رواية نور الفصل الثامن والعشرون 28 بقلم سماح عزت

رواية نور الفصل الثامن والعشرون 28 بقلم سماح عزت

رواية نور البارت الثامن والعشرون

رواية نور الجزء الثامن والعشرون

رواية نور الحلقة الثامنة والعشرون

حور:عمتك؟؟؟
ريم: ايوه عمتي
حور: اومال هي فين مبشوفهاش ليه
ريم: ولا انا شوفتها …بصي هحكيلك جدو وتيتا والعائله كلها صحيو في يوم وملقوش عمتو وسابت لهم جواب بتقول فيه ان هي من حقها تعيش حياتها وتتجوز اللي بتحبه وأنها مش هتبقى عبده لرغباتهم
حور: يعني هربت عشان واحد عايز يتجوزها
ريم: كان في واحد اتقدم لخطبتها بس جدو قال إنه مش مناسب ليها ولما اعترضت قالها أنها لو عملت كده هتبقى لابنته ولا يعرفها
حور: واكيد لما تجوزت وهربت مسالش عليها واعتبرها ماتت
ريم: بالظبط …. بس جدو دور عليها وبعد ما لاقاها جوزها قاله أنه موافق يجي ويقعد في بيته بس عمتو رفضت وقالت إنها هتفضل مع جوزها بس جدو أصر أنها تيجي معاه وتسيبها من جوزها ده لانه مش كويس وبيصحك عليها بس هي رفضت ومن يومها جدو قال إنه خلاص بنته الوحيده ماتت وشال كل صورها وكل حاجه تخصها في المخزن
حور: وهو ميعرفش دلوقتي بنته فين
ريم: لا بس هي كانت بعتت جواب وبتق ل فيه أنها هتسافر وتسيب البلد وجدو راح على المطار وحاول يلاقيها ملقهاش
حور في نفسها: يعني هي دي عيلة امي وكل السنين دي معرفش عنها حاجه ولا هم يعرفوا أن بنتهم ماتت
ريم: انتي سرحانه في ايه
حور: ولا حاجه بس حاسه الصورة فيها شبه مني
ريم: ايوه طبعا انتي شبه نور ونور كانت شبه عمتو اووي لأنها كانت البيست فريند لطنط امل…….. لاقيته لاقيت الالبوم اللي جدو قال عليه

عند أحمد دخل وفتح غرفة فهد لم يجده فيها وعندما دخل غرفة صفاء وجد فهد وصفاء نائمين
احمد: فهد … يا فهد قوم عايزك
صفاء: ايه يا احمد انا وفهد لسه نايمين بقالنا نص ساعه اطلع بقا وسيبه يرتاح
احمد: انا هصحيه عشان يروح ينام مكانه
صفاء: لا سيبه .. وبالنسبه للي في دماغك فهد مش هيعمل حاجه
احمد بتوتر: دماغي ايه انا مفيش حاجه في دماغي خالص
صفاء: بطل استعباط فهد عرف الحقيقة ومصدقش ابراهيم في اي حاجه فهد قال كلمتين قدامه بس كده عشان يتوه ابراهيم
احمد: طب اجهزي يا ماما بقا عشان بكره كتب كتاب ريم
فهد: ايه كتب كتاب مين
احمد بغيظ: ريييييييييم
فهد: امتى ده انا لسه اول مره اعرف
احمد: اديك عرفت وآه انت مش معذوم
صفاء: ولد ده فهد حبيب ماما يروح وانت متروحش
احمد: انا معرفش انتي بتحبيه اكتر مني ليه
صفاء: انا بحبكو انتو الاتنين زي بعض بس بميل للي بيسمع كلامي اكتر
احمد: وهو أنا مسمعتش كلامك
صفاء: روح يا فهد يا حبيبي نام وارتاح عشان ورانا كتب كتاب
فهد بزعيق: ده هيبقى كتب كتاب اسود والله لاوريهم
صفاء: ولد ايه الهبل ده
فهد وهو ماشي: والله ما هخليه يتم هي مش هتتحوز غيري لازم اخليها تندم
صفاء: هو ماله ده يا احمد
احمد: اصله بيحب ريم ومش هيسيبها تتجوز
صفاء: لو بيحبها بجد يبقى ميسبهاش
فهد وهو داخل الغرفة: يعني أنا صح
صفاء: انت رجعت.
فهد: اه كنت جاي اقولك اسف اني عليت صوتي. …. بس هو كده انا صح
صفاء: كل شئ جائز في الحب والحرب
فهد: ربنا يخليكي ليا يا ماما.
احمد: انتي بتعلميه الغلط
فهد: لا حوش انت اللي كنت بتعملني الصح
عند ريم
ريم: اهو يا جدو لاقيت الالبوم طلعلنا صورة أسد بن صاحبك ده
الجد عبدالله: حاضر يا حبيبتي
وبدأ يقلب في صفحات الالبوم إلى أن توقف عند صورة ابنته ولمعت عيناه بالدموع وحور رأته
حور: مالك يا جدو
الجد عبدالله: لا مفيش حاجه
حور: هي مين دي يا جدو
الجد عبدالله: دي بنتي
حور: وهي فين
الجد عبدالله: ماتت
حور: الله يرحمه
قام عبدالله وترك البنات وذهب لغرفته
ريم: هو جدو راح فين يا حور
حور: مشي
ريم: مشي راح فين وفين الصورة
حور: راح اوضته باين.
ريم: امم ماشي

ذهبت حور خلف جدها وخبطت على باب غرفته
حور: جدو ممكن ادخل
الجد عبدالله: …………
قلقت نور على عبدالله وفتحت وجدته جالس يحتضن صورة ابنته ويبكي
حور: جدو انا اسفه اني فكرتك بيها
الجد عبدالله:……………
حور وهي تمسح دموعه: انا اسفه
الجد عبدالله: بتتاسفي على ايه انتي ملكيش ذنب
تحت عند ريم
سعاد: هو فين جدك يا ريم
ريم: جدو فوق
سعاد: ايه مش هنتفق عشان نمضي القائمه
ريم: قايمة ايه
سعاد: انتي نسيتي أن كتب كتابك بكره
ريم: كتب كتابي
سعاد: المفروض العروسه بتخطط ليوم كتب كتابها وانتي ناسياه
ريم: اظن احنا في أوقات لا تسمح بفرح أو كتب كتاب
حور: أهدى يا حبيبي قوم معايا يلا نشوف مين بيزعق تحت دي
الجد عبدالله: ده صوت سعاد انا عارفه تعالي معايا يا حبيبتي
الجد عبدالله: بتزعقي ليه يا سعاد
سعاد: عايزين نشوف القايمه عشان عامر يمضي عليها
الجد عبدالله: وهو فين عامر مش شايفه ولا انتي جايه تشوفي القائمه غاليه ولا رخيصه
سعاد وهي تتراجع في كلامها: انا جايه اشوف القايمه أتكتبت ولا لسه يا عمي
الجد عبدالله: لا متكتبتش ولا هنكتب قايمه كده كده العريس اللي جايب الحاجه وان كنا احنا جبنا حاجه لبنتنا فهي هديه مننا مش اكتر
سعاد: كتب الكتاب بكره متاجلش صح
الجد عبدالله: لا متاجلش
سعاد: شكرا يا عمي انا ماشيه
الجد عبدالله: اقعدي اشربي حاجه
سعاد: لا انا ماشيه عشان متاخرش
بعد ما سعاد مشيت
سعاد لنفسها: مقدرتش اتجوز محمد هجوز بنته لابني هو فضل عليا امال ولما قولتله اني بحبه رفضني وقال إني بنت عمه بس عشان كده اتجوزت ابو عامر راجل كبير وما هيصدق بدأت المحله أنه عاجبني لعند لما اتجوزتي وكتب كل أملاكه باسمي وباسم ابني حبيبي عامر كلها اسبوع بالكتير يا ريم وتبقي في بيتي وهخلي ابوكي يندم وشرطي الوحيد عشان يرحمك من تحت ايدي اني اتجوزه🙂🙂
في المساء
داخل غرفة ريم دخل فهد من الشباك وظل يبحث في غرفتها الى أن وجد مبتغاه
ولكن كالعاده دخلت ريم الغرفه
ريم: انت تاني انت بتعمل ايه هنا
فهد: كنت جاي اودعك واقولك اني بتمنالك حياه سعيده
ريم: يعني اخيرا عقلت
فهد: طبعا … بس انتي معزمتنيش على كتب كتابك
ريم: لو كنت ناوي انك تتعزم مكنتش دخلت من الشباك .. لا خد بعضك وامشي
فهد وهو ذاهب ناحية الباب: حاضر
ريم: خد هنا انت جيت من الشباك تبقى تمشي من الشباك

فهد: لا انا همشي من الباب عشان عايز اسلم على جدك واقوله اني كنت بودعك
ريم: انت اتجننت انت عايز تجبلي مصيبه العيله كلهم قاعدين تحت
فهد وهو يعلي صوته: يا حضرة اللوا
ريم وهي تضغط على فمه: بس اسكت هتجبلي مصيبه
فهد وهو يشد يدها من على فمه: ولو لازم اسلم عليه الاول اصله واحشني
ريم: يخربيتك … امشي من هنا عشان خاطري
فهد: عشان خاطرك بس همشي
وذهب ناحية الباب
ريم وهي تشده: امشي مكان ما جيت والا هصوت واقول اني جيت لاقيتك هنا
فهد: وانا هقول انك مدياني معاد تقابليني هنا وانك معايا بقالك اكتر من ربع ساعة
ريم: طب امشي بقااااا
فهد: لا مش همشي الا بشرط
ريم: شرط ايه اخلص
فهد وهو يشاور على خده: عايزك تبوسيني هنا
ريم: باستك عقربه يا شيخ
فهد بصوت عالي شويه: يا جدو
ريم نطت وهي تضع يدها على فمه لانها اقصر منه بكثير أوقعت فهد ووقعت فوقه
ظل ينظر لها وبعدها قال
فهد بحنيه: متتجوزيش
ريم: ليه
فهد: عشان ….. عشان …..عشان انتي تقيله اووي وهتطلعي روح اللي هيتجوزك😂😂😂😂😂
ريم وهي تقوم من فوقه: انت قليل الادب انا تخينه
فهد: انتي عجله وبصراحه انا خايف على عامر عشان طري كده انتي عايزه راجل قوي وشديد عشان يعرف يشيلك
ريم: اطلع برررررررررررة
فهد وهو يضحك: طالع طالع😂😂😂😂😂
عند أحمد
احمد: الو
حور بحزن: امم
احمد: مالك
حور بحزن: مفيش
احمد: مالك يا حور
حور: عرفت حاجه دايقتيني
احمد: بسبب باباكي
حور ببكاء: لأ
احمد: طب احكيلي
حور ببكاء: مش هقدر سلااام
بعد نصف ساعة هاتف حور رن برقم احمد قامت حور بقفل الهاتف وبعدها بشويه سمعت صوت خربشه وحور وهي ذاهبة ناحية الشرفه ومجرد أن فتحت الباب وجدت احمد في وجهها

حور:اعاااااا
احمد وهو يضع يده على فمها: يخربيتك اسكتي هتفضحينا
حور: امممأاا
احمد: بتقولي ايه
حور: وهي تشد يده من على فمها: أممممنمم
احمد: اه أشيل ايدي بس متصوتيش
هزت حور رأسها ورفع احمد يده من على فمها
حور: انت ايه اللي جابك هنا
احمد: لاقيتك بتعيطي قولت لازم اكون جانبك
حور: انا حابه اقعد لوحدي
احمد: اه الكلام ده قبل ما نرتبط
حور: نرتبط؟؟؟ هو احنا ارتبطنا امتى
احمد: ايوه ارتبطنا هو انا مش طلبت ايدك من جدو ووافق
حور: الكلام ده كان لنور
احمد: والله كان لحور مش نور هو انا يام اهبل عشان معرفش نور اختي وصاحبتي
حور: يعني انت كنت عارف اني مش حور
احمد: طبعا .. انا من اول يوم وانا حاسس ان فيه حاجه غريبه بس كنت يقنع نفسي عشان انتي فاقده الذاكره بس لما لاقيتك رقصتي مع مراد عرفت أنك مش نور
لان نور مبتعرفش ترقص ده غير أنها عندها اصابه في ركبتها تمنعها من أنها تعرف تعمل الحركات اللي عملتيها
وعرفت وقتها أنك مش نور فاكره يوم ما سالتك وقولتلك اني لو بميل لواحده تشبه واحده قريبه مني اكيد فاكره وانتي قولتيلي امشي ورا قلبك ولما سالتني قولتلك همشي ورا قلبي الكلام ده كان عندك انتي ونور وكلامك اقنعني اني مبعملش حاجه غلط
حور: يعني الكلام ده كان عليا
احمد: ايوه هو صحيح انتي بتعرفي تعملي للحركات دي ازاي
حور: كنت برقص باليه ماما الله يرحمها كانت بتشتغل وتصرف عليا وكانت مدخلاني مدرسة برقص الباليه بس بعد ما ماتت اطلعت من المدرسة
احمد: الله يرحمها
حور ببكاء: يارب
احمد وهو يخرج من خلفه شنطه مليئه بالشوكولاته
احمد: انا عندي فكره حلوه انتي هتاخدي تاكلي في الشوكليت دي وتحكيلي كل حاجه وان عرفت أفيدك هاكل شوكولاته منك معرفتش كان بها
حور وهي تبتسم: موافقه بس بشرط كلامي ده محدش يعرفه.
احمد: موافق
حور: انا شوفت صورة في المخزن ولما سألت ريم قالتلي انها صورة عمتها وحكتلي كل حاجه
احمد: تقصدي خالتو هايدي
حور: ايوه
احمد: طب وايه اللي زعلك
حور: لأنها … هي.. تبقى امي
احمد: طنط هايدي تبقى مامتك
حور: امم
احمد: ازاي دي سافرت من زمان وانتي مامتك ماتت!!!!!!

حور: هي ماما وبابا كان بيعذبها وواتجوزها عشان يعيش في العز واذاها جامد وبدأت تقص عليه كل شئ
احمد: يعني خالتو هايدي ماتت ده جدو وكلنا فاكرينها مسافره وو يعني انتي بنت خالتي
حور: انت شوفتها
احمد: لا مفتكرهاش بس كنت بشوف صورها وهي مع ماما بس لازم جدو يعرف انك حفيدته
حور: مش هقدر يا احمد ومش هقدر اقول انها ماتت
احمد: باباكي لازم يتحاسب هو اللي قتل امك
حور: مش عايزه حد يعرف الكلام ده يا احمد
احمدوهو يغير الموضوع: بحبك يا حور
حور: انا
احمد: وقت ما تحسي انك بتحبيني اتمنى انك تقوليلي
حور: وانا كمان بحبك
احمد: قولتي ايه
حور: ايه
احمد : انتي قولتي ايه دلوقتي
حور بضحك: ايه
احمد: والله ….
حور: 😂😂😂😂😂😂😂
احمد: بحبك
حور: بحبك
احمد: يا صلاة النبي انا هروح اقول لجدو انك موافقه
حور: الفجر هياذن يا احمد تروح فين لجدو دلوقتي
احمد: خلاص هستناه للصبح
حور: امشي يا احمد دلوقتي
احمد: ماشي
حور: هستناك بكره
احمد: طب ما اخليني لعند بكره
حور: لا امشي وتعال بكره
احمد: بس لو مكنتيش تحلفي
حور: شكرا
احمد: على ايه
حور: على انك جيت عشاني وحاولت انك تبسطني
احمد: وهو أنا أقدر اسيبك زعلانه أو اقدر اسيب دمعه تنزل من عنيكي
حور: تصبح على خير
احمد: يارب أصبح على وشك في النهاردة قبل بكره
حور:😂😂😂😂😂

في الصباح
بدأت العائله بتجهيز كل شئ لكتب الكتاب
وحضر عامر وأمه وحضرت صفاء وأحمد وفهد
ريم وهي تقرب من فهد: غريبه
فهد: ايه اللي غريب
ريم: عمال تجهز وتزين في البيت وانت مش عاوزني اتجوز
فهد: كل واحده بيجهز لفرحه
ريم: فرح مين
فهد: اه نسيت اقولك مش انا هكتب كتابي النهاردة معاكوا هنا بالمره
ريم بغيره: مين دي
فهد : شي ميخصكيش
وإذا بها تدخل
ميار: فهد حبيبي انا
فهد: حبيبتي وحشتيني اووي بقالي كتير مشوفتكيش
ميار وهي تحتضن فهد وتنظر لريم: مش قولتلك تبعدي عنه
ريم: هي بتعمل ايه هنا
فهد: نسيت اقولك كتب كتابي انا وميار النهاردة
ريم: ايييييه
ميار: مالك يا حبيبتي مصدومه كده ليه انتي كنتي فاكره أن فهد هيبص لواحده زيك
فهد: ميار احنا قولنا أيه احنا مش قولنا انك متكلميش بطريقه مش كويسه
‌
ميار: سوري يا بيبي
فهد: مفيش مشكله يا روحي
ريم بغيظ: هي دي فعلا اللي تليق عليك
ميار: ميرسي
ريم: عشان تبقى ليك وللشله
ميار: شايف يا فهد
فهد: سيبك منها يا حبي
ريم: لايقين اوووووي
وسابتهم ومشيت
ميار: انا فرحانه انك اخيرا سامحتني انا كان غصب عني يا فهد انت عارف
فهد: عارف يا حبيبتي انتي كنتي بتحمي عيلتك واي حد في مكانك كان هيعمل كده
احمد: امشي اطلعي بره انتي ايه اللي جابك هنا
ميار: انا اسفه يا احمد بس صدقني كل ده كان غصب عني
احمد: فهد مش عايز يشوف وشك
فهد: ميار حكتلي كل حاجه وهي مظلومه يا احمد مش زي ما انت متوقع
احمد: انت بتتكلم جد يعني انت هترجع لها بعد كل اللي حصل بعد ما كانت السبب في أن احنا أعداء تلات سنين
ميار: أنا أطلب مني اعمل كده
احمد: يا سلام المفروض اصدقك

فهد: بعد اذنك يا احمد سيبني على راحتي
احمد: انا ماشي بس حسابي معاك لما نروح البيت يا فهد
في المساء
تجمع الكل وجاء الدكتور عمرو (ملحوظه ده صاحب اللواء عبدالله اللي عمل معاه خطة أن يقول إن نور عايشه) وهيا وايهاب واميره
المأذون : اين العريس
عامر: انا اهو
المأذون: تعالى جنبي واين وكيل العروس
الجد عبدالله: تعال يا محمد
محمد: انت وكيلها يا حج
المأذون تعال جنبي وحطوا ايديكوا في ايدين بعض وقولو ورايا
فهد: الجواز ده باطل
الجد عبدالله: انت بتقول ايه انا غلطان اني وافقت انك تدخل بيتي عجبك كده يا صفاء
صفاء: في اي يا فهد
فهد: في أن دي مراتي ومينفعش تنجوز غيري
الجد عبدالله: مراتك ازاي انت اتجننت
فهد: يا حضرة المأذون انا والعروسه بنحب بعض وهربنا وعشان نفضل مع بعض اتجوزنا عرفي
نظر الكل إلى ريم
ريم: محصلش كداب
فهد: ايه رأيك يا حضرة المأذون
المأذون استغفر الله استغفر الله لا يحل للمراه ان تتزوج اثنين
ريم: انت كداب انا اتجوزتك امتى
فهد: متخافيش منهم يا قمري انا هحميكي
ريم: انت كداب انا منجوزتكش ولا هربت معاك
فهد وهو يخرج ورقه من جيبه: اهي اهي يا حضرة المأذون الورقه وعليها امضتها وشاهد عليها ايهاب ومراد
مراد: انا
فهد: بص كده يا شيخنا
المأذون: دي امضتك يا بينتي
الجد عبدالله: وهو ينظر في الورقه ايوه هي😨😨
ريم: مستحيل يا جدو انا ممضتش على حاجه زي دي
المأذون انا ذاهب
فهد: بعد اذنك يا حضرة المأذون انا عايز اكتب رسمي على مراتي وانت لو مشيت هيقطعوا الورق وهيغصبوني أطلقها
الجد عبدالله: انت هطلقها ورجلك فوق رقبتك
المأذون : يجب أن يكتب الكتاب حتى يطلقها
اخذ الكل يعلي صوته ويتنازعون
فهد وهو يقرب من عامر: قولهم تكتب رسمي عشان أطلقها وبعد كده انت تتجوزها وساعتها هي هتشوفك البطل المخلص ليها وانك انقذتها وهتحبك وغير كده هتعرف تتحكم فيها زي ما انت عاوز لانك عارف انها كانت متجوزه عرفي بي خلي بالك عشان متزعلش انا ملمستهاش وبكده مش هيبقى في عده لانها هتكون مطلقه قبل الدخول بها وانت بعد كتب الكتاب ابقى اشخط فيا وكمان هسيبك تمد ايدك عليا متقلقش هتبقى في عيونها بطل
عامر بصوت عالي: بعد اذنك يا حضرة المأذون اكتب كتابهم وهو هيطلقها بعد الكتاب وكده كده مش هيبقى في عده لانها ملطقه قبل الدخول بها

المأذون : فلحت يا ولدي فلحت ناولني يدك ايها العريس ووكيل العروس اضع يدك في يد العريس
الجد عبدالله: مستحيل احط ايدي في ايده
عامر : يلا يا جدو لازم نخلص من المصيبه اللي بنتك عملتها
ووضع الجد يده في يد فهد وكتبوا الكتاب
عامر وهو يغمز لفهد: طلقها يلا يا فهد
فهد: مش مطلقها
عامر: انت هتطلقها ورجلك فوق رقبتك
فهد: روح العب بعيد ياض
عامر وهو. يرفع يده ليضرب فهد : هتطلقها ولا
فهد هو يمسك يد عامر: انت اللي جنيت على نفسك
وأمسك عامر وضربه ضربا مبرحا وسعاد ظلت تدعي على فهد وعلى جميع العائله
سعاد: حسبي الله ونعم الوكيل فيك حسبي الله ونعم الوكيل فيكم كلكم يا عيله غجر
(وبدأت سعاد تفقد صوابها) انتو ربنا رحمكو من تحت ايدي انا كنت هعذبها وكنت هخليها تكره اليوم اللي اتولدت فيه كنت عايزه اعلم ابوها الادب عشان رفضني زمان
الجد عبدالله: خدي ابنك وامشي من هنا يا سعاد امشي من هنا
سعاد بغل: مش هسيبكوا تبقو مبسوطين كده انا هدمرلك بنتك يا محمد
فهد: امشي انا بقا
صفاء: ايه اللي انت عملته ده يا فهد
فهد: الورقه دي مزوره انا كل الحكايه اني اخدت ورقه ريم كانت مواضيع عليها وزورا امضتها وامضت ايهاب ومراد وآه المأذون ده اصلا صاحبي هو مأذون حقيقي بس ساعدني واخر حاجه بنتكو عندكو بس طلاق مش هطلق
ريم وهي تقرب من فهد: احنا خلاص عملنا اللي احنا عاوزينه يا فهد انت مش مضطر تكدب عشان تطلعني بريئه خلاص احنا اسمنا اتكتب زوج وزوجه بحبك يا فهد انك مسبتنيش لاخر لحظه انا مش هسيبك انا رجلي على رجلك
فهد: ايه اللي انتي بتقوليه ده احنا متفقناش على حاجه ولا كنا متجوزين
ريم وهي تقبل فهد على خده: خلاص بقا الحكايه خلصت مكنتش قادرة ابعد عنك اكتر من كده
فهد وهو مصدوم: ايه اللي انتي عملتيه ده
ريم: مش انت كنت طالب اني ابوسك اهو انا بوستك اهم حاجه نفضل مع بعض
الجد عبدالله: ريم انتي اتجننتي تعالي هنا
ريم: انا همشي مع جوزي على بيته يا جدو
ريم وهي تحتضن فهد وقربت من أذنه: انا هخليك تكره اليوم اللي حاولت تضايقني فيه هخليك تشوف النجوم في عز الضهر
فهد : انا ماشي
ريم: وانا ماشيه وراك
ذهبت ريم خلف فهد
الجد عبدالله بصوت عالي: لو طلعتي من البيت ده لا انتي هتبقي حفيدتي ولا اعرفك
حور ببكاء: زي امي الله يرحمها
الجد عبدالله: امك ؟؟؟؟؟

حور: انا بنت هايدي
الجد عبدالله وهو يحتضن حور: بجد يعني انتي حفيدتي انتي بنت هايدي ومقولتليش ليه
حور: انا لسه عارفه لما شوفت صورتها في المخزن
الجد عبدالله: انا اسف انا السبب في اللي انتي عشتيه هي هايدي كمان عاشت في العذاب ده هي فين هي مش كانت سافرت
حور: ماتت
الجد عبدالله وهو يفقد توازنه: بنتي

يتبع..

لقرءاة الفصل التالي : اضغط هنا

لقراءة باقي حلقات الرواية اضغط على (رواية نور)