رواية البنت غير الشرعية الفصل الخامس والتسعون 95 بقلم ياسمين

رواية البنت غير الشرعية الفصل الخامس والتسعون 95 بقلم ياسمين

رواية البنت غير الشرعية البارت الخامس والتسعون

رواية البنت غير الشرعية الجزء الخامس والتسعون

رواية البنت غير الشرعية الحلقة الخامسة والتسعون

قالو يوسف هدرت معاها ومهيش حابة تعرفو مالا محمد شد فمك متخلينيش نندم لي قتلك دخلت عليهم حطيت السنيوة بقاو ساكتين قتلهم وقيلا قطعت عليكم اسمحولي قالي محمد لالا نورمال بصح نتي علاه موش حابة تعرفي باباك قتلو واش ندير بيه قالي هو مديري بيه والو بصح ادي حقك قتلو نتاعش قالي ورث دراهم قاطعو يوسف واش دير بدراهمو راني هنا حتى وغدوة نموت راح تورث مني خير ماي تورث منو قتلو بعيد الشر بصح واش من ورث راكم تهدرو عليه قالي محمد ورثك حقك كيما هوما يتنعمو حتى نتي عيط عليه يوسف محمد بلع قالو منسكتش كون كان علابالها نهار سمحت فيها كون بقات معززة مكرمة في دارها موش تخدم عند الناس قالو بلع انا مخليتش عليها ومديتلها دراهم هي محبتش تصرفهم قتلهم حبسو فالزوج راكم دراهم وورث ومعلاباليش واش يعني تعرفوه علابالكم شكون قالي يوسف بسمة ياك قلتي منيش حابة نعرفو

خلاص مكاش لي يحتم عليك تعرفيه شفت لمحمد قتلو شكون هو سكت شوية ممبعد شاف مع يوسف وقالي عمي جمال ضحكت قتلو راكم تتمسخرو بيا كاميرا كاشي هذي قالي لالا بسمة والله غير صح نتي بنت عمنا وأميمة وأمال وريتاج خياتك وليت نضحك بالصوت باينة فيهم راهم يزعقو عليا خرجت من عندهم وجيت في الصالون قاعدة شحال عييت نتقبلها مقدرتش نمضغها هوما باقين غير يشوفو معايا في لحظة رفدت لاكوموند وجبتها في أكواريوم تكسرت وساحت في الارض هزيت فاز جبتو فالبلازما كيفاش طول عمري محنة وفي التالي بويا عايش لالا وزيد عندو مال قارون تهسترت لي لقيتها قدامي قاع هرستها عياو يشدوني مقدروليش للزوج عييت نطير عييت نضبح خلاص تخنقت محال نبقى هنا جريت حليت الباب وخرجت لحقوني رفدني يوسف بالسيف ودخلني للبيت كسرت لاكوافوز كسرت المراية نتاع الخزانة وليت كي المجنونة غير نهرس ودمومات داييرين حالة معايا فطنت غير كي ضربني يوسف بالصفعة باه حسيت على روحي شاراني ندير بصح تمتم طحت

تغاشيت فطنت في السبيطار معلقينلي سيروم و ذراعي يوجع شفت معاه لقيتهم دايرينلي بوسمو على طول ذراعي شفت يوسف هنا قالي على سلامتك دورت وجهي عليه ونضت جيت نحي السيروم مخلانيش قالي اصبري مبقاش فيه بزاف ونروحو شوية دخل عندنا طبيب قالي على سلامتك مجاوبتوش قاع قالو هاك دوا والجرح يتنقى يوم بيوم وكيما قتلك من الافضل تشوف طبيب نفساني بغيت نندور ليه نحطلو سعدو في يدو ممبعد رجعت نعلت ابليس

خرجنا جبت طريق كاملة ساكتة عيا يهدر معايا قستو فالثقيل حتى وصلنا طلعت وخليتو وصلت عند الباب لقيتو مفتوح دخلت نلقى ذيك الدنيا مقلوبة سافلها في عاليها شافني محمد جا عندي بسمة ختي والله قتلو غير متهدرش معايا كان يوسف ورايا قالو خليها دخلني للبيت كان نقاها محمد دخلت فالفراش وغميت راسي شافني هكاك خرج سمعتو يعيط على محمد ياك قلت لر#,ك مهوش وقتها مهيش واجدة باه تعرف عجبك الحال قالو والله مظنيتها توصل لذي الحالة انا همتني راها ختي

ومنرضاش تبقى هيا تتمحن وهوما ناعمين في الرزق وحدهم قالو يوسف عاوني نخرجو هذا الزجاج ويرحمها ربي ،باقية تحت الغطا ونخمم إذا كان عمهم صح بويا ماما كيفاه وصلت ليه هي قاتلي جامي خرجت من ولايتي وإذا صح بويا وانا بنت حلال كيما قاتلي علاه مستعرفش بيا سيغ انا بنت حرام وحتى وبنت حرام وخاف على سمعتو ودارو يخي محطنيش على اسمو بصح علاه منفقنيش هلاه معيشنيش ربع واش عاشو بناتو علاه خلاني من صغري نتمحن ونتميزر وكي كنت معاهم فالدار علاه محاولش يتقرب مني يا عجبة حتى نهار لي قريب قتلني يوسف صح سلكني وداني للسبيطار بصح اول حاجة سقساهالي واش درتيلو حتى قريب باصيتيه يعني خمم على ولد خوه موش عليا لالا سيغ راهم يكذبو بصح واش مصلحتهم ياربي أنا وينتا نتهنى وينتا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)