رواية العازف والمنتقبة الفصل الثالث 3 بقلم رحمة أيمن

= تعرفي انك وحشتيني اليومين دول

* انت تاني ! 

= والله صدفه 

* امم

= ممكن اقعد طيب 

* لاء 

= تمام شكرا “يقوم بأخذ مقعد والجلوس امامها “

*……

“يقوم بوضع زراعه علي المنضده ومراقبتها ” 

* انت بصللي كده لي 

= عينك حلوه 

* انت بتعاكس بقي 

= يااه لسه وخده بالك.. اه بعاكس 

كنت هموت من الضحك علي رأكشن وشه وهو بيتكلم رغم انه عينه بس الي ظاهره بس قمر  الله يخربيتك الي انتي بتقولي ده 

=”يقوم بالالتفات حوله ثم يقوم بخلع الماسك ” واخيرا حرفيا بيخنق 

*!!

= اي حلو ، عارف من غير متقولي 

* اي يلا الثقه الزيده دي وكمان انا سكتالك من الصبح فتفضل عشان اقرا الكتاب 

= انت رزله لي انتي تعرفي كام شخص نفسي اتكلم معاه كده 

* لي يا عنيه مصطفي قمر 

= لاء يا عنيه  قمر نفسه 

* انا همشي بدل ما يجيلي جلطه 

= استني .. طب رقم تلفونك ، اسمك حتي ، يا بت 

واحد غبي حلو قمر بنور مستفز اووف بقي … بس فعلا ايه معاها حق حسه اني شوفته قبل كده امم متاكده اني عرفاه بس عينه حلوه اوي بني فاتح شعره اسود وابيض سيكا ولبس جاكت ابيض قمر .. احم نتلم بقي ول اي استغفر الله العظيم 

اليوم التالي ….

= اقلببييي 

الام : يا بن الجزمه ده كلو ده كلو متسالش علي امك

= اي الرد الحلو ده سعقتيني 

الام : ده انا هجيب الشبشب انفضه عليك 

= والله يا قلبي غصب عني وكمان وحشني شتايمك دي الي سبحان الله كلها بتشتمي نفسك بس فيها ههه

الام : بقي كده طيب كنت عملالك مومبار مش هتاكل منه 

= تعرفي انك احلي ام في الدنيا وبحبك جدا وربنا ي… 

الام : اممم متثبتني يعني 

= عارف م ههون عليكي

الام : هه وحشني رخمتك يا حيوان  … ادخل الصاله عبال ما حضرلك الاكل 

= خلصانه .. جيبي حضن بقي بسرعه 

الام : ههه احلي حضن ل ضنايه ونجم النجوم  .. عامل اي وخسيت كده لي مش قلتلك تهتم بنفسك 

= وتاخد بالك من جسمك مش له حق عليك مش حرام عليك كده وبلا بلا بلا مش كل ما تشوفيني تقولي كده .. انا تمام يا ست الكل روحي بس حطي اكل عشان وحشني اكلك “يقوم بتقبيل يدها ” 

الام : هحط الاكل وتحاسب معاك بعدها 

= بحبك يا رومانتي 

_________________

الام : خرطي باحكام 

* متعملي انتي بالحب باليز ، وحيات عيالك يا شيخه 

الام : بطلي نونه مكنوش شويه بصل 

* بحرق العين الله وانتي ام مش سالكه علفكره 

الام : في بنت دارسه دين ومثقفه تقول لامها مش سالكه 

* اه في انا 

الام : خلاص اقنعتيني 

* ههه

ترن ترن ترن ترن 

* هتلقيها المهزقه بتعتي استني هفتح 

الام : لو سمعتك هتعملك بطاطس 

ايه : كلب البحرررر 

* اي يا فتحيه مالك 

ايه : هزعلك 

* تعالي يختي مش اهلا ول نورتي خالص 

ايه : خلاص طمنتيني هجيلكو كل يوم ، عمله اي يا طنط شمه ريحه حلوه 

الام : تعالي ساعديني يلا 

ايه : لاء انتي فهمه غلط انا جايه اشوف رحمه وامشي علطول 

الام : جيل فاشل عديم المسؤلية

ايه: والاحساس والحواجب 

* هيه صح وبعدان الي مش عجبه يروح ياكل في بيت امه

ايه : لاء يا بت هوكله اندومي 

الام : عرفين لو مخرجتوش من المطبخ هخرطكو بسكينه دي 

* احنا كده في مرحله الخطر .. جيبي طبق الفاكهه ده وتعالي ورايه 

ايه : اي ده معندكوش تفاح 

* بتتامري كمان يخربيت الطفاسه ، جبتي بيبسي عشان نطفحك منه 

ايه : اه يختي بخمناشر جنيه عالله يطمر في اهلك 

الام : هااا

ايه : احم ، رحمه تعالي نختفي من هنا فورا يلا 

* نفس التفكير بردك 

في الغرفه …

* كان حلو أوي كان حلو بطريقه تخوف 

ايه : اول مره تقع كده يا رايق يبقي جزبك

* لاء مش لدرجادي 

ايه : خايفه

* اكيد خايفه ، خايفه اكون بغلط انا معرفوش كويس يمكن يكون شخص تاني مختلف عن الي في دماغي انا م عيزا اتعلق بحد وتخزل خليني زي ما انا كده 

ايه : عمرك ما بتفكري في ناس صح ابدا ، يمكن يكون فارسك الي قرفه اُمنا بيه

* هو شبه بس مش هوه يعني حسه اني منجزبه لي بس حسه انو مينفعش فهمه قصدي 

ايه : لاء مش فاهمه ومش عايزه افهم ده انتي كلتي ودان امي 

* نينينيني 

ايه : يعني هتعملي اي لو كلمك تاني 

* مش هكلمه طبعا 

ايه : بومه 

* ملكيش دعوه 

أيوة مش هكلمه مش هتعلق بحد ويمكن يكون بيسلى اي الي يعرفني انه مش كداب مثلا رحمه خليكي كده بدماغك الي مودياكي في داهيه دي ايوا خليكي سنجوله بائس عادي …قلبي  انت بتعيط ؟!

= تسلم ايدك يا ست الكل 

الام : يسلم نبض قلبك يا روحي ، ها احكيلي 

= احكيلك اي 

الام : فرحان بشكل غريب كده انهرده مش زي كل مره بتجيلي 

= فهماني علطول 

الام : قلب الام 

= اعملي كبايه شاي وتعااي هنتكلم 

“علي الكنبه “

= حلوه ،حلوه اوي 

الام : بس يا لؤي انت…

= عارف والله عارف بس انجزبت ليها انجزبت ومقدرتش امنع نفسي 

الام : حلوه لدرجادي احكيلي عنها 

= منتقبة كده وقوزعه هه و مع رهف في الجامعه متجهلاني بكل الاشكال وده جزبنيي اكتر وبتحب القرايه وعنيها عسلي فاتح كده 

الام : ثانيه منتقبه!

= امم

الام : انت عارف انت بتقول اي 

= يا ماما افهميني انا…

الام : ده احلي خبر سمعته منك لولولوي 

 = ههه خضتيني 

الام : ول تقولي اميره ول غيرها كنت بحسابك هتقول مغنيه تاني وتفصلني بس تمام كده انا رضيت عنك 

= افصلك ؟ انتي متاكده انك امي 

الام : هيه عرفه انت مين

= لاء حتي كشفت وشي ليها ومقدرتش تمييزني بردو 

الام : امم هيكون طريق صعب .. بس انا بدعمك 

= بجد 

الام : المشكله … باباك يا لؤي اكرم عمره ما هيوافق ابدا هو بحب اميره وشيفكو ليقين اوي وعامل علاقه مع باباها في الشركه ومستحيل يوافق علي بنت تانيه غيرها وكمان هيه بتحبك 

= عارف كل ده والله عارف ، بس بدال انتي جمبي انا م هخاف من حاجه وكمان هيه اه بتحبني وانا والله مقدر كده بس انا مبحبهاش يا ناس اعمل اي 

الام : معرفش اي الي هيحصل معاك في المستقبل بس لازم تكون فرحان عشاني ، عشان امك

= يا قلبي انتي ربنا يخليكي ليا واي حاجه تحصل هكلمك اقلك علطول ليا غيرك انا 

الام : ثبتني يابن اكرم ثبتني 

الاب : ماله ابن اكرم يختي نجم قد الدنيا اهو 

= ههه وحشني يا عم الناس 

الاب : وانت اكتر يا نجم مصر ، تعالي نلعب طولا فوق 

= تمام موافق يلا 

الام : تيجي تاخده كده وتمشي ومبلحقش اقعد معاه 

الاب : مش كفايه قاعد معاكي من الصبح وهو مشغول 

الام : انا ول الشغل يا لؤي 

= عيب يا امي الكلام ده الشغل طبعااا

الاب : ههه

الام : اقف في صف ابوك اقف 

= منقدرش علي زعل القمر ، بلاش تديقها يا حج

الاب : والله يبني لسه بتنكد عليه لدلوقتي بعد العمر ده كلو وعزرها 

الام : طبعا هرمونات بعد 12 لسه موجوده اعملك اي 

” يقومون بضحك جميعا “

ايام ، ايام بحس بيها اني جمبك ومعاك ديما بسالك عليك ، بحب نظره عنيك بشوفك من بعيد بحس قلبي بالامان تضحك عنيه من الجمال بقول بحبك وبستنا منك جوااابب ،ايااام بلقي نفسي بيك بطمن بين ايديك …

* ممكن تبطلي تسمعي اغاني عندي صدعتيني 

ايه : انتي هبله ده اجمل صوت ممكن تسمعيه في حياتك 

*”حسه اني سمعاه قبل كده ، رغم كرهي للأغاني بس لمسني” هو مين الي بغني 

ايه : احيه ، انتي متعرفيش لؤي اكرم ده من الاجيال القمر الي طالعه جديده بس عليه صوت واغاني تحفه 

* مش مهم اعرف 

ايه : كل الي غيظني انو شهاب القمر اتصور معاه قبل كده ونزله صوره وجابت 30k في يومين انتي متخيل يا مان 

* امم ممكن توريني صورته كده 

ايه : شوفي يختي حتت عسل 

*!!!!!!

ايه : اي يا بت مدهوشه كده لي 

* ايه ، ده الود الي بحكيلك عنه 

ايه : نعم بختي ؟!

يتبع ….