) قالهم على الخطه اللي هينفذوها
يوسف وعلي قاموا بسرعه باسوا راسه
علي / تسلم الدماغ دي والله ألماظات ألماظااااااااات
اليوم خلص وكل واحد نايم في أوضته بيجهز لحاجه في تفكيره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)